Morgunblaðið - 10.03.1978, Blaðsíða 5

MORGUNBLAÐIÐ, FÖSTUDAGUR 10. MARZ 1978
5
Úr „Tunglinu og tíeyringnum“ sem sýnd verður í kvöld, en
sú mynd fær þrjár og hálfa stjörnu í kvikmyndahandbókinni
okkar.
„Tunglið og
tíeyringurinn”
Nína í Hollywood. — Á myndinni er hún að móta mynd af
leikkonunni Hedy Lamarr, sem situr fyrir (t.h.)
Guðalikneskið sem Nína gerði „Framfarahugur“ eftir Nínu
fyrir myndina. Sæmundsdóttur.
í kvöld klukkan 22.00 verður sýnd í sjónvarpinu kvikmyndin
„Tunglið og tíeyringurinn" byggð á skáldsögu eftir Somerset
Maugham. Mynd þessi var gerð í Hollywood árið 1942. Með
aðalhlutverk fara Georges Sanders og Herbert Marshall, sem
leikur Maugham.
Talið er að sagan byggist á ævi listmálarans fræga Gauguin, en
hann eyddi síðustu ævidögum sínum á eyjunni Dominique í litlu
þorpi sem heitir Hiva-Hova. Þar byggði hann sér vinnustofu og
fyrir utan dyrnar stóð stórt og mikið guðalíkneski úr leir og herma
sagnir að Gauguin hafi lagt það í vana sinn að krjúpa daglega
f.vrir framan líkneskið og ákalla sólguðinn. Gauguin lézt á eyjunni
Dominique árið 1903.
Þegar kvikmyndin var gerð efndi kvikmyndafélagið til
samkeppni meðal listamanna um gerð á líkneski, sem hægt væri
að nota við töku myndarinnar. Líkneski þetta átti að tákna þann
sólguð sem Gauguin tilbað. Hlutskörpust í þessari keppni varð ung,
íslenzk listakona, Nína Sæmundsdóttir, sem þá var nýflutt til
Hollywood og átti eftir að skapa sér þar frægð sem myndhöggvari.
Nína sagði frá því síðar í vinahópi í Hollywood, að þessi sigur
hennar í samkeppninni hefði verið einkar kærkominn þvi svo illa
hefði staðið á fyrir henni fjárhagslega, að daginn áður en
skilafrestur rann út hefði hún lokið við líkneskið og orðið að fara
með það fótgangandi í kvikmyndaverið og hefði það tekið allan
daginn. Mörgum árum síðar, þegar Nína var orðin þekkt listakona
í Hollywood, var henni boðið í hádegisverð af yfirmönnum
kvikmyndaversins og þar var henni afhent styttan af sólguðinum
og sagði formaður kvikmyndaversins er hann afhenti Nínu hana,
að sá listamaður, sem legði jafn mikið á sig og hún hefði gert við
að koma styttunni á framfæri, ætti einn skilið að eiga hana.
Styttan hafnaði síðar á íslandi, en Nína gaf hana ungum
Islendingi, sem var við nám í Hollywood á þessum árum.
Þeir mörgu Islendingar sem leið sína leggja til New York þekkja
eflaust hið fræga hótel Waldorf Astoria, en yfir aðalinngangi þess
gnæfir stytta eftir Nínu, sem hún nefndi „Spirit of achievement"
eða „Framfarahugur". - Ói.k.m.
Kvöldvaka Nor-
ræna félagsins
í Hafnarfirði
NORRÆNA félagið í Hafnarfirði
efnir til kvöldvöku í Iðnaðar-
mannahúsinu við Linnetsstíg
sunnudag 12. marz kl. 20:30. Er
hún haldin í tilefni af því að á
næsta vori eru liðin 20 ár frá
stofnun félagsins.
Á kvöldvökunni er meðal efnis
söngur Sigurðar Björnssonar og
Sieglinde Kahmann óperusöngv-
ara, Anna Guðmundsdóttir leik-
kona les upp og kaffiveitingar
verða að loknum dagskráratrið-
um.
Sieglinde Kahmann og Sigurður Björnsson syngja á kvöldvöku
Norræna félagsins í Hafnarfirði annað kvöld.
Nýjar glæsilegar
vörur við allra hæfi
teknar wpp % dag
4/^ TlZKUVERZLUN UNGA FÓLKSINS
WKARNABÆR
Laugaveg 20. Laugaveg 66 Austurstræti 22 Glæsibæ Simi 28155