Morgunblaðið - 17.03.1978, Blaðsíða 17

MORGUNBLAÐIÐ, FÖSTUDAGUR 17. MARZ 1978
17
Indira viðbúin
fangelsisvist
Nýju-Delhi 16. marz. AP.
INDIRA Gandhi fyrrverandi for-
sætisráðherra sagði í dag að
núverandi stjórn Indiands væri
staðráðin í að varpa henni í
fanselsi og gera út af við hana í
eitt skipti fyrir öll. Hún gaf í
skyn að götuóeirðir gætu siglt í
kjölfarið.
Hún minnti á ókyrrð sem greip
um sig þegar hún var höfð eina
nótt í fangelsi vegna ásakana um
spillingu í október. Hún sagðii Ég
vildi að þeir hefðu haft mig í
haldi í eina viku og þá hefðu þeir
séð hvað hefði gerzt.
“ Frú Gandhi sagði um væntan-
lega skýrslu stjórnarnefndar sem
hefur sakað fyrrverandi stjórn
hennar um valdníðslu að skýrslan
og nefndin skiptu engu máli því að
stjórnin væri staðráðin í að taka
hana fasta hvað sem það kostaði.
Hún endurtók ásakanir um að
stjórn Moraji Desai forsætisráð-
herra hefði staðið sig frámunalega
illa i öllum mikilvægum málum og
staðið að ofsóknum og pyntingum
stuðningsmanna hennar í Kon-
gressflokknum.
Frú Gandhi hélt því fram, að
Desai virtist vera að hverfa frá
hlutleysisstefnu og gaf í skyn að
yfirlýsingar frá Jimmy Carter
Bandaríkjaforseta gæfu það til
I
Veður
cíða um heim
Amsterdam 7 skýjaö
Apena 18 heiðríkja
Brtissel 7 skýjaó
Chicago 2 skýjaö
Frankfurt 8 skýjað
Genf 10 skýjað
Helsinki -2 snjókoma
Joh.borg 24 sólskín
Kaupm.h. • 7 rigning
Lissabon 17 sólskin
London 12 slydda
Los Angeles 21 heiðríkja
Madrid 16 heiðrikja
Malaga 18 léttskýjað
Miamí 27 skýjað
Moskva 3 skýjað
New York 9 skýjað
Ósló --4 snjókoma
París 13 skýjaö
Palma 16 léttskýjað
Róm 14 heiðríkja
Stokkhólm. 3 skýjað
Tel Aviv 19 heiðríkja
Tókíó 11 sólskin
Vancouver 10 skýjað
Vínarborg 12 skýjað
kynna. Hún lagði áherzlu á að
Rússar væru vinveittir Indverjum
og kvað þá aldrei hafa beitt
Indverja þrýstingi. Hins vegar
kvað hún Bandaríkjamenn telja að
hlutleysisstefna jafngilti óvináttu.
Rostropovich:
Neitar
ásökun
París. 16. marz. AP.
SELLÓLEIKARINN Mstislav
Rostropovich fordæmdi í dag
þá ráðstöfun Sovétstjórnarinn-
ar að svipta hann og konu
hans sovézkum ríkisborgara-
rétti og kvað hana ómannúð-
lega og ólöglega.
Hann neitaði því líka í
yfirlýsingu, að hann og kona
hans, sópransöngkonan Galina
Vishnevskaya, hefðu tekið þátt
í óþjóðlegri starfsemi. Hann
sagði að ekkert raunverulegt
samband væri á milli ásakan-
anna á hendur þeim hjónum og
hinna raunverulegu ástæðna
sem lægju á bak við ákvörðun-
ina.
I yfirlýsingu Rostropovichs
sagði að í raun og veru væri hér
um að ræða hefndarráðstöfun
vegna samstöðu sem hann og
kona hans hefðu sýnt með fólki
sem hefði sætt ofsóknum.
Hann sagði að á þessum
erfiða tíma færi hann og kona
hans þess á leit við vini sína,
tónlistarunnendur og allt vel-
viljað fólk, að það segði skoðun
sína á þeirri ómannúðlegu og
ólöglegu ráðstöfun að svipta
þau rétti sínum til að lifa og
deyja í föðurlandi sínu. „Við
tókum og tökum ekki þátt í
stjórnmálum, hvorki heima né
erlendis. Við fórnum öllum
kröftum okkar fyrir tónlistina
svo að fegurð hennar megi ylja
heiminum," segir í yfirlýsing-
unni.
Talsmaður Rostropovichs
sagði að hann og kona hans
hefðu farið frá París í dag og
mundu ekkert frekar láta frá
sér fara að svo stöddu. Ekki var
látið uppi hvert þau hefðu
farið.
ERLENT
Þetta gerðist
Föstudagurinn, 17. marz.
197fi Gerald Ford Bandartkja-
forseti skýrir reiðum bandarísk-
um Gyðingum frá því, að hann
adli að halda fast við þær
áætlanír sínar að selja Egyptum
herflutningavélar.
1973 Ofursti í flughcr
KamlKxlíu stelur flugvél og
gerir árás á forsetahftllina í
Phnotu Penh. Ix»n Nol forseti
sleppur óskaddaður, en að
minnsta kosti 20 manns látast.
1971 Golda Meir forsíetisráð-
herra ísraels lýsir yfir að þjóð
hennar failist ekki á áíetlanir
Bandaríkjánna um landamtera-
óryggi í Miðáuslurlöndum.
195fi Bandarískur kafbátur
finnui vetnissprengju sem af
slysni féll í Miðjarðarhaf undan
Spánarströndum.
1918 Bretland, Frakkland,
Belgia, Holland og Lúxemborg
undirrita 50 ára sáttmála í
Brússel um samstarf gegn
hernaðarinnrás í Evrópu og
samvinnu á sviði efnahagsmála,
félags- og hernaðarmála.
Lfbanir og Palestínumenn sem búa í Sabra sjást hér bera á brott borgara sem féll í loftárás
ísraelsmanna á bæinn á miðvikudaginn. simamynd ap
Eþíópía býður
friðarviðræður
Nairobi. 16. marz. AP — Reuter
EÞÍÓPÍUMENN sögðust í dag í
fyrsta sinn reiðubúnir til að
semja um varanlegan frið við
Sómalíumenn. Skilyrði slíkra
viðra'ðna eru þó þau að Sómalir
láti fyrst af öllu landatilkalli í
Eþi'ópíu. Kenýa og Djibouti.
Castro forseti Kúbu hrósaði í
útvarpi kúbönskum hcrmönnum
að ekki varð meira manntjón á
vígstöðvunum í Ogaden. Jafn-
framt var tilkynnt í Washington
Enn fellur
dollarinn
Tokýó. Frankíurt. London.
16. marz. AP — Reuter.
Bandaríkjadalur fór halloka á
gjaldeyrismörkuðum í dag. Ilrak-
aði dalnum gagnvart japanska
yeninu, þýzka markinp og sviss-
neska frankanum. Hrap hans
gagnvart yenintí var meira en
fyrr og hefur dalurinn ekki fyrr
verið falur fyrir jafn fá yen og í
dag.
Talið er að ránið á ítalska
stjórnmálamanninum Aldo Moro
og átökin fyrir botni Miðjarðar-
hafsins valdi síðustu áföllum
dollarans, sem lækkar nú fjórða
daginn í röð.
Japansbanki og Seðlabanki
Vestúr-Þýzkalands keyptu mikið
af Bandaríkjadölum í dag, en allt
kom fyrir ekki.
í dag að ríkisstjórn Bandaríkj-
anna ráðfærði sig nú við þing
landsins um sölu á vopnum til
Sómalíu.
Talsmaður stjórnarinnar í Eþíópíu
sagði í dag að Sómalir yrðu að lýsa
yfir að þeir virtu stofnskrá
Sameinuðu þjóðanna og Einingar-
samtaka Afríkjuríkja, áður en
Eþíópíumenn hæfu friðarviðræður
við þá. „Ef Sómalir verða við
þessum tilmælum og biðja afsök-
unar á mistökum sínum síðustu
mánuðina, er Eþíópía reiðubúin að
hefja viðræður um varanlegan frið
milli landanna", sagði fram-
kvæmdastjórinn.
Fídel Castro sagði í útvarps-
ávarpi á miðvikudag að herir
Sómaliu hefðu verið gjörsigraðir
og að Eþíópíumenn hefðu gefið
loforð um að virða landamæri
Sómalíu. Castro lét einnig í ljós
vonir um að varanlegur friður
héldist milli grannríkjanna. Hann
sagði það Sómalíumönnum að
kenna að til vopnaðra átaka kom.
Forsetinn nefndi ekki í ávarpi sínu
mannfall í Ogaden né hversu
mikinn herstyrk hann hefði sent
þangað.
Talsmaður Bandaríkjastjórnar
sagði í dag að verið væri að kanna
hvað stjórnin gæti afhent Sómal-
íumönnum af vopnum og öðrum
birgðum. Hann sagði ekki ljóst
hversu miklar vopnabirgðir yrðu
sendar til Sómalíu.
Eþíópíuútvarp skýrði frá í dag
að Sómalir hefðu fellt 64 eigin
hermenn er þeir yfirgáfu borgina
Jijiga fyrir 11 dögum. Ekki hefur
þessi frétt verið staðfest, en
útvarpið skýrði einnig frá að
Sómalir hefðu eytt flestu sem
hægt var að eyða í borginni áður
en þeir flýðu heri Eþíópíu.
Samþykkja
námumenn
nýju drögin?
Washington. 16. marz. AP.
SAMNINGANEFND námuverka-
manna í Bandaríkjunum lýsti á
miðvikudagskvöld yfir stuðningi
við nýframkomin drög að samn-
ingi og sendi hann á vinnustaði,
þar sem nú kemur til kasta
verkfallsmanna að skera úr um,
hvort þeir vilja ganga að honum
eða ekki.
Mjög naumt var á mununum í
atkvæðagreiðslu samninganefndar
um samninginn en viðkomandi
aðilar telja að það þurfi þóekki að
þýða að hann verði felldur í
allsherjaratkvæðagreiðslu. Tals-
verðar tilslakanir af hálfu at-
vinnurekenda var að finna í
drögum þessum. einkum með tilliti
til sjúkrabóta og skyndiverkfalla,
sem þeir áður höfðu tekið hart á.
1921 Pólska þingið stofnsett.
1891 Símasamband kemst á
milli Lundúna og Parísar.
1813 Friðrik Vilhjálmur þriðji
af I’rússlandi iýsir stríði á
hendur Frökkum.
1619 Enska þingið leggur lá-
varðadeildina niður.
1526 Karl fimmti, heilagur
keisari Rómverja, giftist Isa-
bellu af Portúgal.
Spakma li dagsins» Það er ekk-
ert slænit við Irland nema að
það er írskt og það er ekkert
slæmt við England nema að það
er ekki írskt. George Bernard
Shaw, irskur rithöfundur
(ISöti— lítöb).
Sovézku geim-
fararnir lentir
Moskvu. 16. marz. AP — Rcutcr.
SOVÉZKU geimfararnir Yuri
Romanenko og Georgy Grenchko
sem dvalið hafa lengur en nokkr-
ir aðrir úti í geimnum. lenti fari
sínu í Kazakhstan 1' dag klukkan
11.19 að íslenzkum tíma. Lend-
ingin gekk að óskum og eru
geimfararnir sagðir við góða
heilsu.
Þeir Romanenko og Grechkov
hófu geimför sína í byrjun desem-
ber. Þann 11. desemher tengdu
þeir far sitt Salyut-6 og dvöldu því
í meira en 96 sólarhringa um borð
í geimstöðinni áður en þeir sneru
til jarðar.
í dvöl sinni um borð í Salyut-6
fengu geimfararnir þrjár heim-
sóknir, tvær mannaðar og eina
ómannaða. Þann fjórða marz
höfðu þeir dvalið lengur en nokkr-
ir aðrir í geimnum, en fyrra metið
áttu bandarískir géimfarar, 84
daga.
Þegar eru fyrirhugaðar heim
sóknir í Salyut-6 á þessu ár
Verða þá geimfarar af a-evrópsk
þjóðerni í áhöfn með sovézkur
geimförunr. Salyut-6 verðu
endurskírður Intercosmos af þess
tilefni.