Morgunblaðið - 19.03.1978, Blaðsíða 28
V -fcS
28
MORGUNBLAÐIÐ, SUNNUDAGUR 19. MARZ 1978
Sumir versla dýrt —
aðrir versla hjá okkur.
Okkar verð eru ekki tilboð
heldur árangur af
hagstæðum innkaupum
Lambakjöt:
Úrbeinaðir hryggir
fylltir / ófylltir.
Urbeinuð læri
fyllt / ófyllt.
Urbeinaðir frampartar,
fyltir / ófylltir.
Lambabuff.
Londonlamb.
Léttreyktir hryggir.
Nýreykt:
Hangilæri.
Úrbeinað hangilæri.
Hangiframpartar.
Úrbeinaðir
hangiframpartar.
Nýsviðin svið.
Hreinsuð svið.
Kjúklingar:
Holdakjúklingar.
Kjötkjúklingar.
Grillkjúklingar.
Kjúklingalærí.
Kjúklingabringur.
Rjúpur hamflettar.
Rjúpur óhamflettar.
IMýtt
svínakjöt:
Hryggir.
Kótelettur.
Læri.
Bógar — úrbeinað
og með beíni.
Reykt
svínakjöt:
Hamborgarhryggir.
Hnakkar.
Læri.
Bógar.
Bayonnesskinka
— úrbeinaö og með
beini.
STARMÝRI 2 AUSTURSTRÆTI 17
Vöðvar.
Buff.
Gúllas.
Hakk.
Karbonaði.
Nýreykt folaldakjöt.
Saltað folaldakjöt.
Opið laugardaginn
fyrir páska
frá kl. 9—12.
Innanlærisvöðvar.
Mörbráð
Fillet.
Allt í
páskamatinn
Konráð Þorsteinsson
kaupmaður - Minning
F. 31. ájfúst 1919
D. 10. mars 1978
Konráð Þorsteinsson fæddist á
Eyjólfsstöðum í Vatnsdal,
rausnarlegu myndarheimili í einni
fegurstu sveit landsins. Foreldrar
hans voru hjónin Margrét Ó.
Jónasdóttir og Þorsteinn Konráðs-
son. Bæði komin af traustum
bændaættum. Margrét var rómuð
fyrir hlýju, góðvild og vinfesti.
Heimilið var henni allt, hún gerði
það hlýtt og bjart og þar ríkti
regla og eining. Sjálf var hún eins
og sólargeisli. Þorsteinn var að
þessu leyti líkur konu sinni, en
hann átti fleiri áhugamál en
búskap. Hann var fræðimaður og
safnari að upplagi, sem skildi að
engin þjóð má slíta rætur þær sem
tengja hann fortíðinni. Hann unni
mjög tónlist og var organleikari í
sóknarkirkju sinni í 40 ár. Hann
var þjóðhaga smiður eins og
margir í ætt hans, greindur, ritfær
og vel orðhagur. Úr þessum
jarðvegi var Konráð sprottinn og
upp alinn. Hann erfði mikið af
eiginleikum foreldra sinna, var
greindur, trygglyndur, söngvinn,
hnyttinn í tilsvörum og hrókur alls
fagnaðar í vinahópi.
Foreldrar Konráðs fluttust til
Reykjavíkur árið 1938. Konráð fór
þá í Verzlunarskóla Islands og
útskrifaðist þaðan með góðri
einkunn. Á skólaárum sínum gekk
hann í Farfuglafélag íslands. Þar
var hann dáður fyrir lipurð,
hjálpsemi og skemmtilegt viðmót.
Einn félagi hans þar sagðist aldrei
gleyma Konráði, hve skemmtileg-
ur hann var þegar hann var með
gítarinn sinn og spilaði og söng.
Stundum gerði hann jafnvel bragi
um félaga sína. Þá voru kvöldin
fljót að liða í fjallaskála við
kertalog.
Að Verzlunarskólanum loknum
fór Konráð til Parísar og stundaði
þar frönskunám um skeið. Hann
var mikill ferðamaður. Þrá hans
var að kynnast sem flestu og nema
sem flest. Tungumál voru hans
uppáhalds námsgrein og sótti
hann mörg námskeið í þeim. Hann
vildi ekki aðeins skoða löndin, sem
hann ferðaðist um, heldur líka
komast í samband við fólkið.
Meðal annars komst hann vel
niður í spánskri tungu, en til
Spánar fór hann oft á síðari árum
sér til hvíldar.
Fram til 1965 vann Konráð við
skrifstofustörf, en það ár keypti
hann matvöruverzlunina Hlíða-
kjör ásamt undirrituðum. Árið
1950 kvæntist hann Steinunni
Vilhjálmsdóttur og tveimur árum
siðar hófust þau handa um að
byggja sér einbýlishús á fallegum
stað í Smáíbúðahverfinu. Þar vann
Konráð allar sínar frístundir við
að koma húsinu upp, enda var vilji
hans og orka stærsti fjársjóðurinn
til framkvæmdanna. Einnig naut
hann mikillar aðstoðar tengdaföð-
ur síns, sem var húsasmiður. Á
öllum frágangi hússins úti og inni,
sem og lóðarinnar, gat kunnungur
séð áhrifin frá bernskuheimili
hans í snyrtimennsku og góðum
smekk. Þau hjón eignuðust 4 börn,
einn son og þrjár dætur. Sonurinn
var elztur og bar nafn föðurafa
síns, en hann misstu þau 8 ára
gamlan. Hann var greindur og
fallegur drengur, óvenju rólegur
og yfirvegaður í fasi. Ég hygg, að
í djúpbláu augunum hans hafi
Konráð séð drauma sína rætast. Á
skrifborði Konráðs stóð jafnan
aðeins ein mynd. Hún var af
drengnum hans og á haná mátti
aldrei rykkorn falla. Dæturnar
eru: Marta, 24 ára, nýútskrifuð
sem líffræðingur, Sigrún, 21 árs,
trúlofuð Olafi syni Guðmundar
Guðmundssonar í Víði, og eiga þau
3ja ára son, Þorstein Konráð, sem
var augnayndi afa síns. Þriðja
dóttirin er Steinunn Ósk, 14 ára.
Konráð og Steinunn slitu sam-
vistum árið 1964. Heimilið var
leyst upp og húsið selt. Það voru
Konáði þung spor. Árið eftir
keyptum við verzlunina Hlíðakjör.
Konráð sá um allan rekstur
hennar og gerði það með prýði.
Hann ávann sér traust viðskipta-
vina sinna með sanngirni, lipurð
og vöruvöndun. Um svipað leyti
keypti hann sér einstaklingsíbúð á
Austurbrún 2, sem hann gerði
vistlega og hlýlega og þar bjó hann
til hinztu stundar.
Fyrir nokkrum árum fékk Kon-
ráð aðkenningu af kransæðastíflu
og náði sér aldrei til fulls eftir það.
í mótlæti lífsins, sem fæstir
komast hjá, nautihann uppörvunar
systkina sinna, vina og síðar
dætranna og átti hjá þeim athvarf.
Á engan er hallað þótt nefndar séu
í þessu sambandi sérstaklega þær
systur hans Unnur og Hulda.
Sumarið -1976 treysti Konráð sér
ekki lengur til þess að veita
verzluninni forstöðu. Seldum við
þá hana. En ekki undi hann lengi
aðgerðarle.vsinu og réð sig í starf
þegar hann fann þrek sitt vaxa. í
því starfi var hann er hann féll um
miðjan dag.
Konráð verður jarðsunginn frá
Dómkirkjunni á morgun.
Ég votta dætrum hans, systkin-
um og vinum mína dýpstu samúð.
Eftir eigum við öll minningu um
góðan dreng.
Guðlaugur Guðmundsson.
Bygginganefnd
vegna Grensás-
sundlaugarinnar
BORGARRÁÐ Reykjavíkur hefur
samþykkt að sett verði bygginga-
nefnd vegna gerðar sundlaugar við
Grensásdeildina, og skulu eiga
sæti í nefndinni borgarverkfræð-
ingur eða fulltrúi hans, yfirlæknir
Grensásdeildar og þrír fulltrúar
tilnefndir af heilbrigðismálaráöi.
Kínverjar
sprengja
Tokýo. 17. marz. AI\
KÍNVERJAR tilkynntu í dag. að
tilraun þeirra með kjarnorku-
vopn. sem gerð var á miðvikudag.
hefði heppna/.t vel.
Þá sagði í tilkynningunni, „að
allir þeir sem vinna að rannsókn-
um og framleiðslu á kjarnorku-
vopnum vildu leggja sitt af mörk-
um til að endurbæta varnarkerfi
Kína og gera það nútímalegra“. í
tilkynningunni yar ekki minnzt á
frekari kjarnorkutilraunir, og
heldur ekki sagt hvar hin nýaf-
staðna tilraun hefði verið gerð.
Bandaríkjamenn tilkynntu á
miðvikudag, að Kínverjar hefðu
sprengt kjarnorkusprengju í gufu-
hvolfinu yfir norðvesturhluta
landsins. Sprengjan, sem talin er
hafa verið um 20 kílótonn, var hin
23. sem Kínverjar hafa sprengt.