Morgunblaðið - 23.03.1978, Blaðsíða 29
MORGUNBLAÐIÐ, FIMMTUDAGUR 23. MARZ 1978
61
Hafnarfirði, tveir synir í Þor-
lákshöfn, tveir eru bændur í
Arnarfirði, í Bakkadal, næsta
dal utan við Hvestudal, og
þannig mætti telja áfram. En
eru þá ekki barnabörnin orðin
þó nokkuð mörg?
Jú, það kom á daginn að þau
eru ekki færri en börnin, jafnvel
heldur fleiri sögðust þau halda
og ekki var farið lengra út í þá
sálma. En nú var búið að gera
skil kaffi og kökum og þá var að
líta á húsakost: Bjarni lýsti
honum með nokkrum orðum um
leið og við gengum um:
„Við búum hér í húsi sem reist
var um aldamótin og á sama
tíma eða um svipað leyti voru
reist þrjú hús sömu gerðar
hlaðin en viður í sperrum og
þaki og kom hann tilsniðinn frá
Noregi. Með húsunum kom
einnig maður til að setja þau
upp og tók það ekki marga
mánuði og ég held að ég geti
fullyrt að þessi hús séu með
þeim rammbyggðari sem þá
gerðust. Utihús voru hér lítil er
ég tók við og hófst ég handa um
byggingu þeirra svo það er fyrst
nú komið að okkur sjálfum, en
ég er langt kominn með að reisa
hús yfir okkur svona í ellinni."
Ekki er nú að sjá nein
ellimörk á þeim hjónum eða
merki um að þau hafi unnið
hörðum höndum um ævina, en
verkin sýndu það þó. Fjárhús er
nú fyrir um 500 fjár með hlöðu
áfastri, fjósið er einnig áfast og
súrheysturnar eru ekki færri en
þrír, en aðallega segist Bjarni
verka í súrhey fyrir kýrnar. í
fjósinu mátti einnig sjá nokkur
hross. „Þau eru nú svo sem ekki
notuð ýkja mikið, svolítið við
smölun, en annars verðum við
aðallega að hlaupa á eftir fénu.“
Nú er komið að íbúðarhúsinu
nýja og er það ekki minna en 150
fermetrar og í kjallara undir því
hefur hann bíla- og véla-
geymslu.
Ekki vildi Bjarni neinu spá
um það hvenær þau myndu
flytja í húsið, en eftir á að
múrhúða að innan og ganga að
öðru leyti frá því. Enn er ekki
allur húsakostur upptalinn, en
það er lítil heimilsisrafstöð.
Kynt er upp með rafmagni á
Fremri-Hvestu og í hlíðinni rétt
ofan við bæinn er lítið hús og
lágreist, sem hýsir þessa stöð og
hefur Bjarni unnið að breyting-
um, sem gerir vatnsöflun til
hennar öruggari og eftir þá
breytingu á stöðin að geta annað
allri raforkuþörf heimilisins og
búsins.
Drekkur
dýrustu mjólk
En hvernig er háttað mjólkur-
flutningum héðan?
„Héðan er flutt mjólk þrisvar
sinnum í viku til Patreksfjarðar,
en ég er eini mjólkurbóndinn
hérna megin Arnarfjarðar og
ekki eru eftir nema einn eða
tveir norðan fjarðarins. Því má
telja líklegt að við hér drekkum
dýrustu mjólk sem hægt er að
fá. Þessi mjólkursala hófst á
árinu 1958 en áður voru kýr hér
á hverjum bæ.“
Veður var sæmilegt þessa
dagstund sem blm. staldraði við
í Hvestudal, en ekki var mikið
um sól.
„Sólin, já, hana sjáum við ekki
í nokkra mánuði á vetri, eða frá
því um 20. eða 22. október og
kemur hún aftur. 16. febrúar.
Aður fyrr fannst okkur hún
endilega sjást einum degi seinna
og viljum því halda að hún hafi
fært sig fram um einn dag og
sennilega er skaparinn að hugsa
um blómin hjá konunni," sagði
Bjarni, en hún hefur vægast
sagt búið vel að þeim hvað
varðar alla blómarækt, enda
sagðist Bjarni ætla að koma upp
smágróðurhúsi við nýja húsið.
Þá er komið að lokum þessar-
ar heimsóknar og rabbsins við
þau hjónin í Hvestudal, hjón
sem ekki hafa talið það eftir sér
að reisa stórbú og byggja það
upp frá grunni og koma 15
börnum til manns.
FERDASKRIFSTOFAN
URVAL
Eimskipafélagshúsinu simi 26900
Sólarlandaferð
fyrir25.0001o: útborgun
Ferðaskrifstofan Úrval hefur nú tekið
upp sérstakt afborgunarkerfi til að gera
sem flestum kleift að njóta úrvalsferða
til sólarlanda.
Ef þú greiðir 25.000 króna innborgun
fyrir þann 1. maí næstkomandi geturðu
fengið að greiða eftirstöðvarnar með
fimm jöfnum afborgunum eftir
heimkomu þína.
Meðalverð á 2ja vikna sólarlandaferð
Kr. 115.000.00
Innborgun — 25.000.00
Eftirstöðvar Kr. 90.000.00
Mánaöarleg afborgun ca Kr. 19.000.00
Tilboð þetta stendur til 30. apríl 1978 í
sólarlandaferðir farnar í apríl, maí, júní
og júlí.
Allar nánari upplýsingar eru gefnar á
skrifstofu okkar.
Þinn bíll 15. apríl n.k.,
- sértu hinn heppni áskrifandi Dagblaðsins.
Verðmæti er 4.4 miljónir króna.
Gerstu áskrifandi að Dagblaðinu strax í dag.
Áskriftarsími 27022. Opið til 10 í kvöld.
BIAÐIÐ
frjálst, aháð dagblað