Morgunblaðið - 07.04.1978, Blaðsíða 3

MORGUNBLAÐIÐ, FÖSTUDAGUR 7. APRÍL 1978
orptnr vpriíS prfitt aíS mptn Vivnr nm
„Munum aldrei fallast á sameigin-
legan starfsaldurslista ótilneyddir,”
sagði Skúli Guðjónsson formaður Félags Loftleiðaflugmanna
MORGUNBLAÐIÐ hafði í gær
samhand við Skúla Guðjónsson
flugmann, formann Félags Loft-
leiðaflugmanna, og innti hann
álits á hugmyndum Flugleiða um
sameiningu starfsaldurslista
flugmanna Loftleiða og Flugfé-
lags íslands og einnig var Skúli
spurður álits á stöðunni í
Norður-Atlantshafsfluginu um
þessar mundir. Ekki náðist í gær
í Björn Guðmundsson flugstjóra,
formann Félags íslenzkra
atvinnuflugmanna, þar sem
Björn var í utanlandsflugi.
Skúli kvaðst vilja taka það fram
vegna skrifa Flugleiða, að vinnu-
stöðvun Loftleiðaflugmanna á
þriðjudag hefði eingöngu komið til
vegna skerðingar Flugleiða á
uppbótagreiðslum vegna vísitölu
og kvað hann engin önnur mál
hafa fléttast inn í ákvörðun um
vinnustöðvunina.
Þá kvað Skúli flugmenn Loft-
leiða upp til hópa vera á móti því
að sameina starfsaldurslista félag-
anna. „Við höfum átt í erfiðleikum
síðan þessi tvö félög voru samein-
uð 1973,“ sagði Skúli, „en þá var
flugleiðum Loftleiða fækkað og
Flugfélag íslands tók yfir að
mestu þær leiðir og að nær öllu
leyti nú á síðustu vetrum. Á sínum
tíma olli þetta uppsögn 10 flug-
manna hjá Loftleiðum. A.m.k.
einn þeirra flugmanna sótti um
starf hjá Flugfélagi íslands, en
fékk synjun að því er bezt verður
séð vegna þess að hann var
Loftleiðaflugmaður. Hann hafði
sótt um starf fyrir 12. marz 1976
vegna auglýsingar sem boðaði
engin skilyrði fyrir umsókn, en 18.
marz sendu Flugdeild Loftleiða og
Flugfélag íslands umsækjanda
bréf með skilyrðum sem útilokuðu
þennan mann frá starfinu og m.a.
miðuðu skilyrðin við hámarksald-
ur 30 ár, en þessi maður var þá 31
árs.
Á þessu tímabili hefst þessi
vandi að vissu marki og þegar
flugfélögin voru sameinuð var
ekkert hugsað um að sameina
flugmenn og störf þeirra. Að ætla
að berja okkur saman með góðu
eða illu, kann aldrei góðri lukku að
stýra og við munum aldrei sætta
okkur við þennan sameiginlega
lista nema nauðbeygðir eins og
mál standa nú. Þá er það ekki til
að bæta úr að á meðan verið er að
reifa þessi mál og vinna að
samningum að þá er unnið á
öðrum vettvangi á vegum Flug-
leiða að því að sundra þessum hóp
enn fremur með ráðningu flug-
manna til Loftleiða af Fokker-vél-
um á DC-8 þotur.
Þá viljum við gera athugasemd-
ir við launaútreikninga þá sem
Flugleiðir afhentu blaðamönnum
sem staðreyndir um laun flug-
manna. Það er til dæmis furðulegt
að sjá útreikninga hjá þeim þar
sem miðað er við 40% vísitölu-
hækkun. Ég skil ekki hvernig þeim
dettur í hug að reikna launin út
eftir þessu og í þessum tölum gera
þeir ekki ráð fyrir lögum ríkis-
stjórnarinnar um vísitölu-
skerðingu þótt þeir hafi nú dregið
af launum okkar.
Þá var Skúli spurður álits á
þeirri vaxandi samkeppni sem á
sér stað um þessar mundir í
Norður-Atlantshafsfluginu með
harðnandi fargjaldastríði.
„Það er ljóst," sagði Skúli, „að
hagsmunir okkar flugmanna og
flugfélagsins fara saman og við
höfum unnið samkvæmt því. Við
höfum farið öll þau flug sem þeir
hafa beðið um s.l. tvö ár og okkur
hefur verið þakkað það í orði, en
það hefur ekki verið virt í verki.
Það er ugglaust rétt að það sé
harðnandi samkeppni á flug-
leiðinni vestur um haf, en þessi
söngur hefur verið á hverju vori
fyrir samninga, alltaf í þá átt að
allt sé að fara að kalda kol. Það
er að ræða gróða eða ekki á þessu
flugi, en hins vegar er ljóst að
Flugleiðir hafa grætt mikið á
Pílagrímafluginu og það var mikil
vinna fyrir flugmenn, en hitt veit
ég ekki hvort fargjöldin eru orðin
of lág á Atlantshafsfluginu.
Fargjaldastríðið spilar mjög inn
í flug Loftleiða, en alla vega eru
flugvélar Loftleiða smekkfullar
síðustu vikur og við höfum heyrt
að bókanir í New York séu ekki
síðri í sumar en síðasta sumar."
Þá kvaðst Skúli vilja vekja
athygli á nokkrum rangfærslum í
tilkynningum Flugleiða undan-
farna daga. M.a. kvað hann
talsmenn Flugleiða hafa haldið því
fram að flugmenn hefðu rætt um
einokun á ákveðnum flugleiðum,
en slíkt hetði aldrei komið til tals
hjá Loftleiðaflugmönnum.
Varðandi umsögn talsmanna
Flugleiða um það að flugstjórar
hjá Air Bahama hefðu starfað í
allt að 9 ár hjá félaginu, þá mætti
geta þess að flestir flugmenn
Loftleiða hefðu starfað þar í
10-30 ár.
Einnig kvað Skúli ástæðu til
þess að leiðrétta skrif Flugleiða-
manna þar sem þeir segðu að
enginn samningur hefði verið
gerður við Loftleiðaflugmenn um
flug hjá Air Bahama, því slíkur
samningur hefði verið undirskrif-
aður í des. s.l. og væri nær
samhljóða samningi við Loftleiða-
flugmenn um flug fyrir Cargolux.
Þá kvaðst Skúli vilja vekja
athygli á því að í kröfum
Loftleiðaflugmanna varðandi
sumarorlof væri aðeins farið fram
á sumarorlof samkvæmt landslög-
um, en flugmenn hafa skemmra
sumarorlof en lög mæla fyrir um.
Skúli kvað það ekki rétt að hörð
viðbrögð Loftleiðaflugmanna
hefðu komið fulltrúum Flugleiða
algerlega á óvart, því talsmenn
flugmanna hefðu margítrekað að
ef til skerðingar á vísitöluuppbót-
um kæmi þá myndu flugmenn
sýna mjög ákveðin viðbrögð.
litsjonvarp

með eðlilegum litum
Myndgæði PHILIPS litsjónvarpstækja eiga
tæpast sína líka. Þar séróu alla hluti eins
eölilega og hægt er. Rautt er rautt, blátt
blátt, grænt grænt o.s.frv. PHILIPS hefur
leyst vandamáliö viö villandi og óeölilega
liti og þaö er eins og aö vera sjálfur á
staönum þar sem myndin er tekin, þegar
þú horíir á PHILIPS litsjónvarpstæki.
Óþarft er aö koma meö upptalningu á
tæknilegum atriöum hér en bendum aöeins
á aö PHILIPS er stærsti framleiðandi
litsjónvarpstækja í Evrópu, hefur framleitt
yfir 40.000.000 sjónvarpstækja. Segir þaö
ekki sína sögu?
PHILIPS hóf hönnun litsjónvarpstækja
áriö 1941 og hefur síöan stefnt markvisst aö
tæknilegri fullkomnun.
PHILIPS litsjónvarpstæki fást í mörgum
geröum, meö skermum frá 14” - 26”.
Viö viljum eindregiö hvetja væntanlega
kaupendur litsjónvarpstækja til aö
kynna sér umsagnir hlutlausra aöila og þá
veröur valiö ekki erfitt.
Þaö er og veröur PHILIPS.