Morgunblaðið - 30.04.1978, Blaðsíða 43
MORGUNBLAÐIÐ, SUNNUDAGUR 30. APRIL 1978
Ávarp meirihluta 1. maí-nefndarinnar:
Samningana í gildi
1. maí ávarp Fulltrúaráðs verka-
lýðsfélaganna í Reykjavík, Banda-
lags starfsmanna ríkis og bæja og
Iðnnemasambands Islands árið
1978.
1.
1. maí 1978 fylkir íslensk alþýða
liði til bættra lífskjara og fyrir því
að gerðir kjarasamningar verði
haldnir.
Enn á ný þarf íslensk alþýða að
heyja öfluga varnarbaráttu. Enn
er nauðsyn samstöðu heildarsam-
taka launafólks, styrkrar einingar
alþýðu gegn samningsrofum og
áformum óbilgjarns ríkisvalds og
auðstéttar um frekari kjaraskerð-
ingu.
Fyrir réttu ári fylkti íslensk
alþýðá sér til sóknarbaráttu eftir
áralangt varnartímabil. Sóknin
bar þann árangur að stéttarfé-
lögum tókst að vega nokkuð upp
kjaraskerðingu liðinna missera.
Varla var blekið þornað á undir-
skriftum kjarasamninganna þegar
ríkisstjórnin rifti þeim einhliða og
afnam helming vísitölubóta á
laun, sem hefur í för með sér
stórfellda kjaraskerðingu, sem
kemur verst við þá sem lægst hafa
launin, aldraða og öryrkja. Jafn-
framt ólögum ríkisstjórnarinnar
óg samningsrofi heyrast háværar
raddir um að ganga lengra eftir
kosningar með því að skerða
kjörin enn frekar, meðal annars á
þann hátt að taka óbeina skatta út
úr vísitölunni. Kjarasamningar
eru því í raun gerðir marklausir.
Hótað er aukinni skerðingu samn-
ings- og verkfallsréttar og banni
við verkföllum.
Frammi fyrir þessum stað-
reyndum hefur verkalýðshreyfing-
in reist víðtæka baráttu undir
kjörorðinu „Samningana í gildi“.
Til áherslu þessari kröfu lögðu
tugþúsundir launamanna niður
vinnu 1. og 2. mars s.l. þrátt fyrir
grófustu hótanir um hýrudrátt og
sektir atvinnurekenda með ríkis-
stjórnina í broddi fylkingar. Hin
mikla þátttaka i' verkfallinu 1. og
2. mars sýndi glöggt baráttuhug
alþýðunnar sem er staðráðin i að
sækja sinn rétt.
Verkamannasamband íslands
hefur nú komið á víðtæku útskip-
unarbanni og frekari aðgerðir eru
í undirbúningi. Ljóst er af öllum
viðbrögðum ríkisstjórnarinnar að
hana skortir skilning og vilja til
þess að verða við skýlausum og
réttmætum kröfum alþýðusam-
takanna um samningana í gildi.
Verkalýðshreyfingin hafði fag-
legt afl til þess að knýja fram
kauphækkanir 1977, en skorti
pólitískan styrk til þess að standa
vörð um ávinning kjarasamning-
anna. Éigi að nást varanlegur
árangur verður pólitísk og fagleg
barátta verkalýðssamtakanna að
haldast í hendur. Með því móti
einu er unnt að gjörbreyta ís-
lenska þjóðfélaginu, valda straum-
hvörfum. Við þessar aðstæður
fylkir íslensk alþýða liði 1. maí
1978.
II.
Núverandi ríkisstjórn landsins
hefur rofið samninga og magnað
stéttastríð. Ríkisstjórnin hefur
kennt verkafólki um verðbólguna
enda þótt fyrir liggi að stjórnvöld
hafa notað verðbólguna til þess að
skerða kjör verkafólks. Stefna
hennar hefur leitt af sér stórfelfda
sóun fjármuna í skipulagslausa
fjárfestingu og verðbólgubrask,
sem launafólk hefur orðið að þola
með álögum og stórum lakari
kjörum en launafólk í grannlönd-
unum.
íslenskur verkalýður minnir á
kröfu 33. þings Alþýðusambands
Islands um að ríkisstjórn, sem
beitir verðbólgunni sem hag-
stjórnartæki gegn verkalýðshreyf-
ingunni, á að víkja.
III.
1. maí 1978 f.vlkir alþýða íslands
liði um aðalkröfu dagsins:
Samningana í gildi.
Jafnframt er lögð áhersla á:
• Mannsæmandi laun fyrir dag-
vinnu.
• Tekjujöfnun í þjóðfélaginu.
• Félagslegar íbúðabyggingar
verði efldar og lánakjör samrýmd
fjárhag launafólks.
• Tryggt verði jafnrétti í lífeyris-
málum þannig að allir njóti
verðtryggðra lífeyrisréttinda.
• Skattalögum veröi breytt þann-
ig að fyrirtæki beri eðlilegan hluta
skattbyrðarinnar. Settar verði
reglur til þess að tryggja undan-
bragðalaus skil söluskatts.
• Allir launamenn fái fullan
samnings- og verkfallsrétt.
•Gerðardómar verði afnumdir.
• Verkalýðshreyfingin mótmælir
hvers konar skerðingu verkfalls-
réttarins.
IV.
íslensk verkalýðshreyfing lýsir
samstöðu með öllum þeim sem
berjast gegn arðráni, kúgun, ný-
lendustefnu, hungri og fáfræði.
íslenskri verkalýðshreyfingu ber
að styðja fátækar þjóðir í frelsis-
baráttu þeirra.
íslensk verkalýðshreyfing styð-
ur baráttu fyrir mannréttindum
gegn hvers konar frelsisskerðingu.
Islensk verkalýðshreyfing styð-
ur undirokaðar þjóðir í baráttu
þeirra fyrir efnahagslegu og póli-
tísku sjálfstæði. Verkalýðshreyf-
ingunni ber að standa vörð um
efnahagslegt og menningarlegt
sjálfstæði íslensku þjóðarinnar
gegn áhrifum érlends auðmagns,
gegn ágengni fjölþjóðafyrirtækja
og vaxandi hlutdeildar þeirra í
íslensku atvinnulífi. Verkalýðs-
hreyfingin berst fyrir íslenskri
atvinnustefnu.
íslensk verkalýðshreyfing minn-
ir á samþykkt 33. þings ASÍ um
brottför herstns og úrsögn úr
NATO og mótmælir kröftuglega
öllum hugmyndum um leigugjald-
töku fvrir herstöðina.
V.
1. maí 1978 fylkir íslensk alþýða
liði minnug hugsjóna frum-
herjanna, alþjóðahyggju verka-
lýðsins, og skyldu sinnar við
íslensku þjóðina í nútíð og fram-
tíð.
1. maí 1978 er ljóst að unnt er
að beita samtakamættinum til að
knýja fram þáttaskil í sögu
íslenskrar verkalýðshreyfingar, ef
hver launamaður tekur stéttvísa
afstöðu til faglegra og pólitískra
vandamála líðandi stundar. í þeim
átökum getur unnist varanlegur
og árangursríkur sigur, ef hver
einasti launamaður gerir skyldu
sína.
1. maí 1978 fylkir íslensk alþýða
liði til sóknar gegn óbilgjörnu
ríkisvaldi og auðstétt undir kjör-
orðinu:
Samningana í gildi
Islensk alþýða!
Fram til sigurs í kjarabarátt-
unni!
Fram fyrir hugsjónum verkalýðs
allra landa!
Frelsi — jafnrétti — bræðralag!
1. maí nefnd Fulltrúaráðs
Verkalýðsfélaganna í Reykjavík
Kristvin Kristinsson (sign)
Skjöldur Þorgrímsson (sign)
Þorbjörn Guðmundsson (sign)
Ragna Bergmann (sign)
Guðmundur Bjarnleifsson (sign)
F.h. Bandalags starfsmanna rikis
og bæjai
Jónas Jónasson (sign)
Örlygur Geirsson (sign)
F.h. Iðnnemasamhands íslands>
Sveinn Ingvarsson (sign).
„Nú erum við búin að fá okkur
Philips litsjónvarpstæki, og ég get sagt
þér það, að ég var búinn að ganga hús úr
húsi að kíkja á litinn hjá kunningjunum,
áður en ég skellti mér á Philips. Sko,
maður þarf að geta borið saman, til þess
að geta áttað sig á því hvað maður vill.
Svo heyrir maður, að þetta sé allt sama
tóbakið, að þetta sé allt eins en það er nú
öðru nær ...
Við vitum að Philips stendur fram-
arlega í tækninni, nú, og svo sér maður
það, sem maður sér. Litirnir eru svo
eðlilegir að maður hefði bara ekki trúað
þessu.
PHILIPS
— litsjónvarpstæki með eðlilegum litum.
Blessaðu líttu til okkar í kvöld og
taktu konuna og krakkana með. Ég vil
endilega að þið sjáið í okkar tæki áður en
þið ákveðið hvað þið ætlið að kaupa.
Geriði það ...
V
Jonereinnaf okkar
bestu sölumönnum
samt vinnur hann
alls ekki hjá okkur
Hann notar hvert tækifæri til að
segja kunningjunum frá því, hvað Philips
litsjónvarpstækið hans sé frábært.
heimilistæki sf
HAFNARSTRÆTI 3 — 20455 — SÆTÚN 8 — 1 5655