Morgunblaðið - 30.04.1978, Blaðsíða 13

MORGUNBLAÐIÐ, SUNNUDAGUR 30. APRIL 1978
61
Magnús L. Sveinsson
varaformaður
Verzlunarmanna-
félags
Regkjavíkur:
Verkefnið að
leiðrétta ósam-
ræmi í launum
VRog BSRB
KJARAMÁLIN í víðri merkingu
eru ævinlega efst á baugi hjá
verkalýðshreyfingunni, en ber þó
eðlilega hæst þegar kjarasamning-
ar eru lausir og samningaviðræður
standa yfir. Þannig er það nú, á
hátíðisdegi verkalýðshreyfingar-
innar 1. maí.
Það virðist vera orðið vonlaust
fyrir aðila vinnumarkaðarins að
semja nema til nokkurra mánaða
í senn, því annars vofir sú hætta
yfir að ákvæði samninganna séu
rofin með lagaboði fljótlega eftir
gerð þeirra og skiptir ekki máli
hvaða ríkisstjórn er við völd eins
og dæmin sýna.
Slíkar aðgerðir eru ekki aðeins
alvarlegar frá kjaralegu sjónar-
miði, þær hafa djúpstæö áhrif á
hugarfar og viðhorf almennings til
þess stjórnkerfis, sem við búum
við. Þær skapa öryggisleysi meðal
launþega um gildi samninga, fólk
fyllist vonleysi, þær framkalla
gagnaðgerðir, auka á upplausn i
þjóðfélaginu og gefa talsmönnum
stjórnleysis byr sem þeir nýta út
í æsar.
Stjórnvöld réttlæta slíkar að-
gerðir jafnan með því, að þjóðar-
hagur hafi krafist aðgerða.
Nú dettur mér ekki í hug að
halda því fram, að þegar stjórn-
völd hafa gripið til slíkra aðgerða,
að þá hafi ekki verið nauðsynlegt
að gera sérstakar efnahagsráð-
stafanir.
Ég ætla hinsvegar að halda því
ákveðiö fram, að engin ástæða hafi
verið til áð grípa nú til ráðstafana,
sem leiddu til þess, að launataxtar
almennu verkalýðsfélaganna voru
skertir frá því sem samið var um
þann 22. júní 1977.
Hvaða launataxta höfðu al-
mennu verkalýðsfélögin samið um,
sem skert voru með lagaboði og
komu í veg fyrir umsamdar
vísitölubætur 1. marz s.K Það voru
laun á bilinu frá 106 þúsund til 150
þúsund.
Ég hygg að það séu ekki margir
sem vilja halda því fram að það
fólk, sem verður að sætta sig við
að taka laun samkvæmt þessum
töxtum sé of sælt af sínum
kjörum. Allir vita að þessi laun
gera hvergi nærri að nægja fyrir
nauðþurftum meðalfjölskyldu. Það
fólk, sem er á þessum launatöxt-
um, en það er mjög stór hluti
launþega í landinu, bjargast með
því, að vinna alla þá yfirvinnu,
sem gefst og fleiri en einn úr
fjölskyldunni vinnur utan heimils-
ins.
Ef nauðsynlegt var, að skerða
gildandi launataxta, þá átti að láta
það koma frarm á hærri launa-
töxtum.
Með því hefðu stjórnvöld líka
sýnt, að þau stóðu vörð um kjör
þeirra lægri launuðu, sem verka-
lýðshreyfingunni sjálfri hefur því
miður ekki tekist. Það er einlæg
von min, að ríkisstjórnin breyti
sem fyrst gildandi lögum og
afnemi skerðingu á launatöxtum
almennu verkalýðsfélaganna. Þá
ósk á ég bezta á þessum hátíðis-
degi verkalýðsins.
Verzlunar- og skrifstofufólk
hefur þá sérstöðu um þessar
mundir, að við gerð kjarasamn-
inga opinberra starfsmanna s.l.
haust, var lögð fram skýrsla, sem
Hagstofan vann úr upplýsingum
fyrirtækja, sem félagsfólk V.R.
vinnur hjá, um raunverulegar
launagreiðslur. Kjarasamningar
opinberra starfsmanna tóku að
hluta mið af þessum upplýsingum.
Við samanburð á launatöxtum
V.R. og B.S.R.B. kemur í ljós, að
launataxtar B.S.R.B. eru frá
10—60% hærri en launataxtar
V.R. fyrir sambærileg störf.
Verkefnið, sem nú blasir við í
kjaramálum verzlunar- og skrif-
stofufólks er að fá leiðréttingu á
þessu ósamræmi, sem ekki er hægt
að una við.
Við skrifstofustörf
Magnús L. Svoinsson á skrifstofu VR ásamt samstarfsfólki sínu.
gjafavorur
„ J ,X\\ >11
' M li, '[y. ij .
W. JIV
. -1 § J. L. »• %
.JL'C. ^r3g'|Tj'lL
vr H
Rosenthal býður yður ýmislegt fleira en
postulín og platta.
Komið i verzlun okkar og skoðið hinar
frábæru gjafavörur, — glervöru, postulín
og borðbúnað í ýmsum verðflokkum.
Rosenthal merkið tryggir frábæra hönnun
fyrir heimilið.
Rosenthal vörur - gullfallegar — gulltryggðar

A. EINARSSON & FUNK
Lnu£nve£i 85