Morgunblaðið - 04.05.1978, Síða 13
MORGUNBLAÐIÐ, FIMMTUDAGUR 4. MAÍ 1978
13
Hverfafundir borgarstjóra... Hverfafundir borgarstjóra...
lóö og hefur nú Sláturfélag Suður-
lands sótt þarna um lóð.
Hins vegar hefur verið gert ráð
fyrir því, þótt skipulag svæðisins sé
enn ekki endanlegt, að þarna verði
um lágar byggingar að ræða þannig
að útsýn út að sjónum spillist sem
minnst.
RAÐHÚSIN BETRI
EN BÍLAVERKSTÆÐI
Anna Georgsdóttir spurði: Vill
borgarstjórn svara af hverju leyfð
var bygging fjögurra raðhúsa við
Bjarg við Sundlaugaveg þrátt fyrir
eindregin mótmæli hverfisins. Milli
70—80 manns mótmæltu bréflega.
Til að koma húsinu fyrir er þegar
búið að taka helminginn af leiksvæði
barna sem býður upp á fjórar rólur,
einn sandkassa og rennibraut. Er
það stefna Sjálfstæðisflokksins að
taka barnaleikvelli undir
byggingar?
„Hér var um að ræða allmikið
deilumál á sínum tíma. Bjargseignin
og úti hús þar voru til mikils ama
fyrir íbúana í grenndinni, að því er
ég man eftir af fyrri hverfafundum,
m.a. vegna þess að þarna var rekið
bílaverkstæði og rekstur sem ekki
þótti falla saman við íbúðarhverfi.
Þessi hús voru á sínum tíma byggð
með fullum leyfum, og borgin
leitaðist við að ná samningum um
þetta landsvæði. Þeir samningar
tókust að vísu en þó þannig að í
staðinn fyrir útihúsin sem rifin eru
skyldi heimiluð bygging fjögurra
raðhúsá. Okkur fannst réttara að
semja með þessum skilmálum heldur
en að þarna yrði um ófyrirsjáanleg-
an tíma sú starfsemi sem fyrir var
í útihúsunum.“
IIESTUR SIGURJÓNS
FÆR FOLALD
Björgvin Sigurðsson spurði hvað
væri að frétta af skipulagi og
framkvæmdum á óbyggðu svæði á
milli Miklubrautar og Suðurlands-
brautar austan Grensássvegar.
„Þetta er fyrir sem opið grænt
svæði. Þar eru ekki fyrirhugaðar
neinar byggingar. Þetta er það svæði
þar sem hestur Sigurjóns Ólafssonar
stendur á. Eina framkvæmdin sem
fyrirhuguð er á svæðinu er að við
höfum beðið Sigurjón um að fullgera
sína mynd. Hans upprunalega mynd
af hestinum var með folaldi við hlið
hestsins og Sigurjón hefur nú fallist
á að gera þetta og ég vonast til þess
að sú viðbót við mynd hans komi í
sumar."
GÖNGUBRÝR
VART í SENN
Erlendur Jónsson spurði: Er hægt
að tengja Heimahverfið við hið
mikla athafnasvæði suðvestan
Suðurlandsbrautar, Grensásvegar,
Skeifu og Ármúla á þann hátt að
gangandi vegfarendur komist þægi-
lega og áhættulaust á milli, til
dæmis með göngubrú yfir Suður-
landsbraut.
„Ekki hefur verið lagt í það enn að
byggja göngubrýr yfir vegi í borg-
inni. Áhugi hefur að vísu verið fyrir
hendi að gera tilraunir með þær
einhvers staðar í borginni. Göngu-
brýr reynast misjafnlega erlendis
þar sem þær hafa verið teknar í
notkun, ekki sízt þar sem vindasamt
er eins og hér. Því höfum við í
borgarstjórn frekar hallast að því að
notast við gangbrautarljós eða
merktar gangbrautir."
Karl Guðmundsson spurði: Hve-
nær má búast við að gengið verði frá
götunni fyrir framan húsin Sund-
laugaveg sjö og níu, og gerð innskot
fyrir bíla á svipaðan hátt og er
hinum megin götunnar.
„Þessu atriði skal ég koma áleiðis
til gatnamálastjóra. Hér hygg ég að
sé einungis um lagfæringu að ræða.“
HAFA BÖRNIN
GÓÐA FULLTRÚA
í BORGARSTJÓRN?
Herdís Tryggvadóttir spurði
hvort borgarstjóra fyndist ekki of
ráðandi sú stefna að byggja eigin-
lega á hverjum auðum bletti sem
fyrirfinnst? Hver hugsar fyrir því að
næg opin svæði séu í hverju hverfi
fyrir börnin? Börnin hafa engan
fulltrúa á hverfafundunum, en hafa
þau góðan fulltrúa í borgarstjórn?
„Það verður að meta það hverju
sinni hversu góða fulltrúa börnin
hafa í borgarstjórn, en allir erum við
nú barnamenn sem í borgarstjórn-
inni erum þannig að ég hygg að
reynt sé að hafa í huga þarfir
barnanna í skipulagi borgarinnar. í
því sambandi vil ég benda á að við
gerð skipulagsins, sem samþykkt var
að nýju á síðastliðnu ári, var notkun
landsins ákveðin, bæði í nýjum
byggðahverfum og í gömlum hverf-
um. Þannig er ákveðið hvaða svæði
fara undir íbúðabyggingar, hvaða
undir iðnað og viðskipti og hvaða
svæði eigi að vera græn svæði. Sá
skilningur er nú mjög vaxandi að
grænu svæðin eigi ekki aðeins að
vera með grasi, trjágarði og blómum,
heldur eigi þar að koma fyrir ýmiss
konar aðstöðu fyrir börn þannig að
hér geti verið um sambland af
útivistar- og leiksvæði að ræða. Slík
svæði eru til dæmis ætluð hér við
Álfheimablokkirnar. Hins vegar er
hér um all dýr svæði að ræða og því
ekki hægt að reikna með að þau komi
öll í gagnið í einu.“
LÁGUR VATNS-
ÞRÝSTINGUR
Jóhann Ólafsson spurði hvort
lágur vatnsþrýstingur í Laugarásn-
um væri eingöngu í sínu húsi.
„Eg hefi ekki fengið kvartanir um
þetta efni frá öðrum, þannig að verið
getur að þarna sé um sérstakt
vandamál að ræða.-“
Jóhann Ólafsson spurði einnig
hvort almenningur ætti einhvern
aðgang í náinni framtíð að íþrótta-
mannvirkjum við skóla borgarinnar
sem standa t.d. lítt notuð um
sumartímann.
„Þannig er að íþróttahúsin í
skólunum eru vel nýtt. Að skólatima
loknum tekur íþróttabandalag húsin
á leigu og er með þau í notkun bæði
fram á kvöld og um allar helgar. Að
vísu mun um hásumarið ekki vera
mikil nýting á þeim, en að öðru jöfnu
eru húsin vel nýtt.“
Bergsteinn Gissurarson og
Jóhann Ólafsson spurðu hvernig
væri hugsað fyrir þeim umferðar-
þunga sem kæmi á Kleppsveg/
Elliðavog um fyrirhugaða brú yfir
Grafarvoginn.
„Samþykktin fyrir brúnni í aðal-
skipulaginu er fyrst og fremst
möguleiki að hugsanlegri tengingu ef
þær kynslóðir sem þá verða við lýði
hér í borginni telja að þetta sé
vænleg leið til að leysa umferðar-
vandamálin. Alls ekki er reiknað
með að þessi brú verði smiðuð á
Miðstöð fyrir
aldraða við Dal-
braut verður til-
búin í árslok.
gildistíma aðalskipulagsins sem nær
til 1995.“
RÓLUVÖLLURINN
VIÐ HOLTAVEG
Auður Pétursdóttir spurði: Opinn
róluvöllur við Holtaveg fyrir aftan
verzlunina Þrótt er því miður einnig
bílakirkjugarður og opinn fyrir
akandi umferð. Er ekki unnt og
nauðsynlegt að girða og hreinsa
völlinn.
„Ég tek undir það að nauðsynlegt
er að hreinsa þennan völl, því hann
er mjög óhrjálegur. Hins vegar er
þetta eitt af þessum opnu leiksvæð-
um sem ekki hefur verið hugsað
sérstaklega um að girða, en ég skal
koma því til leiðar við þá vinnu-
flokka sem sjá um leikvellina að
reynt sé að hressa svolítið upp á
þetta svæði."
Auður Pétursdóttir spurði enn-
fremur: Verður svæðið á milli
vöruskemma SÍS og Kleppsvegar
136—144 grænt svæði með trjá-
gróðri.
„Það er í tillögum að þarna verði
grænt svæði, en hins vegar er ekki
búið að skipuleggja það nákvæmlega,
þannig að ég skal ekki fullyrða á
þessu stigi að trjágróður verði þar.
Mér er þó nær að halda það, því gert
er ráð fyrir trjágróðri á svæðinu
fyrir innan Holtaveg til að skýla
byggingunum þar fyrir neðan.“
SLAKUR FRÁGANGUR
GRÓÐURHÚSA
Sverrir Eggertsson spurði hvers
vegna leyft hefði verið að byggja
slíka kofa eins og gróðurhúsin sem
standa beint á móti Gnoðarvogs-
blokkunum en þau væru að útliti
verri en mörg hesthúsin eða fjárhús-
in sem verið væri að fjarlægja úr
bæjarlandinu.
„Já, því miður hefur mér fundist
að frá sumum þessara svæða, sem
við ætlum nú að séu til prýði í
borgarlandinu, sé ekki nægilega vel
frá gengið. Þar hefur á ýmsum
stöðum ekki verið byggt af nógum
myndarskap. Sú þjónusta sem gróð-
urhúsin veita er nauðsynleg fyrir
borgarbúa, en vandamálið sem þéssi
rekstur á vafalaust við að stríða er
að hann gefur væntanlega ekki það
mikið í aðra hönd, að þeir sem
standa að rekstri slikra stöðva geti
byggt mjög myndarlega. Engu að
síður finnst mér að betur mætti fara
á mörgum slíkum stöðum."
Lárus Jónsson spurði: Er nokkur
ráðagerð á döfinni um að takmarka
bílaumferð um Laugarnesveg milli
Sundlaugavegar og Kleppsvegar
síðan Sætún var tengt Kleppsvegi.
„Því er til að svara, að það eru
engar sérstakar takmarkanir í huga
borgaryfirvalda. Það sem við reikn-
um með og vonumst til er að Sætúnið
verði það aðlaðandi umferðargata að
það létti á Laugarnesvegi og Borgar-
túni. Hins vegar höfum við ekki
hugsað okkur að takmarka umferð
með einstefnuakstri um Laugarnes-
veg eða með því að banna að beygt
sé í ákveðnar áttir, til þess að
minnka bílaumferðina þar.
KAUP FORGANGSRÉTTAR-
ÍBÚÐA AF BORGINNI
Jón Finnbogason spurði hvað
væri til ráða fyrir 3ja manna
fjölskyldu sem vantar íbúð. Hún
hefur 2'/a milljón og getur fengið
gamla íbúð hjá borginni með sex
milljón króna útborgun? Lánar
borgin það sem á vantar og þá til hve
langs tíma?
„Jón á hér vafalaust við svokallað-
Hluti fundarmanna á hverfafundi
borgarstjóra með íbúum Lang-
holts- og Laugarnesshverfis í
Glæsibæ.
ar forkaupsréttaríbúðir, þ.e.a.s.
íbúðir sem borgin byggði á sínum
tíma, seldi með góðum kjörum, en þá
jafnframt með þeirri kvöð að ef
viðkomandi eigendur vilja selja þá á
borgin forkaupsrétt og getur síðan
selt íbúðina öðrum. Þessar íbúðir eru
t.d. í Gnoðarvogi, við Álftamýri,
Bústaðavegarhpsin og reyndar fleiri.
Eigendur þeirra hafa óskað eftir því
að borgin afsali forkaupsrétti sinum
svo að þeir geti selt þær fyrir
raunverulegra verð en borgin greiðir
fyrir þau. Það hefur borgarstjórn
ekki fallist á ennþá.
Sú tala sem nefnd er, sex milljón-
ir, er nánast allt kaupverð viðkom-
andi íbúðar. Hins vegar höfum við
gert þá kröfu að þeir sem vilja kaupa
þessar íbúðir greiði hana sjálfir.
Borgin lánar sáralitið, eða um 150
þúsund. Húsnæðismálastjórnarlán
fást að einhverju leyti út á slíkar,
gamlar íbúðir og lífeyrissjóðslán að
sjálfsögðu, en að öðru leyti hafa
kaupendur þurft að sjá um útborgun
sjálfir. Borgin hefur ekki enn tekið
upp þá stefnu að lána það sem á
vantar til neins tíma að heitið getur.
Menn hafa að vísu getað dreift
þessari útborgun á eitt ár eða svo.
Ásta Árnadóttir spurði: Mig
langar til að fá upplýsingar um
hvernig ég get losnað við sorptunnur
á Dalbraut 1, það eru tunnur frá
bakaríinu?
„Þessari athugasemd skal ég koma
á framfæri. Mig minnir þó að hér sé
um gamalt deilumál að ræða, en ég
Byggtverður
við Langholts-
og Laugalækj-
arskóla.
skal þó láta kanna það mál sérstak-
lega.“
BITNAR ÁRANGUR
RÍKISSTJÓRNARINNAR
Á FRAMBOÐI SJÁLF-
STÆÐISFLOKKSINS í
BORGARSTJÓRNAR-
KOSNINGUNUM?
Sigurður E. Haraldsson spurði:
Telur borgarstjóri að misheppnaður
árangur ríkisstjórnarinnar í viður-
eign við margumrædda verðbólgu
bitni á borgarstjóra og meðfram-
bjóðendum hans í komandi borgar-
stjórnarkosningum? Ef borgarstjóri
álítur að svo gæti farið, væri þá ekki
réttara fyrir óánægða kjósendur
með störf ríkisstjórnarinnar að bíða
Alþingiskosninganna, en styðja
borgarstjórnarframboð Sjálfstæðis-
flokksins í komandi borgarstjórnar-
kosningum?
„Þessari spurningu er að sjálf-
sögðu afar erfitt að svara svo að
óyggjandi sé. Við hins vegar, sem
skipum meirihluta borgarstjórnar,
höfum talið núna eins og alltaf að
fyrst og fremst sé kosið um borgar-
málefnin í borgarstjórnarkosning-
um. Að hve miklu leyti landsmálin
blandast inn í slíkar kosningar er
ekki gott að segja um fyrirfram. Við
vitum reyndar að landsmálin hafa
alltaf veruleg áhrif, t.d. í síðustu
borgarstjórnarkosningum vann nú-
verandi meirihluti mikinn sigur, en
þá var líka í landinu vinstri stjórn
sem ekki var mjög vinsæl á þeim
tíma. Hisn vegar hefur Sjálfstæðis-
flokkurinn í borgarstjórnarkosning-
um alltaf haft verri stöðu þegar
Sjálfstæðisflokkurinn hefur verið í
forystu í ríkisstjórn. Þetta er söguleg
staðreynd. Þannig er ekki ólíklegt í
raun að landsmálin spili eitthvað inn
í kosningarnar í vor, þótt það sé
okkar ósk að kosið verði eingöngu
um borgarmálefnin."
LÆRAGJÁ
VIÐ LAUGARNES?
Uni Guðmundur Hjálmarsson
spurði að lokum hvort ekki væri
hægt að koma upp annars staðar í
borgarlandinu lækjum á við lækinn
vinsæla í Nauthólsvík.
„Ég er hræddur um að það sé
nokkuð erfitt. Sannleikurinn er sá að
þessi lækur fæddist kannski fyrir
tilviljun. Um er að ræða yfirfalls-
vatn úr geymunum í Öskjuhlíð, sem
leitt er í pípum niður hlíðina.
Einhverra hluta vegna náði pípan
ekki lengra en yfir veginn sem menn
keyra inn að svæði Landhelgisgæzl-
unnar, þannig að volga vatnið rann
í læk það sem eftir var. Ég hygg að
þetta hafi verið algjör tilviljun og
margir mundu kannski hafa sagt i
upphafi að betri frágangur hefði
verið að leggja pípur alla leið.
En sem betur fer var það ekki gert,
þannig að nú hefur þarna skapast
hið ákjósanlegasta útivistarsvæði.
Ég hygg að aðstæður annars staðar
í borginni bjóði ekki upp á slíka
möguleika."