Morgunblaðið - 25.05.1978, Blaðsíða 22
22
MORGUNBLAÐIÐ, FIMMTUDAGUR 25. MAÍ 1978
Útgefandi hf. Árvakur, Reykjavík.
Framkvaamdastjóri Haraldur Sveinsson.
Ritstjórar Matthías Johannessen,
Styrmir Gunnarsson.
Ritstjórnarfulltrúi Þorbjörn Guómundsson.
Fréttastjóri Björn Jóhannsson.
Auglýsingastjóri Baldvin Jónsson
Ritstjórn og afgreiðsla Aöalstrœti 6, sími 10100.
Auglýsingar Aóalstræti 6, sími 22480.
Áskriftargjald 2000.00 kr. é ménuói innanlands.
í lausasölu 100 kr. eintakió.
Höggvið
á hnútinn
Ríkisstjórnin hefur höggvið í þann hnút, sem myndazt
hefur í kjaramálum landsmanna síðustu mánuði
vegna afstöðu verkalýðssamtakanna til efnahagsaðgerða
ríkisstjórnar og Alþingis í febrúarmánuði. Með bráða-
birgðalögum þeim, sem ríkisstjórnin gaf út í gær, er komið
svo myndarlega til móts við sjónarmið þeirra, sem töldu,
að vísitöluskerðingin hefði ekki átt að ná til hinna
lægstlaunuðu, að ekki er lengur stætt á því að halda uppi
frekari mótmælaaðgerðum.
Bráðabirgðalögin gera ráð fyrir því, að fullar verðbætur
komi nú á dagvinnulaun, sem nema um 122 þúsund krónum
á mánuði, sem er nálægt hinum almenna fiskvinnslutaxta.
Bótahlutfallið lækkar síðan smám saman en kemst ekki
niður í hálfar bætur fyrr en við um 240 þúsund króna
mánaðarlaun. Þá er réttur til verðbótaviðauka nú miðaður
við dagvinnulaun í stað heildarlauna áður en það þýðir, að
réttur til þessara verðbóta skerðist ekki, þótt launþegi hafi
yfirvinnutekjur eða kaupauka, þegar unnið er eftir
bónuskerfi verkafólks eða iðnverkafólks.
Fyrir launþega á dagvinnutöxtum þýða þessi bráða-
birgðalög um 7000 krónum hærri laun á mánuði en ella
og hafi verkafólk yfirvinnutekjur eða bónustekjur getur
munurinn orðið 10—12 þúsund krónur á mánuði. Hins
vegar breyta þessi bráðabirgðalög engu fyrir þá, sem hafa
hærri tekjur.
Geir Hallgrímsson forsætisráðherra segir í viðtali við
Morgunblaðið í dag, að bráðabirgðalögin séu sett til þess
að bæta kjör hinna lægstlaunuðu og fylgja fram stefnu
launajöfnunar í trausti þess, að það stuðli að lausn þeirra
vinnudeilna, sem staðið hafa yfir í vetur. Forsætisráðherra
tekur skýrt fram, að verkalýðssamtökin hafi enga
skuldbindingu gefið um, að þau mundu falla frá
mótmælaaðgerðum en hann segir jafnframt, að lögin séu
sett í trausti þess að launþegasamtökin meti og virði
raunverulega launajöfnunarstefnu.
Þegar áður en bráðabirgðalögin voru sett mátti heyra
raddir um það úr herbúðum stjórnarandstæðinga, að
setning þeirra mundi jafngilda undanhaldi ríkisstjórnar-
innar. Þetta er mikill misskilningur. Sú ríkisstjórn, sem
hefur kjark og þrek til þess að gera ráðstafanir sem miða
að því að tryggja vinnufrið og bæta kjör þeirra, sem við
bágastan hag búa í velmegunarþjóðfélagi okkar, er ekki á
undanhaldi. Sú ríkisstjórn er í sókn. En það er
eftirtektarvert, eins og forsætisráðherra raunar víkur að
í viðtalinu við Morgunblaðið í dag, að á annan veginn
kvarta forystumenn launþegasamtaka yfir því, að
ríkisstjórnin taki ekki nægilegt tillit til sjónarmiða þeirra,
en á hinn veginn tala þeir um undanhald, ef það er gert.
Slíkt tal er verkalýðsleiðtogum ekki til sóma. Raunar er
hyggilegt fyrir þá að hlusta eftir röddum hinna almennu
félagsmanna verkalýðshreyfingarinnar. Þá munu þeir
áreiðanlega komast að raun um, að það er vilji, ósk og von
meginþorra launþega, að með þessum bráðabirgðalögum sé
lokið þeim ófriði og þeirri röskun, sem ríkt hefur á
vinnumarkaðnum undanfarna mánuði.
Morgunblaðið hefur hvað eftir annað hvatt til
sáttagerðar milli ríkisstjórnar, verkalýðs og vinnuveitenda.
Ríkisstjórnin hefur nú gengið á undan með góðu fordæmi.
Nú reynir á þroska og skynsemi verkalýðsleiðtoga. Haldi
þeir áfram mótmælaaðgerðum sinum er það ekki í þágu
láglaunafólks innan verkalýðssamtakanna heldur í þágu
hátekjumanna. Almenningur í landinu mun ekki hafa
nokkra samúð með slíkri afstöðu.
„Öðru verður ekki trúað en að menn geti mætzt og
sætzt", segir Geir Hallgrímsson forsætisráðherra í
Morgunblaðinu í dag. „Við verðum að halda friðinn." Undir
þau orð mun þorri allra landsmanna taka.
(Jtisundlaug nýs sundstaðar í Breiðholti III verður tckin í notkun síðar á þessu ári. Verður laugarþróin
25x12‘/2 m og út úr henni gengur smáralöguð vaðlaug fyrir börn.
Framkvæmdir vid Jrótta-
svæðið í Suður-M jódd
haf nar á næsta ári
Útisundlaug í Breiðholti HI í notkun síðar á þessu ári
MARGVÍSLEGRI aðstöðu fyrir
íþrótta- og æskulýðsstarfsemi
hefur á síðustu árum verið
komið upp í Breiðholtshverfum.
Á árinu 1974 var tekin í notkun
félagsmiðstöð fyrir Fella- og
Hólahverfi, Fellahellir. íþrótta-
hús eru við Breiðholtsskóla og
Fellaskóla og gerður hefur verið
malarvöllur ásamt hlaupabraut-
um í Breiðholti III og eru þar
áhorfendastæði fyrir 3000
manns. Þá er þegar búið að taka
í notkun kennslulaug í nýjum
sundstað í Breiðholti III og
útisundlaug verður tilbúin síðar
á þessu ári. Á næsta ári er
ráðgert að hefja framkvæmdir
við nýtt íþróttasvæði í Suð-
ur-Mjódd í Breiðholti en það
svæði verður byggt upp af ÍR.
Að loknum framkvæmdum við
félagsmiðstöðvar í Árbæjar-
hverfi og við Sæviðarsund er
ráðgert að hefja framkvæmdir
við tvær félagsmiðstöðvar í
Breiðholti. Verður önnur þeirra
nálægt Seljaskóla í Breiðholti II
en hin í Mjóddinni í Breiðholti
I.
Að undanförnu hefur verið
unnið að byggingu nýs sund-
staðar í Breiðholti III og hefur
kennslulaug þar þegar verið
tekin í notkun. Seinna á þessu
ári verður útisundlaug þar tekin
í notkun en stærð laugarþróar-
innar er 25x12% m og út úr
henni gengur smáralöguð vað-
laug fyrir börn. Þá er búið að
hanna íþróttahús, sem verða á
með sal 22,0x44,0 m og nokkru
áhorfendarými, og er ætlunin að
það rísi í Breiðholti III en
ráðgert er að framkvæmdir við
það hefjist innan tíðar. Borgar-
ráð hefur nýverið samþykkt að
tillögu íþróttaráðs að gefa
Iþróttafélagi Reykjavíkur kost á
landsvæði í Suður-Mjódd, en þar
á að öðru leyti að koma fjöl-
breytt íþróttaaðstaða fyrir
Breiðholtshverfin. Skipulagn-
ingu svæðisins verður lokið á
næsta ári og er ætlun að að
fyrstu framkvæmdir hefjist það
sama ár með framkvæmdum við
stóran knattspyrnuvöll. Einnig
er ráðgert að þarna komi
íþróttahús 50x70 metrar, sem
hýsa á 3 handboltavelli og
sundlaug.
Fyrsta skemmtiferðaskipið
FYRSTA skemmtiferðaskip-
ið kom til Reykjavíkur árla í
gærmorgun og í hinu
fegursta veðri, þótt ótrúlegt
sé. Britania heitir skipið en
er samt skráð í Grikklandi,
og er með um 700 farþega,
aðallega Þjóðverja og Hol-
lendinga. Það fór aftur frá
Reykjavík í gærkvöldi eftir
að farþegarnir höfðu brugðið
sér í land og farið í útsýnis-
ferðir, ýmist út fyrir borgina
eða innan bæjar.