Morgunblaðið - 25.05.1978, Blaðsíða 41

MORGUNBLAÐIÐ, FIMMTUDAGUR 25. MAÍ 1978
41
fclk f
fréttum
+ Nýjasta vinkona Mick Jaggers
heitir Jerry Hall. Hún hefur alla
tíð vitað hvað hún vill. Og þegar
hún var lítil sagðist hún ætla að
verða ríkasta, þekktasta og fal-
legasta sýningarstúlkan í heimin-
um. Hún ætlaði sér sem sagt að
verða heimsfræg. Og með tak-
markalausum sjálfsaga og dugn-
aði hefur henni tekist það. Hún
er svo sannarlega rík, árstekjur
hennar eru rúmlega 150.000 pund
(rúml. 70 milljónir ísl. króna), og
þó er ferill hennar sem sýningar-
stúlku svo til rétt að byrja. Hún
er falleg á sinn sérstaka og
gáskafulla hátt og fræg fyrir það
m.a. að vera vinkona frægra
hljómlistarmanna og leikara.
Eftir því sem kunnugir segja
virðist samband þeirra Mick
Jaggers vera meira en stundar-
gaman. Jerry Hall er 21 árs
gömul og tæplega 2 metrar á
hæð. Móður hennar finnst auður
hennar og frægð hafa komið helst
til hratt. En segir jafnframt að
hún sé nægilega gömul og vel
gefin til að kunna fótum sínum
forráð. — Jerry gekk afar vel í
skóla og lauk skyldunámi tveim
árum fyrr en flestir gera. í
uppeldi hennar var jákvætt
hugarfar ætíð efst á blaði og
henni var kennt að ef maður legði
nógu hart að sér þá tækist manni
það sem maður ætlaði sér. Þegar
skólanámi lauk ákvað hún að láta
drauminn um sýningarstarfið
rætast og með aðstoð foreldra
sinna fór hún til Parísar aðeins
15 ára gömul. En sá draumur stóð
ekki lengi, nokkrum mánuðum
seinna skrifuðu foreldrar hennar
henni og sögðu henni að koma
heim til Texas. Þar var henni
frekar fálega tekið af tízku-
sýninga-mönnum. Þeir sögðu
hana allt of hávaxna, og að
karlmönnum í Texas líkaði ekki
að vera minni en kvenmaðurinn.
Þess vegna sögðu þeir henni að
fara eitthvað annað eða fá sér
annað starf. Þá ákvað hún að
freista gæfunnar í New York, en
þar gekk henni engu betur. Þegar
hún var 17 ára ákvað hún að fara
aftur til Parísar og þá í fylgd með
tvíburasystur sinni. í þetta skipti
gekk allt eins og í sögu. Hún
komst í kynni við fólk, sem hafði
rétt sambönd og eftir 2 ár í borg
tískunnar var Jerry meðal 5
frægustu tískusýningastúlkna
Evrópu. Myndir af henni höfðu
þá birst á forsíðum blaða eins og
Cosmopolitan, Vogue og Gentel-
men's Quarterly. Það var forsíðu-
mynd í Vogue, sem vakti athygli
söngvarans Bryan Ferry á Jerry
Hall. Hún var stúlkan sem hann
vildi að prýddi plötuumslagið
utan um nýjustu plötu hans. En
hún varð meira en það. Þau
bjuggu saman frá þeirri stundu
þar til fyrir nokkrum mánuðum
þegar samband hennar og Mick
Jaggers hófst.
Tilboðin streyma til hennar, en
hún hafnar þeim öllum jafnóðum
og þau berast. Síðr.n hún kynntist
Mick Jagger hefur hún ekkert
unnið, hún ferðast með honum og
skemmtir sér. En þó hún vinni
ekkert sóar hún ekki fjármunum
sínum. Hún hefur fjárfest í
verðbréfum og nýlega keypti hún
sér búgarð í Texas, þar sem hún
stundar hrossarækt. Einn af
draumum hennar er að kaupa
búgarða handa öllum systrum
sínum (hún á 4) og hún vill að
allir búgarðarnir eigi lönd
saman.
Móðir hennar segist ekki vita
hvort þau Jerry og Mick ætli sér
að ganga í hjónaband. En vin-
kona Jerrys, söngkonan Grace
Jones, segir að Jerry þurfi mikla
ástúð og athygli, þessa stundina
sé hún ástfangin af Mick Jagger
og ætli sér að giftast honum. Og
að hún sé vön að fá það sem hún
ætli sér.
nálar
BUÐIN
SKIPHOLTI 19 R.
SÍMI 29800 (5 LÍNUR)
27 ÁR Í FARARBRODDI
Aðalfundur
félagsins
verður haldinn í húsi
Slysavarnafélags íslands,
Grandagaröi,
í kvöld kl. 21.00.
Fundarefni:
1. Skýrsla formanns.
2. Lagabreytingar.
3. Innritun nýrra félaga.
4. Stjórnarkjör.
5. Kynnt hugmynd um keppni hraðbáta umhverfis ísland.
6. Önnur mál.
Látið fundarboðið berast og takiö
með ykkur gesti.
Allir sportbátaunnendur velkomnir.
Fjölmennum
Stjórnin
TÍsku-
sýning
Föstudag kl. 12.30—13.30.
Sýningin, sem verður i Blómasal Hótels Loftleiða er
haldin á vegum Rammagerðarinnar, íslensks Heimilisiðn-
aðar og Hótels Loftleiða
Sýndir verða sérstakir skartgripir og nýjustu gerðir fatn-
aðar, sem unnin er úr íslenskum ullar- og skinnvörum
Módelsamtökin sýna.
Hinir vinsælu réttir kalda borðsins á boðstólum.
Verið velkomin.
HOTEL
LOFTLEIÐIR
Sími 22322