Morgunblaðið - 26.05.1978, Blaðsíða 10

10
MORGUNBLAÐIÐ FOSTUDAGUR 26. MAÍ 1978
Borgarstjóri svarar...
Tekið er á móti fyrirspurnum i síma 10100 kl. 10-12 mánudaga til föstudags
Ólokið
íþróttasvæðum
Guðjón Óskarsson,
Snælandi 1:
Hvers vegna er ekki lokið við
þá íþróttavelli sem lokið var við
að ræsa fram árið 1976 og eru
í austanverðum Fossvogsdal?
Framkvæmdir
við Víkingsvöll
Iljörleifur Þórðarson,
. Hellulandi 5:
íþróttafélaginu Víkingi var
úthlutað svæði fyrir nokkru og
vildi borgin sjá um framkvæmd-
ir á því. Var auglýst eftir
tilboðum í verkið 1974 og átti að
ljúka framkvæmdum 1978. Nú
er komið árið 1978 og ekki hefur
verið nema rétt hafizt handa.
Hvenær verður framkvæmdum
lokið?
svör,
Iþróttasvæðinu í austanverð-
um Fossvogsdal var ekki úthluta
til Knattspyrnufélagsins Vík-
ings, en borgaryfirvöld hafa
hins vegar heitið félaginu for-
gangsrétti til æfinga á svæðinu.
Árið 1974 var boðin út jöfnun
svæðisins og framræsing þess
og var það verk þá unniö. Ekki
hefur verið á áætlun, að heildar-
framkvæmdum við íþróttasvæð-
ið lyki á þessu ári. Hins vegar
skal á það bent, að Víkingur lét
gera grasvöll á svæði sínu við
Hæðargarð og hefur borgarsjóð-
ur styrkt og lánað til þeirra
framkvæmda 80% af kostnaði.
Iþróttaráð gerir tillögu um
skiptingu framkvæmdafjár
borgarinnar til íþróttamála.
Hefur verið talið á liðnum árum
að aðrar framkvæmdir verði að
hafa forgang innan ramma
fjárveitinga. Haldið verður
áfram undirbúningi gerð
íþróttasvæðis í Fossvogi, en
tímasett áætlun um fram-
kvæmdir liggur ekki fyrir.
Úðun á vegum
borgarinnar?
Þorbjörg Agnarsdóttir,
Granaskjóli 40:
Við sem þurfum að sjá um
garða okkar látum yfirleitt úða
þá árlega, en það getur stundum
reynst óþarfi, þ.e. ef það er ekki
gert nógu snemma. Þeir sem
stunda úðun bera því við að geta
ekki haft í eigu sinni þau dýru
tæki sem þarf til úðunar. Er
hægt að gera ráð fyrir að borgin
standi fyrir svona þjónustu þar
sem einstaklingar gera það varh
skv. þessum rökum?
SVAR,
Ekki er annað vitað en margir
aðilar stundi úðun garða í
Reykjavík. Hefur því ekki komið
til tals að borgarsjóður stæði
fyrir slíkum rekstri.
Sundnámskeið
í Breiðholti?
Hrefna Kristbergsdóttir,
Blöndubakka 18:
Væri ekki hægt að hafa
sundnámskeið hér við Breið-
hoitsskóla þar sem sundlaugin
er til staðar? Námskeið eru í
efra Breiðholti en þangað er
erfitt að senda 6 ára börn héðan
úr Breiðholti I og Seljahverfinu.
SVAR,
Rétt er að taka fram, að
sundnámskeið er ekki haldið í
öllum sundlaugum sem eru í
skólum borgarinnar. Það var
mat fræðslustjóra og íþrótta-
fulltrúa að ekki væri nauðsyn að
halda sundnámskeið í Breið-
holtsskóla, en námskeiðið í
sundlaug Fjölbrautaskólans
myndi anna eftirspurn fyrir
Breiðholtshverfin. Uomi í ljós
að svo er ekki verður málið
endurskoðað.
Hvar er
skautasvæðið?
Kristín Sigurðardóttir,
Austurbrún 2:
1) Hvernig er með loforðin um
skautasvæði í Laugardalnum?
Vantar e.t.v. þrsstihóp til að
koma málinu í höfn? Mér hefur
skilizt að sá staður sem skauta-
aðstaðan átti að vera á verði
tekinn undir enn einn sparkvöll-
inn. Er það rétt og hvenær má
þá vænta efnda loforðanna með
skautaaðstöðuna.
2) Hjólreiðar eru taldar hollar
og góðar og hvenær verður gert
eitthvað til að vernda þá sem
vilja hjóla skv. áætlun er talað
var um einu sinni? I Morgun-
blaðinu á miðvikudag var talað
um að tryggja öryggi hesta-
manna í umferðinni. Hafa þeir
einhvern forgang framyfir hjól-
reiðamenn?
SVÖR,
Fyrir nokkrum árum fór fram
útboð á gerð vélfrysts skauta-
svells, en tilboð þóttu mjög
óhagstæð ákvað borgarráð að
hafna þeim öllum. Síðan hafa
önnur verkefni á sviði íþrótta-
mála verið látin ganga fyrir, en
ég vonast til að unnt verði að
vinna að gerð skautasvæðisins á
næsta kjörtímabili. Misskilning-
ur er að stað þeim, sem skauta-
svellið á að vera á, hafi verið
ráðsafað til annarra nota.
2. Sá þáttur áætlunar um
umhverfi og útivist frá 1974,
sem mest hefur orðið fyrir
niðurskurði vegna verðbólgunn-
ar, er gerð stígakerfis, bæði til
göngu og hjólreiða. I endurskoð-
aðri framkvæmdaáætlun fyrir
árin 1978—1983 er áætlað að
verja samtals 520 millj. kr. úr
borgarsjóði til þessa stígakerfis.
Vegna tilvitnunar fyrirspyrj-
anda í umræður um öryggi
hestamanna í umferðinni er rétt
að taka fram, að ályktun
borgarstjórnar um gerð ganga
undir Suðurlandsveg var beint
til samgönruráðherra enda um
þjóðveg að ræða og ættu göngin
því að vera kostuð af ríkissjóði.
Vantar bekki
Gunnlaug Jóhannsdóttir,
Hátúni 10 B:
Hvers vegna var skipt um
biðskýli hjá SVR? Ég mæli fyrir
munn margra hér í Öryrkja-
handalagshúsunum þegar spurt
er um þetta því hér er margt
gamalt fólk, fatlað á ýmsan hátt
sem þykir gott og nauðsynlegt
að sitja á bekk meðan beðið er
eftir vagni. Við vonumst eftir
góðri úrlausn.
Valgerður Sæmundsdóttir,
Hátúni 10 B:
Aðeins spurning um hvort
settir verða aftur bekkir í skýli
SVR og hvort ekki mætti fjölga
bekkjum á almannafæri?
SVÖR,
Þegar stjórn S.V.R. tók
ákvörðun um að festa kaup á
hagkvæmari og skjólbetri bið-
skýlum lá fyrir líkan og upp-
drættir, sem sýndi bekki í
skýlunum. Vegna mistaka
fylgdu bekkir ekki skýlunum og
voru þá gerðar ráðstafanir til
úrbóta, og þessa dagana mun
framleiðandi einmitt vera að
afhenda bekkina og því aðeins
dagsspursmál þangað til þeir
verða settir upp.
Hvað á að
gera við
svæðið
Garðar Siggeirsson,
Safamýri 69:
Hvað á að gera við það opna
svæði sem er bak við verzlunar-
miðstöðina Miðbæ, þ.e. svæðið
við húsin nr. 81—95 við Safa-
mýri?
Kirsten Friðriksdóttir,
Safamýri 81:
í 29. gr. byggingarsamþykktar
Reykjavíkurborgar, útg. 1965,
segir að lóðarhafa sé skylt að
gera fullnægjandi ráðstafanir
til þess að yfirborðsvatn af lóð
hans valdi ekki tjóni eða óþæg-
indum á grannlóð eða gangstétt.
Þess vegna langar mig til að
spyrja, hvort ekki sé nokkur leið
að borgin geti ræst fram svæðið
milli Safamýri 81 og 95.
SVÖR,
Fallið er frá fyrri áformum
um að hafa þarna leikvöll og
þarf því að taka svæðið til betri
ræktunar. Þar munu vera þrjú
niðurföll, sem hafa verið stífluð,
en verða nú aftur gerð virk.
Hvenær byggt
í Selásnum?
Kristín Þ. Þórarinsdóttir,
Skipasundi 60:
Hvenær er gert ráð fyrir að
lóðir í Selásnum, þ.e. minni
einbýlishúsalóðirnar í Fjarðar-
ási verði tilbúnar til að hefja á
þeim byggingarframkvæmdir?
SVAR,
Gert er ráð fyrir að lóðirnar
verði byggingarhæfar haustið
1979.
Illa tilhöfð
lóð
Amalía Jónsdóttir,
Laugavegi 157:
Lóðin nr. 159 við Laugaveg er
mjög illa tilhöfð eftir að hús
sem á henni var, var rifið niður.
Þarna er mold og grjót og
óþrifnaður í bleytu. Því er ekki
gengið frá þessari lóð, sem er í
eigu borgarinnar og er svona í
hjarta borgarinnar nánast, en
þarna mætti setja grasfræ eða
ganga betur frá á einhvern hátt.
SVAR,
Þessi ábending verður tekin
til greina.
Hvar verða
vagnstjórar?
Kristinn Hraunfjörð,
Blómvöllum við Nesveg:
Okkur hefur verið tjáð að ekki
verði aðstaða fyrir vagnstjóra í
nýja biðskýlinu á Hlemmi. Hvar
eiga þeir að vera eftir að húsið
nr. 115 við Hverfisgötu verður
rifið, en eftir því sem okkur
hefur skilizt á það að hverfa.
SVAR,
Ekki er talið fyrirsjáanlegt í
næstu 5—10 ár, að Hverfisgata
115 verði rifið. I áningarstaðn-
um á Hlemmi er gert ráð fyrir
aðstöðu fyrir vagnstjóra þegar
og ef á þarf að halda og
leigumálar um verzlunarrými
eru því hafðir til atutts tíma.
Skyggir
hann á?
Sigurbjörg Ármannsdóttir,
Vesturbergi 120:
1) Verður svæðið norðan við
Fjölbrautaskólann ófrágengið
allt til ársins 1982 er lokið á að
vera framkvæmdum við hann?
2) Verður þriðja bygging
skólans jafnumfangsmikil fyrri
byggingunum og því nær fjöi-
býlishusunum við Vesturberg og
hindrar e.t.v. útsýn og byrgir
fyrir sólu þar?
SVÖR.
1. Ráðgert er að reisa tvær
álmur til viðbótar suð-vestan
við núverandi skólahúsnæði svo
og tengiálmu, sem tengir saman
allar fjórar álmur skólans sam-
síða Austurberg. Á þessu bygg-
ingarsvæði hefur ekki verið gert
ráð fyrir frekari lóðarfrágangi
áður en framkvæmdir hefjast.
Gengið verður frá þeim hlutá
Ióðarinnar, sem snýr að Hóla-
brekkuskóla og Vesturbergi
sumarið 1979 eftir að
byggingarframkvæmdum við D-
álmu er lokið.
2. Framangreindar tvær álm-
ur Fjölbrautaskólans verða
styttri og minni umfangs en þær
sem fyrir eru. Stærsta húsið
verður D-álman. Ekki er talið að
þær byggingar, sem eftir eru
muni spilla fyrir útsýni eða
sólarbirtu íbúanna við Vestur-
berg.
Hávaði frá
umferð
Kári Forberg, Eskihlíð 22:
Mikill hávaði stafar frá um-
ferð um Reykjanesbrautina hér
við Eskihlíð og spyrja má hvort
ekki sé hægt að takmarka
umferð stórra bíla og e.t.v.
skellinaðra kl. 22—01 á kvöldin
og svo aftur snemma á morgn-
ana? Hægt væri að beina
umferðinni eftir Kringlumýrar-
braut og Miklubraut á meðan.
SVAR,
Ég fæ ekki séð að unnt sé að
verða við þessari ábendingu.
Vandamálið yrði aðeins flutt
milli gatna.
Vantar
akstursleið
Sigríður Hjartar,
Langagerði 19:
Á horni Langagerðis og
Réttarholtsvegar er leikskóli.
Ekki er aksturleið að skólanum
þannig að foreldrar verða að
skilja við bíla sína við gatna-
mótin. Þarna er mikil umferð og
því óþægilegt bæði fyrir foreldr-
ana og börnin að komast ekki
nær leikskólanum. ahvenær
verður opnuð leið að skólanum
á sama hátt og er við verzlan-
irnar litlu neðar á Réttarholts-
veginum?
SVAR,
Mál þetta er einmitt til
meðferðar og úrlausnar hjá
umferðardeild og er þess að
vænta að tillaga um lausn liggi
fljótlega fyrir.
Erfið
aðkoma
Lilja Þórðardóttir,
Grettisgötu 79:
Er ekki hægt að breyta
bíastæðunum við Stjörnubíó á
einhvern hátt, því bílar sem
standa við stöðumæla hér norð-
an húsa við Grettisgötuna úti-
loka stundum að sorphreins-
unarmenn komist að til að taka
rusl. Eru bílar stundum svo
nærri hliðum inn í garðana við
húsin að þeir loka aðkomunni.
SVAR.
Þessi umkvörtun hefur ekki
borizt áður til umferðardeildar
og t.d. ekki frá þeim, sem starfa
við sorphreinsun. Umferðar-
deild verður því beðin um að
kanna málið.
Fer hún
í gang?
Sveinn Sveinsson,
Sólvallagötu 3:
Mig langar aðeins að varpa
því fram hvort og þá hvenær við
fáum aftur að sjá klukkuna á
torginu aftur fara í gang? Það
er slæmt að horfa uppá hana í
svo slæmu ásigkomulagi.
SVAR,
Á sínum tíma fékk Magnús
Kjaran, stórkaupmaður, leyfi til
að setja upp þessa klukku á
Lækjartorgi. Klukkan er nú í
eigu erfingja Magnúsar. Rætt
hefur verið nokkrum sinnum við
fulltrúa eigenda um ástand
klukkunnar og standa nú yfir
viðræður um framtíð hennar á
þessum stað.