Morgunblaðið - 26.05.1978, Blaðsíða 14

14
MORGUNBLAÐIÐ FÖSTUDAGUR 26. MAÍ 1978
Útgefandi hf. Árvakur, Reykjavík.
Framkvœmdaatjóri Haraldur Sveinason.
Ritstjórar Matthías Johannessen,
Styrmir Gunnarsson.
Ritstjórnarfulltrúi Þorbjörn Guómundsson.
Fróttastjóri Björn Jóhannsson.
Auglýsingastjóri Baldvin Jónsson
Ritstjórn og afgreiðsla Aöalstræti 6, sími 10100.
Auglýsingar Aóalstræti 6, sími 22480.
Áskriftargjald 2000.00 kr. á mánuói innanlands.
í lausasölu 100 kr. eintakið.
Tvísýnar kosningar
Birgir ísleifur Gunnarsson borgarstjóri minnti borgarbúa á það í
útvarpsumræðum um borgarmái Reykjavíkur að úrslit borgar-
stjórnarkosninganna, sem fram fara á sunnudaginn kemur eru mjög
tvísýn. þótt Sjálfstæðisflokkurinn hafi unnið mikinn kosningasigur fyrir
4 árum. Þá hlaut Sjálfstæðisflokkurinn 9 borgarfulltrúa kjörna og meira
en helming greiddra atkvæða í Reykjavík. Vera má, að einhverjir
kjósendur segi sem svo, að þessi sigur Sjáifstæðisflokksins fyrir 4 árum
hafi verið svo mikill, að flokkurinn sé öruggur um að halda meirihluta
sínum í Reykjavík nú, þótt ekki hljóti hann jafn góða kosningu og þá.
En í slíkri afstöðu felst hættulegt andvaraleysi.
Sjálfstæðisflokkurinn vann góðan kosningasigur og hlaut 9
borgarfulltrúa kjörna í borgarstjórnarkosningunum 1962. Þess vegna má
vera, að bæði flokksmenn og aðrir stuðningsmenn borgarstjórnarmeiri-
hlutans hafi ekki gætt að sér í kosningunum 4 árum seinna, 1966, en
þá munaöi mjög litlu, að Sjálfstæðisflokkurinn missti meirihluta sinn
í borgarstjórn. Þess vegna er full ástæða til að undirstrika aðvörunarorð
borgarstjóra í útvarpinu. Kosningarnar á sunnudaginn eru tvísýnar og
„meirihluti sjálfstæðismanna í borgarstjórn verður ekki tryggður, nema
allir sem vilja veita okkur brautargengi leggist á eitt“, eins og
borgarstjóri komst að orði í fyrrakvöld.
Kosið um borgarstjóra
Með því að styðja meirihluta sjálfstæðismanna í borgarstjórn
Reykjavíkur vita kjósendur að hverju þeir ganga og hvað þeir eru
að kjósa. Reykvískir kjósendur þekkja meirihluta borgarstjórnar af
verkum hans. Borgarbúar vita einnig hvern þeir kjósa sem borgarstjóra,
þegar þeir styðja D-listann í kosningunum á sunnudaginn. Birgir ísl.
Gunnarsson hefur verið borgarstjóri Reykjavíkur í nær 6 ár. Hann hefur
reynzt farsæll og traustur í starfi og nýtur vinsælda meðal borgarbúa.
Hann verður borgarstjóri áfram, ef meirihluti sjálfstæðismanna verður
tryggður.
Hins vegar hafa borgarbúar enga hugmynd um, hvern þeir kjósa yfir
sig sem borgarstjóra, ef þeir veita minnihlutaflokkunum brautargengi
í kosningunum. Því hefur verið fleygt af hálfu talsmanna
minnihlutaflokkanna, að þeir muni auglýsa eftir borgarstjóra og að
borgarstjóri eigi að vera hlutiaus embættismaður. Ekki mundi
reykvískum kjósendum líka það vel, að í hinu veigamikla embætti
borgarstjóra Reykjavíkur sæti hlutlaus embættismaður, sem bæri enga
pólitíska ábyrgð gagnvart kjósendum í borginni og þyrfti þess vegna
ekki að hafa það hugfast í störfum sínum frá degi til dags, frá mánuði
til mánaðar og frá ári til árs, að hann ætti eftir að standa kjósendum
reikningsskap gerða sinna. Ekki mundi reykvískum kjósendum heldur
líka það vel að kjósa yfir sig þrjá borgarstjóra, einn úr hverjum
minnihlutaflokkanna, því að sú yrði niðurstaðan, ef sjálfstæðismenn
misstu meirihluta sinn. Minnihlutaflokkarnir núverandi gætu ekki
komið sér saman um borgarstjóraefni. Þess vegna yrðu þrír
borgarstjórar skipaðir í Reykjavík ef þeir næðu meirihluta. Sá þríhöfða
þurs mundi ekki reynast Reykjavík og Reykvíkingum vel. Þess vegna
er ekki aðeins tekizt á um stefnumörk í borgarmálum heldur einnig um
oddvita borgarinnar, borgarstjórann í Reykjavík í kosningunum. Með
því 'að kjósa D-listann kjósa menn Birgi ísleif Gunnarsson sem
borgarstjóra.
Víkjum burt sósíalisma
og vinstri stjórn
Talsmenn Aiþýðubandalagsins hafa gert tilkall til forystu fyrir
nýjum meirihluta í borgarstjórn. Þeir hafa jafnframt lýst því yfir,
að þeir hyggist koma á sósíaiisma í Reykjavík. Einn af borgarfulltrúum
Alþýðubandalagsins og frambjóðandi í þessum kosningum hefur tekið
fram, að ekki sé ætlunin að slátra allri einkastarfsemi strax. Hvorki
Framsóknarflokkurinn né Alþýðuflokkurinn mundi hafa þrek eða styrk
til þess að standa gegn áformum Alþýðubandalagsins um sósíalisma í
Reykjavík.
Með því að styðja áframhaldandi meirihluta sjálfstæðismanna í
borgarstjórn Reykjavíkur eru kjósendur að koma í veg fyrir, að
sósíalismi og vinstri stjórn haldi innreið sína í höfuðborgina. Með því
að styðja meirihluta sjálfstæðismanna í borgarstjórn í kosningunum á
sunnudaginn kemur eru kjósendur að koma í veg fyrir, að sams konar
öngþveiti og upplausn skapist í höfuðborginni á næstu 4 árum og
skapaðist á vettvangi landsmála á þriggja ára stjórnarferli vinstri
stjórnarinnar 1971—74. Sú reynsla er Reykvíkingum enn í svo fersku
minni, að hún ætti verða víti til varnaðar. Reykvíkingar vilja ekki
sósíalisma og vinstri stjórn í höfuðborginni, en til þess að koma í veg
fyrir það þurfa borgarbúar hvar í flokki sem þeir annars standa, að
koma tii liðs við sjálfstæðismenn í þessum borgarstjórnarkosningum.
Formenn stjómarand-
stöduflokkanna um
bráðabirgðalög ríkis-
stjórnarinnar
MORGUNBLAÐIÐ leitaði í gær umsagna formanna stjórnarandstöðuflokk-
anna þriggja á Alþingi, Benedikts Gröndals, Magnúsar Torfa ólafssonar og
Lúðvíks Jósepssonar, um bráðabirgðalög ríkisstjórnarinnar. Svör þeirra fara
hér á eftir*
Benedikt Gröndal formaður Alþýðuflokksins;
Sjálfsagt að meta kjara-
bætur tíl hinna lægstlaimuðu
Benedikt Gröndal, formaður Alþýðuflokksins,
sagði:
„Mér kemur fyrst til hugar, að ef þetta er hægt
núna, var það þá ekki hægt, þegar ríkisstjórnin
knúði lög í gegnum þingið. Hefði þá ekki mátt
spara sér allmikil átök og sundrungu í
þjóðfélaginu. Ég tel sjálfsagt að meta engu að
síður þær kjarabætur, sem lægst launaða fólkið
fær með þessari breytingu, en á hinn bóginn er
fjarri því að allar kröfur verkalýðshreyfingarinn-
ar séu uppfylltar og með lægra launaða fólkið
skapast aukið misræmi á milli dagvinnu, eftir-
og helgidagavinnu, sem fyrr eða síðar verður
óhjákvæmilegt að leiðrétta."
Lúðvík Jósepsson formaður Alþýðubandalagsins:
Lögin draga úr kjaraskerð-
ingunni hjá láglaunafólki
með dagvinnutekjur einar
LÚÐVÍK Jósepsson. formaður Alþýðubandalags-
ins, sagði:
„Mér sýnist að þessi bráðabirgðalög séu sett af
tveimur megin ástæðum. I fyrsta lagi tel ég að
hér sé á ferðinni greinileg kosningahræðsla hjá
stjórnarflokkunum. Þeim lýst ekki á blikuna í
sambandi við það, sem þeir hafa gert í þessum
málum með lögunum frá því í febrúar. í öðru lagi
þá er ríkisvaldið þarna að láta undan þeim þungu
afleiðingum, sem eru af þeim aðgerðum, sem
verkalýðshreyfingin hefur gripið til, því að það
er enginn vafi á því að um þungar afleiðingar er
að ræða í reksturskostnaði margra fyrirtækja.
Þetta eru ástæðurnar.
Það er rétt, að þessi lög dragi talsvert verulega
úr kjaraskerðingunni, sem fólust í lögunum frá
því í febrúar, einkum hjá þeim, sem eru á lágum
launum og vinna eingöngu dagvinnu. Hins vegar
sýnist mér að kjaraskerðingin verði áfram
allveruleg hjá þeim fjölmennu hópum láglauna-
fólks, sem t.d. vinna í fiskvinnslu, vegna þess að
þeir hópar vinna svo mikla eftir-, nætur- og
helgidagavinnu að stór hluti af heildarkaupi
þeirra lendir áfram í vísitöluskerðingunni.
Áfram verður því allveruleg kjaraskerðing hjá
þeim, sem eru í láglaunaflokkum, en þannig
stendur á um.
Um þessi lög vil ég segja, að mér sýnist að í
þeim felist allmikil viðurkenning á því að lögin
frá því í febrúar fái ekki staðizt og eru ekki
sanngjörn og tilraun til þess að ná þarna
samkomulagi. En það er mín skoðun, að þessi
vandi, sem þarna er um að ræða, verði ekki
leystur með bráðabirgðalögum eða lagasetningu,
heldur á þarna að verða um kaupgjaldssamning
að ræða, sem eigi að standa við.
Um það, hverjar verði svo afleiðingarnar af
þessari löggjöf, skal ég ekkert um segja. Ég hef
ekki aðstöðu til þess að dæma um það, hvað
verkalýðshreyfingin og launþegasamtökin í
landinu gera, en það er þó enginn vafi á því að
þarna hefur orðið á umtalsverð breyting, en þó
er greinilegt að enn ber allmikið á milli krafna
verkalýðsfélaganna og þess sem felst í þessum
nýju lögum. Meginniðurstaða mín er sú, að það
á að knýja fram að um þessi mál sé samið, en
það á ekki að reyna að leysa þetta með löggjöf,
því að það mun ekki takast."
Magnús Torfi Ólafsson, formaður SFV:
Hef ði verið nær að hugsa
sitt ráð betur í vetur
Magnús Torfi Ólafsson, formaður Samtaka ráð betur í vetur, þegar hún fór af stað með þessi
frjálslyndra og vinstri manna, sagði: lög, heldur en þurfa að hræra í þeim til þess að
„Ríkisstjórninni hefði verið nær að hugsa sitt reyna að kaupa sér frið rétt fyrir kosningarnar."
Framkvæmdir við stólalyft-
una í BláfjöHum hefjast 1 júní
Á FUNDI Bláfjallaneíndar í
gær kom fram að stólalyftan,
sem setja á upp í sumar, væri
íarin af stað frá Austurríki. Á
fundinum var ákveðið að hefja
framkvæmdir við uppsetningu
á möstrum og endastöðvum,
sem gera á hér, í byrjun
júnímánaðar. Og á lyftan að
vera fullhúin í september.
Stólalyftan er um 700 m löng
og liggur úr Kóngsgili og upp á
brúnir og getur flutt 1000 manns
á klukkutíma. Undirstöðurnar
undir möstrin eru 8 eða 9 talsins.
Eftir miðjan júnímánuð kemur
maður frá Dobblemayerfyrir-
tækinu, til að hafa eftirlit með
uppsetningu lyftunnar.
Hákon Ólafsson verkfræðing-
ur hefur í vetur unnið að
snjómælingum á fyrirhuguðum
lyftustæðum í Bláfjöllum, í
Eldborgargili, Kóngsgili og
Suðurgilinu og víða og gerði
grein fyrir þeim á fundinum.
Var að sögn Elínar Pálmadóttur,
formanns nefndarinnar, ákveðið
að hann héldi slíkum mælingum
áfram.