Morgunblaðið - 27.05.1978, Blaðsíða 32
32
MORGUNBLAÐIÐ, LAUGARDAGUR 27. MAÍ 1978
Richard Björgvinsson:
X-D í Kópavogi
—Prófk jör-f ramboð
I Morgunblaðið 25. þ.m. ritar
Guðrún Oiafsdóttir, tilvonandi
hafnarstjóri í Kópavogi, sbr.
sjónvarpsræðu hennar s.l. sunnu-
dag, um prófkjör.
Það er nú ekki í fyrsta sinn, sem
það S-listafólk skrifar um próf-
kjör, enda eina, aleina málið, sem
það ræðir um. Það góða fólk segist
vera sjálfstæðisfólk, þó ekki sé það
nú allt í Sjálfstæðisflokknum.
Við D-listamenn höfum ekki elt
ólar við allt þeirra prófkjörstal,
enda haft öðrum hnöppum að
hneppa, að berjast við pólitíska
andstæðinga okkar um bæjarmál í
Kópavogi. Við höfum hinsvegar
skýrt frá staðreyndum um próf-
kjörsmál okkar og framhald þeirra
en ef til vill er samt ekki úr vegi
að endurtaka það nú, rétt fyrir
kosningar.
í opnu prófkjöri í marz s.l. náði
einungis einn maður. Axel Jóns-
son, bindandi kosningu, þ.e. í 1.
sætið. Önnur voru raunveruieg
úrslit prófkjörsins ekki, og við
það bættist, að dreifing atkvæða
var mjög mikil og muhur á
atkvæðum milli sæta lítill. Samt
var það svo, að uppstillingarnefnd
gerði tillögu um, að 17 af þeim 20
mönnum. sem tóku þátt í próf-
kjörinu, tækju sæti á framboðs-
listanum. Tillögur hennar voru
samþykktar með miklum meiri-
hluta á fulltrúaráðsfundi.
Á D-listanum í Kópavogi eiga
sæti 14 af þessum 20, þrír hlupu
yfir á S-listann, og þar eiga sæti
aðeins 5 þeirra, sem þátt tóku í
prófkjörinu.
Prófkjörsreglur
Um prófkjör gilda ákveðnar
reglur. M.a. er þar skýrt, að
binding kosningar í prófkjöri næði
aðeins til uppstillingarnefndar, til
tillögu hennar til fulltrúaráðs,
ekkert annað. Fulltrúaráð hefur
frjálsar hendur af prófkjöri, ef það
vill. Þó hefur meira að segja
uppstillingarnefnd frjálsar hendur,
um að færa til í sætum 6 efstu
menn í prófkjöri, jafnvel þó um
svonefnda bindandi kosningu sé að
ræða. Þessar reglur eru ekki neitt
sérfyrirbrigði í Kópavogi, heldur
gilda þær alls staðar í prófkjörum
Sjálfstæðisflokksins, þar sem ég
þekki til.
Allar breytingar, sem gerðar
voru á framboði Sjálfstæðis-
flokksins í Kópavogi, voru gerðar
innan ramma þeirra reglna. scm
um prófkjörið gilda.
En hvers vegna þá allur þessi
hávaði, sprengilisti o.s. frv.? Jú —
nokkur hópur manna vildi ekki
sætta sig við það framboð, sem
fulltrúaráð flokksins ákvað, vildi
ekki sætta sig við það, þó farið
væri í einu og öllu að skv. gildandi
reglum, sem bæði þeir og aðrir
höfðu samþykkt löngu fyrir próf-
kjörið.
En til hvers er þá veríð að setja
reglur, sem fólk er svo óánægt með
að farið sé eftir að loknu próf-
kjöri? Til hvers eru þá þessir
varnaglar um bindandi kosningar,
tilfærslur o.fl.? Svarið er sára
einfalt, það er flokkurinn, í þessu
tilfelli Sjálfstæðisflokkurinn, sem
er að bjóða fram, hans er ábyrgð-
in, þó prófkjör sé ein aðferð, sem
höfð er til hliðsjónar við framboð.
Varnaglarnir í reglunum eru líka
til þess að geta forðast slys, sem
vissulega geta orðið í prófkjörum
sem annars staðar.
Guðni og Eggert
I öðru sæti í úrslitum prófkjörs
okkar varð Guðni Stefánsson,
hann náði ekki bindandi kosningu.
Útaf honum og framboðsmálum
hans hefur orðið hvað mestur
úlfaþytur, en hann skipar nú efsta
sæti S-listans.
Uppstillingarnefnd gerði tillögu
um hann í 5. sæti D-listans,
baráttusætið. Hann samþykkti, að
bera mætti upp hans vegna þessa
tillögu í fulltrúaráði flokksins.
Hann sat fund fulltrúaráðsins, þar
sem tillagan var samþykkt. Hann
sagði ekkert á fundinum, ekki já,
ekki nei, né bað um frest til
umhugsunar, hann meira að segja
samþykkti listann í heild. Tveim
sólarhringum seinna sendi hann
skeyti um, að hann tæki ekki sæti
á listanum.
En hvers vegna vildi upp-
stillingarnefnd og fulltrúaráð
færa Guðna Stefánsson úr 2. í 5.
sæti listans? Guðni Stefánsson
hafði gengið í Sjálfstæðisflokkinn
í Kópavogi fyrir rúmu ári. Hann
hafði aldrei tekið til máls á
neinum flokksfundi, aldrei látið
neitt frá sér fara í blaði flokksins,
aldrei yfirleitt látið í ljós skoðun
sína á neinu, hvorki einu né neinu.
Hann var nýkominn úr öðrum
stjórnmálaflokki, Samtökunum.
Hann var á framboðslista þeirra
1970, hann var meðmælandi I-list-
ans í Kópavogi 1974, Framsóknar
og Samtakanna. Hann hafði enga
reynslu í störfum að bæjarmálum.
Batnandi mönnum er bezt að
lifa, en fulltrúaráðsmenn vildu
ekki taka ábyrgð á því að setja
Guðna Stefánsson í 2. sæti á
framboðslista flokksins, ekki beint
í slíka forystu fyrir flokkinn, sem
2. sætið óneitanlega er. Mann, sem
þeir vissu lítið sem ekkert um
nema eitt. Hann sagði sig úr
Samtökunum haustið 1972. Hvers
vegna? Jú — hann var að mót-
mæla því, að bæjarfulltrúi Sam-
takanna, frú Hulda Jakobsdóttir,
gengi inn í meirihlutasamstarf
með bæjarfulltrúum Sjálfstæðis-
flokksins, til þess að tryggja
framgang lagningar hitaveitu í
Kópavogi og fleiri góðra mála, sem
þá voru á döfinni. En hvers vegna
þurfti bæjarfulltrúa Samtakanna í
meirihlutasamstarfið? Eggert
Steinsen, bæjarfulltrúi Sjálf-
stæðisflokksins, sagði sig úr
þessum meirihiuta vegna þess, að
hann var á móti hitaveitumálinu.
bað er von, að þessir tveir
menn, Guðni Stefánsson og Egg-
ert Steinsen, maðurinn sem gert
hefur Sjálfstæðisflokknum í
Kópavogi hvað mestan óleik, séu
nú saman á framboðslista í 1. og
Kaffísöludagur í Innri-Njarðvík
Sunnudaginn 28. maí verður
guöspjónusta í Innri-Njarðvíkur-
kirkju. Séra Ólafur Oddur Jónsson
prestur í Keflavík prédikar í fjar-
verju sóknarprestsins séra Páls
Þórðarsonar. Kirkjukór Keflavíkur
syngur og Siguróli Geirsson leikur
á orgelið.
Kl. 3 hefst svo hinn árlegi kaffisölu-
dagur hjá Systrafélagskonum kirkj-
unnar. Kaffisöludagurinn er til minn-
ingar um fyrstu skóflustunguna aö
safnaðarheimilinu vorið 1970 og
einnig til minningar um að minnis-
merki Jóns Thorkelis skólameistara
var afhjúpaö á þessum degi áriö
1965.
Öllum ágóöa af kaffisölunni veröur
varið til byggingar dagheimilis í
Innri-Njarðvík. Myndin er af kirkjunni
í Innri-Njarðvík.
-x- 'j>
2. sæti á móti Sjálfstæðisflokkn-
um og D-lista hans. Þeir. virðast
eiga ýmislegt sameiginlegt.
Það er heldur ekkert undarlegt,
að þessir menn höfnuðu öllum
viðræðum um hugsanlegar sættir
og sameiningu þessara tveggja
framboða. Ástæðan er mjög ein-
föld. Þeir vildu það ekki, vildu það
aldrei. Þeir og aðrir, sem að þessu
framboði standa, voru alltaf harð-
ákveðnir í að bjóða fram sérlista,
prófkjörið og Guðni Stefánsson
voru aðeins þægilegt tiléfni og
verkfæri til þess.
Um mitt eigið framboð við
þessar aðstæður þarf ég ekki að
fara mörgum orðum. Ég hafði
ákeðið að hætta í bæjarstjórn, en
þar hef ég átt sæti í 4 ár fyrir
Sjálfstæðisflokkinn. Til þessa lágu
ekki pólitískar ástæður, heldur
persónulegar. Eftir áskoranir mik-
ils fjölda sjálfstæðismanna í
Kópavogi, bæði úr uppstillingar-
nefnd og annarra, lét ég loks
tilleiðast, mér þvert um geð vegna
fyrri ákvörðunar, að gefa kost á
mér til setu á framboðslistanum,
en þó því aðeins, að verulegur
meirihluti fulltrúaráðsins óskaði
eftir því. Á fundi ráðsins létu þrír
fjórðu (75%) ráðsins þá ósk í ljós,
þá treysti ég mér ekki lengur að
standa gegn þessum óskum.
Ég legg óhræddur verk mín í
bæjarstjórn Kópavogs og fyrir
Sjálfstæðisflokkinn í Kópavogi
undir dóm sjálfstæðismanna og
annarra kjósenda.
Þrátt fyrir einlæga viðleitni
Morgunblaðsins og forystu Sjálf-
stæðisflokksins til þess að kljúfa
Sjálfstæðisflokkinn í Kópavogi
sem mest og bezt, þá munu
kjósendur í Kópavogi svara því á
verðugan hátt á sunnudaginn
kemur með X-D.
Sýnishorn af kjörseðli við borgarstjórnarkosningar í Reykjavík 28. maí 1978
A LISTI ALÞÝÐUFLOKKSINS B LISTI FRAMSÓKNARFLOKKSINS Xd LISTI S JÁLFST Æ.ÐISFLOKKSINS G LISTI ALÞÝÐUBANDALAGSINS
1. Björgvin Guðmundsson 1. Kristján Benediktsson 1. Birgir ísl. Gunnarsson 1. Sigurjón Pétursson
2. Sjöfn Sigurbjörnsdóttir 2. Gerður Steinþórsdóttir 2. Ólafur B. Thors 2. Adda Bára Sigfúsdóttir
3. Sigurður E. Guðmundsson 3. Eiríkur Tómasson 3. Albert Guðmundsson 3. Þór Vlgfússon
4. Helga Kristín Möller 4. Valdimar K. Jónsson 4. Davíð Oddsson 4. Guðrún Helgadóttir
5. Bjarni P. Magnússon 5. Jónas Guðmundsson 5. Magnús L. Sveinsson 5. Guðmundur Þ. Jónsson
6. Þórunn Valdimarsdóttir 6. Helgi Hjálmarsson 6. Páll Gíslason 6. Sigurður G. Tómasson
7. Snorri Guðmundsson 7. Björk Jónsdóttir 7. Markús Örn Antonsson 7. Guðrún Ágústsdóttir
8. Þorsteinn Eggertsson 8. Páil R. Magnússon 8. Elín Pálmsdóttir 8. Þorbjörn Broddason
9. Gunnar Eyjólfsson 9. Kristinn Björnsson 9. Sigurjón Á. Fjeldsted 9. Álfheiður Ingadóttir
10. Skjöldur Þorgrimsson 10. Tómas Jónsson 10. Ragnar Júlíusson 10. Sigurður Harðarson
11. Anna Kristbjörnsdóttir 11. Þóra Þorleifsdóttir 11. Hilmar Guðlaugsson 11. Kristvin Kristinsson
12. Marías Sveinsson 12. Ómar Kristjánsson 12. Bessi Jóhannsdóttir 12. Ragna Ólafsdóttir
13. Birgir Þorvaldsson 13. Guðrún Björnsdóttir 13. Margrét S. Einarsdóttir 13. Gísli Þ. Sigurðsson
14. Ingibjörg Gissurardóttir 14. Pálmi Ásmundsson 14. Sveinn Björnsson 14. Ester Jónsdóttir
15. Jón Otti Jónsson 15. Hlynur Sigtryggsson 15. Hulda Valtýsdóttir 15. Þorbjörn Guðmundsson
16. Sonja Berg 16. Skúli Skúlason 16. Sigríður Ásgeirsdóttir 18. Guðmundur Bjarnleifsson
17. Viggó Sigurðsson 17. Rúnar Guðmundsson 17. Sveinn Björnsson 17. Stefanía Harðardóttir
18. Ágúst Guðmundsson 18. Guðmundur Valdimarsson 18. Valgarð Briem 18. Gunnar Árnason
19. Siguroddur Magnússon 19. Ólafur S. Sveinsson 19. Skúli Möller 19. Jón Ragnarsson
20. Thorvald Imsland 20. Sigurður Haraldsson 20. Þuríður Pálsdóttir 20. Steinunn Jóhannesdóttir
21. Ómar Morthens 21. Sigurjón Harðarson 21. Gústaf B. Einarsson 21. Jón Hannesson
22. Jarþrúður Karlsdóttir 22. Sigríður Jóhannsdóttir 22. Þórunn Gestsdóttir 22. Hallgrímur G. Magnússon
23. Örn Stefánsson 23. Baldvin Einarsson 23. Jóhannes Proppé 23. Stefanía Traustadóttir
24. Sverrir Bjarnason 24. Sigrún Jónsdóttir 24 Guðmundur Hallvarðsson 24. Hjálmar Jónsson
25. Kristín Árnadóttir 25. Þráinn Karlsson 25. Björgvin Björgvinsson 25. Anna S. Hróðmarsdóttir
26. Guðlaugur G. Jónsson 23. Magnús Stefánsson 26. Sigurður E. Haraldsson 26. Vilberg Sigurjónsson
27. Ásgerður Bjarnadóttir 27. Þorsteinn Eiríksson 27. Anna Guðmundsdóttir 27. Hermann Aðalsteinsson
23. Valgarður Magnússon Egill Sigurgeirsson 28. Gunnar J. Friðriksson 28. Margrét Björnsdóttir
29. Kári Ingvarsson 29. Guðmundur Sveinsson 29. Úlfar Þórðarson 29. Tryggvi Emilsson
30. Eggert G. Þorsteinsson 33. Dóra Guðbjartsdóttir 30. Geir Hallgrímsson 30. Guðmundur Vigfússon
Rannig lítur kjörseðillinn út, þegar D-listinn — listi Sjálfstæðisflokksins — hefur verið kosinn með því að krossa fyrir framan D.