Morgunblaðið - 28.05.1978, Blaðsíða 30

30
MORGUNBLAÐIÐ, SUNNUDAGUR 28. MAÍ 1978
Njarðvíkur xjD)
InKÓIfur Aðalstcinsson,
hitaveitustjóri
Ingvar Jóhannsson,
framkvæmdastjóri
Júlfus Rafnsson,
fiskverkandi
HeÍKa Óskarsdóttir,
húsmóðir
Áki Granz,
málari
Sjálfstæðismenn hafa farið með stjórn bæjarins s.l.
kjörtímabil. Hvar sem litið er á má sjá merki þeirra.
Stórmerkra framfara, sem orðið hafa á bænum. Njarðvíking-
ar eru hvattir til þess að mæta vel til kosninga. Því er treyst
að þeir meti Sjálfstæðisflokkinn eftir verkunum og gefi
fulltrúum hans tækifæri á næsta kjörtimabili til áframhald-
andi uppbyggingar í bænum. í dag kjósa rúmlega 150
ungmenni í fyrsta skipti. Það er ánægjulegt að finna áhuga
þessa fólks fyrir því, sem er að gerast í Njarðvíkum. Það er
eftirtektarvert hvað sjálfstæðisstefnan hefur alltaf átt
sterkar rætur í æsku Njarðvíkurbæjar. Því mun það einmitt
vera þetta æskufólk, sem tryggja mun sigur D-listans í dag.
Kosningaskrifstofan í Sjálfstæðishúsinu Hólagötu 15, sími
3021. Hafið samband við skrifstofuna! Kjósið snemma!
Sama hvaða smekk þú hefur
Berber-teppm henta öllum
. . . Og
sjáðu
bara
Með
rókkókóstílnum
einfaldleikanum,
virðuleikanum,
og nútímanum.
• Ertu ekki sannfærður???
Látlausir litir. 50-100% ull.
Grensásvegi 13,
Símar 83577 og 83430.
Á myndinni eru Jrá vinstri. Gestur Ólafsson arkitekt, Hilmar
Þór Björnsson, Áki Gránz.
UNNIÐ hefur verið að nýju deiliskipulagi í
Innri-Njarðvík Seiluhverfi, sem er teiknað af Gesti
Ólafssyni arkitekt. Koma þar fram nýjungar, sem
ekki hafa sézt hér á landi áður. Vegakerfið er
styttra og hagkvæmara fyrir bæjarfélagið. Það
skapar mikið frjálsræði og virkar hvetjandi á
fbúana, sem byggja svæðið. Hugmyndir þeirra fá að
njóta sín við skipulag svæða, sem verða í skeifum
þeim, sem verða milli bygginga. í Seiluhverfi er gert
ráð fyrir rúmlega 80 lóðum.
30 ára afmæli ísraels
minnst í Tjarnarbúð
IIÁTÍÐARSAMKOMA í tileíni 30
ára afmælis ísraels verður í
Tjarnarbúð mánudagskvöldið 29.
maí og hefst hún kl. 20.30.
Sérstakur gestur verður David Z.
Rivlin, sendiherra ísraels á ís-
landi, og mun hann flytja ræðu.
Fleira verður síðan á dagskrá.
Fundur þessi er haldinn fyrir
forgöngu félagsins ísland — ísra-
el, en það var stofnað í febr. sl. og
hefur að markmiði að auka tengsl
landanna tveggja og efla menning-
arsamskipti þeirra. Stjórn félags-
ins hvetur alla áhugamenn í þessu
efni til að fjölmenna á fundinn og
ganga í félagið. Óli Tynes, blaða-
maður, er formaður þess en aðrir
í stjórn eru Reynir Ármannsson,
dr. Jakob Jónsson, Þorgerður
Ingólfsdóttir og Kristín Aðal-
steinsdóttir.
Fóstbrœður til Fœreyja
Karlakórinn Fóstbræður heldur
í söngleikjaför til Færeyja í dag,
sunnudaginn 28. maí. Fóstbræður
munu dvelja í Færeyjum í fimm
daga og halda samsöngva í Þórs-
höfn, Klakksvík, Fuglafirði og
Vestmanna.
Á efnisskrá verða m.a. íslenzk
og færeysk lög auk laga úr
erlendum óperum. Undirleikari
með hópnum verður Carl Billich,
en stjórnandi Fóstbræðra er Jónas
Ingimundarson.
Söngförin er farin til Færeyja
með tilstyrk menntamálaráðu-
neytisins.