Morgunblaðið - 02.06.1978, Blaðsíða 13
MORGUNBLAÐIÐ, FÖSTUDAGUR 2. JÚNÍ 1978
Nýjar vörur—Nýjar vörur!!
Kjólar - Pils - Blússur • Mussur - Bolir - Stutterma skyrtur • Mittisblússur - Heilsársjakkinn
vinsæli - Canvas, Kakhi og riflaðar flauelsbuxur frá Bandido og Bullitt - Tweedbindi - Rifluð
flauelsföt • Stakir Blazer jakkar • Sumarskór o.m.fl.
TÍZKUVERZLUN UNGA FÓLKSINS
(USÍ KARNABÆR
r AUSTURSTRÆTI 22 LAUGAVEG 66 LAUGAVEG 20a Simi frá skiptiborði 28155
um.ysim;
SÍMINN KR:
22480
Tölvur
við fram-
köllun
mynda
MYNDIÐJAN Ástþór h.í. hefur
nýlena tekið í notkun sérstaka
tölvusamstaeðu. sem auðvelda á
framköllun mynda. Hinn nýi
tækjabúnaður mun hafa í för
með sér nokkra hagræðingu í
sambandi við rekstur fyrirtæk-
isins ok er sú hagræðing
aðailega í því fólgin. að hægt
verður að fækka starfsfólki
talsvert. einnig mun fram-
leiðslugeta fyrirtækisins auk-
ast nokkuð.
Tölvusamstæðan er fengin frá
svissneska fyrirtækinu Gretag
og kostar hingað komin um 75
milljónir króna og hafa fram-
leiðendur veitt nokkra lánafyr-
irgreiðslu.
Hin nýja tækni er í því fólgin,
að eftir að filma hefur verið
Gullbrúðkaup
framkölluð er hún sett í filmu-
sjá tölvunnar sem skoðar fiim-
una og skiptir hverri mynd á
filmunni niður í 100 ferhyrn-
inga. Upplýsingar tölvunnar
fara jafnóðum á sérstaka kas-
ettu sem fer með filmunni í
kóperingu. Tölvan dekkir mynd-
ina ef hún er oflýst en lýsir hana
ef hún hefur verið tekin við
ónóga birtu og á þannig að
tO'ggja betri myndir.
Framkvæmdastjóri Myndiðj-
unnar, Ástþór Magnússon, tjáði
Morgunblaðinu að vegna mikill-
Framhald á bls. 20.
Ástþór Magnússon framan við hluta af nýju tölvusamstæðunni.
Ljósm.i Kristján.
Hjónin í Haukadal á Rangár-
völlum, Jónína Hafliðadóttir og
Magnús Runólfsson voru gefin
saman laugardaginn 2. júní 1928
og eiga því 50 ára hjúskapar-
afmæli í dag. Haukadalur er
næstefsta býlið á Rangárvöllum,
aðeins Næfurholt er ofar, sem að
vísu skiptist nú síðustu áratugina
í tvær jarðir, Næfurholt og Hóla.
Haukadalsbærinn lúrir sunnan og
vestan undir Bjólfelli, sem er
talsvert fjallkríli vestan Heklu-
hrauns, formfagurt og áberandi
þegar litið er inn til landsins
neðan af Völlunum. Vestar og
norðar rís Búrfeli upp af flatlend-
inu, en þessi tvö fell eru eins konar
systurfjöll og í þeim bjuggu systur
til forna, landsfrægar tröllkonur.
Bæjarstæðið í Haukadal er ákaf-
lega fagurt. Jörðin er ekki stór og
vikursandur og hraun frá Heklu
rýra landgæðin. Víða eru þar þó
fallega grónir blettir, skógarkjarr,
rennandi kalt og tært vatn undan
hraunjaðri; draumastaðir undir
sumarhús borgarbúans.
Magnús og Jóna hafa búið í
Haukadal í 51 ár og búa enn góðu
búi eftir aðstæðum. Aðalbústofn
er sauðfé, því kúabúskapur er vart
mögulegur enn á bæjum þar efra
vegna þess hve vegasamband er
lélegt og byggðin afskekkt. Enn er
gert að allri mjólk heima. Jóna
skilur og strokkar og gerir skyr.
Smérið er gott og rjóminn þykkur,
súrmatur frábær í keröldum,
sviðakjammar og hrútspungar.
Maður fær vatn í munninn þegar
hugur hvarflar til búrsins hennar
Jónu.
Þau hjón eru bæði Rangæingar
langt aftur í aldir, Jóna frá Fossi
á Rangárvöllum, en Magnús er
ættaður frá Mykjunesi í Holtum.
Þrátt fyrir talsverðan aldur búa
þau enn yfir mikilli lífsorku. Jóna
ber aldurinn sérlega vel og mætti
mörg yngri manneskjan vera
ánægð með útlit hennar og þrek.
Magnús var lengi vel eitilharður
vinnugarpur, en á seinni árum
hefur þrekið til átaka minnkað og
á hann nú orðið erfitt með ýmis
meiriháttar búverk. Kemur sér því
vel fyrir hann að eiga ófúna konu
til aðstoðar við útiverkin. En hress
er Magnús og óvílgjarn og manna
skemmtilegastur heim að sækja.
Þau hjónin hafa orðið að þola
missi tveggja barna sinna í blóma
lífsins nú seinustu árin, þeirra
Sigrúnar og Hauks, en tvö börn
þeirra eru á lífi, Hafsteinn og
Heiða.
Hinir mörgu vinir og vanda-
menn þeirra hjóna senda þeim
hugheilar árnaðaróskir á þessum
degi. Undirritaður þakkar þeim
fyrir allt gamalt og mikið gott og
vonar að efri árin verði þeim blíð
og bærileg.
Hrólfur Ásvaldsson.