Morgunblaðið - 04.06.1978, Blaðsíða 30
30
MORGUNBLAÐIÐ, SUNNUDAGUR 4. JÚNÍ 1978
De rerum
natura
BLAÐINU hefur borist rit
Vísindafélags Framtíðarinnar
(skólafélagsins í M.R.), „De rerum
natura", tölublað 18. árgangs. í
ritinu eru margar greinar um
raunvísindaleg efni og ein mál-
vísindalegs eðlis: Þróun orðsins
mjólk í indógermönskum málum.
— Fimm greinar eru um stjörnu-
fræðileg efni. „Utþensla alheims-
ins“ heitir grein eftir Ágúst
Lúðvíksson. Um dulstirni skrifar
Skúli Sigurðsson. Þá er greinin
„Bakgeislun í geiminum" eftir
Kristin Andersen. Steinþór Skúla-
son fjallar um þá spurningu hvort
líf sé utan sólkerfisins og
Sæmundur Þórðarson um myndun
frumefnanna. Um náttúrufræðileg
elni skrifa GuðrúrT E. Baldvins-
dóttir (Vöðvaorka). Jón Atli Árna-
son ritar ágrip af sögu ísl. flóru og
þá er grein um leifturfiska eftir
Olaf Guðmundsson. Ritstjórn „De
rerum natura" er skipuð þessum
mönnum: Friðbirni R. Sigurðssoni,
Ólafi Guðmundssyni, Kristni
Andersen og Ágústi Lúðvíkssynj.
Ábyrgðarmaður er Einar Guð-
mundsson. Tímaritið er fjölritað.
Það er gefið út í Menntaskólanum
í Reykjavík — M.R.
KRON:
r -
Alagning búvara
stendur aðeins
undir hluta af
kostnaði við
sölu þeirra
AÐALFUNDUR KRON 1978 var
haldinn á Hótel Sögu sunnudaginn
16. apríl s.l. Fundinn sóttu um
hundrað fulltrúar. Fundarstjórar
voru Sigurður Guðgeirsson og
Guðmundur Illugason, en fundar-
ritarar Árni Böðvarsson og Helgi
Skúli Kjartansson.
Ragnar Ólafsson, vormaður
félagsins, og Ingólfur Ólafsson,
kaupfélagsstjóri, fluttu skýrslur
um starfsemi félagsins á liðnu ári.
í skýrslum þeirra kom m.a. fram,
að verslunarárferði 1977 hefði
verið., óhagstætt, einkum síðari
hlutá ársins. Lögð var fram nýgerð
athugun á arðsemi vöruflokka,
sem sýndi að álagning landbún-
aðarvara stendur aðeins undir
hluta af kostnaði við sölu þeirra.
Heildarvelta félagsins árið 1977
varð 1.777 milljónir króna og jókst
um 35% miðað við árið á undan.
Fram kom að eigið fé félagsins er
58% af heildareignum þess, sem
telja verður góða stöðu miðað við
íslenskar aðstæður. Heildarfjár-
festingar á árinu voru rúmar 100
milljónir króna, en stærstur hluti
þeirra var vegna nýbyggingarinn-
ar við Skemmuveg 4a í Kópavogi.
Félagsmenn KRON eru nú um
14.500.
Á fundinum flutti nýráðinn
fræðslufulltrúi félagsins Elfar
Loftsson, stjórnmálafræðingur,
erindi um félagsmál. Rakti hann
ítarlega vandkvæði félagsstarfsins
og benti á ýmsar leiðir til úrbóta.
I stjórn voru endurkjörin: Adda
Bára Sigfúsdóttir, Böðvar Péturs-
son og Ólafur Jónsson.
Endurskoðendur voru kjörnir:
Gunnar Gímsson og Björn Jóns-
son.
Fulltrúar á aðalfundi Sam-
bandsins, sem haldinn verður
dagana 29.—30. júní voru kjörnir:
Ingólfur Ólafsson, Ólafur Jónsson,
Hallgrímur Sigtryggsson, Frið-
finnur Ólafsson, Hrefna Júlíus-
dóttir, Jóhann Bjarni Kristjáns-
son, Guðmundur Hjartarson,
Ólafur Ragnar Grímsson, Monika
Ágústsson, Helgi Skúli Kjartans-
son, Böðvar Pétursson, Ásgerður
Ágústsdóttir, Björn Teitsson og
Haukur Hafstað. Varafulltrúar:
Björn Kristjánsson, íris Björns-
dóttir, Jóhann Jónsson, Páll Berg-
þórsson, Gunnlaugur Þórhallssön,
Steingrímur Ingólfsson, Reynir
Ingibjartsson, Sigurberg Sigurðs-
son, Hólmar Magnússon, Elís R.
Helgason, Hermann Pálsson og
Ása Ottesen.
Utankjör-
staða-
atkvæða-
greiðslan
Utankjörstaðaatkvæðagreiðsl:
vegna alþingiskosninganna
stendur nú yfir í Miðbæjarskólan
um.
Á föstudagskvöld höfðu 437
greitt þar atkvæði, en aðeins 56 á
sama tíma við borgarstjórnar-
kosningarnar. Við alþingiskosn-
ingarnar 1974 höfðu aðeins fleiri
greitt atkvæði utankjörstaðar en
nú.
Kjörstaðurinn í Miðbæjar-
skólanum er opinn í dag, sunnu-
dag, frá kl. 2—6 e.h.
Aðalfundur
S.H. gagnrýn-
ir fræðslu-
kerfi landsins
A AÐALFUNDI Sölumiðstöðvar
hraðfrystihúsanna kom fram tölu-
verð gagnrýni á fræðslukerfi
þjóðarinnar og í ályktun frá
fundinum segir, að allri fræðslu í
skólakerfi landsmanna um fram-
leiðsluatvinnuvegi þjóðarinnar og
mikilvægi þeirra sé áfátt.
„Með tilliti til þýðingar þess, að
allur almenningur fái réttan
skilning á, hverjar séu raun-
verulegar forsendur fyrir tilveru
þjóðarinnar og góðum lífskjörum,
er óumflýjanlegt, að óhlutlæg
kennsla fari fram um fiskvinnslu
og veiðar á öllum stigum skóla-
kerfisins,“ segir í ályktun fundar-
ins.
— Græn-
lendingar
Framhald af bls. 1
Allar líkur benda til þess að
heimastjórnarlögin verði sam-
þykkt ý. næsta þingi þannig að
kosningar geti farið fram til
grænlenzka landsþingsins í apríl
1979 og að landstjórnin geti tekið
við völdum í maí 1979. En áður fer
fram þjóðaratkvæðagreiðsla á
Grænlandi í haust um heima-
stjórnarfyrirkomulagið og niður-
stöður hennar verða ráðgefandi.
Það er talið skipta meginmáli að
grænlenzka þjóðin gefi sjálf til
kynna að hún sé fylgjandi heima-
stjórn. Yfir stendur gífurleg upp-
lýsingastarfsemi til að kynna
heimastjórnina á Grænlandi.
Grænlenzkir stjórnmálamenn
gera ráð fyrir því að vera á
faraldsfæti í allt sumar til þess að
kynna kjósendum í öllum byggðar-
lögum fyrirhugaða heimastjórn á
Grænlandi.
þúflýgufí
vestur
til New York.
Svosuður
á sólarstrendur Florida.
- w
ágr
^—
► '
Flatmagar
á skjannahvítri Miami
ströndinni eða buslar
í tandurhreinum sjónum.
Tekurí hendina
á Mikka mús á fimmtugsafmælinu.
Snæðir
safaríkar amerískar
steikur. (Með öllu tilheyrandi).
Býrð á lúxus
hóteli
í tveggja manna herbergi,
með eða án eldunaraðstöðu,
eða í hótelíbúð.
Skoðar Cape
Kennedy
Safari Park, Everglades þjóðgarðinn
og hin litríku kóralrif Florida Keys.
Slærð til
og færð þér bílaleigubíl
fyrir 19-23 þúsund kr.
á viku. Ekkert kílómetragjald.
íslenskur
fararstjóri
verður að sjálfsögðu öllum
hópnum til halds og trausts.
NÆSTU 3JA VIKNA ferðir verða: 9. júní (Uppseld).
7. júlí, (Konoverhótel og íbúðir) 4. ágúst, (Ivanhoehótel m/eða án eldunaraðstöðu)
1. september (Konoverhótel og íbúðir)
Sem dæmi um verð fyrir ferðir og gistingu má nefna kr. 174.800 þann 7/7 og 1/9, og kr. 189.000 þann 4/8.
FLUGFÉLAG LOFTLEIDIR
LSLANDS »«.*.«#«*
Nánari upplýsingar: Söluskrifstofur okkar Lækjargötu 2 og Hótel Esju, sími 27800, farskrárdeild,
sími 25100, skrifstofur okkar úti á landi, umboðsmenn og ferðaskrifstofur.