Morgunblaðið - 08.06.1978, Blaðsíða 13
MORGUNBLAÐIÐ. FIMMTUDAGUR 8. JÚNÍ 1978
13
Fulltrúar Í.S.Í. ásamt stjórn og varastjórn íþróttafélagsins Eik.
Sitjandii Pétur Pétursson og Aðalheiður Pálmadóttir, standandi f.v..
Jósteinn Helgason. Svanfríður Larsen. Guðrún Bergvinsdóttir,
Stefanía Guðmann. Margrét Rögnvaldsdóttir og Sigurður Magnússon.
A myndina vantar Þorgerði Fossdal.
Fyrsta iþróttafélag
þroskaheftra stofnað
FYRSTA íþróttafélag þroska-
heftra var stofnað á Akureyri hinn
16. maí s.l., og hlaut það nafnið
íþróttafélagið Eik.
Félagið er stofnað að frumkvæði
íþróttasambands íslands í nánu
samstarfi við Landssamtökin
Þroskahjálp, en að stofnuninni
stóðu Styrktarfélag vangefinna á
Norðurlandi og Foreldrafélag
barna með sérþarfir á Akureyri.
Tæplega 50 manns sátu stofn-
fund félagsins og sýndi Sigurður
Magnússon skrifstofustjóri ISI
norska kvikmynd um líkamsrækt
þroskaheftra, sem Fræðslumynda-
safn ríkisins hefur keypt og er til
útlána. Stjórn félagsins var kjörin
og er Margrét Rögnvaldsdóttir
íþróttakennari formaður.
Áformað er að stofna fleiri
íþróttafélög þroskaheftra á þessu
ári, bæði í Reykjavík og út um
land.
Stjórn Félagsstofnunar stúdenta framan við Stúdentahcimilið við
Ifringbraut.
Félagsstofnun
stúdenta 10 ára
UM ÞESSAR mundir eru tíu ár
liðin frá stofnun Félagsstofnunar
stúdenta við Háskóla íslands.
Félagsstofnun stúdenta er sjálfs-
cignarstofnun með sjálfstæðri
fjárhagsábyrgð. Aðild að stofnun-
inni eiga menntamálaráðuneytið.
Iláskóli íslands og allir skrásett*
ir stúdentar innanlands. en hlut-
verk hennar er að annast rekstur
og bera ábyrgð á fyrirtækjum í
þágu stúdenta og beita sér fyrir
eflingu þeirra.
Formlega tók Félagsstofnun
stúdenta til starfa 1. júní 1968 en
í dag rekur hún eftirtalin fyrir-
tæki: Stúdentagarðana, Gamla og
Nýja Garð, hjónagarða, Stúdenta-
heimilið (Félagsheimili stúdenta),
Hótel Garð, kaffistofur í Háskól-
anum, Árnagarði og Lögbergi,
Stúdentakjallarann, matstofu stú-
denta, Bóksölu stúdenta, Háskóla-
fjölritun, Ferðaþjónustu stúdenta,
barnaheimilin Efrihlíð og Valhöll
og fyrirhugað er að koma á stofn
Kennslubókaútgáfu Háskólans.
Félagsstofnun stúdenta er undir
stjórn fimm'manna, sem skipaðir
eru til tveggja ára í senn, einn af
menntamálaráðuneytinu, einn af
Háskóla íslands (Háskólaráði) og
þrír af Stúdentaráði, þar af einn,
er hefur lokið embættisprófi.
Stjórn stofnunarinnar er þannig
skipuð í dag: Ásgeir Daníelsson,
kennari, formaður, Pétur Þor-
steinsson, guðfræöinemi, Pétur
Orri Jónsson, viðskiptafræðinemi,
Stefán Svavarsson, löggiltur end-
urskoðandi, tilnefndur af Háskóla
Islands, og Stefán M. Gunnarsson,
bankastjóri, tilnefndur af mennta-
málaráðuneyti. Varamaður for-
manns er Gísli Pálsson kennari en
framkvæmdastjóri er Jóhann G.
Scheving viðskiptafræðingur.
Á blaðamannafundi sem hald-
inn var í tilefni af tíu ára
afmælinu kom fram að stofnunin
hefur ekki bolmagn til að standa
undir starfsemi sinni upp á eigin
spýtur og hefur því þurft að leita
á náðir ríkisvaldsins. Ríkisvaldinu
þykir hins vegar lítið til starfsem-
innar koma og hefur skorið
talsvert niður fjárveitingar til
stofnunarinnar. Illilega 'er því
farið að sverfa að stofnuninni og
ef ekkert verður að gert blasir við
greiðsluþrot á þessu eða næsta ári
að sögn Jóhanns G. Schevings.
Ljóst er að Félagsstofnun stú-
denta vantar 12 milljónir til að
geta staðið í skilum fyrir árið 1978
og að sögn Jóhanns G. Schevings
er ekki vitað hvaðan þær muni
koma. Hann sagði að ríkisvaldið
hefði stöðugt dregið úr framlagi
sínu til stofnunarinnar og tók sem
dæmi, að framlag ríkisins á hvern
stúdent í dag væri um það bil 1/6
af því sem það var árið 1970.
Norræn skipulags-
ráðstefna í Ábo
NORRÆN ráðstefna um skipu-
lagsmál verður haldin í Ábo
(Turku) í Finnlandi dagana
28. —30. ágúst í sumar. Að
ráðstefnunni standa finnska arki-
tektafélagið 'og samtök áhuga-
manna þar í landi f samvinnu við
tilsvarandi félagasamtök á
Norðurlöndum öllum.
Fyrsta ráðstefnan af þessu tagi
var haldin í Ósló árið 1960, en
síðan hafa þær venjulega verið
haldnar á þriggja ára fresti.
Ráðstefnur þessar leitast við að ná
til þátttakenda úr hópi þeirra, sem
fást við gerð skipulagsáætlana
ásamt embættis- og sveitarstjórn-
armönnum, sem um þau málefni
fjalla.
Viðfangsefnið að þessu sinni er
„heildarskipulag og umhverfi"
(den översigtliga planeringen och
den fvsiska miljö) og verður
fjallað um það bæði í fyrirlestrum
og umræðuhópum, auk þess sem
komið verður upp sýningu á
dæmum um skipulag og fram-
kvæmd þess á Norðurlöndum og
farnar kynnisferðir um Ábo-svæð-
ið.
í lok ráðstefnunnar gefst þátt-
takendum síðan kostur á hópferð-
um til nokkurra borga í Finnlandi.
Frekari upplýsingar um ~ ráð-
stefnuna er að fá á skrifstofu
Arkitektafélags íslands.
Wang rafreiknar
eru ekki
aðeins fyrir lítil fyrirtæki
Wang - rafreiknar eru amerísk
gæðavara, framleidd undir
einkunnarorðunum: Einfalt,
sveigjanlegt, áreiðanlegt.
Wang býður yður einfaldleika.
Meðferð tækja og forrita krefst ekki
sérmenntaðs starfsliðs, þjálfun fylgir
með í kaupunum.
Wang býður yður sveigjanleika. Veljið
þann tækjabúnað, sem hentar fyrirtæki
yðar í dag. Við fullvissum yður um, aö
þér getið notað þann búnað, sem grunn
til að byggja á frekari umsvif í
gagnavinnslu eftir því sem fyrírtæki
yðar stækkar, án kostnaðarsamra
breytinga á forritum.
Wang býður yður áreiðanleika.
Sérþjálfaðir viðgerðarmenn ásamt
nægum varahlutum, tryggja örugga
viðhaldsþjónustu.
Tilbúin forritasöfn á Wang - rafreikna
fyrir verslunar og
framleiðslufyrirtæki, verkfræðistofur,
sveitarfélög, lífeyrissjóði og sparisjóði.
Stuttur afgreiðslufrestur.
Wang tölvur eru nú þegar í notkun hjá
íslenskum fyrirtækjum. Hringið eða
komið og skoðið Wang - rafreikni i
tölvudeild Heimilistækja s.f.
Wang lausn er ódýrari en þér haldið.
heimilistæki sf
TÖLVUDEILD, SÆTÚNI8 — SÍMI24000