Morgunblaðið - 16.06.1978, Blaðsíða 25
MORGUNBLAÐIÐ, FÖSTUDAGUR 16. JÚNÍ 1978
25
47 luku burtfararprófi frá
Fósturskóla íslands
FÓSTRUSKÓLA ísland s var slit-
ið 27. maí s.l. að Hótel Sögu. 47
nemendur luku burtfararprófi.
ALLS stunduðu 172 nemendur
nám við Fóstruskóla íslands á
þessu skólaári. Hæstu einkunnir
þeirra sem luku burtfararprófi
hlutu Sólveig Á. Ásgeirsdóttir,
Guðlaug Valdís Olafsdóttir og
Guðrún Halldórsdóttir. Þær hlutu
allar ágætiseinkunn og bókaverð-
laun frá skólanum fyrir frábæran
árangur. Einnig hlaut Lilja
Eyþórsdóttir verðlaun frá
Soroptimistaklúbbi Reykjavíkur
fyrir félagsstarf í þágu nemenda.
Við skólaslitin gaf skólastjóri,
Valborg Sigurðardóttir, yfirlit yfir
starfsemi skólans á s.l. ári og
ræddi meðal annars breytingar á
námsfyrirkomulagi hans. Einnig
fluttu ávörp fulltrúar 25 ára og 10
ára afmælisárganga og afhentu
peningagjafir til skólans.
Nýjung í tryggingamálum:
Viðlagatrygging íslands nær til
tjóna af völdum náttúruhamfara
Heildarmat vátryggingarfjárhæða 1500 milljarðar
Ein af þeim nýjungum á sviði tryggingamála,
sem hvað mesta athygli hefur vakið á valdatíma
núverandi ríkisstjórnar, er tilkoma Viðlagatrygg-
ingar fslands, sem nær til tjóna af völdum
náttúruhamfarai eldgosa. jarðskjálfta, skriðufalla,
snjó- og vatnsflóða. Viðlagatrygging íslands er þó
ekki einsdæmi f tryggingasögu. Önnur lönd, þar
sem náttúruhamfarir eru tíðar, Sviss, Japan og
Nýja-Sjáland, höfðu áður gripið til hliðstæðra
trygginga, en frjáls tryggingafélög höfðu yfirleitt
veigrað sér við að taka að sér slfkar tryggingar.
Það form, sem Viðlagasjóði íslands var sett, þótti
ekki til frambúðar. í almennum sjóði, sem
fjármagnaður er með almennri skattheimtu, er erfitt
að setja takmörk við bótakröfum. Það form bar
fremur að skoða sem átak, sem þurfti að gera við
sérstakar aðstæður til uppbyggingar viðkomandi
byggðarlögum.
Vátryggingarskylda Viðlagatryggingar íslands
nær til allra húseigna, lausafjár, vörubirgða, véla og
tækja, sem brunatryggðar eru hjá vátryggingarfé-
lagi, er starfsleyfi hefur hér á landi. Skemmdir á
landi, vegum, vatns- og raflögnum, hafnargörðum
o.þ.h. falla þar með ekki undir tryggingarskyldu.
Hægt væri þó að opna viðlagatryggingu fyrir þessi
mannvirki með viðeigandi iðgjaldi, þ.e.a.s. láta það
ekki falla undir tryggingarskyldu, heldur gefa
viðkomandi ráðamönnum kost á slíkri tryggingu.
Slík trygging er þó e.t.v. ekki jafn aðkallandi meðan
hin almenna deild Bjargráðasjóðs er fyrir hendi og
henni falið með stuðningi almannafjár að sjá um
bætur vegna viðgerða og/eða endurbyggingar
mannvirkja vegna skemmda, sem orðið hafa vegna
náttúruhamfara. Hugsanlegt væri að takmarka
bótaskyldu við t.d. 25—30% tjónsupphæðar og
eftirláta afganginn sjálfsábyrgð eigenda, sem
notfærðu sér þá möguleika Viðlagatryggingar.
Árleg iðgjöld Viðlagatryggingar eru 0.25% af
vátryggingarfjárhæðum tryggðra verðmæta. Heild-
armat vátryggingarfjárhæða var síðast metið á 1500
milljarða. Hrein eign Viðlagatryggingar var um 200
milljónir króna um sl. áramót. Styrkur Viðlaga-
tryggingar felst í tvenns konar endurtryggingum
erlendis, þ.e. „excess of loss“, samningur vegna
einstaks tjónsatburðar upp á 2.8 milljarða umfram
400 milljónir og svo „aggregate of loss“, samningur,
sem er safnsamningur fjölda smátjóna á einu ári upp
í 480 milljónir umfram 160 milljónir. Það er álit
ráðamanna Viðlagatryggingar að endurtryggja
minna eftir því sem sjóðurinn verður stærri. Nú falla
iðgjöld niður er hrein eign nær 3% vátryggingarfjár-
hæðar, eða sem svarar 4.5 milljörðum kr. í dag. Talið
er að takí hálfan mannsaldur að safna þeirri
upphæð, ef umframtekjum er varið til kaupa á
spariskírteinum ríkissjóðs.
Auðbjörg sigraði
í kjölbátakeppni
Kjölbátakeppni fór fram
laugardaginn 3. júní s.l.
Keppnin hófst í Arnarnesvogi
kl. 10.06 og var siglt sem leið
lá stórskipaleið út úr Skerja-
firði og áfram út fyrir 6. hauju.
Þaðan var tekin stefna suður
fyrir Valhúsabauju sem er
fyrir mynni Hafnarfjarðar og
siglt inn í hafnarmynnið, snúið
við og siglt sömu leið til baka
og var markið í Arnarnesvogi.
Á keppnisdegi var frekar
hvasst í veðri, 5-6 vindstig og
gekk á með skúraleiðingum.
Áttin var suðaustlæg til að
byrja með en undir lokin hafði
vindur snúist til suð-vestlægrar
áttar og lygnt svolítið. Vind-
hraði var um fjögur stig.
Tveir bátar tóku þátt í keppn-
inni. Þeir heita Skýjaborg og
Auðbjörg og eru báðir frá
Kópavogi. Skýjaborg var skipuð
þremur mönnum en Auðbjörg
fjórum.
Þar sem Skýjaborg er hrað-
skreiðari en Auðbjörg tók hún
strax forystuna og var á undan
fyrir fyrstu bauju. Á útleið úr
Skerjafirði reyndu Skýjaborgar-
menn að setja upp belgsegl en
vegna hvassviðris tókst það ekkí
6 Bavj-a
kjölbátakeppninni.
Auðbjörg
sem skyldi og misstu þeir stjórn
á bátnum um stund. Auðbjarg-
armönnum hlekktist einnig á en
hjá þeim slitnaði fokkuupphald-
arinn. Þegar kom í Hafnarfjarð-
arhöfn var Skýjaborg um hálfri
stundu á undan Auðbjörgu, en
Auðbjörg hafði þó betur vegna
forgjafar sinnar. Á bakleiðinni
gerðist það, þegar Skýjaborg var
komin að Kerlingaskersbauju,
og hafði þá þurft að sigla
beitivind frá 6. bauju, að vindur
snerist eins og áður sagði í
S.V.-læga átt. Þetta þýddi að
Auðbjörg, sem ekki var komin
að 6. bauju, hafði hliðarvind á
milli 6. bauju og Kerlingaskers-
bauju, en það kom sér vel fyrir
Auðbjargarmenn. Sigldu síðan
bátarnir sem leið lá í mark í
Arnarnesvogi. Tími Skýjaborg-
ar var 6 klst. og 6 mín. en
Auðbjargar 6 klst. og 34 mín.
Þrátt fyrir það að Skýjaborg
hafi náð betri tíma telst Auð-
björgu sigurvegari keppninnar
því hún hefur forgjöf. Á leið-
réttum tíma telst Skýjaborg
hafa farið á 4 klst. og 39 mín.
en Auðbjörg á 4 klst. og 12 mín.
Skipstjóri á Skýjaborg var
Rúnar Steinsen en á Auðbjörgu
Jóhann H. Níelsson.
EF ÞAÐ ER FRÉTT-
NÆMTÞÁERÞAÐÍ
MORGUNBLAÐINU
Grein um K jar-
val í Farmand
í NÝÚTKOMNU norsku blaði,
Farmand, er grein um Jóhannes
Kjarval eftir Arne Durban í
greinaflokki sem nefnist Norræn
myndlist. Greinin nefnist Jóhann-
es Kjarval og ísland.
Þar rekur höfundur sögu íslands
í stórum dráttum og leggur
áherzlu á starf Jóns Sigurðssonar
og frelsisbaráttuna. Ekki fer hann
fögrum orðum um veðráttuna en
er öllu hrifnari af bókmenntun
okkar Islendinga. Nefnir hann
Halldór Laxness og minnist á
listaverkabók um Kjarval þar sem
Halldór skrifaði lesmálið.
Arne Durban er hrifinn af
myndlist Kjarvals. Um hana segir
hann, að enginn einn stíll sé
ríkjandi heldur hafi Kjarval reynt
flest í myndum sínum. Bezt hafi
hann ráðið við náttúru íslands,
þar beri Þingvalla- og fjallamynd-
ir af.
11/1 RNL' DURBA N: Nordiske ponretter
Johannes Kjarval og Island
Peter Gabriel:
Peter Gabriel
Hvaö haldiö þlö ekkil Jú. auövitaö er hún komin í Hljómdeild
Karnabæjar, nýja platan hans Peter Gabrlel.
Hvort hún sé góð?
Væri ekki rétt aö athuga þaö í eigin persónu. Viö getum þó
sagt þér að þér leyfist að koma meö háar hugmyndir og
kröfur, þar sem þú veist aö Peter Gabriel á í hlut.
- Hljómdeild
Karnabæjar
Laugavegi 66
S. 28155.
Glæsibe
S. 81915.
Austurstræti 27
S. 28155.
Heildsölubirgðir Steinar hf.
S. 28155 — 19490.