Morgunblaðið - 16.06.1978, Blaðsíða 26
26
MORGUNBLAÐIÐ, FÖSTUDAGUR 16. JÚNÍ 1978
Frá ferðalagi frambjóðenda Sjálfstæðisflokksins um Reykjanes:
1488milljónum kr. veitt
til skólahúsa 1975-1978
Mannvirki á Álftanesi
og f Garðabæ skoðuð
Frambjóðendur Sjálfstæðis-
flokksins í Reykjaneskjördæmi
fóru í seinni ferð sína um kjör-
dæmið sunnudaginn 11. júní, en
fyrri ferðina fóru þeir um Suður- .
nesin 4. júní. Lagt var af stað frá !
Hafnarfirði um morguninn, og var
Jóhann Petersen, fyrrverandi for-
maður Kjördæmisráðsins, farar-
stjóri. I ferðina fóru frambjóðend- !
urnir Matthías Á. Mathiesen
fjármálaráðherra, Oddur Ólafsson
læknir og alþingismaður, Ólafur
G. Einarsson alþingismaður,
Eiríkur Alexandersson bæjar-
stjóri í Grindavík, Salóme
Þorkelsdóttir skrifstofumeður,
Sigurgeir Sigurðsson bæjarstjóri á
Seltjarnarnesi, Hannes Hólm-
steinn Gissurarson háskólanemi,
Ellert Eiríksson verkstjóri og Axel
Jónsson alþingismaður og bæjar-
fulltrúi í Kópavogi. Ekið var um
Hafnarfjarðarhraunið og út á
Álftanes, þar sem nýtt skólahús
íbúa Bessastaðahrepps var skoðað
undir leiðsögn Einars Ólafssonar
oddvita og Eyþórs Stefánssonar
fyrrv. oddvita. Þeir buðu fram-
bjóðendum síðan til kaffidrykkju
með hreppsnefndamönnum og
nokkrum fleirum í Bjarnastaða-
skóla. Þar sagði Einar frá fram-
kvæmdum í Bessastaðahreppi,
fyrirhugaðri lagningu vega og
hitaveitu, og Ólafur G. Einarsson
þakkaði fyrir móttökurnar. Hann
minnti á það, að fjárveitingar til
skólahúsnæðis hefðu verið 1488
milljónir kr. á þessu kjörtímabili.
Frá Álftanesi var ekið til Garða-
bæjar og skipasmíðastöðin Stálvík
skoðuð. Jón Sveinsson, forseti
bæjarstjórnar Garðabæjar, aðrir
bæjarfulltrúar Sjálfstæðisflokks-
ins og trúnaðarmenn tóku á móti
ferðamönnum og sýndu þeim
stöðina. Jón sagði nokkuð frá
íslenzka skipasmíðaiðnaðinum.
Eiríkur Alexandersson þakkaði
móttökurnar og hvatti til baráttu
fyrir hagsmunum sjávarútvegsins,
sem væru reyndar hagsmunir
þjóðarinnar allrar. Hann minnti á
þær miklu hafnaframkvæmdir,
sem hefðu verið í kjördæminu á
undanförnum árum, en á þessu
kjörtímabili hefur 1018 milljónum
kr. verið veitt í þær.
Alftanes.
Frambjóðendur og sjálfstæðismenn í Bessastaðahreppi við grunnskólann. sem er í smíðum á Álftanesi.
Á þessu kjörtímabili hefur 1488 miiljónum kr. verið veitt til skólahúsa í Reykjaneskjördæmi.
Garðabær.
Jón Sveinsson sagði framhjóðcndum og fleirum frá skipasmíðaiðnaðinum í Stálvík. Reykjanes er mikill
sjávarútvegsstaður. og á þessu kjörtímabili hefur 1018 milljónum kr. verið veitt til hafnarmannvirkja
þar.
Ekið um Kópavog
og áð í Kjósinni
Frá Garðabæ var ekið um
Kópavog, Mosfellssveit, Kjalarnes
og upp í Kjós. Axel Jónsson sagði
frá framkvæmdum í Kópavogi, en
miklar, framfarir hafa orðið þar í
atvinnumálum síðustu átta árin,
en Sjálfstæðisflokkurinn tók for-
ystu í bæjarmálunum árið 1970:
Til dæmis fjölgaði atvinnutæki-
færum í Kópavogi úr um 800 árið
1970 í um 3000 árið 1978. Axel
sagði frá mönnum og málefnum í
Kjalarnesi á leiðinni upp í Kjós.
Fjölmargt sjálfstæðisfólk
I Kjósinni tóku á móti frambjóð-
endum í Félagsgarði og drukku
með þeim kaffi. Helgi Jónsson
form. Þorsteins Ingólfssonar
ávarpaði hópinn, en Oddur
Andrésson sagði frá vandamálum
Kjósverja og kvað landið verða
varnarlaust, ef vinstri stjórn tæki
við. Salóme Þorkelsdóttir þakkaði
móttökurnar, og Gísli Jónsson
forstöðumaður settist við píanóið
og lék undir, á meðan allir
viðstaddir sungu: „Hvað er svo
glatt ... „ Matthías Á. Mathiesen
sagði nokkur orð og hvatti menn
til að standa saman gegn hættunni
á sósíalisma og vinstri stjórn, sem
væri nú mjög mikil.
Kópavogur.
Ekið var fram hjá húsi Öryrkjabandalagsins í Kópavogi, en Oddur ólafsson læknir og alþingismaður
Reyknesinga. sem er í 2. sæti framboðslista Sjálfstæðisflokksins, hefur verið formaður hússjóðs
bandalagsins frá upphafi.
Kjalnesingar heimsóttir
Frá Félagsgarði í Kjós var ekið
til Fólksvangs á Kjalarnesi, þar
sem Bjarni Þorvarðarson oddviti
tók á móti gestum. Sjálfstæðis-
menn á Kjalarnesi snæddu há-
degisverð með frambjóðendum í
Fólkvangi. Gísli Jónsson sagði, að
fólkið yrði að spara, íslendingar
hefðu lifað um efni fram síðustu
árin. Axel Jónsson þakkaði mót-
tökur Kjalnesinga og sagði, að
flestar framkvæmdirnar, sem ráð-
izt hefði verið í á Reykjanesi á
þessu kjörtímabili, væru vegna
þess, að ríkisstjórnin væri undir
forystu Sjálfstæðisflokksins.
Ellert Eiríksson, Bjarni oddviti,
Jón Ólafsson í Brautarholti og
Matthías Á. Mathiesen fluttu
stuttar ræður um vanda atvinnu-
rekstrarins í landinu. Matthías
sagði, að allir flokkar nema
Sjálfstæðisflokkurinn kysu aukinn
ríkisrekstur eða „félagslegan"
rekstur, eins og hann héti á
dulmáli sósíalista. Hann sagði, að
tekizt hefði þrátt fyrir allt á þessu
kjörtímabili að lækka hlut ríkisins
í þjóðarframleiðslunni úr 31% í
27%. Gestirnir færðu Aðalheiði
Sigurðardóttur húsverði og Björgu
Jóhannsdóttur skólastjórafrú, sem
sáu um hádegisverðinn, sérstakar
þakkir.
Staldrað við
í Mosfellssveit
Frá Fólkvangi var ekið til
Hlégarðs í Mosfellssveit, þar sem
fjöldi Sjálfstæðismanna tók á móti
frambjóðendum og drakk með
þeim kaffi. Jón Guðmundsson á
Reykjum, oddviti Mosfellinga,
sagði frá helztu málefnum þeirra,
einkum hinni öru fólksfjölgun
vegna aðflutninga og hitaveitunni.
Eiríkur Alexandersson, Salóme
Þorkelsdóttir og Jóhann Petersen
tóku til máls. Þökkuðu þau mót-
tökurnar. Jóhann sagði, að Sjálf-
stæðisflokkurinn stæði einn vörð
um sjálfstæði einstaklingsins og
þjóðarinnar. Að kaffidrykkjunni
lokinni voru framkvæmdir í Mos-
fellssveit skoðaðar undir leiðsögn
Jóns oddvita. Sverrir Haraldsson
listmálari og Steinunn Marteins-
dóttir leirkerasmiður voru heim-
sótt í Hulduhóla, og sýndu þau
ferðamönnum listaverk sín, sem
eru bæði innan húss og utan.
Fannst ferðamönnum mikið til
listaverkanna koma, húss þeirra
hjóna og umhverfis, og þökkuðu
þeim fyrir tækifærið til að skoða
allt þetta.
Lokaáfangi
á Seltjarnarnesi
Ekið var frá Mosfellssveit í
gegnum Reykjay'k og út á Sel-
tjarnarnes, þar sem Sigurgeir
bæjarstjóri, sýndi mönnum fram-
kvæmdir. Kristinn Michelsen
form. fulltrúaráðs, Magnús Er-
lendsson, forseti bæjarstjórnar
Seltjarnarness, Gísli Ólafsson
forstjóri og fleiri Sjálfstæðismenn
tóku á móti þeim í félagsheimilinu
á Seltjarnarnesi og drukku með
þeim kaffi. Þar fluttu Kristinn,
Magnús, Gísli, Matthías fjármála-
ráðherra, Snæbjörn Ásgeirsson
bæjarfulltrúi og Salóme stuttar
ræður. Sögðu ræðumenn, að í
þessum kosningum væri kosið um
sjálfstæði einstaklinganna eða
sósíalismann, um varið land eða
varnarlaust, um stjórn undir
forystu Sjálfstæðisflokksins eða
vinstri stjórn. Matthías sagði, að
vígorð vinstristjórnarflokkanna:
„Kosningar eru kjarabarátta!"
hitti í annað mark en þeirra, því
að kaupmáttur ráðstöfunartekna
Framhald á bls. 19