Morgunblaðið - 17.06.1978, Blaðsíða 16

48
MORGUNBLAÐIÐ, LAUGARDAGUR 17. JÚNÍ 1978
Franska hugmyndin að flugstöðvarbyggingu á Keflavíkurflugvelli. Sú hugmynd byggir á spá sem var gerð áður en olíukreppan skall á og miðar við h
eru möguleikar til að stækka í framtíðinni.
Ðygging nýrrar flugstöðv-
ar á Keflavíkurflugvelli
Meðfylgjandi myndir sýna hugmyndir að nýju flugstöðvarbyggingunni á
Keflavíkurflugvelli. en þessar hugmyndir eru lagðar fram frá frönskum og dönskum
aðilum sem voru fengnir til að gera úttekt á þörf og mögulcikum í flugsamgöngum
um Keflavíkurflugvöll. Byggist niðurstöður þeirra á víðtækri spá um flug til og frá
Islandi og flugumferð með viðkomu á íslandi. Frumathuganir í þessum efnum hafa
verið unnar annars vegar af franskri stofnun sem sér um byggingu flugvalla í
Frakklandi og víðar um heim og hins vegar danskri stofnun sem hefur teiknað marga
ilþjóðlega flugvelli og t.d. Kastrup í Kaupmannahöfn.
Doðrantar þessara stofnana með athugunum og upplýsingum varðandi
uppbyggingu flugstöðvar á Keflavikurflugvelli fylla margar bækur, en samkvæmt
samkomulagi við Varnarliðið frá 1974 er gert ráð fyrir aðskilnaði á svæði
Varnarliðsins og almennri flugstarfscmi samkvæmt upplýsingum Páls Ásgeirs
Tryggvasonar ráðuneytisstjóra í Varnarmáladeild utanríkisráðuneytisins. Samkvæmt
þessu samkomulagi taka Bandarfkjamenn á sig kostnaðinn við að skapa sömu aðstöðu
á nýja staðnum. en ekki liggur fyrir ennþá hvernig skintingu kostnaðar við byggingu
sjálfrar flugstöðvarinnar verður skipt. Bandaríkjamenn hafa hins vegar fallist á að
taka mjög verulegan þátt í byggingunni fjárhagslega. Engar lokaákvarðanir hafa
verið teknar um stærð flugstöðvarinnar en þær teikningar sem liggja fyrir gera ráð
fyrir breytilegum stærðarmöguleikum og byggingu í áföngum.
Með vaxandi flugþróun þarf margs konar breytingar í afgreiðslu flugumferðar og
nóg pláss til athafna og frekari uppbyggingar fyrir framtíðina. Það nýja svæði sem
samþykkt hefur verið undir almcnna flugstöð á Keflavíkurflugvelli stendur alveg sér
á flugvallarstæðinu miðsvæðis miðað við framtíðarmöguleika í uppbyggingu
flugvallarins, en þó um leið miðsvæðis á núverandi flugumferðarsvæði.
Kostnaður við byggingu flugstöðvar skiptir milljörðum króna, en samkvæmt
upplýsingum Páls Ásgeirs má reikna með að frá því að fjárhagsgrundvöllur verði
tryggður taki um 5 ár að byggja flugstöðvarmannvirkin. Reiknað er með að öll
teiknivinna geti tekið 114—2 ár, um 'A ár að bjóða verkið út og 2 ár að byggja
mannvirkin.
Grunnmynd að flugstöðvarbyggingu frönsku hugmyndarinnar og afgreiðslusvæði, en þar er um að ræða þriggja hæða byggingu með margvíslegum
þjónustumöguleikum.
/// /
/// // /