Morgunblaðið - 21.06.1978, Blaðsíða 1
64 SÍÐUR
129. tbl. 65. árg.
MIÐVIKUDAGUR 21. JÚNÍ 1978
Prentsmiðja Morgunblaðsins.
Sadat gagnrýnir
Israelsmenn en
vill vidrædur
Kaíró — Róm — Beirút —
20. júní — AP — Reuter.
SADAT Esyptalandsforseti sagði
í dag að svör ísraelsmanna við
spurningum Bandaríkjastjórnar
um íramtíð Vesturbakka Jórdan-
ár og Gaza svæðisins hefðu ekki
verið jákvæð, en hann væri þó
enn reiðubúinn til frekari íriðar-
viðraeðna ef eitthvað nýtt heyrðist
frá ísraelsmönnum um málin.
Hann sagði svar ísraelsstjórnar
ekki loka öllum möguleikum um
friðarviðræður. Sadat lét þessi
orð falla í ræðu í egypzka
þinginu.
Forsetinn sagði síðar um daginn
í viðtali við ítalska sjónvarpsstöð
að aðeins væri mánuður liðinn frá
því að Ezer Weizman varnarmála-
ráðherra Israels hefði aftur boðið
Egyptum sérfriðarsamninga, en
því hafi verið hafnað af sömu
ástæðu og fyrr, að slíkur friður
leysti ekki grundvallarvandann í
Miðausturlöndum, þ.e. málefni
Palestínuaraba og Vesturbakka
Jórdanár.
Sadat sagði í viðtalinu að hann
væri í nær því daglegu sambandi
við Carter Bandaríkjaforseta fyrir
milligöngu ýmissa manna og hann
hefði einnig persónulegt samband
við Brezhnev forseta Sovétríkj-
anna. Hann sagði í viðtalinu að
Egyptum væri að nokkru um að
kenna hve Rússar væru nú fyrir-
Framhald á bls. 18
Tító varar við
heimsstyrjöld
Bclgrad. 20. júní. Reuter. — AP.
TÍTÓ Júgóslavíuforseti sagði í dag að versnandi sambúð stórveldanna
tveggja að undanförnu gæti leitt til nýrrar heimsstyrjaldar. Forsetinn
flutti ræðu á þingi kommúnistaflokksins í Júgóslavíu og sagði hann
m.a. að Afríka væri orðin vettvangur stórvcldaátaka og að
héimsfriðnum stafaði mest hætta af ástandinu í Miðausturlöndum.
Ræða Títós var flutt við upphaf
þingsins og fjallaði forsetinn um
þróun kommúnistaflokksins síð-
ustu þrjátíu ár, efnahagsástandið
í Júgóslavíu, stjórnmálaástandið
og framtíðarhorfur. Ónafngreindir
Enn lækkar
dollarinn
London — 20. júní. AP. — Reuter.
BANDARÍKJADOLLAR lækkaði
í dag á gjaldeyrismörkuðum
gagnvart öðrum gjaldmiðlum,
einkanlega japanska yeninu, og
hefur dollarinn aldrei staðið verr
gagnvart yeninu. Þegar gjald-
eyrisviðskiptum var hætt á
markaðinum í London í kvöld
voru 211.6 yen í dollar en voru
215.6 kvöldið áður. bykir nú
líklegt að dollarinn eigi eftir að
lækka í 200 yen innan skamms ef
svo heldur fram sem horfir.
Pundið hækkaði heldur á
mörkuðum í dag og sama er að
segja um þýzka markið, sviss-
neska og franska frankann og
hollenzka gyllinið.
embættismenn í Belgrad létu hafa
það eftir sér í dag að þessi ræða
Títós væri erfðaskrá hans, en Tító
er nú 86 ára að aldri, þótt ern sé
og heilsugóður.
Þing kommúnistaflokksins er
haldið þegar þrjátíu ár eru liðin
frá því að Tító gerði upp mál sín
við Sovétríkin og ákvað að fara
sínar eigin leiðir við uppbyggingu
þjóðfélags þess sem hann hugðist
koma á fót. A fundinum eru
fulltrúar frá 130 löndum, þ.á m.
Enrico Berlinguer leiðtogi ítalskra
kommúnista.
Tító var í ræðu sinni gagnrýninn
á margt í efnahagsuppbyggingu í
Júgóslavíu og kvartaði m.a. undan
lítilli framleiðni, óarðbærri fjár-
festingu og mistökum við stjórn
verkamanna á fyrirtækjum. Hann
kvaðst þó bjartsýnn á framtíð
efnahagslífsins í landinu og sagði
Júgóslava staðráðna í að standa af
sér ásælni annarra þjóða.
Ræðu Títós var tekið með
miklum fagnaðarlátum á þinginu
og annars staðar' í landinu. Rúm-
lega eitt hundrað þúsund manns
voru á götum úti og hylltu Tító
Framhald á bls. 18
Korchiioi spáir
hörku viðureign
Ziirich. Svíks. 20. júní. AP.
VICTOR Korchnoi, áskorand-
inn í væntanlegu einvígi hans
og Karpovs heimsmeistara í
skák, telur að viðureign þeirra
á Filippseyjum í næsta mánuði
verði stórfenglcg barátta
tveggja raunverulegra kon-
unga.
I viðtali við svissneska blaðið
„Tages Anzeiger" lét stórmeist-
arinn, sem er landflótta frá
Sovétríkjunum, svo um mælt, að
aðilarnir hefðu svo til jafna
möguleika á sigri. Hann kvaðst
vera sterkari nú en hann var
fyrir fjórum árum er hann tefldi
síðast við Karpov um heims-
meistaratitilinn og tapaði
naumlega. Hann viðurkenndi þó
að Karpov hefði einnig bætt sig
síðan.
Korchnoi lýsti andstæðingi
Framhtld á bls. 18
FORSETI íslands og kona hans eru nú á ferð á Englandi en
forsetinn tók við heiðursdoktorsnafnbót við háskólann í Leeds í
fyrradag. í gær voru forsetahjónin í York þar sem grafið hefur
verið eftir fornleifum frá tíma víkinganna.
Á myndinni er verið að sýna dr. Kristjáni Eldjárn og Ólöfu
Pálsdóttur sendiherrafrú fornleifarnar. símamynd ap
Mannskæður jarðskjálfti í Grikklandi
Saloniki - 20. júní. - AP-Reuter.
TALIÐ er að margir hafi
farizt í grísku borginni Sal-
oniki í kvöld þegar mikill
jarðskjálfti varð í borginni og
jafnaði við jörðu margar
byggingar. Vitað var um
tuttugu hús sem hrundu til
grunna, þar af tvö fjölbýlis-
hús, og er óttazt að fáir hafi
komizt af sem í þeim voru, en
óp og kvein heyrðust í rústun-
um í kvöld þegar björgunar-
menn hófu aðgerðir til að
bjarga þeim sem grafist höfðu
undir rústunum.
Mikill ótti greip um sig í
borginni, en þar búa um 600
þúsund manns og þyrptust
borgarbúar úr húsum sínum og
af götunum á bersvæði í
borginni þar sem óttast var að
fleiri kippir fylgdu í kjölfarið.
Fyrsta líkið sem fannst-var af
júgóslavneskum ferðamanni
sem verið hafði gestur á 10.
hæð á strandhóteli sem hrundi
til grunna.
Sjónarvottar í borginni sögð-
ust í gærkvöldi hafa séð fólk
stökkva af svölum í angist til
að komast í burtu og blaðamað-
ur nokkur í borginni sagði:
„Borgin skelfur eins og lauf-
blað í vindi.“ Rafmagn og vatn
fór af víðs vegar um borgina í
kvöld og samgöngur fóru úr
skorðum.
Jarðskjálftinn varð um kl. 23
að staðartíma og mældist um
6,5 stig á Richterkvarða. Varð
hans m.a. vart í Júgóslavíu og
kom hann einnig fram á
mælum í Stokkhólmi og í
Kaliforníu.
Áfengisbann
á Grænlandi?
Godtháb — Grænlandi — 20. júní — Reuter.
GRÆNLENDINGAR greiða í dag
um það atkvæði hvort banna eigi
eða takmarka sölu áfengis í
landinu eftir að heimastjórn
verður komið þar á. Atkvæða-
greiðslan er ekki bindandi fyrir
stjórnvöld heldur til hliðsjónar.
Áfengisneyzla hefur verið land-
lægt vandamál á Grænlandi um
árabil og neytir hver Grænlend-
ingur að meðaltali tvöfalt meira
áfengismagns árlega en hver Dani.
Áfengisbann gæti komið mjög
við fjárhag hinnar nýju heima-
stjórnar því skattar af áfengissölu
eru helzta tekjulind stjórnarinnar.
„Borgin skelfur
sem lauf í vindi”
Ecevit
fer til
Moskvu
Ankara. 20. júní. Reuter. AP.
BULENT Ecevit, forsætisráðherra
Tyrklands, heldur á morgun (mið-
vikudag) í opinbera heimsókn til
Sovétríkjanna þar sem hann mun
undirrita vináttu- og samstarfs-
samning sem löndin hafa gert með
sér. Þessi för Ecevits verður
fimmta utanlandsferð hans frá því
hann tók við embætti fyrir fimm
mánuðum, en hann hefur gert sér
far um að efla samband Tyrkja við
nágrannaþjóðirnar og jafnframt
unnið að því að fá Bandaríkjaþing
til að aflétta vopnasölubanni því
sem sett var á Tyrkland 1975.
Samkomulag það, sem undirrit-
að verður í Moskvu, gengur ekki
jafnlangt og Sovétmenn höfðu
óskað, en þeir hafa á undanförnum
árum lagt mikla rækt við ná-
granna sína Tyrki og m.a. veitt
þeim lán og tækniaðstoð. Samn-
ingurinn, sem nú verður undirrit-
aður, er talinn í líkingu við
hliðstæð plögg sem Sovétmenn
hafa samið um við Norðmenn og
Frakka.