Morgunblaðið - 21.06.1978, Blaðsíða 31
MORGUNBLAÐIÐ, MIÐVIKUDAGUR 21. JÚNÍ 1978
31
Athyglin beinist að leik
Hollendinga og ítala
í KVÖLD fara fram fjórir leikir í HM keppninni.
í A-riðli leika Ítalía og Holland kl. 16.45 í Buenos
Aires, og Austurríki og V-Þýskaland kl. 16.45 í
Cordoba. í B-riðli leika Argentína—Perú kl. 22.15
í Rosario, og Brasilía—Pólland kl. 9.45 í
Mendoza.
Brasilíumenn fóru fram á að fá að leika á sama tíma og
Argentínumenn, þar sem það gæti hugsanlega haft áhrif á leik
Argentínumanna að vita úrslitin í leik Brasilíu og Póllands en því var
ekki sinnt. Sá leikur, sem vekur hvað mesta athygli, er leikur Ítalíu og
Hollands. Þjálfari Hollendinga Happel lét þau orð falla að lið hans léki
ávallt til sigurs og svo yrði einnig í kvöld. Jafntefli nægir Hollendingum
til að komast í úrslitaleikinn þar sem markahlutfall þeirra er svo
hagstætt. Óvíst er hvort leikmenn þeir, sem meiddir hafa verið hjá
Hollendingum, leika með, þó eru líkur á að Neeskens komi inn í liðið.
Ítalía flaggar öllum sínum bestu mönnum.
Argentina'78
Hverju spá vegfarendur?
Andlhstyftíng Itala
ÞEGAR keppnin í Argentínu hófst í byrjun pessa mánaðar, var pað mál
afar margra, að landslið Ítalíu væri fjarri pví að vera sterkt. Það hefur pví
veriö eitt af Því sem komið hefur verulega á óvart í keppninni, hversu
sterkir ítalirnir hafa reynst.
MBL. brá sér niöur í Austur-
stræti í blíöviörinu á mánu-
daginn og kannaöi lítillega
hversu almennur áhugi
manna er á Heimsmeistara-
keppninni í Argentínu. Viö
tókum tali átta vegfarendur
sem valdir voru af handahófi,
og spurðum þá hvort þeir
fylgdust meö HM og báöum
þá síðan aö spá fyrir okkur
hver úrslit yröu.
Kom í Ijós, aö flestir fylgd-
ust þó ekki væri nema lítillega
meö keppninni og voru allir til
í aö spá. Fara spárnar hér á
eftir:
Hrafn Geirsson bankastarfsmað-
ur«
1. Ítalía
2. Brasilía
3. Argentína
Eyjólfur Magnússon kennarii
1. Holiand
2. Brasilía
3. Pólland
Á Ítalíu er knattspyrna á sama palli
og trúarbrögö og þess vegna var
alþýða manna og fréttamenn fljót aö
ráöast aö liðinu, er illa fór að ganga
rétt fyrir keppnina. ítalir unnu aöeins
einn af 5 upphitunarleikjum sínum og
var fyrir vikið óhaggantegur drungi
yfir ítalskri alþýðu. En er liðið vann
Frakkland í fyrsta leiknum, kom í Ijós,
að liðið hafði smollið saman á réttum
stað og á réttum tíma.
Heiðurinn af þessu hlýtur þjálfarinn
Enzo Bearzot að eiga að miklu leyti
en hann hefur engan bilbug látiö á
sér finna þrátt fyrir feiknarlega
gagnrýni undanfarna mánuöi. Hann
hefur farið sínu fram og ekki lagt
eyrun við orðum þeirra, sem kveina
sem mest um hvað hann sé vitlaus
og nú fær hann umbun síns erfiðis.
Leikmennirnir hafa sjálfir greint frá
ýmsum hlutum, sem þeir telja eiga
sinn þátt í því hversu vel hefur
göngið. Markvörðurinn Dino Zoff
hefur sagt, að það hafi haft mikil og
góð áhrif á leikmennina hversu
kyrrlátur staðurinn er, þar sem ítalir
hafa æfingabúöir sínar í Torcuato,
nærri Buenos Aires. Zoff sagði
einnig: „Við vorum bjartsýnir, er við
Nöfn féllu níður
VEGNA mistaka, féllu niður nöfn
blaðamanns og Ijósmyndara á leik
Breiöabliks og Vals sem leikinn var
á mánudaginn. Textann ritaði Guð-
mundur Guðjónsson og myndina tók
Ragnar Axelsson.
mættum til leiks, en engan okkar
grunaöi að við næðum að sýna slíka
stórleiki. Friðsæld staðarins, fjarri
öllum fréttamönnum og því sem þeim
fylgir hefur verið okkur mikil stoð.“
Giancarlo Antognoni sagði, að
hinn mikli fjöldi ítala í Argentínu heföi
hjálpað þeim gífurlega mikið með
hvatningarópum í leikjunum og undir
þaö tók hinn gráhærði Roberto
Bettega. Bettega sagöi einnig, að
liðið léki nú vel vegna þess, að
leikmennirnir hefðu lagt hart aö sér
og lagt mikið í sölurnar, þeir hefðu
ekki reiknað með að komast í átta
liða úrslitin og það væri ennþá til of
mikils mælst að þeir kæmust í
úrslitaleikinn.
Það sem Enzo Bearzot hefur tekist
að gera, er að móta topplið sem
viröist líklegt til þess aö taka upp
þráðinn þar sem frá var horfið, er
snillingur eins og Gianni Rivera, Gigi
Riva og Sandro Mazola voru upp á
sitt besta. í þá daga byggðist leikur
liösins á feikilega sterkum varnarleik
og síöan stingandi skyndisóknum.
Þegar framangreindir kappar hurfu af
sjónarsviöinu, voru engir til aö fylla
í skörðin sem þeir skildu eftir sig.
Engu aö síður reyndi ítalska liðið aö
leika sama fótboltann, en nú varð
árangurinn lítill sem enginn. Liðið í
dag hefur komið á óvart fyrir að leika
algera andstæöu varnarleiksins
gamla, sem gerði garðinn frægan.
Liðið leikur nú hárbeittan sóknarleik
og er þó vörnin sem fyrr glerhörð.
Ástæðan er sú, að enn á ný eiga ítalir
Framhald á bls. 18
íris Þráinsdóttir nemii
1. Holland
2. Brasilía
3. Vestur-Þýskaland
Egill Pétursson tæknitoiknari.
1. Argentína
2. Ítalía
3. Ilolland
Inga Níelsdóttir nemii
1. Ítalía
2. Brasilía
3. Argentína
Gunnar Guðmundsson rafvirkii
1. Holland
2. Argentína
3. óákveðið
Sigurður Emil Frfmannsson
hlaðasalii
1. Ítalía
2. Pólland
3. Argentína
Helgi Indriðason nemii
1. Holland
2. Brasilía
3. Pólland
Selfoss skoraði tíu mörk
KEPPNIN í þriðju deild íslandsmótsins í knattspyrnu er í fullum gangi þessa dagana og var urmuil
leikja á dagskrá um helgina. Hér fara á eftir úrslit þeirra flestra.
Selfoss — Þór
Þorlákshöfn 10—0 (G—0)
Sumarliði Guðbjartsson, sem
snúinn er aftur til Selfoss, eftir
árs dvöl í herbúðum Frammara,
átti stærsta þáttinn í að slátra
Þórsurum. Hann skoraði 6 af
mörkum Selfyssinga og var mað-
urinn á bak við flest hinna, sem
þeir Heimir Bergsson (2), Sigurður
Óttarsson og Stefán Larsen
skoruðu.
Grindavík — Víðir 3—1
Mörk þeirra Jóseps Ólafssonar,
Júlíusar Ingólfssonar og Einars
Jóns Ólafssonar tryggði Grindvík-
ingum góðan sigur, en mark Víðis
skoraði Guðmundur Knútsson.
Tindastóll —
Höfðstrendingar 5—0
Tindastóll átti í litlum vandræð-
um með Höfðstrendinga, sem
klúðruðu sínu besta færi í leiknum
er þeir misnotuðu vítaspyrnu..
Mörk Tindastóls skoruðu þeir
Birgir Rafnsson (víti), Páll Ragn-
arsson (2), Örn Ragnarsson og
Karl Ólafsson.
Svarfdælir — KS 0—1
Siglfirðingar höfðu umtalsverða
yfirburði, en tókst aðeins að skora
einu sinni og það gerði Þorsteinn
Jóhannsson beint úr hornspyrnu.
Hekla - USVS 1-2
Tvö mörk gestanna í síðari
hálfleik tryggðu þeim sigur, en
Hekla hafði forystu, 1—0 í leik-
hléi, Ólafur Sigurðsson skoraði.
Mörk Skaftfellinga skoruðu þeir
Sigurður Óttarsson og Stefán
Larsson.
ÍK - UMFN 0-5
Njarðvíkingar unnu léttan sig-
ur, þrátt fyrir að þeir yrðu að leika
einum færri mest allan leikinn.
Stefán Jónsson og Ómar Haf-
steinsson skoruðu tvö mörk hvor,
en Albert Hjálmarsson skoraði
fimmta markið.
Léttir — Stjarnan 2—1
Það voru Léttismenn sem sigr-
uðu, þrátt fyrir að leikmenn
Stjörnunnar væru mun meira í
sókn allan leikinn. Sigurður Jóns-
son skoraði bæði mörk Léttis, sitt
í hvorum hálfleik, en Sigurður
Guðmundsson svaraði fyrir
Stjörnuna.
Víkingur Ól. —
Skallagrimur 2—1
Mörk þeirra Atla Alexanders-
sonar og Magnúsar Jóhannssonar
tryggðu heimamönnum sigur, en
Ómar Sigurðsson skoraði eina
mark Skallagríms.
Leiknir Breiðh. — Snæfell 2—1
Snæfellingar höfðu eins marks
forystu í leikhléi með vítaspyrnu
Kristjáns Ágústssonar, en í síðari
hálfleik tókst Leikni að knýja
fram sigur með mörkum Jóhann-
esar Sigurðssonar og Hilmars
Hjálmarssonar.
Leiknir Fáskr. — Höttur 5—3
Leiknir átti meira í leiknum og
vann verðskuldað, en leikurinn var
opinn og fjörugur. Svanur Kára-
son, Ingólfur Hjaltason, Kjartan
Reynisson (2) og Helgi Ingason
skoruðu fyrir heimaliðið, en Snæ-
björn Vilhjálmsson (2) og Stefán
Jónsson svöruðu fyrir Hött.
Sindri — Ilrafnkell
Freysgoði 5—0
Hér var aldrei um neina keppni
að ræða, einstefnan var alger og
sigurinn hefði getað verið stærri.
Einar Ingólfsson (2), Grétar Vil-
bergsson, Snorri Gissurarson og
Albert Eymundsson skoruðu mörk'
Sindra.
Einherji — Huginn 2—0
Vopnfirðingarnir eru að sögn
erfiðir heim að sækja og það fengu
gestirnir að finna, er Baldur
Kjartansson skoraði eitt mark í
fyrri hálfleik og annað í þeim
síðari.
Afturelding — Óðinn 6—1
Hér var um einstefnu að ræða,
Hafþór Kristjánsson var maður
leiksins og skoraði 4 af mörkunum,
en þeir Helgi Ásgeirsson og
Guttormur Magnússon skoruðu
hin tvö.
Þrír aðrir leikir fóru fram um
helgina, Árroðinn — Magni, Stefn-
ir — Bolungarvík og HSÞ — Reyni
Árskógströnd. Vegna skorts á
upplýsingum munum við birta
úrslitin síðar.
— Kg.