Morgunblaðið - 22.06.1978, Blaðsíða 13

MORGUNBLAÐIÐ. FIMMTUDAGUR 22. JÚNÍ 1978
13
Colin Porter:
Notið atkvæðisrétt ykkar til
að tryggja hann í framtíðinni
— og rétt barna ykkar í framtíðinni
sem frjálsir fslendingar
Kæru lesendur
Ég vona að þetta bréf birtist
ykkur fyrir næsta sunnudag, því að
þann minnisverða dag munuð þið
ganga til að greiða atkvæði þeirri
ríkisstjórn sem þið kjósið sjálf.
Það út af fyrir sig er réttur, sem
verður ekki metinn til fjár. Sú
staðreynd ein að þið eigið kosta völ
ætti að nægja til að hugleiða það
hvernig þið öðluðust þetta stór-
kostlega frelsi, valfrelsið. Þetta
frelsi hlutuð þið að gjöf frá
forfeðrum ykkar að lokinni langri
og erfiðri baráttu þeirra fyrir
sjálfstæði, og þið getið annað hvort
haldið í þetta frelsi eða hent því
frá ykkur á sunnudaginn kemur.
Þetta kann að þykja djarflega
mælt, sérstaklega af útlendingi, en,
má ég benda á, útlendingi sem
hefur búið á Islandi í 22 ár og
fundið með sér vaxandi væntum-
þykju í garð íslands og þjóðarinnar
sem það byggir, og því sem er
jafnvel enn mikilsverðara; lifn-
aðarhátta hennar. Má ég taka það
skýrt fram strax, að ég styð hvorki
né fordæmi nokkurn stjórnmála-
flokk á Islandi og hef, af fyrr-
greindum ástæðum, ekki einu sinni
kosningarétt.
Islendingar eru frjáls og fullvalda
þjóð og þeir eru bæði stoltir og
iðjusamir; stoltir með réttu og
frjálsir að eigin ósk, en þótt
undarlegt kunni að virðast gætu
orðið breytingar á þessu öllu eftir
næsta sunnudag. Hugleiðið það
litla stund. Kosningarnar á sunnu-
daginn gætu markað upphaf enda-
loka þess frelsis sem við eigum nú
sameiginlegt, eða þær gætu
ákveðið framhald þeirra lýðræðis-
legu þjóðfélagshátta sem við njót-
um nú. Auðvitað geri ég mér ljóst
að núverandi skipulag hefur sína
galla, lýðræðið er ekkert himna-
ríki. Enn bíða mörg vandamál
lausnar og margt er ógert. Enginn
fær neitað því, að grunnlaun
verkafólks eru of lág eða því, að
framfærslukostnaður er of hár,
þetta vita allir, og ennþá leyfist
hverjum sem er að halda því fram.
í komandi kosningum sem fyrri
kosningum munu allir flokkar
setja fram loforð um úrbætur, en
hvort þeir standa við orð sín eða
ekki mun tíminn einn leiða í ljós.
Ég hef hlustað á frambjóðendur
ásaka hver annan um núverandi
ástand, og allir hafa þeir fram að
færa hver sína lausn á vanda-
málunum. Sumar þessara lausna
gætu e.t.v. reynzt haldgóðar, og allt
er þetta auðvitað hluti stjórnmála-
baráttunnar. Hvers kyns orða-
flækjur og fullyrðingar eru líka
hluti af þeirri skák, sem við höfum
lært að sætta okkur við og jafnvel
hafa ánægju af. Þetta er sú tegund
þjóðfélags sem við höfum kosið að
lifa í, við munum vonandi halda því
áfram næstu árin. Mér er sem ég
sjái einhvern stjórnmálamann í
Rússlandi koma fram í sjónvarpi í
Moskvu og segja rússnesku
þjóðinni að Breshnev sé þjófur og
hafi stolið úr launaumslagi
hennar. Ég er hræddur um að
aumingja maðurinn væri kominn
inn á geðveikrahæli áður en næsti
dagskrárliður hæfist!
Þar með er ég kominn að
tildrögum þess að ég reit þetta
bréf. Þegar ég var að hlýða á
kosningaávörp og umræður í sjón-
varpi og útvarpi í síðustu viku
áttaði ég mig á því að eitthvað
hafði breytzt frá síðustu kosning-
um. Kommúnistar höfðu nú loksins
stigið fram í dagsljósið og ræða um
sjálfa sig sem kommúnista. Ég
viðurkenni að þeir nefna sig
íslenzka kommúnista, en fyrir mér
er aðeins til ein gerð kommúnista
og það er sá sem trúir á kommún-
ismann!
Ég hafði aldrei hugleitt myndina
af Islandi undir stjórn kommún-
ista, en því meir sem ég hugsa um
það, þeim mun óttaslegnari verð ég
og þeim mun betur geri ég mér
ljóst að slíkt gæti gerzt.
Óánægja virðist ríkja á Islandi
nú, fólk ræðir um þörf á breyt-
ingum. Ég skal ekki mæla því mót,
en það sem hræðir mig er
spurningin um það, hvert sú
breyting á að leiða. Ég efast ekki
um það að þetta fólk sem segist
vera kommúnistar er einlægt í
skoðunum sínum og finnst það
vera þjónar alþýðunnar. En hvað
heldur þetta sama fólk að það gæti
lengi haldið áfram að vera
„íslenzkir kommúnistar"? Dubchek
var kommúnisti og þjónaði
tékknesku alþýðunni.þar til „Stóri
bróðir" ákvað að hún hefði haft
nóg af honum að segja. Heldur
þetta fólk, sem er að reyna að boða
Islendingum kommúnistma, í
alvöru að eftir að það hefur komið
Nato brott verði það Iátið afskipta-
laust á meðan það framkvæmir
þau loforð sem það gefur nú? Það
verður að gera sér ljóst mikilvægi
Islands í valdatafli heimsins óg
það verður einnig að gera sér ljóst
hve máttlítið það yrði, ef Kreml-
verjar ákvæðu að ýta því til hliðar.
Það er hrein fásinna að hala að
þetta gæti aldrei gerzt. Ef litið er
á heimsmyndina frá stríðslokum
sést, að þeir hafa ekki látið ónotuð
mörg slík tækifæri. Og þegar Nato
er einu sinni farið og þeir hafa
komið fæti inn fyrir dyragættina,
hver í ósköpunum ætti þá að stöðva
þá?
Colin Porter
Eins og ég sagði i upphafi þessa
bréfs styð ég hvorki né fordæmi
nokkurn íslenzkan stjórnmála-
flokk. Það er satt. Hins vegar
fordæmi ég kommúnismann, ekki
sem kenningu, heldur framkvæmd
hans. Það hefur sannast aftur og
aftur að kenningin er óframkvæm-
an leg og ástæðan er engin önnur
en sú, að manneskjur eru
manneskjur, hver og ein er ein-
staklingur með eigin þrár og eigin
hugmyndir. Það að gera þær að
kvikfénaði sem þjónar ríkinu, er
glæpur gegn Guði og gegn sjálf-
stæðri hugsun mannsins.
Ég er enginn stjórnmálamaður,
og ég er heldur ekkert sérstaklega
menntaður á sviði stjórnmála. Ég
er aðeins venjulegur maður með
venjulegt heilabú, venjulegar til-
finningar og ótta, og sem slíkur
höfða ég til hvers þess sem hugsar
líkt og ég, að hann tjái hugsanir
sínar á sunnudag. Notið atkvæðis-
rétt ykkar til að tryggja atkvæðis-
rétt ykkar í framtíðinni og, það
sem er jafnvel enn mikilvægara, til
þess að tryggja að börn ykkar fái
tækifæri til að nýta sama rétt sem
frjálsir íslendingar. Sú ákvörðun
sem þið takið á sunnudaginn gæti
orðið ein sú mikilvægasta í lífi
ykkar. Ihugið því vandlega áður en
þið útfyllið þennan litla miða, að
það er framtíð barna ykkar, sem
þið setjið í kassann. Og það er
framtíð íslands.
EKKI
BARA BUXUR...
mmo
er vörumerki yfir ýmisskonar sport-
fatnað, fatnaö, sem er ávallt hannaöur
og framleiddur eftir ströngustu kröfum
tízkunnar.
mmo
í barnanúmerum
denim.
Nú er
fatnaöur Ifka til
riffluöu flaueli og
mmo
sportfatnaöur fæst í verzlunum Karna-
bæjar, svo og öllum verzlunum, sem
hafa umboö fyrir Karnabæ