Morgunblaðið - 23.06.1978, Blaðsíða 18

18
MORGUNBLAÐIÐ, FÖSTUDAGUR 23. JÚNÍ 1978
— Pétur
Framhald af bls. 32
aftur og aftur staðið að því að
rifta gildandi kjarasamningum.
Þeir hafa margoft staðið að
því að skerða eða banna vísi-
tölubætur á kaup til að slepp^
út úr hringrás vísitölukerfisins.
Það vekur sannast sagna
furðu að kjósendur skulu búnir
að gleyma kjarasamningunum
sem gerðir voru í febrúar 1974.
Þrem mánuðum síðar, stóðu
ráðherrar og þingmenn Alþýðu-
bandalagsins að bráðabirgða-
lögum um að svíkja þessa
nýgerðu kjarasamninga og taka
af umsamdar verðbætur og
beinlínis lækka kaupið.
Og síðustu daga hefur í
borgarstjórn okkar sést
árangurinn af langþýðingar-
mesta kosningaloforði Alþýðu-
bandalagsins og Alþýðuflokks-
ins „Samningana í gildi“ en með
sinni gerð þar viðurkenna þeir í
raun, nauðsyn þeirra aðgerða
sem gerðar voru, um Ieið og þeir
svíkja sitt aðalkosningaloforð.
Þegar við göngum til þessara
kosninga höfum við okkur til
varnaðar kosningaspár síðdegis-
blaðanna, stuðningsblaða
Alþýðuflokksins. Sérstaka at-
hygli hefur vakið óblandin
ánægja þeirra með þær fjöl-
skylduákvarðanir gömlu krata-
foringjanna, að senda nú fram á
hinn pólitíska vígvöll prinsa
sína og prinsessur.
A kosningareið þessara rósa-
riddara hefur einn hæruskotinn
málaliði slegist í för, Bjarni
prófessor Guðnason. Sá hinn
sami sem sá í Alþýðuflokknum
eina vitann — eina ljósið í
pólitísku myrkri þjóðarinnar.
Nú er ég sannfærður um að
prófessor Bjarni á eftir að reyna
að ljós rósariddaranna er villu-
ljós, sams konar ljós og strand-
ræningjar héldu á lofti fyrrum
til að lokka sæfara upp í
brimgarðinn.
Þessa ályktun dreg ég af þvi
að hann er eini frambjóðandi
vinstri flokkanna, þvert ofan í
yfirlýsingar og fullyrðingar
meðframbjóðenda sinna, sem
hefur haft þá hreinskilni til að
bera að viðurkenna nauðsyn
efnahagsaðgerða núverandi rk-
isstjórnar, en hann sagði orðrétt
í sjónvarpsumræðunum: „Við
heitum því að þær fórnir sem
færa þarf komi réttlátlega
niur“. Undir þennan fyrirvara
tek ég heilshugar.
I þessu efni hefur líka mikið
áunnist, sérstaklega í hækkun
bóta til elli- og örorkulífeyris-
þega, verðtryggðum lífeyris-
greiðslum, o.fl.
Góðir Reykvíkingar.
Áform tveggja vinstri stjórna
um brottrekstur varnarliðsins,
úrsögn úr N-Atlantshafsbanda-
laginu og slit tengsla íslendinga
við aðrar vestrænar þjóðir hafa
í bæði skiptin brotnað á styrk-
leika Sjálfstæðisflokksins hér í
Reykjavík.
Nú er þetta vígi fallið um
sinn. Ef kjósendur bera ekki
gæfu til að veita Sjálfstæðis-
flokknum traust í alþingiskosn-
ingunum er hætta á válegri
þróun þjóðmála á næstu miss-
irum.
Sigur vinstri flokkanna í
þessum kosningum kallar einnig
skilyrðislaust á myndun vinstri
ríkisstjórnar.
Frambjóðendur Alþýðu-
flokksins képpast nú við að
fullyrða um heilindi sín í
varnarmálum, en þeir geta ekki
neitað staðreyndum — þeim, að
ungu mennirnir svokölluðu, sem
náð hafa völdum í Alþýðu-
flokknum hafa marg samþykkt
það á sínum þingum á undan-
förnum árum og nú síðast á
liðnum vetri, að varnarliðið eigi
að fara burt af landinu.
Og þegar Framsóknarflokkur-
inn hefur misst sitt vinstra fylgi
yfir til kommúnista, er ljóst að
þeir munu reyna að ná því aftur.
Það er mannlegt og eðlilegt.
Hvað er betra til þess en að
taka upp fyrri þráð, að berjast
einnig fyrir brottför varnarlið
síns?
Enda liggja yfirlýsingar Ein-
ars Ágústssonar fyrir um að
ekki muni standa á sér að koma
varnarliðinu burtu, verði vinstri
stjórn mynduð.
Aðeins eitt getur tryggt að af
þessum áformum verði ekki. Það
er að Sjálfstæðismenn snúi vörn
í sókn í alþingiskosningunum og
sýni að þeim loknum þann
styrkleika, sem verður að taka
tillit til, við næstu stjórnár-
myndun.
Þetta getur tekist með þrot-
lausri vinnu og aftur vinnu.
Þetta getur tekist með því að
þið sjálfstæðisfólk sem heima
sátuð, skiluðu auðu eða kusuð
aðra flokka vegna óánægju í
sveitastjórnarkosningunum,
snúið nú bökum saman með
öðrum Sjálfstæðismönnum sem
vilja verja frelsi einstaklingsins
til orða og athafna, án hafta og
fjötra sósíalismans. — Með því
að berjast fyrir borgaralegu
lýðræði, þar sem einstaklingur-
inn er í öndvegi.
Með því að kjósa D-listann á
sunnudaginn kemur. Þetta tekst
ef við veitið Sjálfstæðisflokkn-
um brautargengi.
— Krag látinn
Framhald af bls. 1
Efnahagsbandalagið sem var
samþykkt í þjóðaratkvæða-
greiðslu haustið 1972. Úrslitin
voru túlkuð sem mikill sigur
fyrir Krag en degi síðar sagði
hann af sér.
I stjórnartíð Krags varð sam-
komulag um að Danir afhentu
Islendingum handritin í Árnasafni
og var það ekki hvað sízt þakkað
áhrifum hans. Hann var alla tíð
vinveittur íslendingum og kom oft
til íslands, meðal annars sem
gestur á Pressuballi.
Um hann látinn sagði Willy
Brandt, formaður vestur-þýzka
sósíaldemókrataflokksins og for-
seti Alþjóðasambands jafnaðar-
manna og náinn vinur hans:
„Hann ávann landi sínu virðingu í
heiminum. Nafns hans verður
ávallt minnzt meðal evrópskra
stjórnmálamanna eftirstríðsár-
anna.“
— Síldaryinnsla
Framhald af bls. 32
bæjarfulltrúi Alþýðubandalags-
ins fram tillögu, fyrst hvor í sínu
lagi og síðan sameiginlega, um að
verkamenn á vegum bæjarins
fengju einnig fullar vísitölubæt-
ur.
— Ræða Geirs
Framhald af bls. 1
um, Sjálfstæðismenn. Þrátt fyrir
góðan málstað og frábæra
frammistöðu Sjálfstæðismanna er
nú vinstri stjórn í Reykjavík.
En þessi vonbrigði 'hafa ekki
orðið til þess, að við Sjálfstæðis-
menn höfum látið hugfallast.
Margir gamlir og nýir liðsmenn
hafa einmitt gefið sig fram þessar
síðustu vikur og gengið ótrauðir
fram fyrir skjöldu. Sjálfstæðis-
menn hafa ótrauðir sótt á bratt-
ann og innt af hendi mikið starf.
Vörn hefur verið breytt í sókn —
ósigri skal snúa í sigur. Reykvík-
ingar munu koma í veg fyrir að
vinstri stjórn haldi innreið sína í
landið eins og í höfuðborgina.
Við erum reynslunni ríkari af
vinstri stjórn á landsvísu, öryggis-
leysi út á við, sjálfstæði landsins
teflt í hættu, efnahagsupplausn og
öngþveiti, sundrung þriggja til
fjögurra flokka og flokkabrota á
vinstri væng, hlaupið frá vandan-
um, þegar verst gegnir.
Og þá hefur verið kallað til
Sjálfstæðisflokksins, kjölfestu og
frumkvæðisafls íslensks þjóðfé-
lags. Sjálfstæðisflokkurinn hefur
axlað ábyrgðina. Sjálfstæðisflokk-
urinn hleypur ekki undan merkj-
um, flýr ekki vandann eins og
vinstri flokkarnir.
En við skulum muna það, að í
upphafi allra vinstri stjórna átti
að setja Sjálfstæðisflokkinn til
hliðar í íslenskum stjórnmálum.
En það hefur ekki tekist, m.a.
vegna þess að á fyrri vinstri
stjórnarárum var meirihluti Sjálf-
stæðismanna í borgarstjórn
Reykjavíkur sú brjóstvörn, sem
dugði til að varðveita frelsi og
lýðræði og "frjálsa skoðanamynd-
un.
Valið í alþingiskosningum er
skýrt. Vinstri stjórn eða Sjálf-
stæðismenn í stjórn. Vinstri stjórn
merkir varnarlaust land. Alþýðu-
bandalagið gengur lengra í þjónk-
un sinni við Sovétríkin en jafnvel
kommúnistaflokkar í Suður-Ev-
rópu. Þeir lýsa yfir, að nauðsyn-
legt sé að halda áfram þátttöku í
Atlantshafsbandalaginu.
En kommúnistar hér í Alþýðu-
bandalaginu hrópa ísland úr
NATO og hverjir tóku undir þann
söng hér á Lækjartorgi 1. maí —
það voru kratabroddarnir. Vart er
því Alþýðuflokknum að treysta,
eða er hann ekki að hrósa sér af
því að launþegaforingjar sínir ráði
ferðinni í flokknum þegar mikið
liggur við?
Muna menn landhelgismálið?
Sjálfstæðisflokkurinn einn allra
stjórnmálaflokka tók upp 200
mílna útfærsluna í alvöru. Alþýðu-
bandalagsmaðurinn Svavar Gests-
son sagði 50 mílur verkefni næstu
daga, vikna og ára. Lúðvík sagði,
að einhverntíma kæmi að því,
þegar 200 mílur væru viðurkennd-
ar af alþjóðalögum og hafréttar-
ráðstefnunni væri lokið. Og var
það ekki Benedikt Gröndal, sem
reyndi að gera 200 mílur broslegar
með því að segja: Sjálfstæðismenn
vilja færa landhelgina út upp á
miðjan Grænlandsjökul?
Muna menn kannske útifundina
hér á Lækjartorgi til að mótmæla
samningunum við Vestur-Þjóð-
verja og Breta, — mótmæla sigur-
samningunum. Þá voru Sjálf-
stæðismenn kallaðir svikarar og
landsölumenn. En við sömdum til
sigurs. Stefna okkar var rétt.
Hverjir stjórnuðu þessari
baráttu gegn sigursamningunum í
landhelgismálinu? Alþýðubanda-
lagsmenn. Hverjir hlýddu þeim í
einu og öllu? Það voru Alþýðu-
flokksmenn.
Er þessum flokkum trúandi
fyrir stjórn landsins og nýtingu
fiskveiðilögsögunnar? Nei og aftur
nei.
I ljósi þess hamagangs sem uppi
var hafður gegn sigursamningun-
um í landhelgismálinu, sem hjaðn-
aði niður eins og bóla, ber að skoða
offors þessara flokka gegn efna-
hagsráðstöfunum og bráðabirgða-
lögum. Alþýðubandalagið hefur
forystu — Alþýðuflokkurinn þorir
ekki annað en að vera í bandi
Alþýðubandalagsins eins og fyrri
daginn.
Samningana í gildi, segja þeir
fyrir kosningar og svíkja eftir
kosningar.
Þeir viðurkenna þar með nauð-
syn efnahagsráðstafana. 30%
efndir á kosningaloforði eru
sýndarmennska og reikninginn fá
reykvískir kjósendur fyrr en
seinna.
En hvað skeður í framleiðslu-
fyrirtækjum kommúnista á
Neskaupstað? Ekki eru samningar
þar í gildi. Þar viðurkenna
kommúnistar að útflutningsverð
sjávarafurða leyfir það ekki.
Sjálfstæðismenn segja ekki
kjósendum eitt fyrir kosningar og
gera annað eftir kosningar.
Spurningarnar eru:
Vilja menn treysta atvinnuör-
yggið og forða atvinnuleysi?
Vilji menn draga úr verðbólgu
en ekki gefa henni lausan taum-
inn, skilja þeir nauðsyn efnahags-
ráðstafananna.
Vilja menn ekki einmitt vernda
mesta kaupmátt sem við höfum
nokkurn tíma notið, 47% aukningu
á þessum áratug þegar þjóðartekj-
ur hafa aukist um 35%. Eru menn
ekki sammála um að kaupmáttar-
aukning hinna lægst launuðu sé
hærri, en hún hefur aukist um
60% og kaupmáttur ellilífeyris- og
örorkulífeyrisþega um 160% á
sama tíma?
Vilja menn auka framleiðslu
þjóðarheildarinnar með framtaki
og verðmætasköpun einstaklinga?
Skilja menn nauðsyri þess að
eyða ekki meira en aflað er?
Þeir Reykvíkingar, sem svara
þessum spurningum, játandi,
kjósa Sjálfstæðisflokkinn.
Það er áreiðanlega meiri hluti
Reykvíkinga, sem eru þessarar
skoðunar. Það er okkar verk að
hvetja þá til að nýta sér kosninga-
réttinn, sem við höfum, en sem svo
margir aðrir hafa verið sviptir eða
aldrei kynnst.
Valið stendur milli frjálshyggju
eða ríkisforsjár, sjálfstæðis eða
sósíalisma.
Fram til sigurs Sjálfstæðis-
menn.
Fram til sigurs Reykvíkingar.
— Byggða-
áætlanir
Framhald af bls. 16
Hermannsson tillögu til þings-
ályktunar um beizlun orku og
orkusölu á Austurlahdi. Þar er
lagt til að hið fyrsta verði lokið
rannsókn á byggingu Fljótsdals-
virkjunar (1. áfanga Austurlands-
virkjunar), að hraðað verði
rannsóknum á hagkvæmni
virkjana í Fjarðará og Geithellna-
á. Tillögunni fylgdi ítarleg og
nákvæm greinargerð um orkumál
á Austurlandi.
Virkjun Bessastaðaár
Ári síðar er svo lagt fram frv.
til laga um virkjun Bessastaðaár í
Fljótsdal, þar sem ríkisstjórninni
var heimilað, að undangenginni
fullnaðarrannsókn, að reisa og
reka (RARIK) 32 mw. vatnsafls-
stöð við Bessastaðaá í Fljótsdal í
N-Múlasýslu. Frv. þetta átti m.a.
rætur í áhuga þingmanna kjör-
dæmisins og tilmælum Sambands
sveitarfélaga í Austurlandskjör-
dæmi.
Ráðstafanir
vegna snjóflóða
í Norðfirði
I febrúar 1975 leggur ríkisstjórn
Geirs Hallgrímssonar fram á
Alþingi, í samráði við þingmenn
Austfirðinga, frumvarp til laga
um ráðstafariir vegna snjóflóða í
Norðfirði og fjáröflun til Viðlaga-
sjóðs. Frv. þetta fól í sér stofnun
til bráðabirgða við Viðlagasjóð,
vegna snjóflóðanna. (Lögin um
viðlagatryggingu komu síðar að
frumkvæði Matthíasar Bjarnason-
ar tryggingaráðherra). Óþarfi er
að rekja þetta mál frekar en allir
Austfiröingar þekkja viðbrögð
stjórnvalda og aðild þingmanna að
þeim viðbrögðum, er þetta mál var
á döfinni eystra.
Dýralæknisumdæmi
Austurlands
Á þinginu 1975 er Sverrir
Hermannsson meðflutningsmaður
að frv., sem felur í sér breytingu
á umdæmum dýralækna í Austur-
landskjördæmi. Frumvarpið var
flutt að ósk heimamanna og fól í
sér þá breytingu að dýralæknis-
umdæmi yrðu þrjú í landshlutan-
um: 1) Austurlandsumdæmi
nyrðra (N-Múlasýsla, að undan-
teknum Skeggjastaöahreppi og
Vopnafjarðarhreppi, Seyðisfjörð-
ur, Neskaupstaður, Eskifjarðar-
kaupstaður og S-Múlasýsla að
mörkum Skriðdalshrepps og
Breiðadalshrepps og mörkum
milli Reykjafjarðarhrepps og
Fáskrúðsfjarðarhrepps. 2) Áustur-
landsumdæmi syðra: S-Múlasýsla
frá mörkum Reykjafjarðarhrepps
og Fáskrúðsfjarðarhrepps við
ströndina og Skriðdalshrepps og
Breiðadalshrepps inni á landinu
annars vegar að mörkum milli
S-Múlas. og A-Skaftafellss. hins
vegar. 3) Austur-Skaftafellssýslu-
umdæmi. — Frumvarp þetta varð
að lögum í maí 1975."
Þjóðvegir í
snjóahéruðum
Á þinginu 1977 er Sverrir
Hermannsson meðflutningsmaður
að tillögu sjálfstæðisþingmanna
til þingsályktunar um að flýta
uppbyggingu þjóðvega í snjóa-
héruðum landsins. Er þar gert ráð
fyrir að verkefni þetta verði unnið
á ákveðnu árabili í samræmi við
áður gerða framkvæmda- og fjár-
mögnunaráætlun.
Kortabók íslands
Sverrir Hermannsson flutti á
síðasta þingi tillögu um útgáfu
kortabókar Islands, þjóðaratlasar,
er verði safn korta af íslandi, þar
sem alls konar fróðleikur um land
og þjóð er settur fram á myndræn-
an hátt. Kortabókin verði upplýs-
inga- og heimildasafn í þágu
stjórnvalda, stofnana, fyrirtækja
og einstaklinga sem fást við margs
konar áætlanagerð varðandi
byggð, atvinnulíf og landnýtingu.
Er þar átt við nýtingu lands til
búskapar, ýmiss konar verklegra
framkvæmda, samgangna,
almennings ota og náttúruvernd-
ar. Kortabókin verður gagnlegt
heimildarrit fyrir innlenda og
erlenda fræðimenn, sem stunda
rannsóknir á ýmsum fræðasviðum.
Einnig fyrir þá sem kanna út-
breiðslu ýmiss konar fyrirbæra til
lands og sjávar og samhengi
þeirra í milli. Síðast en ekki sízt
hefur slík bók menningargildi og
yrði notúð af kennurum og
nemendum í framhaldsskólum og
sem uppsláttarrit fyrir kennara og
nemendur í efstu bekkjum grunn-
skóla.
Þessi tillaga Sverris varð ekki
útrædd.
— Hér hefur . ..
FramhaJd af bls. 28.
ráð fyrir að þær kosti milli 70
og 80 milljónir, þ.e. dýpkunin og
nýi viðlegukanturinn.
— Af þessu sem hér kemur
fram má ljóst vera að þetta 10
ára uppbyggingartímabil stað-
arins hefur staðið yfir í tíð
þriggja síðustu ríkisstjórna,
viðreisnarstjórnar, vinstri
stjórnar og núverandi hægri
stjórnar. Þingmenn, stjórnvöld
og embættismenn hafa á þess-
um tíma skilið og metið dugnað
heimamanna, sem sézt hefur í
þessum verkum, sagði Adolf
Berndsen að lokum.
— Þá unnu menn
á sama tíma . . .
Framhald af bls. 25
um þennan klukkutíma, því þetta er
eins og þegar klukkunni var flýtt, þá
unnu menn á sama tíma, þótt hann
héti öðru nafni.“
Fossvirki sér aðeins um gröftinn
fyrir stöðvarhús, en að sögn Lands-
virkjunar var sú leið farin að brjóta
framkvæmdir við Hrauneyjafossvirkj-
un upp í smærri einingar til aö gefa
íslenzkum verktökum tækifæri til að
bjóða í þær. Sagöi Rannver að vel
gæti svo farið að Fossvirki biði í fleiri
hluta virkjunarinnar, þótt tíminn yrði
að skera úr um hvort það væri
ráölegt eða ekki.
Vatni dælt
undan
grunninum
Það vakti athygli okkar að á
svæðinu þar sem stöövarhús Hraun-
eyjafossvirkjunar á að rísa voru
menn að vinna við boranir með
jarðbor. Við nánari eftirgrennslan
kom í Ijós að hér voru menn frá
Orkustofnun og er þeirra hlutverk að
bora átta holur í kringum hinn
fyrirhugaöa grunn. Holurnar veröa 70
metra djúpar og verður jarövegsvatni
undir grunninum dælt upp um þær.
Þetta er gert til að koma í veg fyrir
að vatn safnist í gröft stöövarhússins,
en holan sem grafin verður fyrir
húsinu verður 50 metra djúp. í sumar
er annar bor væntanlegur á staðinn
og með honum fleiri menn.
Inni í skúr einum við framkvæmda-
svæðið sátu tveir ungir menn og
teiknuöu og mældu af miklum móð.
Aðspurðir kváöust þeir heita Reynir
Elisersson og Flóki Pálsson og vera
að teikna þversnið af framkvæmdun-
um. „Þeir eru margir, sem ekki eru
sáttir við þennan nýja vinnutíma,“
sögöu þeir. „Þeir hinir sömu vilja
heldur vinna klukkutíma lengur á
kvöldin en vakna klukkutíma fyrr á
morgnana. Viö erum ekki ráönir með
sama samning og aðrir starfsmenn
hér og þurfum því ekki aö hefja vinnu
fyrr en klukkan sjö.
Tómstundir eru litlar, kannski tveir
til þrír tímar á dag og það er helzt
að farið sé í bíó eða þeim eytt í
eitthvað annaö í svipuðum dúr.
Nei, viö verðum hér ekki lengi,
aöeins þangað til þessum áfanga
lýkur, sem við vonum að verði í lok
október."