Morgunblaðið - 11.07.1978, Blaðsíða 24

24
MORGUNBLAÐIÐ, ÞRIÐJUDAGUR 11. JÚLÍ 1978
• *
Y.J*'
• %
FH-INGAR eru
greinilega að ná sér á
strik eftir slaka byrj-
un í 1. deildinni í ár.
Liðið hefur nú unnið
tvo leiki í röð, Breiða-
blik um fyrri helgi og
Keflvíkinga á sunnu-
dagskvöldið í Kapla-
krika 2:0. Með sigri
sínum á sunnudaginn
komust FH-ingar upp
fyrir Keflvíkinga og
eru nú í f joíða neðsta
sæti.
Leikur FH og ÍBK var mjög
þófkenndur til aö byrja með og
hvorugu liðinu tókst að skapa
sér marktækifæri. En brátt fóru
FH-ingarnir að herða sóknina
og á. 22. mínútu munaði litlu að
Ólafi Danivalssyni tækist að
skora eftir að hafa fengið góða
sendingu frá Leifi Helgasyni en
Ólafur skaut framhjá af mark-
teig þegar opið markið blasti
við. Óli Dan átti afmæli þennan
dag og héit upp á afmælið með
því að brenna af í þremur
dauðafærum eins og hann orð-
aði það sjálfur.
En þótt Ólafi hafi verið
mislagðir fætur við markaskor-
unina átti hann allan heiðurinn
af fyrsta marki FH-inga, sem
kom á 29. mínútu. Hann plataði
varnarmenn Keflvíkinga illilega
og sendi góða sendingu fyrir
markið af vinstri kantinum.
Boltinn stefndi að stönginni nær
og þar kom Pálmi Jónsson á
fullri ferð og skallaði boltann
laglega yfir Þorstein markvörð
og í netið.
Fimm mínútur liðu og FH
bætti þá við öðru marki. Pálmi
Jónsson fékk góða sendingu á
vinstri kantinn og lék inn í
vítateig Keflvíkinga. Þegar
þangað kom tók hann sprett
framhjá Gísla Grétarssyni mið-
verði og hugðist komast upp að
endamörkum til þess að gefa
boltann fyrir en Gísli var ekki
á þeim buxunum að láta Pálma
komast upp með það og endirinn
varð sá að hann brá honum illa
og vítaspyrna var umsvifalaust
dæmd. Janus Guðlaugsson
FH fjarlægist fallsætin
spyrnti heldur illa og munaði
minnstu að Þorsteini tækist að
verja en allt um það, í netið fór
boltinn.
FH-ingum hefur gengið illa
að halda fengnu forskoti í
leikjum sumarsins. Þeir hafa
iðulega leikið vel í fyrri hálfleik
en botninn dottið úr leik þeirra
í seinni hálfleik. Það sama var
uppi á teningnum í þessum leik.
Keflvíkingarnir tóku leikinn í
sínar hendur í upphafi seinni
hálfleiks og sóttu nær látlaust
að marki FH-inga en þeir
misnotuðu tækifæri sín á hinn
herfilegasta hátt. A 6. mínútu
seinni hálfleiks brenndi Einar
Ólafsson af á markteig og
nokkrum mínútum síðar skall-
aði Óskar Færseth framhjá í
dauðafæri. Enn liðu nokkrar
mínútur og þá misnotaði Friðrik
Ragnarsson gott tækifæri. Gísli
Torfason, sem komið hafði inná
í hálfleik sem varamaður, átti
tvö tvækifæri til þess að skora
en hann skaut himinhátt yfir í
bæði skiptin.
FH-ingarnir voru nánast ein-
göngu í vörn fyrsta hálftímann
í seinni hálfleik en þá fóru þeir
að sækja aftur og skall oft hurð
nærri hælum við mark IBK
síðustu mínúturnar. Bezta tæki-
færið fékk Ólafur Danivalsson
eftir misheppnað útspark Þor-
steins markvarðar en Þorsteinn
bætti fyrir mistökin og varði
skot Ólafs laglega með úthlaupi.
Enginn vafi leikur á því að
FH-ingarnir eru í sókn eftir
slaka byrjun í vor. Þeir eru
farnir að leika prýðilega knatt-
spyrnu en hættir til þess að
missa tökin á leikjunum í seinni
hálfleik. I þessum leik var
vörnin traust með miðverðina
Loga og Gunnar sem beztu
menn og Friðrik traustan í
markinu. A miðjunni var Janus
að vanda mjög sterkur og í
framlínunni var Ólafur Dani-
valsson sprækur sem fyrr þó
hann hafi farið illa með nokkur
góð tækifæri. Þá lék Pálmi
aðalhlutverkin í mörkunum báð-
um.
Vörn Keflvíkinga var sömu-
leiðis góð í þessum leik, sérstak-
lega miðverðirnir Gísli Grétars-
son og Sigurður Björgvinsson.
Þá var Þorsteinn markvörður
góður og hann verður ekki
sakaður um mörkin.
í STUTTIJ MÁLI.
Kaplakrikavöllur 9. júlí. íalandsmótið
1. deild, KH-fBK 2.0 (2.0).
Mörk FH. Pálmi Jónsson í 29. mtnútu
Janus Guðlaugsson úr vítaspyrnu á
.11 mínútu.
Áminninx. Viðar Halldórsson FH
bókaöur.
Áhorfendun 427.
[ ísianflsmðHð 1. dellfl
Loksins Blikasiguríl 0. tiiraun
BREIÐABLIK vann sinn fyrsta leik í fyrstu deild að þessu sinni gegn KA norður á Akureyri.
Blikarnir skoruðu þrívegis án þess að KA-mönnum tækist að svara og má telja þau úrslit sanngjörn.
Þrátt fyrir þennan sigur er staða Breiðabliks í deildinni afar veik. þrjú stig, þremur stigum á eftir
næsta liði. Hins vegar eru Breiðabliksmenn búnir að brjóta ísinn og verður fróðlegt að fylgjast með
gengi þeirra í næstu leikjum.
Það sama er uppi á teningn-
um hjá KA. Liðið er komið í
alvarlega fallhættu og má taka
sig verulegá á. í næstu leikjum
til að forðast fa.Il. Það er annars
einkennilegt að nái KA-liðið
þokkanlegum leik þá má næst-
um bóka að næsti leikur liðsins
verði afar slakur. Þannig átti
KA-liðið all þokkalegan leik
gegn Akurnesingum í vikunni og
síðan kom Breiðabliksleikurinn
á laugardaginn og þá stóð ekki
steinn yfir steini.
Breiðabliksmenn komu ákafir
til leiks á laugardag og sóttu í
upphafi stíft gegn KA. Blikarnir
áttu þó nokkur færi þegar í
upphafi og aðeins virtist spurn-
ing hvenær fyrsta markið kæmi.
Og þess var ekki langt að bíða.
A 20. mín. sendi Hákon Gunn-
arsson laglega stungu upp í
hornið á Heiðar Breiðfjörð.
Heiðar renndi knettinum fyrir
markið þar sem Sigurjón Rann-
versson kom aðvífandi og skor-
aði örugglega af stuttu færi.
Eftir markið jafnaðist leikurinn
nokkuð og síðustu tíu mínútur
hálfleiksins sóttu KA-menn
stíft og virtist markið liggja í
loftinu, en Breiðabliksmenn
sluppu með skrekkinn. Næst því
að skora komust KA-menn á 44.
mín. þegar Sigurbjörn átti
lúmskt skot úr aukaspyrnu sem
hafnaði í slánni.
I síðari hálfleiknum voru
KA-menn mun meira með bolt-
ann en gekk illa að skapa sér
færi.
Liðið lék nokkuð snyrtilega
saman úti á vellinum en þegar
nálgaðist teiginn rann allt út í
sandinn. Á 79. mín. komust
Blikarnir í skyndisókn. Hákon
Gunnarsson skaut að marki KA
af vítateig, Þorbergur missti
boltann fremur klaufalega frá
sér og Sigurður Halldórsson
fylgdi vel eftir og skoraði
örugglega. Við þetta mark lam-
aðist allur leikur KA algerlega
og sóttu Blikarnir stíft og
innsigluðu sigurinn með góðu
marki Benedikts Guðmundsson-
ar úr aukaspyrnu á síðustu
mínútu leiksins.
Blikarnir börðust sem einn
maður í þessum leik og var sigur
þeirra fyllilega sanngjarn. Þrátt
fyrir það er lið Blikanna ekki
mjög sannfærandi í leik sínum.
Það sem ef til vill skóp sigur
Blikanna fyrst og' fremst í
þessum leik var hversu and-
stæðingarnir voru gersamlega
heillum horfnir. Eigi verður þó
skilið við þessa frásögn án þess
að minnast á frammistöðu
Benedikts Guðmundssonar.
Benedikt er ungur og bráðefni-
legur miðvörður, sannarlega
maður framtíðarinnar. Þá áttu
Ólafur Friðriksson og Einar
Þórhallsson ágætan leik.
KA-liðið hefur valdið miklum
vonbrigðum í síðustu leikjum.
Sá neisti, sem virtist búa í liðinu
í upphafi mótsins, virðist nú
kulnaður og taki norðanmenn
sig ekki verulega saman í
andlitinu blasir ekkert við nema
fall í 2. deild. Eini maðurinn
sem eitthvað kvað að í þessum
leik var Eyjólfur Ágústsson.
Guðmundur Haraldsson
dæmdi leikinn nær óaðfinnan-
lega.
í STIITTU MÁLIi
Akureyrarvöllur. 1. deild KAiBreiðablik
0.3 (0.1)
Miirkin. SÍKUrjón Itannversson á 20. mín.
SÍKurður Halldórsson á 79. mín. og
Bcnedikt Guðmundsson á 89. mín.
Aminninxari Enxin
Áhorfendur. 507