Morgunblaðið - 16.07.1978, Blaðsíða 36
36
MORGUNBLAÐIÐ, SUNNUDAGUR 16. JÚLÍ 1978
Til þess að fræðast meira um
Tjörnina eins og hún er í dag og
lífið þar í kring fengu blaðamenn
Morgunblaðsins sér göngutúr nið-
ur að Tjörn einn góðviðrisdag um
daginn. Það hittum við að máli
Jóhann Óla Hilmarsson, áhuga-
mann um fuglalíf, en hann starfar
sem eftirlitsmaður Tjarnarinnar í
sumar. Sá sem lengst af hefur
gegnt þessu starfi er Ólafur Karl
Nilsen líffræðinemi. Hann er nú í
leyfi frá störfum og er við
rannsóknarstörf við Mývatn þar
sem hann er að rannsaka þétt-
sætni mófugla í mismunandi
kjörlendi. Jóhann gegnir því starfi
„andapabba", eins og það er oft
kallað, á meðan.
Eins og eflaust flestir muna gaf
fyrrverandi sendiherra Bandaríkj-
anna á íslandi, Luther I. Replogle,
gosbrunn í tjörnina og var honum
komið fyrir í syðri tjörninni
sumarið 1976. Lítið hefur sést til
gosbrunnsins í sumar og spurðum
við því Jóhann hvað hefði orðið af
gosbrunninum.
„Mótorinn í gosbrunninum bil-
aði og var hann tekinn upp um
daginn og hefur ekki verið settur
niður aftur. Persónulega er ég því
feginn, því ég er ekkert hrifinn af
honum þarna. Einnig hef ég heyrt
að gosbrunnurinn hafi verið vald-
ur að þörungagróðrinum sem hér
var í fyrra og flestum til ama.
Gosbrunnurinn kemur nefnilega
hreyfingu á vatnið og veitir það
þörungunum betri vaxtarskilyrði.
Annars er þetta aðeins ein af
mörgum skýringum á þessum
þörungagróðri, sem þó hefur
ekkert borið á í sumar. Því miður
held ég að eigi að setja gosbrunn-
inn niður aftur innan tíðar.“
— Hvað viltu segja um fuglalíf-
ið hérna við Tjörnina?
„Það eru fimm andategundií
sem verpa hér við tjörnina að
staðaldri, en þær eru: stokkönd,
gargönd, duggönd, skúfönd og
æðarfugl. Annars sjást um 40—50
fuglategundir við Tjörnina á ári,
en alls hafa sést þar 81 fuglateg-
und. Fjórar andategundir eru
hérnáv núna, sem þó hafa ekki
orpið í vor við Tjörnina og eru
þær: toppönd, grafönd, húsönd, og
rauðhöfðaönd.“
„Aðalvarpstöðvar andarinnar
eru í Vatnsmýrinni og tel ég að
það þyrfti að friða ákveðna
landspildu þar fyrir þetta varp,
svona nokkra hektara og gera þá
algerlega mannhelda."
„Kríuvarp var allmikið í ár og
voru 113 hreiður samtals á öllu
Tjarnarsvæðinu. Fyrstu ungarnir
eru nú nýorðnir fleygir, en mikil
afföll eru þó af ungum og um og
yfir 85% drepast."
— En hvað um æðarvarp?
„Æðarvarp hefur aukist talsvert
frá því árið 1973. í ár var sami
hreiðrafjöldi og í fyrra, eða 43
hreiður. Hreiðrin voru öll í Stóra-
hólma Þorfinnstjarnarhólma og
báðum Vatnsmýrartjarnahólmun-
um. Hólmarnir á Tjarnarsvæðinu
eru eiginlega orðnir fullsetnir af
æðarhreiðrum, en ég held að ef
æðurin fengi friðað svæði í Vatns-
mýrinni myndi hún verpa uppi á
landi."
— í fyrra gerðust þau óvæntu
tíðindi að álft varp í hreiður sitt
í litla hólmanum og kom á legg
fjórum ungum og hafði ekki
. , . -. ...í -gjfi,,
Rætt við Jóhann Óla
Hilmarsson
eftirtitsmann Tjarnarinn-
ar í sumar.
Dúfur Þurfa líka aö rœöa heimsmálin, eins og aörirl
Fyrstu kríuungarnir eru nú nýorðnir fleygir og mætti halda aö Þarna væri kennarinn beirra
með sýnikennslu.
„ALL TAF EITTHVAÐ
SKEMMTILEGT AÐ
GERAST V/Ð TJÖRNINA"