Morgunblaðið - 21.07.1978, Side 19
MORGUNBLAÐIÐ, FÖSTUDAGUR 21. JÚLÍ 1978
19
— Sadat
Framhald af bls. 1
ast eftir nýjum tillögum. Hann
sagði að Bandaríkjamenn væru
orðnir fullgildir aðilar að friðar-
umleitununum í Miðausturlöndum
og kvaðst bíða eftir skýrslu frá
Cyrus Vance utanríkisráðherra
áður en hann stigi næsta skref.
í Tel Aviv stendur Menachem
Begin forsætisráðherra andspænis
vaxandi kröfum um að hann breyti
friðaráætlun sinni fyrir næstu
viðræður við Egypta.
ísraelskir embættismenn vilja
ekkert segja um þau ummæli
Egypta að Israelsmenn verði að
koma fram með nýjar hugmyndir
á næsta viðræðufundi. Þótt lítið
hafi miðað áfram í viðræðunum í
Leeds-kastala, bergmála ísraels-
menn það álit Vance utanríkisráð-
herra að grundvöllur hafi varið
lagður að áframhaldandi samn-
ingaviðræðum.
Israelsmenn hugga sig við að
nokkur atriði eru keimlík í friðar-
áætlunum þeirra og Egypta en
aðalásteytingarsteinninn er sú
afstaða Begins að ísraelsmenn geti
ekki hörfað frá herteknu svæðun-
um.
Oft hefur verið gefið í skyn að
undanförnu að Sadat kunni að slá
af kröfum sínum ef Israelsmenn
gera slíkt hið sama en nýjum
tillögum sem Sadat hefur kynnt ,
Weizman landvarnaráðherra er
haldið leyndum.
— Alþýðubanda-
lagið vill
breytingar
Framhald af bls. 32
vísi staðið að kjaramálum en
samningarnir segja til um og þá
á þá iund að sett verði einhvers
konar þak á hækkanir eða
ákveðnum hlutum samninganna
verði frestað.
Fyrri viðræðufundurinn í gær
snerist um varnarmálin. Alþýðu-
bandalagsmenn kynntu þar hug-
myndir sínar um aðgerðir varð-
andi fjárhagsleg tengsl Islendinga
og Keflavíkurflugvallar sem þeir
kváðust leggja áherzlu á gegn því
að láta ytri skipan varnarmálanna
óbreytta. Bæði Alþýðuflokksmenn
og Framsóknarmenn sýndu áhuga
á að koma til móts við Alþýðu-
bandalagið hvað þetta snerti og í
almennum umræðum í framhaldi
af því komu Framsóknarmenn
með tillögu um að ríkisstjórnin
léti framkvæma ítarlega og óháða
könnun á stöðu Islands og varnar-
málunum í heild.
A síðari fundinum voru efna-
hagsmálin til umræðu og kom þá
Jón Sigurðsson þjóðhagsstjóri og
geröi viðræÖunefndunum grein
fyrir ástandi og horfum i þeim
málum. í almennum umræðum að
því loknu kom fram að Framsókn-
armenn telja að efnahagsvandinn
verði ekki leystur nema með
einhvers konar blöndun af öllum
tiltækum leiðum og að Alþýðu-
bandalagið getur hugsað sér að
samfara þeirri niðurfærslu- og
millifærsluleið sem það vill fara
geti orðið hratt gengissig.
Fundur á að hefjast klukkan 9
í dag og er þá ætlunin að ganga
frá ramma hinna almennu mála,
eins og félagsmála og mennta-
mála, en taka síðan til við
efnahagsmálin og varnarmálin og
fá úr því skorið hvort samkomulag
næst um ramma þeirra. Alþýðu-
flokksmenn eru orðnir nokkuð
óþolinmóðir og hafa sett pressu á
málin með því að setja ekki
vinnunefndir í fullan gang fyrr en
ljóst sé að samkomulag náist um
útlínur varnarmálanna og lausn
efnahagsmálavandans.
Alþýðuflokksmenn eru nokkuð
uggandi vegna neitunar Snorra
Jónssonar varaforseta ASÍ og
Alþýðuflokksins í kjaramálum og
telja hana geta bent til þess að
Alþýðubandalagið telji síður en
svo víst að samkomulag náist um
lausn efnahagsmálanna. Vilja
Alþýðuflokksmenn fyrir alla muni
koma einhverju samstarfi í gang í
anda síns kjarasáttmála auk þess
sem þeir telja nauðsynlegt að fá
strax fram einhver viðhorf verka-
lýðshreyfingarinnar til breytinga í
launajöfnunarátt.
Mbl. náði í gærkvöldi tali af
Steingrími Hermannssyni ritara
Framsóknarflokksins og spurði
hann um afstöðu Framsóknar-
manna til efnahagsmálanna. „Við
leggjum höfuðáherzlu á raunhæf-
ar aðgerðir og teljum að í því
sambandi verði raunar að fara
allar tiltækar leiðir," sagði Stein-
grímur. „Það má segja að í máli
þjóðhagsstjóra á fundinum í dag
hafi komið fram að í sumum
greinum stöndum við ekki svo illa
að vígi; tekjur eru miklar, fram-
leiðslan er mikil og verðlag á
erlendum mörkuðum er nokkuð
stöðugt, en hins vegar er ljóst að
í heildina er við mikinn vanda að
etja og ljóst er að það þarf
margþættar aðgerðir til lausnar.
Við höfum lýst því yfir að það
muni ekki stranda á okkur að taka
kjarasamningana í gildi. Við
höfum hins vegar bent á að það
stóreykur þann vanda sem við er
að glíma og að til þess verður að
taka tillit við lausn vandans. Við
bindum vonir við það að verði
samningarnir teknir í gildi muni
verkalýðshreyfingin verða til við-
tals um einhverjar aðgerðir til að
draga úr verðbólgunni, einhvers
konar frestun á vissum atriðum.
Við þetta bindum við miklar
vonir.“
Steingrímur vildi ekki ræða
önnur mál varðandi stjórnar-
myndunarviðræðurnar.
— Sovétvörður
Framhald af bls. 1
ansyrði sá að hann mundi tak-
marka refsiaðgerðir vegna
sovézkra andófsmála en áskilja sér
rétt til aðgerða ef framhald yrði á
áreitni.
I New York sökuðu Rússar
Bandaríkjamenn í orðsendingu til
sendinefndar þeirra hjá SÞ um
stigmögnun fjandsamlegra að-
gerða gegn skrifstofum þeirra í
New York. I Los Angeles hafði
Tom Bradley borgarstjóri eftir
Carter forseta að Bandaríkjamenn
ættu ekki að hætta þátttöku í
Olympíuleikunum í Moskvu til að
mótmæla meðferð Rússa á andófs-
mönnum. Jafnframt sagði Bob
Bergland landbúnaðarráðherra að
Carter ætlaði ekki að stöðva
kornsölu til Sovétríkjanna í mót-
mælaskyni.
—Tapa 150 millj.
á mánuði
Framhald af bls. 2
ar þessara fyrirtækja og ég
fullyrði, að það á ekkert fyrirtæki
varasjóði til þess að mæta svona
áföllum, jafnvel ekki í skamman
tíma. Hóflegt sjálfstraust er
ágætt, en það getur lika verið
hættulegt að ofmeta eigið ágæti og
Vestfirðingar eru ekki þeir snill-
ingar að þeir reki sin frystihús í
langan tíma við óbreyttar aðstæð-
ur. Það er ofmat á hæfileikum sem
getur verið okkur hættulegt og
skaðar bara okkur sjálfa," segir
Jón Páll ennfremur.
— Friður
Framhald af bls. 13
En enda þótt nýafstaðinn
friðarfundur leiðtoganna i Kent
gefi ekki ástæðu til bjartsýni
bendir ýmislegt til að örlagarík-
ar breytingar kunni að vera í
aðsigi. Það hefur ekki farið
framhjá neinum, sem fylgst
hefur með Sadat, Egyptalands-
forseta, að undanförnu að hann
er tilbúinn að ræða við hvaða
ísraelsmann sem er annan en
Begin eða Dayan. Ekki er nóg
með að vel hafi farið á með
Sadat og leiðtoga ísraelsku
stjórnarandstöðunnar og Weiz-
man að undanförnu heldur
segist brezka tímaritið Time
hafa heimildir fyrir því að Peres
hafi þegar leitað hófanna um að
mynda breiðfylkingu miðju-
flokka til að leysa stjórn Begins
af hólmi. Segir blaðið að Peres
hafi þekkst leynilegt tilboð um
að eiga aðild að ríkisstjórn
undir forystu Weizmans varnar-
málaráðherra. Hreppi Peres
hins vegar forsæti segir sagan
að hann sé reiðubúinn til að
hafa Dayan og Weizman áfram
sem ráðherra.
Fregnir um sívaxansi mis-
sætti Weizmans og Begins
vegna stefnu hins síðarnefnda í
friðarumleitunum . hafa borið
fyrir að undanförnu. Má m.a.
geta þess að til snarpra orða-
skipta kom milli ráðherranna út
af viðbrögðum ísraelsstjórnar
við tillögum Egypta. En hvers
vegna má spyrja, hafa andstæð-
ingar Begins í stjórninni, Weiz-
man, Yadin o.fl. ekki sagt af sér
störfum. Brezka tímaritið „The
Economist" bendir á að síðar-
nefndum sé ósárt um þótt slái í
harða brýnu milli Begins og
Bandaríkjastjórnar. Segir blað-
ið að ráðherrarnir líti á það sem
lyftistöng þeim sjálfum í valda-
baráttunni þar eð Begin sé hvort
tveggjá farinn að kröftum og
eins hafi stjórn Carters uppi
óskalista um væntanlega ríkis-
stjórn í ísrael þar sem þeir séu
efstir á blaði.
En árangur friðarviðræðna
Araba og Israelsmanna hefur
ekki aðeins augsýnileg áhrif á
innanríkispólitík Israelsmanna.
Friðarför Sadats til Jerúsalem í
nóvember síðastliðnum var í
margra augum spor í átt að
nýrra og betra lífi fyrir Egypta.
Gerðu Egyptar sér sjálfir vonir
um að friðarsamningar í
Mið-Austurlöndum myndu
koma því til leiðar að þjóðin
gæti snúið vörn í sókn í
efnahagslegu tilliti. Að sex
mánuðum liðnum er ljóst að
tilraunir Sadats hafa ekki borið
tilætlaðan árangur og enn lifir
stór hluti þeirra 10 milljóna,
sem í Kaíró búa, heimilislaus og
ófær um að fæða sig og klæða.
Það er af þessum sökum og
öðrum að ýmsir aðilar, þ.á m.
Saudi-Arabar, hafa lagt hart að
Sadat að láta af eintrjánings-
hætti sínum og snúast aftur á
sveif með þeim Arabaþjóðum,
sem hann sjálfur hefur vísað á
bug sem dvergum og Sovétdindl-
um. Fari svo að frekari sáttatil-
raunir verði árangurslausar á
Sadat einnig um það að velja að
segja af sér af innanríkisástæð-
um enda þótt fáir hafi orðið til
að benda á jafn hæfan eftir-
mann.
Hvað sem öðru líður er víst að
talsverðrar ólgu gætir undir
yfirborðinu beggja vegna í
þrálátri deilu Araba og ísraels-
manna og vandi að segja til um
hvort það verða sömu leiðtogar
og nú sem hafa friðarspilin á
hendi að ári.
- gp
— Bitu gras
Framhald af bls. 1
ar í Bæheimi og gerðist skógar-
vörður þar sem hann gat ekki
fengið vinnu í Prag. Hann kom
sér upp kindunum og geitunum
til að drýgja tekjur sínar.
Andófsmenn segja að dr. Lis
hafi áður fengið leyfi til þess að
hafa kindur sínar og geitur á
beit á landareign járnbrautar-
innar. Lögregla hefur nokkrum
sinnum gert húsrannsókn á
heimili hans til þess að leita að
ritum eftir andófsmenn.
— Morðsveit
Framhald af bls. 1
Hann sagði að yfirmaður
ZIPRA, Alfred Mangena, hefði
undirritað fyrirmæli tilræðis-
mannanna áður en þeir fóru inn í
Rhódesíu. Mangena beið bana af
völdum jarðsprengju í síðasta
mánuði.
Aðspurður hver hefði fyrirskip-
að fjöldamorðin í Makanza sagði
hann „alþýðan" og hann neitaði
því að ZIPRA hefði fyrirskipað
þau. Þetta kemur heim við frá-
sagnir lögregluforingja sem töldu
að stjórnmálahreyfing á svæðinu
notaði skæruliða til að vinna fyrir
sig „skítverkin":
— Flestir kæra
álagninguna
Framhald af bls. 2
Hins vegar væru hærri fjárhæð-
ir og í einstaka tilfellum töluvert
háar fjárhæðir, þar sem viðkom-
andi reikingshafi hefði ekki getað
gert eðlilega grein fyrir myndun
höfuðstólsins, og hann því verið
skattlagður í heild sinni. Kristinn
Jónasson vildi á hinn bóginn ekki
nefna að svo stöddu dæmi um
þessar fjárhæðir.
Kristinn sagði ennfremur, að
frekari gangur í þessum málum
væri, að nú hefðu reikningshaf-
arnir möguleika á að kæra úr-
skurðinn til ríkisskattstjóra, og
kvaðst hann ætla að kærur hefðu
borizt í allflestum tilfellum. Síðan
væri unnt að áfrýja málunum
áfram til ríkisskattanefndar og
það væri fyrst eftir að urskurður
hennar lægi fyrir að tímabært
væri að skjóta málinu áfram til
skattsektanefndar.
— Ný gerð...
Framhald af bls. 21
og ýmsu er lýtur að samstarfi og
samhæfingu hinna ýmsu stétta og
starfshópa. Þingið á Akureyri
sóttu um 100 manns frá hinum
Norðurlöndunum auk fjögurra
kennara frá Bretlandi ög Banda-
ríkjunum, tveggja fulltrúa frá
Alþjóðaheilbrigðismálastofnuninni
og um 60 íslenzkra lækna og
hjúkrunarfræðinga.
— íþróttir
I i amhald al bls. 'M’
Jóhannessonar, verði ógnað af Karli
West.
Líklegir sigurvegarar:
Guðmundur Jóhannesson HSH
Eggert Guðmundsson HSK
Karl West UMSK
Þrístökk:
Helgi Helgason og Pétur Péturssoh
koma til með að heyja einvígi um
sigurinn.
Líklegir sigurvegarar:
Helgi Helgason UMSK
Pétur Pétursson HSS
Rúnar Vilhjálmsson UMSB
Hóstökk:
Keppni í hástökki veröur eflaust
mjög jöfn. Nær ógjörningur er að
gera upp á milli stökkvara.
Líklegir sigurvegarar:
Jón Oddsson HVI
Hafsteinn Jóhannsson UMSK
Unnar Vilhjálmsson UMSB
— Þr.
Islenskt og afburðagott
Viljirðu tryggja rekstraröryggi heybindivélarinnar.
ættirðu að kaupa heybindigarnið okkar.
Tvær gerðir fáanlegar:
Gult 360 m/kg - slitstyrkur: 120 kg.
Blátt 430 m/kg - slitstyrkur: 100 kg.
Og að sjálfsögðu fæst það hjá kaupfélögunum
um land allt.
HAMPIÐJAN HF