Morgunblaðið - 22.07.1978, Blaðsíða 20
20
MORGUNBLAÐIÐ, LAUGARDAGUR 22. JÚLÍ 1978
Þorkell Sigurbjörnsson.
Marteinn Hunger Friðriksson.
Kirkjukór Háteigskirkju
á Skálholtshátíð
Einsöngvarar og kór með tónleika í Háteigskirkju
Næstkomandi sunnudag flytur
Kirkjukór Háteigskirkju verk eftir
Þorkel Sigurbjörnsson, Lofsöngur
1977, á Skálholtshátíð. Lofsöng
1977 samdi Þorkell fyrir kórinn, og
hlaut verðskuldaða athygli við
frumflutning sl. haust. Auk
Kirkjukórs Háteigskirkju koma
fram fjórir einsöngvarar, Guð-
finna Dóra Ólafsdóttir, Rut
Magnússon, Friðbjörn G. Jónsson,
Halldór Vilhelmsson og félagar úr
Sinfóníuhljómsveit íslands.
Stjórnandi er Marteinn H.
Friðriksson. Á laugardag 22.7 kl.
17 gefst Reykvíkingum kostur á að
heyra þetta verk í Háteigskirkju.
Einnig mun Halldór Vilhelmsson
syngja kantötu eftir Bach, og Jósef
Magnússon leika sónötu eftir
Hándel. Aðgangseyrir að tónleik-
unum í Háteigskirkju er kr. 500.
Lögregla kærd
fyrir manndráp
JóhannosarborK. 21. júlí. AP. Reuter.
SEX lögreglumenn og tveir
óbreyttir borgarar hafa verið
ákærðir um morð eftir að þel-
dökkur öryggisvörður lét lífið í
varðhaldi fyrir fjórum mánuðum.
Þá hefur yfirmaður suður-afrísku
öryggislögreglunnar, er mjög
kom við sögu í Biko-málinu, öðru
fangamorðsmáli, verið „færður
til" í kerfinu.
Samkvæmt blaðafrásögnum
mun annar blökkumaður hafa
látið lífið fyrir viku á sjúkrahúsi
eftir að hafa sætt alvarlegum
líkamsmeiðingum lögreglu, að því
er talið er. Fyrr í þessum mánuði
féll fangi einn til jarðar út um
glugga á fimmtu hæð byggingar,
þar sem öryggisverðir yfirheyrðu
hann. Fregnir í dag herma að
öryggisvörðurinn, Jankie Mahlo-
mola, hafi látizt átta dögum eftir
að hann var handtekinn ásamt
fjórum öðrum sakaður um innbrot.
Flutningur yfirmanns lögregl-
unnar kemur í kjölfar opinberrar
rannsóknar dómsmálaráðuneytis-
ins í Suður-Afríku.
Bensínlítrinn
í 145 krónur
RÍKISSTJÓRNIN hefur heimilað
hækkun á bensini og oliu til
húskyndinga og á bfla. Bensín-
lftrinn, sem kostaði 119 krónur.
fer í 145 krónur, hækkar um
21,85%, gasolía til húsahitunar
hækkar úr 39,20 krónum lítrinn
í 45,05 krónur, hækkun 14,92%,
og gasolía til bfla hækkar úr 54
krónum lftrinn í 63 krónur,
hækkun 16,67%.
Hækkunin verður vegna er-
lendra kostnaðarhækkana, gengis-
breytinga, hækkunar vegagjalds,
hækkaðs dreifingarkostnaðar og
vegna hækkaðs framlags á inn-
kaupajöfnunarreikning olíufélag-
anna.
Bensínverðið skiptist nú þannig
að innkaupsverð hvers lítra, cif-
verð er 29,48 krónur, opinber gjöld
eru 89,39 krónur og dreifingar-
kostnaður er 23,18 krónur. Sú
upphæö, sem greidd er inn á
innkaupajöfnunarreikning olíu-
félaganna hækkar um 2,95 krónur
eða um 2,03%.
— Sjálfstæðis-
menn spá í spilin
Framhald af bls. 19
ur ekki gengið við val manna í
forustusveit flokksins en ef hon-
um mistekst þá er ferill hans á
enda,“ sagði einn þessara ungu
manna. Hins vegar er andstaðan
gegn honum slík meðal dreifbýl-
ismanna í flokknum, að það er
nánast útilokað að hann komi
þarna til álita. „Þaö er annaö að
vera þjóöhetja eða þjóðarleið-
togi, knattspyrnukappi eða póli-
tíkus,“ sagði einn af dreifbýlis-
mönnunum í samtali og einn af
þingmönnum dreifþýlisins í Sjálf-
stæöisflokknum þegar
staða Alberts var borin undir
hann: „Hitt er aftur á hreinu að
við samþykkjum aldrei að ráð-
herraembætti verði notað til að
leysa sérstakan vanda flokksins í
Reykjavík og við teljum eftir fall
sjálfstæðismeirihlutans í Reykja-
vík aö enn meiri þörf sé á
jafnræði borgar og lands varð-
andi ráðherraembætti flokksins."
— m.f. — fj — bvs
Guðsteinn
seldi fyrir
41 millj.
TOGARINN Guðsteinn lauk við að
selja í Hull í gær, en skipið hóf þar
löndun í fyrradag. Alls seldi
Guðsteinn 227.7 lestir fyrir 41.2
millj. kr. og var meðalverð á kíló
kr. 181. Er þetta allþokkalegt
meðalverð þegar tekið er tillit til
þess, að stór hluti aflans var karfi
og ufsi, fiskur sem ekki er beint
hátt skrifaður á brezka markaðn-
um.
Mokveiði
í Rósa-
garðinum
Fáskrúðsfirði, 21. júlí.
NÚ ER unnið að löndun úr
togaranum Ljósafelli, sem kom
inn með 130 tonn eftir viku útivist.
Þetta er mest stór og góður
þorskur. Hingað kom Hoffellið og
hafði þá verið úti í 5 daga og var
búið að fá 130 tonn. Það tók hér
ís og ætlaði að halda áfram
veiðum en ætlunin er að það landi
í Færeyjum á mánudag. Það er
mokafli hjá öllum togurunum en
þeir eru einkum að veiðum rétt við
miðlínuna milli Færeyja og Is-
lands, eða í svokölluðum Rósa-
garði.
Menn eru í vandræðum að losna
við fiskinn og þegar er búið að
koma því svo fyrir að togarar landi
í Færeyjum og Skotlandi. Aflinn
er stór góður þorskur blandaður
ufsa. Hér vantar frekazt fólk til að
vinna en sem kunnugt er hefur
útflutningsbanni verið aflétt hér á
Fáskrúðsfirði.
— Albert.
Austfirð-
ingar sigur-
sælir
í GÆRKVÖLDI lágu fyrir úrslit í
tveimur greinum frjálsra íþrótta á
Landsmóti UMFÍ á Selfossi. Úrslit
urðu sem hér segir:
800 metra hlaup kvenna>
mín
Guðrún Sveinsd., UÍA 2,20,6
Anna Hannesd.,UÍA 2,21,9
Sigurbjörg Karlsd., UMSE 2,25,4
800 metra hlaup karla:
mín
Steindór Tryggvas., UÍA 1,59,4
Björn Skúlason, UÍA 2,00,9
Ágúst Þorsteinss., UMSB 2,01,3
Austfirðingar senda fjölmennt
lið til mótsins og hafa ekki aðrir
sýnt meiri framfarir en þeir á
þessu móti.
Hefst útburð-
ur skattseðla
áþriðjudag?
LIKUR benda til að byrjað verði
á að bera út skattseðla í Reykjavík
á þriðjudag eða miðvikudag í
næstu viku. Halldór Sigfússon
skattstjóri sagði þegar Morgun-
blaðið ræddi við hann, að ef allt
gengi að óskum hjá Skýrsluvélum
ríkisins, þá ætti að vera hægt að
hefja útburð á þriðjudag eða í
síðasta lagi á miðvikudag.
— Nauðsynlegt
að panta...
Framhald af bls. 2
að það sé reiknað með að við
séum um tvo tíma á hverju
svæði.
Eg læt alveg vera að þetta sé
dýrt, veiðileyfi fyrir hálfan dag
kostar 8,800 krónur, en hins
vegar er nauðsynlegt að panta
veiðileyfi með góðum fyrirvara,
bezt er að fara að huga að því
fyrir jól,“ sagði Þorlákur að
lokum, en laxinn stökk einu
sinni enn, rétt svona til að
undirstrika orð Þorláks.
EF ÞAÐER FRETT-
NÆMTÞÁERÞAÐÍ
MORGUNBLAÐINU
Al (ÍLYSIM.A
SÍMINN ER:
22480
Janusz
Korczak:
Mannvinurinn sem
dó í gasklefunum
„Æðsta viðurkenningin er bros barns”
Janusz Korczak var
pólskur Gyðingur, hug-
sjónamaður, rithöfundur,
læknir, uppalandi og
mannvinur, sem menn
viða um heim minnast í
dag. Ástæðan er sú, að
hundrað ár eru liðin frá
fæðingu hans. UNESCO,
menningar- og vísinda-
málastofnun Sameinuðu
Þjóðanna, hefur hvatt öll
aðildarríki sín til að
minnast fæðingarafmæl-
isins, sem nú er viður-
kennt af UNESCO sem
„afmæli mikilmennis“.
Ástæðan fyrir því að
minning Korczaks er svo
í heiðri höfð er ekki
aðeins merkur lífsferill
hans, ritstörf og afskipti
af félagsmálum heldur
og merkur dauðdagi
þessa fórnfúsa manns,
sem unni börnum svo
mjög að minning hans er
orðin goðsögn.
Hans rétta nafn var Henryk
Goldszmit en hann tók upp
rithöfundarnafnið Januza
Korczak. Hann var um margra
ára skeið forstöðumaður mun-
aðarleysingjahælis í Varsjá
fyrir börn Gyðinga.
Þegar nazistar hertóku Var-
sjá barðist Korczak hetjulega
fyrir munaðarleysingjana og
gerði allt sem í hans valdi stóð
til að forða þeim frá hungur-
dauða og þeirri hættu sem
stöðugt vofði yfir.
Sumarið 1942 var hræðilegt
fyrir Gyðingana sem héldu til í
Gettóinu í Varsjá. Þá voru þeir
sem og börnin á munaðarleys-
ingjahælinu flutt í útrýmingar-
búðirnar í Treblinka og þegar
hefur verið skráð blóðugum
stöfum á spjöld sögunnar hvern-
ig vesalings fólkið endaði líf sitt
i gasklefunum þar. Janusz Kor-
czak einnig.
Það hefðu ekki þurft að verða
endalok hans en hann kaus engu
að síður að deyja með börnunum
sem hann svo lengi hafði veitt
forsjá. Síðast sást til hans þar
sem hann leiddi þau í halarófu
til brottfararstaðar í Varsjá og
taldi þeim trú um að þau væru
aðeins að leggja upp í ferðalag
út í sveit.
Sérstök nefnd hefur verið
skipuð í Pólalndi til að minnast
fæðingarafmælis hans og veitir
forsætisráðherra landsins henni
forstöðu. Þá hefur verið sett á
Janusz Korczak ásamt nokkrum munaðarlausum börnum og
starfsfólki á hælinu í Varsjá.