Morgunblaðið - 26.07.1978, Blaðsíða 2

2
MORGUNBLAÐIÐ, MIÐVIKUDAGUR 26. JÚLl 1978
Vídtækleil
að konu
EFTIR hádegi í gær hófst víðtæk
leit að 26 ára gamalli konu frá
Hafnarfirði, sem hvarf a,ð heiman
skömmu eftir hádegi í fyrradag.
Björgunarsveitir SVFÍ og Hjálp-
arsveit skáta í Hafnarfirði fóru ti!
leitar ásamt þyrlu Landhelgis-
gæzlunnar. Um kl. 19 í gærkvöldi
fannst síðan konan við Sléttuhlíð
Valtýr Pctursson listmálari opnar málverkasýningu á morgun í veitingaskálanum í Þrastalundi. Á
sýningunni vcrða 25—30 ný olíumálverk, flest fígúratív. Þetta er 5. sýning Valtýs í Þrastalundi á
undanförnum árum.
Tveir piltar
handtekn-
ir en var
sleppt aftur
LÖGREGLAN á ísafirði handtók í
fyrradag og í fyrrinótt tvo pilta, 15
og 16 ára, sem eru grunaðir um að
hafa brotizt inn á skrifstofur
Kaupfélags ísfirðinga aðfaranótt
sunnudagsins og stolið þar 2
milljónum króna. Er taiið að báðir
þessir piltar hafi sézt í nágrenni
kaupfélagshússins á sunnudags-
morguninn. Hvorugur hefur viður-
kennt að eiga aðild að þjófnaðin-
um og var öðrum þeirra sleppt
lausum í gær en hinum var sleppt
seint í gærkvöldi.
Tveir rannsóknarlögreglumenn
úr Reykjavík vinna að rannsókn
málsins ásamt lögreglumönnum á
ísafirði.
Stærri loðnubát-
arnir á kolmunna
Orkubú Vestfjarða;
STÆRRI loðnubátarnir, sem bún-
ir eru kolmunnatrolli, eru nú
haldnir á kolmunnamiðin úti
fyrir Austurlandi og verða við
þær veiðar á meðan loðnuveiðar
eru ekki leyfðar eða fram til
júlíloka, og er Morgunblaðinu
kunnugt um að Börkur og Sig-
urður eru nú komnir á miðin
fyrir austan land og Bjarni
Olafsson mun fljótlega bætast i
hópinn, strax og hann hefur lokið
við löndun á loðnu sem hann fór
með til hafnar í gær.
Þrír af þeim bátum, sem leyfi
hafa til loðnuveiðanna enn, þ.e.
voru á miðunum þegar bannið var
sett á, tilkynntu afla í gær, voru
það Óskar Halldórsson, Hilmir og
Bjarni Ólafsson. Héldu Hilmir og
Óskar Halldórsson með aflann til
Siglufjarðar, en Bjarni Ólafsson
fór með aflann austur á firði.
Löndun úr Sigurði lauk í
Reykjavík í fyrrinótt. Upp úr
skipinu komu 1432 lestir af loðnu
og er það stærsti fiskfarmur sem
íslenzkt skip hefur komið með að
landi fyrr og síðar.
Ekki tap á
Listahátíð
„Þó svo að fullnaðaruppgjör
liggi enn ekki fyrir, er ljóst að það
verður ekkert tap á listahátíð og
virðist útkoman ætla að vera
sæmileg," sagði Davíð Oddsson,
borgarfulltrúi og formaður stjórn-
ar síðustu listahátíðar, þegar Mbl.
spurði hann um útkomuna á
hátíðinni að þessu sinni. Davíð
sagði ennfremur að stjórnarfund-
ur yrði haldinn í byrjun ágúst og
þá væri gert ráð fyrir að bráða-
birgðauppgjör lægi fyrir.
Innbrotið á Isafírði:
Bjöm Þ. Guðmundsson
settur prófessor við
lagadeild Háskólans
MENNTAMÁLARÁÐUNEYTIÐ
hefur sett Björn Þ. Guðmundsson
borgardómara prófessor í laga-
deild Háskóla íslands um eins árs
skeið frá 1. október 1978 að telja
í stað dr. Gauks Jörundssonar,
prófessors, sem veitt hefur verið
leyfi frá kennsluskyldu sama
tímabil.
Guðmundsson harð-
garð Morgunblaðsins
Albert
orður í
ALBERT Guðmundsson al-
þingismaður segir í samtali við
Tímann í gær, að Morgunblað-
ið og „flokkseigendafélagið“ sé
að frysta sig úti í flokknum.
Morgunblaðið og „flokks-
eigendafélagið“ hafi „gert
margar tilraunir til að hylma
yfir niðurstöður bæði prófkjörs
og kosninganna. Þetta er bara
einn liðurinn f þeirri iðju þess
að breyta almenningsálitinu
sér í hag,“ segir þingmaðurinn.
Þá segir Albert Guðmundsson
í viðtali við Tímann: „En við
vitum bæði, að Morgunblaðið
hefur ekki lengur þau áhrif á
almenningsálitið sem það hafði,
Morgunblaðsmenn eru bara þeir
einu sem skilja það ekki,“ segir
Albert og bætir við: „Nei, ég tek
ekkert mark á því frekar en
aðrir. Morgunblaðið raskar
hvorki mínu jafnaðargeði né
svefnró."
Viðtalinu í Tímanum lýkur
með þessum orðum: „Þess má
geta hér til gamans, að nokkru
eftir viðtalið við Albert
Guðmundsson hringdi hann og
bað um að heyra hvernig blaða-
maður hefði gengið frá því.
Hann sagðist nefnilega hafa svo
slæma reynslu af Morgunblað-
inu, með hvað það væri gjarnt
á að rangtúlka það sem hann
segði."
I Dagblaðinu í gær er einnig
viðtal við Albert Guðmundsson,
þar sem hann segir: „Það virðist
svo, sem enginn megi ná
vinsældum í Sjálfstæðisflokkn-
um án þess að flokkseigenda-
félagið veitist að honum í
Morgunblaðinu, beint eða
óbeint. Nú hefur það gefizt upp
við Gunnar Thoroddsen og
beinir nú ófrægingunni gegn
mér.“
Þá segir Albert, að ráðizt sé
gegn þeim mönnum sem „mest
kjörfylgi hafa í flokknum," og
hann segir: „Það er eins og
menn megi hvergi hafa getið sér
orð fyrir neina verðleika, að
ekki sé nú talað um heimsfrægð,
ef þeir eiga að teljast gjaldgeng-
ir sjálfstæðismenn. Það er þó
ennþá fyrirgefið, ef menn
stjórna súkkulaðiverksmiðju.
„Úndir lok viðtalsins segir
Álbert:
„Loks vil ég minna á nauðsyn
þess, að málgagn flokksins verði-
áfram morgunblað en ekki
næturgagn, sem lesendur grípa
til undir svefninn."
Tilefni þessara orða Alberts
Guðmundssonar er fréttaskýr-
ing, sem þrír blaðamenn
Morgunblaðsins rituðu í laugar-
dagsblað Morgunblaðsins, þar
sem fjallað er um innviðu
Sjálfstæðisflokksins. Þessi grein
var ekki skoðun blaðsins sjálfs,
heldur afrakstur vinnu þriggja
blaðamanna, sem öfluðu upplýs-
inga um Sjálfstæðisflokkinn.
Þess ber að geta að hvergi í
þessari grein var sagt, að verið
væri að „frysta" Albert
Guðmundsson úti. Þar er fjallað
um Albert sem aðra forystu-
menn flokksins og sagðar skoð-
anir sjálfstæðismanna í dreif-
býli og þéttbýli.
Morgunblaðið reyndi
árangurslaust í allan gærdag að
ná tali af Alberti Guðmundssyni
til þess að spyrja hann um það,
hvað hann ætti við með skír-
skotuninni til súkkulaðiverk-
smiðju og ennfremur að biðja
hann um að nefna dæmi um það
að Morgunblaðið hafi rangfært
ummæli hans á einhvern hátt.
Albert Guðmundsson fór til
Keflavíkur í gærkveldi að horfa
á knattspyrnu. Þar náði
Morgunblaðið loks tali af hon-
um og kvaðst hann myndu svara
blaðinu í dag.
„Ég er þingmaður míns kjördæmis
og ég verzla ekki með skyldur
mínar við það”
- MfirAfetrlGiiAmyidstM,
TeíTékkert mark
á Morgvmblaðmu
_ frekar w* -g

Framkvæmdir við fjarvarma-
veitu á ísafirði að hefjast
ísafirði 24. júlí
ORKUBÚ Vestfjarða hyggur nú á
miklar framkvæmdir á orku
veitusvæði sínu, sem er Vest-
fjarðakjördæmi. Ilelztu fram-
kvæmdir eru við lagningu nýrrar
raflínu frá Mjólká í Arnarfirði til
Bolungarvíkur og framkvæmdir
við fjarvarmaveitu á ísafirði.
Rafveita ísafjarðar hafði látið
kanna hagkvæmni fjarvarma-
veitu fyrir skömmu. Orkubúið lét
síðan fullvinna teikningar af
fjarvarmaveitu fyrir eyrarsvæðið
og hliðina ofan við á ísafirði. Eru
framkvæmdir að hefjast þessa
dagana. í fyrsta áfanga, sem á að
vera lokið fyrir áramót, verður
komið fyrir lögnum í öllum
götum frá varaaflsstöðinni við
Sundahöfn að Mjallargötu.

V
endurhitunar. I fyrstu verður
notast við áður ónýtta hitaorku
frá varaaflsstöð O.V. við Sunda-
höfn. En vegna ónógrar vatnsorku
er stöðin rekin til grunnorkufram-
leiðslu frá október fram á vor. Þar
fást 2Mw til upphitunar. Jafn-
framt er í undirbúningi uppsetn-
ing jarðolíuketils sem framleiða á
um 3Mw. Þegar vesturlína kemst
í gagnið, sem væntanlega verður á
næsta ári, er gert ráð fyrir að
rafskautsketill taki við og gefst þá
Framhald á bls. 18
Kristján Haraldsson,
orkubússtjóri.
Notað verður tvöfalt lokað kerfi.
þannig að notaða vatnið rennur
aftur til kyndistöðvarinhar til
Varaaflstöð Orkubús Vestfjarða.