Morgunblaðið - 02.08.1978, Blaðsíða 5
MORGUNBLAÐIÐ, MIÐVIKUDAGUR 2. ÁGUST 1978
5
190 bátar fá leyfi
til síldveiða í haust
Sjávarútvegsráðuneytið hefur
ákveðið að 100 bátar fái leyfi til
síldveiða með hringnót í haust og
90 bátar fá leyfi til reknetaveiða.
Eins og kunnugt er er ákveðið að
heimila veiði á 35 þúsund lestum
af sfld í haust og koma 20 þús.
lestir í hlut hringnótabáta og 15
þús. lestir í hlut reknetabátanna.
Afla þeim, sem hringnótabátunum
er heimilt að veiða, verður skipt á
milli þeirra og koma 200 lestir í
hlut hvers báts, en enginn kvóti
verður viðhafður varðandi rek-
netaveiðarnar frekar en undanfar
in ár.
í fréttatilkynningu, sem Morgun-
blaðinu barst í gær frá sjávarút-
vegsráðuneytinu, segir, að alls hafi
129 bátar sótt um leyfi til hring-
nótaveiða og 90 bátar til rekneta-
veiða.
Segir í fréttatilkynningunni að
ráðuneytið hafi nú ákveðið að leyfi
til hringnótaveiða fái allir þeir
bátar, sem leyfi fengu á s.l. ári eða
80 bátar, ennfremur óyfirbyggðir
bátar undir 300 lestum, jafnvel þótt
þeir hafi fengið leyfi til hringnóta-
veiða 1975 og 1976. Samtals verði
þetta 100 bátar. Verði 20 þús.
lestum skipt milli þeirra og komi
því 200 lestir í hlut hvers báts.
Samkvæmt þessu fái ekki leyfi þeir
bátar, sem stærstir eru og yfir-
byggðir og mesta möguleika hafi til
loðnuveiða.
Kvóta reknetabáta verði ekki
skipt milli einstakra báta. Eins og
fyrr sagði sóttu 90 bátar um leyfi
til reknetaveiða en í fréttatilkynn-
ingunni segir, að búast megi við
samkvæmt fyrri reynslu, að all-
margir þeirra noti ekki leyfin.
Þá segir að ráðuneytið muni
uppúr næstu helgi láta kanna
ástand síldarinnar og miðin og mun
ákvörðun um upphaf veiðitíma
reknétabáta verða tekin á grund-
velli þeirrar athugunar. Veiðar
hafa undanfarin ár hafizt 20. ágúst
og megi gera ráð fyrir því að ekki
verði mikil breyting á í ár.
Veiðitímabil hringnótabáta hefst
20. september, og er ekki gert ráð
fyrir að síldveiðar verði stundaðar
lengur en til 20. nóvember.
í fréttatilkynningu sjávarútvegs-
ráðuneytisins segir ennfremur, að
þær breytingar hafi verið gerðar á
skilyrðum um veiðarnar og meðferð
aflans, að nú verði ekki heimilt að
geyma síld í steis nema ísaða í
kassa. ennfremur verði óheimilt að
veiða smásild 27 cm. að lengd eða
minni sé hún meir en 25% af afla
(eftir fjölda) í stað 50% áður.
25árfráfyrsta
viðskiptasamn-
ingi Islands og
Sovétríkjanna
í DAG 1. ágúst, eru liðin 25 ár síðan
fyrsti almenni viðskiptasamningur-
inn milli Sovétríkjanna og íslands
var undirritaður í Moskvu. Af þessu
tilefni hafa Ólafur Jóhannesson
viðskiptaráðherra og N. Patolichev
utanríkisviðskiptaráðherra Sovét-
ríkjanna skipst á bréfum, þar sem
þeir láta í ljósi ánægju yfir
framkvæmd samningsins, sem hin
auknu viðskipti landanna hafa
byggst á. Patolichev utanríkisvið-
skiptaráðherra kveðst i bréfi sínu
viss um, að viðskiptasamningurinn
muni einnig framvegis hafa jákvæð
áhrif á viðskipti og efnahagssam-
starf milli landanna, sem væri
þjóðunum hagstætt.
(FrcttatilkvnninK)
afsláttur
□ gallabuxum
□ flauelsbuxum
□ canvasbuxum
□ bolum
□ stutterma blússum
□ stutterma skyrtum
□ kjólum
□ pilsum
□ mittisjökkum
dömu og herra
□ vestum
□ plastregnkápum
verzlunar-
mannahelgina.
TÍZKUVERZLUN UNGA FÓLKSINS
WKARNABÆR
Laugaveg 20 Laugaveg 66 Austurstraeti 22 Glæsibae Simi 28155