Morgunblaðið - 02.08.1978, Blaðsíða 18
18
MORGUNBLAÐIÐ, MIÐVIKUDAGUR 2. ÁGÚST 1978
bað eru margir sönghóparnir sem taka lagió á Þjóóhátíó og aumir syngja sóló.
Kjartan örn Eyjaklerkur á helgi-
stund í Herjólfsdal.
GLOFAXI
AA Þessu sinni fiuttu Þórarar sem
halda hátíóina f ár, liAlega 500
síldartunnur frá Þorlákshöfn á
ÞjóAhátíAarbálköstinn.
Unga fólkiA hefur löngum
skemmt sár vel á ÞjóAhátíAinni.
Þjóðhátíð Vestmannaeyja 4.—6. ágúst;
„Gleðjumst því unz gengin
er gullin sól til viðar”
Að vanda er Þjóðhátíö Vest-
mannaeyja haldin fyrstu helgi í
ágúst og ber hana upp á
Verzlunarmannahelgina að
þessu sinni. Þjóðhátíðin í Eyjum
hefst föstudaginn 4. ágúst og
stendur með stöðugum tilþrifum
fram á aðfaranótt mánudags.
Ileilir komið hingað þér
Ilerjólfs inn i Ilalinn.
allir jafnir, enginn hcr
iiðrum fremri talinn.—
Látum sjást að sundrung ber
sa'tið yzt til hliðar.
Gleðjumst því unz gengin er
gullin sól til viðar.
Það hefur ávallt verið ein-
kenni Þjóðhátiðar í Vestmanna-
eyjum að friðhelgi Herjólfsdals
sameinar þær þúsundir manna
sem hittazt þar á góðri stund. I
fögru veðri er Herjólfsdalur
óviðjafnanlegur hátíðarsalur,
hamraborg með iðandi fuglalífi
í björgum og hlíðum, töfrandi
bergdalur opinn móti suðri og
sól. Þjóðhátíðin byggist á hefð
heimamanna, rótgrónum vilja
til þess að gera þessa hátíð
, Eyjamanna að góðum fagnaði.
Einum og einum hlekkist á i
ölduróti stundarinnar, en
grannarnir tosa þá á réttan kjöl
aftur og kóssinn er tekinn mót
betri tíð.
Það hefur löngum verið sagt
um Eyjamenn að þeir væru
sérstætt fólk, en ekki ber öllum
landsmönhum saman um eigin-
leika þeirra, sumum þykja þeir
róstusamir, aðrir dá lífsgleði
þeirra og léttlyndi, en þeir sem
kynnast þeim eignast vini.
Eyjamenn hafa löngum verið
áræðnir og þykja hversdagsleg-
ar staðreyndir eins og það að
hafa fyrstir landsmanna orðið
til þess að stofna barnaskóla á
Islandi 1745, einir landsmanna
til að hafa þjálfaðan herflokk til
varnar yfirgangi og ránum
erlendra sjóræningja, enda bit-
ur reynsla úr Eyjabyggð, og auk
margra annarra þátta braut-
ryðjendanna má nefna stofnun
íslenzkrar landhelgisgæzlu með
kaupum Eyjamanna á varð-
skipinu Þór árið 1920, 6 árum
áður en Landhelgisgæzlan var
stofnuð. Slík atriði sýna vel
upplag Eyjamanna sem vilja
eins og Grímseyingar gera það
sem þarf að gera og gera það
vel. Það hefur því verið erfitt
tímabil fyrir Eyjamenn síðan
um gos er allur mannlífs- og
efnahágsgrundvöllur riðlaðist,
en það koma dagar, koma ár og
fyrr hefur Eyjabyggð risið upp
úr þungum boðaföllum.
Það segir í einu Þjóðhátíðar-
kvæðinu að þrátt fyrir böl og
alheimsstríð, þá verði aftur
Þjóðhátíð. Og það er einmitt
mergurinn málsins. Þjóðhátíð
hverju sem raular og tautar og
aftur er þessi sérstæða hátíð að
ná sínum fyrri svip þar sem stíll
heimamanna ræður ríkjum með
góðum gestum, því síðastliðin ár
hefur verið lagt kapp á að
byggja hátíðina upp á hefð-
bundnum grunni með nýju ívafi.
Þjóðhátíðin hefst með for-
skoti á fimmtudagskvöldi, en kl.
14 á föstudeginum hefst sam-
koman með lúðrablæstri,
hátíðarræðu og helgistund.
Þjóðhátíðarnefnd hefur beðið
Þjóðhátíðargesti að klæðast
snyrtilegum fatnaði á föstudeg-
inum í það minnsta eða eins og
sagt var í gamla daga, fara í
sparifötin.
Síðan rekur hvert atriðið
annað næstu þrjá sólarhring-
ana: íþróttir, reiptog bæjar-
stjórnar og Þjóðhátíðarnefndar
yfir Daltjörnina, leikur Lúðra-
sveitar Vestmannaeyja, lyfting-
ar, barnagaman og dansleikur,
bjargsigið í Fiskhellum, kvöld-
vaka með beztu skemmtikröft-
um landsins og Eyjanna og
síðan er dansinn stiginn fram til
klukkan 4 við loga bálsins á
Fjósakletti sem er hápunktur
setningarhátíðarinnar kl. 12 á
miðnætti föstudagskvöldsins.
En það er með Þjóðhátíðina eins
og æsi forðum að þótt menn
hnígi í valinn fyrir undrum
hátíðarinnar þá er risið aftur
upp með nýjum degi og sporið
tekið á nýjan leik.
Klukkan 14 á laugardeginum
mæta galvaskir kennarar úr
Hafnarfirði í Dalnum, hressir
náungar sem kalla sig Randver,
og .þar munu þeir klípa gítara
sína fyrir unga sem aldna og
enn á ný mun ankeri Þjóð-
hátíðarinnar, Lúðrasveitin,
þeyta horn sín. Síðan eru m.a.
íþróttir, hljóðfærasláttur og orð
ungs fólks úr KFUM og K, en
það er fleira gert til þess að vara
fólk við hættum hversdagsins,
því að loknum helgum þætti
verður sýnd sjálfsvarnarlist á
vettvángi holdsins. Þá verður
barnagaman og síðan snarla
menn lunda áður en gengið
verður til seinni kvöldvökunnar
þar sem Guðrún Á. Símonar
mætir í broddi fylkingar með
nýjasta uppátækið sitt, heila
hjörð af hundum. Eymenn munu
enn á ný kyrkja Þjóðhátíðarlag-
ið og Jóhann Kristjánsson frá
Brekku á Ingjaldssandi við
Öndundarfjörð mun herma eftir
ýmsum þjóðkunnum, en það
skal tekið fram að sitt hvor
skemmtiatriðin eru á kvöld-
vökunum.
Brúin, míili lands og Eyja, kemur
siglandi fyrir KlettsnefiA, en meA
tilkomu nýja Herjólfs hafa sam-
göngur viA Eyjar stórbatnaA.
Eyjapeyjar fi sér vatnssopa úr gamla brunninum í Herjólfsdal.
Fastalandsbúar sem hyggja á
ferð út í Eyjar um Þjóðhátíðina
eiga ýmissa kosta völ. Þeir geta
ekið þjóðveginn út í Eyjar um
Þorlákshöfn og um borð í
hlekkinn, Herjólf hið ljúfasta
skip, eða þá farið flugleiðina
með föxum loftsins, en sú leið
tekur aðeins 20 mínútur, eða
álíka og strætóferð frá Reykja-
vík til Hafnarfjarðar. í Eyjum
er hótelaðstaða og einnig er góð
tjaldaðstaða með snyrtingum og
tilheyrandi í Herjólfsdal. Þá
skal tekið fram að miði í
Herjólfsdal gildir að öllum
skemmtiatriðum og dansleikj-
um dagana þrjá og næturnar
fjórar.
- á.j.