Morgunblaðið - 09.08.1978, Qupperneq 1
32 SÍÐUR MEÐ 4 SÍÐNA ÍÞRÓTTABLAÐI
169. tbl. 65. árg.
MIÐVIKUDAGUR 9. ÁGÚST 1978
Prentsmiðja Morgunblaðsins.
skýrzt að ráði varðandi það hverjir
líklegastir eru taldir, en Giovanni
Benelli og Sergio Pignedoli eru
meðal þeirra, sem nefndir hafa
verið.
Sjá grein um Pál páfa og
viðhorfin eftir lát hans á
miðsíðu.
Lík Páls páfa á viðhafnarhörunum í Gandolfo-kastala. Kistulagning.
fer fram í dag en þar til kistunni verður lokað fyrir flutninginn í
Vatíkanið munu tugþúsundir halda áfram að streyma framhjá til að
líta leiðtoga sinn augum hinzta sinni.
Páfi lagður til
hinztu hvílu á
laugardaginn
Hlýtur leg milli Jóhannesar 23. og Píusar 12.
Vatíkaninu, 8. ágúst — AP
LÁTLAUS straumur syrgjenda
er við viðhafnarbörur Páls páfa
sjötta 1' Gandolfi-kastala, en síðan
andlát hans bar að höndum á
sunnudagskvöld hafa um 50
þúsundir manna vottað þessum
andlega leiðtoga 600 milljóna
kaþólskra hinztu virðingu sfna á
þennan hátt. Páfi verður kistu-
lagður síðdegis á miðvikudag, og
verða jarðneskar leifar hans þá
fluttar með viðhöfn í Vatíkanið
þar sem útförin fer fram á
iaugardag og þar sem 263. páfinn
í sögu kaþólsku kirkjunnar verð-
ur kjörinn á kardínáiasamkundu
síðar í þessum mánuði. Páll páfi
hlýtur legstað milli Jóhannesar
23. og Píusar 12. , páfanna sem
riktu næst á undan honum, en
þeir hvíla í námunda við þann
stað í helgidómnum þar sem talið
er að Pétur postuli, sem kirkjan
er kennd við. hafi verið grafinn.
bessi staður var eftirlætisbæna-
staður Páls Páfa þau 15 ár, sem
hann ríkti yfir kaþólskri kirkju.
Einn nánasti samstarfsmaður
Páls páfa, Giuseppe Caprio erki-
biskup, sagði í dag, að hann hefði
fengið hægt andlát og sú bæn hans
hefði verið heyrð að elli og
heilsuleysi kæmu ekki í veg fyrir
að hann gæti sinnt köllun sinni til
hinztu stundar. Caprio sagði að
hinn látni páfi hefði haft orð á því
við sig er þeir voru á förum til
Gandolfo, sveitaseturs páfa, fyrir
skömmu, að hann væri ekki viss
um að hann ætti afturkvæmt í
Vatikanið.
Samúðaróskir hafa streymt í
Vatíkanið í gær og í dag hvaðan-
æva úr heiminum, og þegar hafa
mörg stórmenni boðað komu sína
til að fylgja Páli páfa til grafar.
Margir telja að næsti páfi verði
ítalskur, enda þótt ítalskir kardí-
nálar í samkundunni, sem gengur
til atkvæða, séu í minnihluta. Enn
sem komið er hafa línur ekki
Bergman
snýr heim
Stokkhólmi, 8. ágúst AP
Ingmar Bergman er væntanlegur
til Stokkhólms næstu daga til að
leikstýra Dauðadansi Strind-
bergs við Dramaten. að því er
tilkynnt var af hálfu leikhússins í
dag. Bergman var önnum kafinn
við æfingar á þessu sama leikriti
er hann var handtekinn á sviði
Dramatens árið 1976, grunaður
um skattsvik.
Bergman fékk taugaáfall og
fluttist úr landi vegna þessa máls,
sem varð tilefni mikillar rimmu
um skattamál. Síðan hefur hann
ekki stigið fæti á sænska grund,
enda þótt hann hafi verið sýkn-
aður af öllum ákærum um brot á
skattalöggj öf i n n i.
Vonarbjarmi yfir
Midausturlönaum
— vegna fundar Begins og Sadats í skjóli Carters
Washington, 8. ágúst — AP
HORFUR hafa nú batnað mjög á því að samningar takist um frið í
Miðausturlöndum cftir að tilkynnt var í Hvíta húsinu í dag, að þeir
Anwar Sadat Egyptalándsforseti og Menachem Begin. forsætisráð-
herra ísraels, kæmu til fundar við Carter forseta í Camp David hinn 5.
september næstkomandi. beir Begin og Sadat hafa báðir lofað
frumkvæði Bandarikjastjórnar að nýjum leiðtogaviðræðum, en allir
aðilar málsins hafa þó áréttað þá afstöðu, að enn hafi ekkert gerzt.
sem bendi til þess að samningar séu á næsta leiti. Lögð er á það áherzla
í öllum herbúðum, að ekki séu sett nein skilyrði fyrir því að setzt verði
að samningaborði.
Sadat forseti sagði í kvöld að
með ákvörðun sinni um að sitja í
forsæti á fundi þeirra Begins hefði
Carter forseti hafið nýjan þátt í
friðarumleitunum í Miðaustur-
löndum, og Sadat bætti við:
„Horfum ekki um öxl.“ I sama
streng tók Menachim Begin. Hann
spáði því að fundurinn yrði mjög
þýðingarmikill fyrir þjóðirnar í
Miðausturlöndum og kvað sig og
Sadat báða standa í þakkarskuld
við Carter forseta fyrir að hafa
hugrekki til að stofna til þessara
nýju viðræðna. Begin var að því
spurður hvort þátttaka hans í
fundinum væri staðfesting á því að
afstaða hans til málsins væri
breytt, en hann sagði svo ekki
vera.
Það var Cyrus Vance, utanríkis-
ráðherra Bandaríkjanna, sem
undanfarið hefur verið á ferð í
Miðausturlöndum, sem bar leið-
togunum handskrifað boð Carters
forseta um að koma til fundar í
Camp David, sveitaseturs forset-
ans í Maryland. Af hálfu Banda-
ríkjastjórnar kom sú yfirlýsing i
dag, að fundarboðið hefði ekki
verið sent í þeirri trú að meiri
líkur væru nú á samningum en
verið hefði. Hins vegar væru hér
Rainbow Warrior í kasti
við spænska flotann.
Áhöfn Rainbow Warrior,
Greenpeace-skipsins sem var á
miðunum við Island í sumar,
stendur í ströngu norður af
Spáni um þessar mundir. Á
laugardaginn var gengu gæzlu-
menn spænska flotans um borð
í skipið til að tilkynna að
skipverjar hefðu gerzt sekir
um ólögmætt athæfi er þeir
hindruðu veiðar hvalveiðibáta
með því að sigla á milli þeirra
og hvalaþvögu á þremur
gúmmíbátum. Var skipstjóra
Rainbow Warrior skipað að
sigla til hafnar, en í stað þess
að verða við þeim tilmælum tók
hann þveröfuga stefnu og
sigldi hraðbyri á mið Portú-
gala. samkvæmt heimildum
AP-fréttastofunnar.
svo mikilvægir hagsmunir í húfi
auk þess sem áframhaldandi þóf
og stöðnun hefði í för með sér
stöðugt alvarlegri afleiðingar, að
ekki hefði þótt stætt á öðru en að
gera þessa tilraun. í yfirlýsing-
unni kom fram að enda þótt menn
mættu ekki gera sér of miklar
vonir um tafarlausan árangur af
hinum fyrirhugaða fundi væri
einsýnt að á honum tækist að
draga úr ágreiningi að verulegu
leyti.
Sérfræðingar eru á einu máli
um að með því að hafa forgöngu
um fund þeirra Sadats og Begins
taki Bandaríkjastjórn mikla
áhættu, og vandasamt verði að búa
svo um hnútana að styggð komist
ekki að þeim fyrir fundinn. Hins
vegar benda sérfræðingarnir á að
allir eigi leiðtogarnir mikilla
hagsmuna að gæta, bæði pólitískra
og persónulegra, ekki sízt Begin,
sem hvað eftir annað hefur lýst
því yfir að friðarsamningar verði
að hafa forgang.
Vance utanríkisráðherra hefur
hlotið mikið lof fyrir stjórnvizku
sína og lipurð undanfarna daga, og
er það mál manna að hvort tveggja
hafi komið honum að góðu haldi í
viðræðunum undanfarna daga við
ráðamenn í Tel Aviv og Kaíró.
Þorska-
lýsi
uppselt
Kaupmannahöfn, 8. ágúst — Reuter.
SALA Á þorskalýsi hefur
stóraukizt í Danmörku eftir að
nýlega voru birtar niðurstöð-
ur danskra vísindamanna um
að lýsi kæmi í veg fyrir að
menn fengju hjartaslag.
borskalýsi er nú á þrotum í
dönskum apótekum, en það er
auðugt mjög að „eicosapent-
aen-sýru“ þeirri. sem gerir það
að verkum að hjartaáföll
verða Grænlendingum mjög
sjaldan að aldurtila. samanber
frétt í Mbl. 1. ágúst s.l.
Gullverð aldrei
hærra við lokun
Lundúnum, 8. ágúst. AP
BANDARÍKJADALUR féll í
verði á gjaldeyrismarkaði í dag.
og hefur aldrei áður staðið svo
lágt gagnvart v-þýzku marki.
Gullverð rauk upp úr öllu valdi
og hefur það aldrei verið svo hátt
við lokun og í dag. eða 206.50
dalir únsan. Aðeins einu sinni
áður hefur gull stigiö svo í verði.
bað var 1. ágúst síðastliðinn. en
þá komst það upp í 207.50 dali
únsan á markaði í Lundúnum. en
hafði lækkað á ný þegar markaði
var lokað.
í dág var gengi bandaríkjadals
í fyrsta sinn innan við tvö v-þýzk
mörk við lokun gjaldeyrismarkaðs,
eða 1.9935, en hafði farið niður í
1.9890 í Frankfurt fyrr um daginn.
Siðan um miðja síðustu viku hefur
dalurinn heldur sótt sig gagnvart
japönsku jeni, en er þó enn iangt
neðan við 200 jena markið og við
lokun í dag hafði gengi hans
staðnænizt við 187,37 jen.
í ársbyrjun var verð gullúns-
unnar í Lundúnum 169.50 banda-
ríkjadalir. en fór upp fyrir 200
dala markið í fyrsta sinn 28. júlí,
og ér nú sem fyrr segir komið upp í
206.50.