Morgunblaðið - 11.08.1978, Blaðsíða 13
MORGUNBLAÐIÐ, FÖSTUDAGUR 11. ÁGÚST 1978
13
legt að staðfesta sáttmála og
breyta lögum í samræmi við hann.
Ef ekki er jafnframt reynt að
breyta afstöðu fólksins, þá þrífst
kynþáttamisréttið eftir sem áður.
I öðru lagi má segja, að með því
að leggja megináherzlu á kjör
erlendra verkamanna, þá sé verið
að fjalla um efni sáttmálans, en
það sem er þó varla andi hans eins
og til var stofnað. í sáttmálanum
er kynþáttamisréttið skilgreint
sem misrétti vegna „kynþáttar,
litarafts, uppruna eða þjóðernis",
þar er hinsvegar hvergi minnst
einu orði á erlenda verkamenn, og
þar að auki er tekið fram, að
sáttmálinn gildi ekki þar sem um
sé að ræða lögbundna mismunun
þeirra, sem njóta ríkisborgararétt-
ar og þeirra sem ekki njóta slíks
réttar.
Sem sagt, eins og aðalfram-
kvæmdastjóri ráðstefnunnar hef-
ur lagt áherzlu á, þá er brýn þörf
fyrir nýja alþjóðasamninga á
þessu sviði.
Bandaríkin
og Sovétríkin
Narasimhan segist ekki eiga von
á því að vandamál Norðurland-
anna, en þau snerta fyrst og
fremst Grænlendinga og Sama,
muni koma til umfjöllunar á
ráðstefnunni. Hinsvegar taldi
hann alls ekki loku fyrir það skotið
að rætt yrði um vanda blökku-
manna í Bandaríkjunum og
Gyðinga í Sovétríkjunum.
Er Narasimhan var að því
spurður hvort hann ætti von á því
að á þessari ráðstefnu yrði fjallað
um Zíonisma og kynþáttamisrétti í
einu og sama orðinu, svaraði hann
eftir nokkra umhugsun: — Ég
vona bara að þátttakendur muni
halda sig við efni ráðstefnunnar.
Jörgen Larsen
Upplýsingaskrifstofu Sameinuðu
þjóðanna í Kaupmannahöfn.
Þýzkur listamað-
ur sýnir í Mokka
ÞÝZKUR listamaður og forn-
ieifafræðingur. Ifaye W. Hansen.
sýnir um þessar mundir nokkur
verk sín á Mokka í Reykjavík.
Sýnir hann þar tæplega 40 verk,
teikningar. vatnslitamyndir. oiíu-
málverk o.fl. og stendur sýningin
tii 26. ágúst n.k.
Haye W. Hansen hefur áður
sýnt hér á landi, í Bogasal
Þjóðminjasafnsins og Lista-
mannaskálanum, en hann hefur
oft komið til landsins, kom fyrst
árið 1949 og talar hann íslenzku
allvel. Hann er einnig fornleifa-
fræðingur og hefur hann ritað bók
um ísland, sögu landsins, bók-
menntir og jarðfræði og er hann
nú að vinna að endurútgáfu
bókarinnar.
Ný póst- og símstöð að
Varmá í Mosfellssveit
HINN 8. þ.m. flutti póst- og
símaafgreiðslan að Brúarlandi í
nýtt póst- og símahús við Mark-
holt í Mosfellssveit.
Hið nýja póst- og símahús er 394
m! að grunnfleti á tveimur hæðum,
samtals 3.120 rúmm. Auk af-
greiðsluhúsnæðis á efri hæð er
salur fyrir sjálfvirka símstöð, en
byrjað verður á uppsetningu henn-
ar um næstu áramót. Á neðri hæð
verður m.a. aðstaða fyrir línu-
menn.
Við hönnun hússins var sérstak-
lega gert ráð fyrir auðveldari
umferð fatlaðs fólks og er ská-
braut fyrir hjólastóla komið fyrir
frá gangstétt að anddyri þess.
Við flutning stöðvarinnar frá
Brúarlandi breytist nafn hennar
og heitir hún nú póst- og símstöð-
in að Varmá. Stöðvarstjóri er
Marta B. Guðmundsdóttir.
Þíð læsíð dyrunum
ogleggiðafstað
Framundan bíða:
London Róm Karachi Bankok Manila Tokio
Hong Kong Honolulu San Fransisco New York.
Frœnka passar blómin,
amma börnin
og lyklana.
í Keflavík kemst fiðringurinn í
hámark. Þið leggið fram farseðla og
vegabréf... Svo eruð þið flogin.
Umhverfis jörðina
á 30 dögum á vegum ferðaskrifstofunnar Sunnu.
- Verðlaun í áskrifendaleik Dagblaðsins. -
Allir sem eru áskrifendur þann 20. ágúst eru Sértu ekki áskrifandi nú þegar,þá hringdu
með í leiknum. strax ogpantaðu áskrift. Opið til kl. 10 öll
kvöld nema laugardagskvöld.
WBIAÐIÐ
Áskrifendasími 27022
Lærðu númerið utanað. Um það verður spurt þegar þú vitjar vinningsins.