Morgunblaðið - 23.08.1978, Blaðsíða 31
MORGUNBLAÐIÐ, MIÐVIKUDAGUR 23. ÁGÚST 1978
31
„Gæti vel hugsað mér
að starfa á islandi,
en eingöngu hjá Val"
ÁRANGUR meistaraflokks Vals í sumar hefur vakið verðskuldaða athygli. Liðið hefur rutt hverri hindruninni af
annarri úr vegi og ekki tapað leik í íslandsmóti og bikarkeppni þegar þetta er skrifað. Valsmenn hafa eignazt
mörg met í sumar. Sigurður Haraldsson markvörður þeirra hélt marki sínu hreinu hátt í 20 klukkustundir í sumar
og telja fróðir menn að þar kunni að vera um heimsmet að ræða. Liðið hefur leikið án þess að missa stig lengur
en meistaraflokkslið nokkurs annars félags hefur gert. Fleira mætti telja, en allt ber að sama brunni» árangur
Valsliðsins er með ólíkindum.
íslandsmótið hefur verið ein-
vígi Vals og Akraness, en Valur
hefur allan tfmann haft yfirhönd-
ina og íslandsbikarinn ^istir á
Hlfðarenda næsta vetur. A sunnu-
daginn leika þessi stórveldi til
úrslita í bikarkeppninni og
spurningin er hvort Val tekst að
vinna tvöfalt í knattspyrnunni í
ár. Til að reyna að fá svar við
þessari spurningu og fleirum,
sem leitað hafa á hugann að
undanförnu, lögðum við leið
okkar heim til hins viðkunnan-
lega þjálfara Vals, Ungverjans
Gyala Nemes. Við komum okkur
þægilega fyrir f stofunni á heimili
hans yfir rjúkandi kaffi og
kökum. En sem sagt, tekst Val að
vinna tvöfalt í ár?
— Það get ég aðeins vonað,
segir Nemes og brosir. — I
knattspyrnunni getur allt gerzt og
enginn leikur er unninn fyrr en
dómarinn hefur flautað til leiks-
loka.
Nemes er fæddur í Ungverja-
landi árið 1938 og ólst þar upp.
Eins og gengur og gerist hjá
strákum hóf hann snemma að
sparka bolta. Tíu ára gamall hóf
hann að æfa íþróttina reglulega og
þá með Ferencvaros. 17 ára var
komið að fyrsta meistaraflokks-
leiknum og um þetta leyti var
hann valinn í unglingalandslið
Ungverjalands.
ENGINN UNGLINGALANDS-
LIÐSMANNANNA
SNERI HEIM TIL
UNGVERJALANDS
— 18 ára gamall var ég á
keppnisferðalagi með unglinga-
landsliðinu í Englandi, segir Nem-
es. — Ungverjar gerðu þá uppreisn
gegn hinum kommúnísku valdhöf-
um, en Rússar bældu hana niður
með vopnavaldi. Blóðið flaut í
stríðum straumum eftir strætum
heimalands okkar og enginn okkar
unglingalandsliðsmannanna átti
eftir að snúa heim til föðurlands-
ins. Ástandið var ótryggt og
uggvænlegt, við kusum að dvelja
landflótta í Evrópu, þrátt fyrir að
fjölskyldur okkar væru í Ung-
verjalandi.
— Við ferðuðumst víða um og
lékum sýningarleiki á vegum
Rauða krossins, en siðan gerðu
flestir okkar samninga við at-
vinnumar’nalið víðs vegar um
Evrópu. Sjálfur gerði ég samning
við FC Liege í Belgíu og lék með
liðinu í fjögur ár. Síðar lék ég með
Anderlecht, en hélt þá til Hollands
og var þar í átta ár, 4 hjá Twente
og 4 hjá Mastric, en bæði þessi lið
léku í 1. deild. Þá lá leiðin til
Hollands og Sviss, þar sem ég
starfaði við þjálfun.
• Valsmenn hafa í sumar hafið sig hátt til flugs undir
stjórn Nemesar þjálfara.
KEPPNISTÍMABILIÐ
_____BYRJAR OF SEINT
— Hver finnst þér helzti mun-
urinn á knattspyrnu hér og annars
staðar í Evrópu?
— Unglingaþjálfunin er betri
erlendis, það leynir sér ekki. Er
leikmenn eldast kemur í ljós-að þá
skortir tækni og meiri yfirvegun í
sjálfum leiknum. Vetrarfríin hér á
landi eru löng og undirbúningur-
inn fyrir sjálft keppnistímabilið
byrjar þar af leiðandi of seint. í
sambandi við unglingaþjálfunina
vil ég minnast á að þar þarf ekki
mikla úthaldsþjálfun. Strákarnir
eru á hlaupum allan daginn svo
ekki þarf að. leggja áherzlu á
úthald þeira. Það sem hins vegar
þarf að byggja upp í yngri
flokkunum er knatttækni og aftur
knatttækni.
— Reykjavíkurmótið eða slík
vormót eru algjör óþarfi. Liðin eru
ekki komin nægilega þjálfun og
leikirnir eru alltof margir svona
snemma á vorin. Þetta eyðileggur
undirbúning fyrir sjálft íslands-
mótið og betra væri að leika einn
til tvo æfingaleiki í viku, leiki, sem
leikmenn þurfa ekki að taka eins
alvarlega. Þá finnst mér leikdagar
vera of þétt yfir keppnistímabilið,
sérstaklega þegar tekið er tillit til
þess að ekki er um atvinnumenn
að ræða.
— í hverju liggja yfirburðir
Valsliðsins í sumar?
— Leikmenn Vals eru í betri
úthaldsþjálfun en leikmenn hinna
liðanna. Þá leika þeir hraðari
knattspyrnu en hin liðin og hafa
góða menn í lykilstöðum. Strax í
byrjun keppnistímabilsins voru
þeir ákveðnir í að standa sig vel og
leggja hart að sér á æfingum. Þá
hef ég aidrei kynnzt eins góðum
liðsanda og hjá Val. Það er eins og
allir séu bræður í liðinu. Agaregl-
um er fylgt út í æsar. Örfáir
reykja í liðinu og vín er á
bannlista fjórum dögum fyrir leik.
AKRANES OG ÞRÓTTUR
ERFIÐUSTU ANDSTÆÐING-
____________ARNIR_____________
— Hvaða möguleika á Valur í
Evrópukeppninni?
— Við getum hæglega sigrað
andstæðinga okkar í 1. umferð,
Magdeburg, hér heima. Við verð-
um að leika gætilega, en samt að
nota öll tækifæri til sóknar. Þeir
munu einnig leika gætilega, minn-
ugir þess að a-þýzka landsliðið
tapaði fyrir því íslenzka hér á
Laugardalsvellinum. Það er ávinn-
ingur fyrir okkur að fá heimaleik-
inn á undan, en við verðum að hafa
1 hugfast að Magdeburg er senni-
lega eitt af fjórum beztu liðunum
í keppninni. Leikmenn liðsins eru
í sérlega góðri líkamsþjálfun og
mjög sterkir.
— Hvaða liðum hér heima er
erfiðast að spila á móti?
— Tvímælalaust Akranesi og
svo Þrótti. Þá finnst leikmönnum
einnig mjög erfitt að mæta Vest-
mannaeyingum.
— Hvaða íslenzkir knatt-
spyrnumenn myndu sóma sér í
atvinnuknattspyrnu?
— Þeir eru nokkrir og t.d. hjá
Val hiklaust menn eins og Guð-
mundur Þorbjörnsson, Atli Eð-
valdsson og Albert Guðmundsson.
Þetta eru ungir menn með mikla
hæfileika. Pétur Pétursson, Akra-
nesi, og Janus Guðlaugsson, FH,
gætu einnig gert það gott, ef þeir
fengju tækifæri. Arnór Guðjohn-
sen, sem nýlega hefur undirritað
samning, hefur allt til að bera til
að ná langt.
— Hvað skortir íslenzk knatt-
spyrnulið mest til að ná árangri?
— Liðin þurfa að leika hreyfan-
legri knattspyrnu, fleiri þurfa að
taka þátt í sóknarleik og öfugt.
Þetta er hlutur, sem þróa verður
upp og tekur lengri tíma en eitt
keppnistímabil.
— Getur Valsliðið bætt knatt-
spyrnu sína í framtíðinni?
— Já, alveg tvímælalaust ef
hópurinn Keldur vel saman. Hjá
Val eru ungir leikmenn og þeir
geta gert stára hluti ef þeir fá
rétta þjálfun.
— Hvernig hefur þér líkað að
starfa á íslandi?
— Ég er mjög ánægður. Þetta
hefur verið góður tími fyrir mig og
ég hef eignazt marga vini á
íslandi.
— Gætirðu hugsað þér að starfa
áfram við þjálfun?
— Já, svo sannarlega. Mér
hefur líkað sérstaklega vel hjá Val
og strákarnir eru einstakir. En ég
vil að það komi skýrt fram, að
annað lið hér á landi þjálfa ég
ekki. Eingöngu Val. Ég gæti vel
hugsað mér að setjast hér að og
búa hér. Hér er hægt að vinna
mikið starf við unglingaþjálfun og
hún hefur ávallt verið mér hug-
leikin.
Þar með setjum við punktinn
aftan við spjall okkar við Ung-
verjann Gyala Nemes. íslenzkri
knattspyrnu er fengur að slíkum
mönnum. Nemes hefur unnið gott
starf með þann-góða efnivið, sem
Valur býr yfir og Sovétmaðurinn
Youri Ilytchev gerði að stórveldi.
Nemes hefur byggt ofan á þá
vinnu, sem þegar hafði verið
unnin er hann kom til landsins.
Við spurðum í upphafi hvort
Valur ynni tvöfalt í ár. Þeirri
spurningu er enn ósvarað og
tíminn einn getur skorið úr. Víst
er að Valur og Nemes hafa þegar
skrifað blað í íslenzkri knatt-
spyrnusögu. — ÞR/— áij.
„Fjárhagur
sambandsins
of bágborinn
til að senda
þjálfara með"
Það hefur vakið nokkra
athygli meðal frjálsíþrótta-
fólks að Elfas Sveinsson skyldi
vera valinn til keppni á EM í
tugþraut þar sem hann var
ekki búinn að ná lágmarkinu.
Þá hafa margir velt því fyrir
sér hvers vegna enginn þjálf-
ari fer með hópnum. íþrótta-
síðan hafði samband við Örn
Eiðsson formann FRÍ, og innti
hann eftir þessu.
— Á hvaða forsendum er
Elías Sveinsson valinn?
— Framfarir Elíasar í ein-
stökum greinum að undanförnu
eru augljósar, og við eigum von
á því að hann geti náð 7500
stigum í tugþraut á EM ef allt
verður í lagi. Elías vantaði
aðeins hundrað stig upp á að ná
lágmarkinu, þannig að staða
hans var svipuð og hjá Jóni
Diðrikssyni sem vantaði nokk-
ur sek. brot upp á lágmarkið. —
Hins vegar var rétt að benda á
að ef á að senda tvo menn í ,
grein verður seinni maðurinn ]
að hafa náð sérstökum lág-'
marki sem við setjum ekki,
heldur stjón EM mótsins og
bæði Sigurður Sigurðsson og
Erlendur Valdimarsson hafa
ekki náð því. Óskar Jakobsson
og Vilmundur Vilhjálmsson
hafa hins vegar náð lágmarks
árangri.
— Ilvers vegna fer enginn
þjálfari með hópnum?
— Frjálsíþróttasambandið
hefur engan landliðsþjálfara á
sínum vegum. Til þess er
fjárhagurinn of bágborinn. Við
höfum gefið þjálfurum kost á
að fara út með landsliðum í
sumar, Ólafur Unnsteinsson fór
á kastlandskeppnina í Dan-
mörku, Guðmundur Þórarins-
son og Stefán Jóhannsson fóru
á Kalottkeppnina. Nú óskaði
hinsvegar Hreinn Halldórsson
eindregið eftir því að Guðni
Halldórsson færi með, sem
nuddari og aðstoðarmaður, og
stjórn FRÍ samþykkti það.
Albert Guðmundsson var svo
velviljaður að greiða ferð hans
þannig að hann fer FRÍ að
kostnaðrlausu.
Þr.
Mettilraunir
Vilmundar
• VILMUNDUR Vilhjálmsson
gerir í kvöld tilraun til að
hnekkja íslandsmetunum í 100
yarda, 60 metra og 300 metra
hlaupum á innanfélagsmóti,
sem KR gengst fyrir á nýja
vellinum f Laugardal. Mótið
hefst klukkan 19 í kvöld.
Rætt við Ungverjann Gyala Némes, sém náð
hefur urrdraverðum árangri með Val Psumar
2 leikir
íkvöld
í KVÖLD fara fram
tveir leikir í 1. deild í
knattspyrnu. Á Laugar-
dalsvelli leika Fram og
ÍBK og í Kópavogi leika
UBK og Þróttur. Hef jast
báðir leikirnir kl. 19.00.