Morgunblaðið - 24.08.1978, Blaðsíða 21

MÖRGUNBLAÐIÐ, FIMMTUDAGUR 24. ÁGÚST 1978
21
2 bátar
úrEyjum
stranda
Svar flokksstjórnar Alþýðuflokksins:
Ekki tímabært að ræða um stjórnarfor-
ystu fyrr en málefnasamningur er kominn
Siikkulaðikex með kuemi
MIÐJAN FRÓN
Höfn í Hornafirði, 23. ágúst.
TVEIR Vestmannaeyjabátar,
Sti'gandi 2. og Ölduljón, strönd-
uðu við Ósland í Hornafjarðarósi
þegar bátarnir voru að koma inn
til Ilafnar snemma í morgun.
Mikil þoka var þegar bátarnir
komu inn ósinn og virðist sem
þeir hafi beygt oí seint.
Reynt var að ná bátunum á flot
á flóðinu í dag, en það tókst ekki.
Aftur var reynt á flóðinu í kvöld,
og náðist Ölduljón á flot um kl. 21
og Stígandi 2. skömmu eftir kl. 22.
Bátarnir voru að koma til
Hafnar til að fá ís, en þeir eru að
fiska í sig fyrir siglingu.
Ölduljós VE 130 er 157 rúmlestir
að stærð og Stígandi 2. VE 477 er
176 rúmlestir.
Elías.
Fjórir f alla
í Rhódesíu
Salisbury, 23. ágúst — Reuter
TVEIR þjóðernissinnaðir skæru-
liðar og tveir svartir óbreyttir
borgarar hafa látið lífið í síðustu
átökum í' Rhódesíu en átökin áttu
sér stað í hverfum svartra í
höfuðborginni á mánudag og
þriðjudag.
Enn er leitað þriggja manna
sem taldir eru tilheyra hópi
þjóðernissinnaðra skæruliða sem
sendir voru til höfuðborgarinnar
til að ráða af dögum svarta
ráðherra í bráðabirgðastjórn
landsins.
Talsmaður þjóðernissinna sagði
í dag að samtökin væru undir það
búin að koma stjórn Rhódesíu frá
völdum inhan 10 mánaða í vopnuð-
um átökum ef þess væri nauðsyn.
Líbansk-
ur her í S-
Líbanon?
Jerúsalcm. 23. ágúst — AP
SÉRSTAKUR sendifulltrúi Sam-
cinuðu þjóðanna sagði á þriðju-
dag, að Israelsmenn hefðu sam-
þykkt að leyfa her Líbanons að
taka sér stöðu á hinu viðkvæma
landamærasvæði í Suður-
Líbanon.
Sendifulltrúinn, Brian Urquhart
aðstoðarframkvæmdastjóri S.Þ.,
sagðist ekki enn hafa haldið fund
með fulltrúum kristinna hægri
manna í Líbanon, sem stöðvað
hafa framsókn líbanska hersins
með stórskotaliðsárásum.
Bæði ísraelsmenn og kristnir
menn eru á móti því að líbanski
herinn taki sér stöðu í landamæra-
héruðunum, vegna þess að Sýr-
lendingar hafa mikil ítök í líb-
önsku stjórninni. Svo virðist sem
Urquhart hafi ætlað að fá ísraels-
menn til að beita áhrifum sínum
á kristna menn.
„í megindráttum liggur sam-
komulagið fyrir," sagði Urquhart í
viðtali við ísraelska útvarpið, eftir
að hafa rætt við ráðamenn í írael.
„ÞAÐ kom greinilega í ljós á
þessum fundi að flokks-
stjórnarfólki okkar voru það
vonbrigði að undirbúningur
stjórnarsamningsins í heild
skuli ekki lengra kominn“,
sagði Benedikt Gröndal for-
maður Alþýðuflokksins eftir
fund í flokksstjórn Alþýðu-
flokksins, sem stóð í 3 tíma í
gær. „Þaö kom fram í máli
manna“, sagði Benedikt, „að
þeir töldu ekki nægilegt að
mynda stjórn til fjögurra mán-
aða“. Spurningu um það hvort
Alþýðuflokkurinn vildi mynda
þessa stjórn til eins kjörtíma-
bils svaraði Benedikt. „Sá
möguleiki er fyrir hendi þegar
um meirihlutastjórn er að
ræða“. Benedikt sagði að al-
menn afstaða manna hefði
verið sú að meðan þeir vissu
ekki meira um málefna-
samninginn, þá væri ástæðu-
laust að fjölyrða um hugsan-
iega skiptingu ráðuneyta og
um það hvort Alþýðuflokkur-
inn myndi eftir allt saman geta
samþykkt Lúðvík Jósepsson
sem forsætisráðherra sagði
Bencdikt. „Um það get ég ekki
sagt“.
Kjartan Jóhannsson varafor-
maður Alþýðuflokksins var að
því spurður hvort það hefði
komið fram í viðræðunum að
hjnir flokkarnir tveir hefðu ekki
áhuga á að ræða lausn efna-
hagsmála til . lengri tíma en
fram að áramótum. „Við höfum
lagt sérstaka áherzlu á þessa
næstu mánuði", sagði Kjartan.
„En það þýðir ekki að menn hafi
ekki áhuga á að líta til lengri
tíma. Það hefur bara ekki gefizt
tóm til þess ennþá".
Flokksstjórn Alþýðuflokksins
samþykkti eftirfarandi svar við
bréfi Lúðvíks Jósepssonar:
„Flokksstjórn Alþýðuflokks-
ins lýsir- ánægju sinni með
framgang stjórnarviðræðna Al-
þýðuflokks, Alþýðubandalags og
Framsóknarflokks. Flokks-
stjórnin bendir þó á að einungis
hefur náðst samstaða milli
flokkanna um efnahagsráð-
stafanir næstu fjóra mánuði.
Málefnasamningur meirihluta-
ríkisstjórnar á hins vegar að ná
yfir öll svið þjóðmála. Þrátt
fyrir málefnalega samstöðu
flokkanna um efnahagsaðgerðir
næstu mánuði eru enn veiga-
mikil atriði óútkljáð svo sem
efnahagsstefnan til frambúðar,
utanríkismál og ekki sízt ýmis
umbótamál á sviði löggjafar og
efnahagsmála.
•Flokksstjórnin felur þing-
flokknum að knýja á um að sem
allra fyrst verði lagður fram
slíkur málefnasamningur þess-
ara þriggja flokka. Fyrr ,en sá
málefnasamningur liggur fyrir
telur Alþýðuflokkurinn ekki
tímabært að ræða um stjórnar-
forystu eða skiptingu ráðuneyta
milli flokka enda væri það í
fullu ósamræmi við þær hefðir
sem ríkt hafa í sambandi við
myndanir ríkisstjórna til þessa.
Flokksstjórnin leggur höfuð-
áherzlu á að málefnaleg sam-
staða náist með flokkununT svo
og lausn á forystuvandamálinu.
Flokksstjórnin minnir ennfrem-
ur á að efnahagsvandinn eykst
með hverjum degi og ekki má
dragast öllu lengur að mynduð
verði ríkisstjórn þeirra flokka er
nú ræðast við“.