Morgunblaðið - 24.08.1978, Blaðsíða 34

34
MORGUNBLAÐIÐ, FIMMTUDAGUR 24. ÁGÚST 1978
• Jón Diðriksson, Lára Sveinsdóttir og Ása Halldórsdóttir eru ánægð
með árangurinn. en skömmu áður en myndin er tekin setti Ása
„krullur“ í hárið á Jóni og átti tiltækið sér stað í Siegburg í
VesturÞýzkalandi í sumar í æfingabúðum fslenzkra frjálsíþrótta-
manna þar. Hinir borgfirzku lambslokkar Jóns voru ekki langlífir
því hann þó þá úr skömmu eftir að myndin var tekin.
• Vilmundur Vilhjálmsson sýnir meistaratakta í borðtennis. Myndin
er tekin í æfingabúðum íslenzkra frjálsíþróttamanna í Siegburg í
Vestur-Þýzkalandi í sumar en þar sýndi Vilmundur að hann er ekki
aðeins góður frjálsíþróttamaður, heldur er hann jafnframt vel
liðtækur borðtennisleikari. Viimundur er og alhliða íþróttamaður, því
hann var íslandsmeistari í knattspyrnu með yngri flokkum Víkings
hér áður fyrr. ljósm. — ágás.
RÓÐUR ÍSLENDINGANNA
VERÐUR ERFIÐUR I PRAG
ÓHÆTT er að segja að róðurinn verði þungur hjá íslenzku frjálsíþróttamönnunum
sem taka þátt í Evrópumeistaramótinu í Prag í lok mánaðarins og byrjun þess næsta
en þeir halda utan í dag. Að afreksgetu er hópurinn þó sterkari en nokkur annar
hópur sem sendur hefur verið á stórmót sem þetta, og með það í huga eru talsverðar
♦ vonir bundnar við fimmmenningana. Einkum og sér í lagi binda frjálsíþróttaunnend-
ur miklar vonir við-þá Hrein Halldórsson og Oskar Jakobsson. í hópnum eru bæði
láir og knáir menn. Elías Sveinsson, sem er 1.86 m að hæð, er sá eini þeirra sem
er undir 1.90 m á hæð.
Hreinn Halldórsson fer til
mótsins sem þriðji bezti kúluvarp-
ari Evrópu í ár. Samkvæmt
síðustu upplýsingum hafa aðeins
Þjóðverjinn Udo Beyer (22,5 m —
heimsmet) og Finninn Reijo
Staáhlberg (20,96 m) kastað lengra
en Hreinn, sem á Reykjavíkurleik-
unum á dögunum kastaði 20,95
metra. En það verður vafalaust
hart barizt um verðlaunin og
kemur heppni og óheppni til með
að ráða nokkru um röðun manna
þar sem keppendur eru nokkuð
jafnir. Tveir Sovétmenn Jarosh og
Mironov, hafa kastað 20,89 og
20,82m, og skammt þar á eftir
koma austur-þýzki kringlukastar-
inn Wolfgang Schmidt með 20,76m
frá því í vor, og Bretinn Geoff
Capes sem á bezt 20,62 m í ár. Hér
eru nefndir sjö kúluvarparar, en
gm 10 aðrir Evrópumenn hafa
kastað kúlunni yfir 20 metra í ár,
og má af því einu ráða að róður
Hreins verður erfiður, þótt ís-
lenzka þjóðin öll óski honum
velgengni í Prag.
Öskar Jakobsson er talinn eiga
góða möguleika á því að komast í
aðalkeppnina í kringlukastinu, en
til þess þarf hann að kasta 61
metra í undankeppninni eða vera
meðal tólf beztu þar kasti ekki
allir þátttakendur yfir 61 metra.
Vonandi er að Óskari takist vel
upp, því hann hefur sýnt það að
undanförnu að hann er nokkuð
öruggur með 61—62 metra köst.
En það er við ramman reip að eiga
því að skv. nýjustu upplýsingum er
64,00 metra kast Tékkans Ludvig
Danek tólfti bezti árangur í
Evrópu í ár. Beztur Evrópubúa er
Wolfgang Schmidt frá Aust-
ur-Þýzkalandi en hann setti ný-
lega heimsmet í greininni, kastaði
71,16 metra. Næstur honum kemur
Búlgaríumaðurinn Welko Velev,
eiginmaður Fainu Melnik, með
68,82 metra frá fyrri helgi, og
þriðji á listanum er Sovétmaður-
inn Alex Klimyenko með 65,78 m.
Þar á eftir koma Knut Hjeltnes
Noregi með 65,44 m. Farango frá
Ungverjalandi með 64,90 m,
Mavku Tukkao frá Finnalndi með
64,64 m, Wagner Austur-Þýzka-
landi með 64,60, Imrich Bugar frá
Tékkóslóvakíu með 64,54 m og
Warnemunde frá Austur-Þýzka-
landi með 64,48 metra.
Jón Diðriksson mætir sterkum
andstæðingum og ekki er hægt að
reikna með að hann komist í úrslit
eða milliriðla þó að beztu óskir
fylgi honum. Jón á stórgóða
möguleika á að bæta Islandsmet
sín í 800 m (1:49,3) og 1500 (3:44,4)
hlaupum í Prag, en til að komast
í úrslit í þessum greinum þurfa
menn að' hafa hlaupið á 1:46,0 í 800
m og vel undir 3:40,0 í 1500 m.
A.m.k. 10 manns hafa hlaupið 800
m á 1:46,1 eða betur og Finninn
Anti Loikkanen, sem varð Evrópu-
meistari innanhúss í 1500 m í
vetur og hl'aupið hefur á 3:37,6
mínútum utanhúss í sumar, er
aðeins 10. bezti Evrópubúinn í ár.
Beztir í 800 m eru Sebastian Coe
frá Bretlándi (1:44,3 ), Steve
Ovett frá Bretlandi og Andreas
Busse, 19 ára Austur-Þjóðverji
(1:45,5). Beztir í 1500m eru Dave
Moorcroft frá Bretlandi ( 3:35,5),
Ovett (3:35,6) og John Robson frá
Bretlandi (3:35,6).
Vilmundur Vilhjálmsson mætir
miklum kempum, þ.á.m. fljótasta
hvíta manninum, Skotanum Alan
Wells sem í ár hefur hlaupið 100
m á 10,07 sekúndum. Ásamt Wells
berjast sennilegast um verðlaunin
í 100 og 200 m á 20,12 þeir Pietro
Mennea frá Ítalíu og Eugen Ray
frá Austur-Þýzkalandi, en þeir
hafa verið yfirburðamenn í sprett-
hlaupum í Evrópu í nokkur ár.
Einnig koma inn í dæmið Pólverj-
inn' Woronin og Sovétmaðurinn
Kolesnikov sem báðir hafa hlaupið
undir 10,30 sekúndum á samkv.
rafmagnstímatölfu. Þá hljóp
Desruelles, belgískur langstökkv-
ari, á 9,9 sekúndum þegar tími var
tekinn á skeiðklukku í sumar.
Elías Sveinsson keppir í tug-
þraut og verður róður hans ekki
auðveldari en hjá hinum Is-
lendingunum, því tveir keppinauta
hans, Guido Kratschmer frá Vest-
ur-Þýzkalandi og Daley Thompson
frá Bretlandi, hafa náð um 100
stigum betri árangri en Elías.
Talið er að einvígi þeirra
Kratschmer og Thompson um
Evrópumeistaratitilinn verði há-
punktur mótsins í Prag. Beztu
tugþrautarmenn Evrópu, skv. nýj-
ustu upplýsingum, eru: Kratschm-
er 8498 stig, Thompson 8467 stig,
Stark, Austur-Þýzkalandi, 8205
stig (40 stig dregin af árangri sem
hann náði þar sem tími i hlaupum
var tekinn á skeiðklukku en ekki
rafmagnsklukku): —ágás.
HREINI
TIL HELSINKI
Ilreini Ilalldórssyni hefur vcrið boðið að taka þátt í alþjóðlegu
stórmóti í Helsinki að loknu Evrópumeistaramótinu í frjálsíþróttum
í Prag. í spjalli við Mbl. sagðist Hreinn keppa á mótinu í Ilelsinki
6. steptember ef honum tækist vel upp í Prag í lok mánaðarins. „Ef
mér gengur ekki vel í Prag, þá er mér sjálfum fyrir beztu að koma
mér strax heim og hvíla mig svolítið,“ sagði Hreinn.
BOÐHD
• Hressir Valsmenn taka Nemes þjálfara sinn og tollera að loknum leiknum á
Akureyri í fyrrakvöld.
Meistaraverkið
fullkomnað...
• Teningaspil var meðal þeirra íþrótta, sem Valsmenn gripu til
meðan beðið var eftir flugi norður og sfðan eftir að leikurinn
hæfist. Það eru Guðmundur, Vilhjálmur og Ingi Björn sem þarna
föndra við teningana.
• Sfðdegisblöðin fjölluðu um möguleika KA f leiknum við Val og
eitthvað hafa þeir fundið svart á hvítu Atli, Sævar og Jón, sem
kom þeim til að brosa.