Morgunblaðið - 01.09.1978, Blaðsíða 2
MORGUNBLAÐIÐ, FÖSTUDAGUR 1. SEPTEMBER 1978
Ráðherramir hjá
Alþýðubandalaginu
JÓN BALDVIN HANNIBALSSON sést hér flytja búslóð þeirra
hjóna í gær. Ljósm. Úlfar.
Hrekst skóla-
meistari úr
starfi á Ísafirði?
ÚTLIT er fyrir aö Jón Baldvin
Hannihalsson skólameistari
menntaskólans á ísafirði. sé að
hrekjast burt héðan, vegna van-
efnda menntamálaráðherra og em-
hættismanna hans. Jón Baldvin,
sem tók við stöðu skólameistara við
menntaskóiann á ísafirði, þegar til
embættisins var stofnað 1970 lagði
grundvöllinn að starfsemi skólans
og útvegaöi m.a. leiguhúsnæði til
kennslu og fyrir kennara og
nemendur skólans.
Sjálfur hefur Jón Baldvin hinsveg-
ar verið á hrakhólum með fjölskyldu
sína og hefur búið á fjórum stöðum
þau áttá ár, sem hann hefur búið
hér. í júní 1971 var lögð fram
byggingaráætlun fyrir skólann þar
sem m.a. var gert ráð fyrir byggingu
3 kennaraíbúða og íbúð skólameist-
ara. Ekkert bendir til að þær
framkvæmdir hefjist á næstunni. A
síðastliðnu hausti bauðst ráðuneyt-
inu til kaups hús Sigurðar Kristjáns-
sonar sóknarprests hér, sem þá var
að flytja burtu. Var því þá borið við
að ekki væri hægt að kaupa, þar sem
slíkt væri ekki á fjárlögum. Hinsveg-
ar heimilaði ráðherra að húsið yrði
leigt til eins árs meðan unnið yrði á
kaupunum. Flutti Jón Baldvin með
fjölskyldu sína í húsið Pólgötu 10
síðast liðið haust. Síðan gerðist
ekkert í málunum af hálfu ráðuneyt-
isins og seldi eigandinn öðrum húsið
á afliðnum vetri. I mars s.l. ritaði
skólameistari ráðherra bréf, þar sem
hann tilkynnti, að yrði húsnæðismál-
um hans ekki komið í viðunandi horf
fyrir 1. sept. n.k. liti hann á það sem
uppsögn af hálfu ráðuneytisins. I
maí bauðst hús til kaups, en því var
ekki sinnt og standa málin þannig í
dag, að Jón Baldvin er að flytja út
úr íbúðinni þar sem húsaleigusamn-
ingurinn er úti á miðnætti og verður
ekki endurnýjaður. Flytja þau hjón-
in með börnin í nemendaherbergi í
heimavist menntaskólans til bráða-
birgða, en búslóðin er pökkuð í gáma
til lengri flutnings.
Það skal tekið fram, að á þeim
tíma sem Jón Baldvin hefur verið
skólameistari hér, hafa verið keyptir
13 embættisbústaðir á ísafirði og tók
það t.d. samráðherra menntamála-
ráðherra og flokksbróður aðeins
örfáa mánuði að kaupa embættisbú-
stað fyrir prestinn, sem tók hér við
embætti á s.l. sumri. Hefur það
heyrst að Jón Baldvin telji sig lausan
úr starfi á morgun, föstudag, og því
á ábyrgð ráðuneytis hvernig mál
menntaskólans þróast, en skólann á
að setja 10. september n.k.
Jón Baldvin og kona hans Bryndís
Schram, en hún hefur einnig kennt
við skólann og verið skólameistari
hans í eitt ár, hafa verið vel liðin í
starfi af nemehdum sínum og
kennurum og er talið ólíklegt, að
öðrum manni hefði tekist betur en
Jðni að koma þessari þýðingarmiklu
menntastofnun hér vestra það áleið-
is sem hún er þó komin. — Úlfar.
VAL á ráðherrum í vinstri
stjórnina reyndist Alþýðubanda-
laginu erfitt viðfangs. bessi mál
réðust ekki á flokksstjórnarfundi
sem stóð fram á kvöld í fyrradag,
og var þá skotið á þingflokks-
fundi í kjölfar hans til að útkljá
þes*i mál. Fékkst loks niðurstaða
um ráðherraefnin á fjórða ti'man-
um í fyrrinótt og verkaskipting
var síðan ekki ákveðin þeirra á
milli fyrr en í gærmorgun.
Töluverðar sviptingar urðu á
þingflokksfundinum. Fyrir hann
lá einungis fyrir að Ragnar
Arnalds var tilbúinn til að taka við
ráðherraembætti í ríkisstjórninni
og nokkurn veginn ljóst að Hjör-
leifur Guttormsson myndi einnig
verða ráöherra, þar eð Lúðvík hélt
honum mjög fram, því að hann
reyndist sjálfur algjörlega ófáan-
légur til að taka sæti í ríkisstjórn-
inni. Mjög hart var gengið á Geir
Gunnarsson á þingflokksfundinum
um að taka sæti í ríkisstjórninni,
enda þótt hann væri búinn að
margneita því, vegna óánægju með
efnahagsstefnu stjórnarinnar og
herstöðvamálið.
Kjartan Olafsson varaformaður
flokksins var einnig genginn úr
skaftinu af svipaðri ástæðu og
beindust þá spjótin að Svavari
Gestssyni sem fyrsta þingmanni
flokksins í stærsta kjördæminu,
Reykjavík. Ekki voru menn í
þingflokknum sáttir við Svavar,
sérstaklega var andstaða gegn
honum hjá fulltrúum verkalýðs-
hreyfingarinnar í þingflokknum
og var látið í það skína að menn
vildu ekki missa hann af Þjóð-
viljanum.
Niðurstaðan varð þó um síðir sú
að Svavar var samþykktur sem
ráðherrefni. Þremenningunum var
síðan falið að gera út um það sín
á milli hvaða ráðuneyti þeir tækju,
og þar var Ragnar nánast neyddur
til að taka menntamálaráðuneytið,
þar sem hinir vildu það ekki, en
beittu þeim rökum að Ragnar
hefði verið helzti forsprakki þess
að Alþýðubandalagið væri komið í
þessa ríkisstjórn.
Flokksstjórnarfundur Alþýðuflokksins:
Benedikt bað
Gylfa afsökunar
EINS og Mbl. skýrði frá í gær sló
í harða hrýnu milli Gylfa Þ.
Gíslasonar fyrrverandi formanns
Alþýðuf lokksins og Benedikts
Gröndal. Gylfi gagnrýndi harðlega
hversu litlu Alþýðuflokkurinn hefði
náð að ráða um efni samstarfsyfir-
lýsingarinnar og gerði efnahags-
málin að sérstöku umtalscfni. Sagði
hann að stefna samstarfsyfirlýs-
ingarinnar væri þannig að allir
sérfræðingar væru sammála um að
hún lciddi til einskis annars en
ófarnaðar og kvað Gylfi það hart,
þar sem Alþýðuflokkurinn hefði
byggt upp efnahagsmálastefnu sem
menn væru sammála um að væri
jákvæð og til þess að snúa við
óhcillaþróuninni f efnahagsmálum.
Benedikt Gröndal svaraði Gylfa af
fullri hörku og vísaði m.a. varðandi
efnahagsmálin til yfirlýsingar
Kjartans Jóhannssonar varafor-
manns flokksins þess efnis að
Alþýðuflokkurinn hefði loforð hinna
tveggja fyrir því að efnahagsstefna
ríkisstjórnarinnar yrði sveigð að
stefnu Alþýðuflokksins þegar í
ríkisstjórn væri komið þótt þessa
væri ekki getið í samstarfsyfirlýs-
ingunni. Þá lagði Benedikt áherzlu á
þá festu sem Alþýðuflokkurinn
hefðu sýnt varðandi utanríkismálin
í stjórnarmyndunarviðræðunum.
Undir lok máls síns gerðist
Benedikt nokkuð persónulegur og
það svo að í fundarlok beindi hann
máli sínu til Gylfa og bað hann
afsökunar ef hann hefði höggvið of
nærri honum persónulega í máli
sínu.
Vilmundur Gylfason endaði síðari
ræðu sína með þessum orðum:
„Þetta er sóðaskapur. Þetta er
subbuskapur. Þetta eiga kjósendur
okkar ekki skilið".
Sj álistæðisflokkur var tilbúinn
til samstarfs við Alþýðuflokk
SJÁLFSTÆÐISFLOKKURINN var reiðubúinn til þess að ganga til
samstarfs við Alþýðuílokkinn um meirihlutastjórn þessara tveggja
flokka undir íorsæti Alþýðuílokksins, að því er Morgunblaðið hefur
fregnað. Um það bil er tilraun Lúðvíks Jósepssonar til stjórnarmynd-
unar var að fara út um þúfur og ólafur Jóhannesson að taka við,
ítrekuðu forystumenn Sjálfstæðisflokksins við forystumenn Alþýðu-
flokksins, að af hálfu Sjálfstæðisflokksins væri þessi kostur til staðar.
í þessari viku munu ýmsir manna Alþýðuflokksins sem frum-
áhrifamenn í Alþýðuflokknum
hafa kannað með óformlegum
hætti, hvort til greina ;ræti komið
að Sjálfstæðisflokkurinn veitti
minnihlutastjórn Alþýðuflokks
hlutleysi. Innan Sjálfstæðisflokks-
ins munu hafa verið skiptar
skoðanir um það en niðurstaðan
varð sú, að áhrifamönnum í
Alþýðuflokknum var kunnugt um,
að forystumenn Sjálfstæðisflokks-
ins voru reiðubúnir til þess að
beita sér fyrir því innan þing-
flokks Sjálfstæðisflokksins, að
kostur væri á slíku hlutleysi, áður
en Alþýðuflokkurinn tók endan-
lega afstöðu til þátttöku í vinstri
stjórn.
Töluverður kurr varð á flokks-
stjórnarfundi Alþýðuflokksins í
fyrrakvöld meðal þeirra þing-
kvæði höfðu haft um þessar
áþreyfingar, þegar Benedikt Grön-
dal gat í engu um hina jákvæðu
afstöðu forsvarsmanna Sjálfstæð-
isflokksins til hugsanlegrar minni-
hlutastjórnar flokksins. Þetta
leiddi til þess að Bragi Sigurjóns-
son alþingismaður reis upp og
kvaðst hafa sannreynt að þessi
möguleiki væri fyrir hendi en það
hlaut ekki frekari hljómgrunn á
fundinum eftir því sem Mbl. hefur
fregnað.
„Ég hafði bent á það á þings-
flokksfundi daginn áður að mér
litist ekki á þessa stjórnarsam-
vinnu sem við stefndum í. Ég
stakk þá upp á því og óskaði eftir
að það yrði kannað, hvort mögu-
leikinn á minnihlutastjórn Al-
þýðuflokksins með stuðningi Sjálf-
stæðisflokksins væri fyrir hendi.
Þessu var ekki sinnt af forystu
flokksins en hins vegar fékk ég
þær upplýsingar inn á flokks-
stjórnarfundinn að það lægju fyrir
mikil líkindi til þess að þetta væri
möguleiki, sem mætti kanna,“
sagði Bragi Sigurjónsson alþingis-
maður er Mbl. leitaði staðfesting-
ar hans á þessu.
„Það sem ég hafði í huga með
þessum möguleika," sagði Bragi,
„var að þá væri Alþýðuflokkurinn
ekki alltaf í þeirri aðstöðu að
þurfa að semja við harðvítuga
andstæðinga sína inni í ríkisstjórn
eins og ég tel að reyndin v.erði nú.
Meira vil ég ekki segja um þetta
7 0 þús. tunnur til Sví-
þióðar og Sovétríkja
TEKIZT hafa samningar um sölu
á 50 þúsund tunnum af saltaðri
Suðurlandssíld til Sv íþjóðar og 20
þúsund tunnum til Sovétríkj-
anna. Eru þetta fyrstu íyrirfram-
samningarnir sem tekizt hafa um
sölu á saltaðri Suðurlandssfld af
komandi vertíð, en eins og
Morgunblaðið hefur skýrt frá, þá
mega síldveiðar í reknet hefjast á
morgun. laugardag.
Morgunblaðið hafði í gær sam-
band við Gunnar Flóvenz fram-
kvæmdastjóra Síldarútvegsnefnd-
ar og spurðist fyrir hvað liði
fyrirframsölu á saltaðri Suður-
landssíld.
Gunnar Flóvenz sagði, að samn-
ingaumleitanir hefðu staðið yfir
alllengi. Fyrir nokkru hefði hins
vegar Verið samið um fyrirfram-
sölu á 50 þús. tunnum af ýmsum
tegundum saltsíldar til Svíþjóðar
og í gær hefðu verið undirritaðir
samningar um sölu á 20 þúsund
tunnum til Sovétríkjanna. Sagði
Gunnar að í þeim samningum væri
m.a. tekið fram, að viðræður um
viðbótarmagn skuli fara fram í
september í Moskvu.
Magnið, sem nú hefur tekizt að
selja til Svíþjóðar, er svipað og á
s.l. ári, en þá keyptu Sovétmenn 45
þúsund tunnur af saltsíld frá
Islandi.
Guðmundur H. Garðarsson:
Ályktunin gæti leitt
til lögbindingar
GUÐMUNDUR H. Garðarsson
formaður Verzlunarmannafélags
Reykjavíkur greiddi einn at-
kvæði gegn ályktun fundar mið-
stjórnar Alþýðusambandsins og
landssambanda þess í gær og
sneri Mbl. sér til Guðmundar og
spurði hann hvað valdið hefði
sérstöðu hans á þessum fundi.
„Ástæðan fyrir því að ég greiddi
atkvæði með þessum hætti," sagði
Guðmundur, „er fyrst og fremst
eftirfarandi, eins og reyndar kom
fram þegar ég gerði grein fyrir
atkvæði mínu á fundinum: Þar
sem ég lít svo á að hætta sé á því
að samþykkt þessarar ályktunar
geti leitt til lögbindingar kjara-
samninga í landinu í heild til 1.
desember 1979 greiddi ég atkvæði
gegn ályktuninni. Ég tók það skýrt
fram, að ég væri fylgjandi ýmsum
atriðum í ályktuninni enda oft
tekið jákvæða afstöðu til eða haft
forystu um ýmis þeirra innan
verkalýðshreyfingarinnar.
Þessi ákveðna afstaða mín
mótaðist m.a. af því, að hvergi er
viðurkennd sú sérstaða sem verzl-
unar- og skrifstofufólk hefur
varðandi grunnkaupsleiðréttingar
móts við sambærilega hópa innan
BSRB og SÍB. Það kom fram í
ræðum á fundinum, að til þess að
tryggja framgang þeirra fyrir-
heita í stjórnarsáttmála, er lúta
að fyrsta lið ályktunarinnar um
samningana í gildi, þyrfti að grípa
til lögþvingunar, ef vinnuveitend-
ur féllust ekki á það sem þar um
ræddi. Einn ræðumanna, sem er
forystumaður innan Alþýðu-
bandalagsins sagði að með því að
samþykkja ályktunina óbreytta,
væri verkalýðshreyfingin að
skuldbinda sig til að fara ekki
fram á grunnkaupshækkanir og sá
hinn sami lauk máli sínu með
þessum orðum: „Við fögnum því að
fá að samþykkja svona plagg til
þessarar ríkisstjórnar."
Björn Þórhallsson formaður
Landssambands ísl. verzlunar-
manna sat hjá við atkvæðagreiðsl-
una en gerði svohljóðandi grein
fyrir atkvæði sínu:
„Með vísun til 2. tl. 2. m.g.
ályktunar þeirrar, sem hér liggur
fyrir og sérstöðu verzlunarfólks,
en kauptaxtar þess eru stórum
lægri en annarra fjölmennra
launþegahópa sem sams konar eða
sambærileg störf vinna, greiði ég
ekki atkvæði með ályktuninni,
enda tel ég ekki tímabært að
álykta nú um mál þessi meðan
ekkisjást á þeim efndirnar."