Morgunblaðið - 01.09.1978, Blaðsíða 16

16
MORGUNBLAÐIÐ, FÖSTUDAGUR 1. SEPTEMBER 1978
MORGUNBLAÐIÐ, FÖSTUDAGUR 1. SEPTEMBER 1978
17

Utgefandí
Framkvæmdastjóri
Ritstjórar
Ritstjórnarfulltrúi
Fréttastjóri
Auglýsingastjóri
Ritstjórn og afgreiósla
Auglýsingar
hf. Árvakur, Reykjavík.
Haraldur Sveinsson.
Matthías Johannessen,
Styrmír Gunnarsson.
Þorbjörn Guðmundsson.
Björn Jóhannsson.
Baldvin Jónsson
Aðalstrætí 6, sími 10100.
Aóalstræti 6, sími 22480.
Áskriftargjald 2000.00 kr. á mánuði innanlands.
í lausasölu 100 kr. eintakió.
Vinstri stjóm
Ný vinstri stjórn tekur við völdum í dag, hin þriðja sem
mynduð er hér á landi frá lýðveldisstofnun. Hin fyrsta
sat í rúmlega tvö ár og var felld á ASÍ-þingi undir lok
árs 1958. Hin síðari sat í um þrjú ár og hrökklaðist frá
völdum, eftir að henni hafði gersamlega mistekizt að ná
tökum á efnahags- og kjaramálum og hafði kallað yfir
þjóðina mestu verðbólguöldu í sögu hennar, sem við höfum
enn ekki ráðið við. Sú vinstri stjórn, sem nú tekur við
völdum, er sízt gæfulegri en hinar tvær fyrri en reynslan
mun að sjálfsögðu skera úr um, hvernig henni tekst til.
Um það verða engir dómar kveðnir upp fyrirfram.
Margt er sérstætt við myndun þeirrar ríkisstjórnar, sem
nú tekur við völdum. Ólafur Jóhannesson, sem myndar
hana, er formaður þess stjórnmálaflokks, sem mest
vantraust hlaut í þingkosningunum s.l. vor. Framsóknar-
flokkurinn er jafnframt orðinn minnsti stjórnmálaflokkur
landsins með minnst kjósendafylgi á bak við sig. Það hefði
þótt saga til næsta bæjar fyrir tveimur mánuðum, að
formaður þess flokks, sem mest afhroð galt í kosningun-
um, mundi mynda nýja ríkisstjórn!
Alþýðuflokkurinn og frambjóðendur hans veittust
harkalega að Framsóknarflokknum og forystumönnum
hans í kosningabaráttunni. Alþýðuflokkurinn gengur nú
til stjórnarsamstarfs undir forystu Framsóknarflokksins
og með framsóknarmenn í embættum forsætisráðherra og
dómsmálaráðherra. Það hefði þótt saga til næsta bæjar
nokkrum vikum fyrir þingkosningar, enda hefur einn af
þingmönnum Alþýðuflokksins komizt svo að orði að það
hafi verið „fávíslega“ samið af forystumönnum Alþýðu-
flokksins að láta framsóknarmönnum eftir dómsmálin.
I 22 ára sögu Alþýðubandalagsins hefur baráttan gegn
dvöl bandaríska varnarliðsins verið helzta baráttumál
þess. Sá flokkur tekur nú í fyrsta sinn þátt í ríkisstjórn,
sem hefur það að yfirlýstu stefnumarki, að varnarliðið
skuli vera í landinu. Þessi stefnubreyting Alþýðubanda-
lagsins vekur mikla athygli og markar tímamót í
íslenzkum stjórnmálum en hætt er við að mörgum
kjósendum Alþýðubandalagsins þyki þeir hafa verið
blekktir.
Alþýðuflokkur og Alþýðubandalag settu kröfuna um
samningana í gildi á oddinn í síðustu kosningum. Þeir
ganga nú til stjórnarsamstarfs, sem byggir á því í fyrsta
lagi, að samningarnir fari ekki í gildi, í öðru lagi að
vísitalan verði skert og í þriðja lagi, að bilið milli
láglaunafólks og annarra verði aukið á ný. Þessi afstaða
Alþýðuflokks og Alþýðubandalags til kjaramálanna mun
vafalaust vekja athygli margra launþega, sem kusu þessa
flokka í vor vegna kröfu þeirra um samningana í gildi.
Vinstri stjórnin hefur störf með áætlun um efnahagsað-
gerðir, sem duga aðeins til fjögurra mánaða, ef þær duga
svo lengi. Einn af þingmönnum Alþýðuflokksins lýsti
þessum efnahagsaðgerðum í gær, sem „tómu bulli“. Ef
þeirri stefnu verður haldið áfram út næsta ár, verður að
halda áfram að fella gengið, verðbólgan mun aukast á ný
og milljarða bil er óbrúað. Þessari stjórnarsamvinnu hefur
verið lýst sem svo, að Alþýðuflokkur og Alþýðubandalag
hafi samþykkt víxil til fjögurra mánaða sem Framsóknar-
flokkurinn hafi gefið út, en allt sé á huldu um það hvort
víxillinn verði framlengdur á gjalddaga eða hvort hann
falli á alla í senn, samþykkjendur og útgefanda. Það mun
koma í ljós, en hitt er víst, að sjaldan ef nokkurn tíma
hefur tekið við völdum á Islandi ríkisstjórn, sem strax í
byrjun svíkur svo margt af því, sem aðildarflokkar hennar
höfðu lofað kjósendum sínum og þar sem svo mikil
uheilindi búa við hvert fótmál og þar sem svo mikil
andstaða er ríkjandi innan tveggja höfuðflokka stjórnar-
innar við myndun hennar.
Rádherrarnir einn og átta
e
Ráðherrar Alpýðuflokks í nýju ríkisstjórninni á fundi í Þórshamri í gærmorgun. Nýir ráðherrar Framsóknarflokks: Steingrímur Hermannsson Ráðherrar Alþýðubandalagsins eftir aö Þeir höfðu skipt með sér verkum í Þórshamri í gærmorgun.
Magnús Magnússon heilbrigðis- og tryggingaráðherra og félagsmálaráðherra, Benedikt Gröndal dóms- og kirkjumálaráðherra og landbúnaðarráðherra og Tómas Svavar Gestsson viðskiptaráðherra, Hjörleifur Guttormsson iðnaðar- og orkumálaráðherra og Ragnar
utanríkisráðherra og Kjartan Jéhannsson sjávarútvegsráðherra. Árnason fjármálaráðherra koma út úr Þórshamri á miðvikudag. Arnalds menntamála- og samgöngumálaráðherra.
:i eiga í ríkisstjórn Ólafs Jóhannessonar, hefur enginn annar en forsætisráðherrann áður gegnt ráðherraembætti. „Nýir vendir sópa bezt“, sagði Ólafur Jóhannesson
fí spurður í gær hvort reynsluleysi nýju ráðherranna gæti ekki staöiö stjórninni fyrir prifum. Meðalaldur ráðherranna er 48 ár, en til samanburðar má geta pess aö í fráfarandi
Af peim níu ráðherrum, sem sæti
forsætisráðherra er hann var að pví
stjórn var meðalaldurinn 59 ár. Morgunblaðið ræddi í gær við ráðherrana og spurði pá um viðhorf peirra til nýrra verkefna. Viötöl viö Ólaf Jóhannesson og Benedikt Gröndal birtast á öðrum stað
í blaðinu í dag, en hér fara á eftir svör hinna ráðherranna í hinni nýju ríkisstjórn:
„Nauösynlegt
aö efla áhrifa-
mestu fjölmiöla
þjóöarinnar“
„Ég verð nú að játa að minn hugur
hefur fyrst og fremst verið bundinn
við stjórnarmyndunina, og að inn-
sigla þann mikla sigur, sem í því felst
að koma kjarasamningum í fullt gildi
fyrir fólk með lág laun og meðallaun
og að tryggja kaupmátt launa næsta
árið. Þess vegna hefur mér varla
gefizt tóm til að skoða náið þessi
störf sem mér hafa verið falin,
menntamál og samgöngumál. Hins
vegar hef ég mikið fengizt við þessa
málaflokka á Alþingi, meðal annars
sem formaður menntamálanefndar
Efri deildar í tíð vinstri stjórnar
1971—74, og líka samgöngumálin í
gegnum störf fyrir mitt kjördæmi",
sagði Ragnar Arnalds, sá ráöherra í
stjórninni, sem fer með menntamál
og samgöngumál.
„Ég hef eins og margir aðrir lagt
þunga áherzlu á endurskipulagningu
framhaldsskólakerfisins, og mun nú
leggja sérstaka áherzlu á aö sett
verði löggjöf um samræmdan fram-
haldsskóla. Samhliöa þarf aö efla
verknámið, sem hefur orðið útundan
og ekki notið hliðstæðrar fjármögn-
unar og bóknámið. Einnig þykir mér
rétt að leggja áherzlu á endurmennt-
un og fullorðinsfræðslu, þótt auðvit-
aö beri að varast að byggja þar upp
mikið bákn. Ég tel nauðsynlegt að
efla áhrifamestu fjölmiöla þjóðarinn-
ar, sjónvarp og útvarp, meðal annars
hef ég hug á að koma á skólasjón-
varpi og landshlutaútvarpi, svo dæmi
séu nefnd".
„Hvað samgöngumál varðar vil ég
taka fram aö það er þörf á því að
gera nothæfa vetrarvegi og hefja
lagningu varanlegs slitlags í stórum
stíl, en þar er ég hræddur um að
minn vilji dragi skammt, því að
fjárveitingarvaldið er í höndum
Alþingis. Auk þessa, sem ég hef
nefnt, tel ég mikla þörf á að
samræma flutninga á sjó, í lofti og á
landi“, sagði Ragnar.
Ragnar Arnalds er fæddur í
Reykjavík 8. júlí 1938. Hann lauk
lögfræðiprófi frá Háskóla íslands árið
1968, en á árunum 1959 til 1961 var
hann við nám í bókmenntun og
heimspeki í Svíþjóð. Hann tók fyrst
sæti á Alþingi áriö 1963, og hefur auk
þingmennsku starfað við kennslu og
gegnt ýmsum trúnaðarstörfum á
vegum Alþýðubandalagsins, og hefur
meðal annars veriö flokksformaður
og er formaður þingflokksins.
Kona Ragnars er Hallveig Thorlac-
ius kennari, og eiga þau tvær dætur,
Guðrúnu og Helgu.
„Nauösynlegt
aö gera breyt-
ingar á efna-
hagskerfinu“
„Eins og fram kemur í samstarfs-
yfirlýsingu stjórnarflokkanna er ætl-
unin að halda uppi ströngu verðlags-
eftirliti og hafa til hliðsjónar verðlag
í helztu viðskiptalöndum okkar, og
þetta tvennt tel ég mjög mikilvægt í
sambandi við þau mál, sem mér er
ætlað að annast", sagði Svavar
Gestsson viðskiptaráðherra, þegar
Morgunblaðið ræddi viö hann í gær.
„Ég veit ekki hvort ég get bent á
eitthvað, sem mér er öðru fremur
hugleikiö í þessu sambandi, því aö
hér er um að ræða stefnu, sem
Alþýðubandalagið hefur átt veruleg-
an þátt í að móta. Það er stefnt að
því að fækka ríkisbönkum úr þremur
í tvo, og það tel ég vera til verulegra
bóta, en mikilvægustu verkefnin á
næstunni verða að sjálfsögðu í því
fólgin að glíma við verðlagsmál og
tryggja kaupmátt launa. Til þess að
þetta megi takast er nauðsynlegt að
gera breytingar á efnahagskerfinu,
og þar veröur sú stefna ráðandi að
jafna lífskjör og auka félagslegt
réttlæti. Til að ráða við þá niöur-
færslu verðlags, sem fyrirhuguð er,
þarf töluverða skattlagningu, og hún
verður fremur fólgin í auknum
álögum á fyrirtæki en skattlagningu
á almennar launatekjur".
„Það liggur fyrir að innflutnings-
kerfið verður endurskoðað í heild, og
að úttekt veröur gerð á heildverzl-
unarfyrirkomulagi. Á þessum sviðum
hefur tvímæialaust átt sér stað mikil
sóun, sem síöan hefur oröið til að
stuðla að verðbólgu og skerðingu á
kjörum almennings, og þetta er
auðsjáanlega kerfi sem getur fóstrað
verulega spillingu, sem þarf að koma
í veg fyrir", sagði Svavar Gestsson.
Svavar er fæddur að Guðnabakka
í Mýrarsýslu 26. júní 1944. Frá því að
hann lauk stúdentsprófi árið 1964
hefur starfsvettvangur hans að mestu
veriö blaðamennska, en hann hefur
verið ritstjóri Þjóðviljans undan'arin
sjö ár. Kona hans er Jónína Bene-
diktsdóttir kennari. Þau eiga þrjú
börn, Svandísi, Benedikt og Gest.
„Geri mér góö-
ar vonir um
samstarfiö“
„Mér er það efst í huga nú að sjá
til þess að ríkissjóður verði rekinn
hallalaust og að jafnvægi verði í
ríkisbúskapnum", sagði Tómas
Árnason fjármálaráðherra, þegar
Morgunblaðið spurði hann hvernig
honum litist á embættið og hverju
hann hefði helzt áhuga á í því
sambandi. „Maöur getur náttúrlega
aldrei sagt um það fyrirfram hvernig
til tekst, en ég geri mér góðar vonir
um samstarfið. Um einstök verkefni
er lítið hægt að segja á þessu stigi
umfram það, sem fram kemur í
stjórnarsáttmálanum, en það er Ijóst
að meginverkefni á næstu mánuðum
verður að eyða hækkunaráhrifum
vegna gengisfellingarinnar. Eins og
fram kemur í stjórnarsáttmálanum
verður brugðizt við þeim vanda með
niðurgreiðslum og aukinni skattlagn-
ingu“.
Fjármálaráðherra var að því spurð-
ur hvort hann hygöist beita sér fyrir
því að fjárhagsleg forréttindi, til
dæmis ráðherra, yrðu afnumin eða úr
þeim dregið: „í stjórnarsáttmálanum
er ákvæði um að endurskoða öll þau
mál og ætlunin er að gera á þeim
breytingar, en í hverju þær verða
fólgnar í einstökum atriðum vil ég
ekkert um segja að svo stöddu.
Slíkar ákvarðanir verða ekki teknar
fyrr en nákvæm athugun hefur farið
frarn".
Tómas Árnason fjármálaráðherra
er fæddur 21. júlí 1923 á Hánefsstöð-
um í Seyðisfjarðarhreppi. Hann varð
stúdent . frá M.A. 1945 og lauk
lögfræðiprófi frá H.í 1949. Hann
stundaöi framhaldsnám í alþjóöa-
verzlunarrétti við Harvard háskóla í
Bandaríkjunum. Hann rak lögfræði-
skrifstofu á Akureyri í nokkur ár og
síðar í Reykjavík. Hrl. varð hann
1964. Hann varð starfsmaður í
utanríkisráðuneytinu í nokkur ár,
forstöðumaður varnarmáladeildar
þau ár sem hún starfaði eða til 1959.
Framkvæmdastjóri Framkvæmda-
stofnunarinnar frá 1972. Hann tók
fyrst sæti á þingi 1956 fyrir Fram-
sóknarflokkinn og þá fyrir Eyfirðinga
en síðan sat hann margsinnis á þingi
fyrir N-Múlasýslu og síðan Austur-
landskjördæmi fram til 197.3 og hefur
auk þess starfað mikið fyrir Fram-
sóknarflokkinn. Hann varð alþingis-
maður Austurlands 1974. Hann er
kvæntur Þóru Kristínu Eiríksdóttur
frá Neskaupstað og hafa þau eignazt
fjögur börn, Eirík, Árna, Tómas Þór
og Gunnar Guðna.
„Eins og hvert
annaö starf“
Kjartan Jóhannsson
sjávarútvegsráðherra er fæddur 19.
desember 1939 í Reykjavík en
uppalinn í Hafnarfirði. Hann varð
stúdent frá M.R. 1959 og lauk prófi
í byggingarverkfræði í Stokkhólmi
fjórum árum síðar og í rekstrarverk-
fræði frá háskóla í Bandaríkjunum
1965. Hann hefur aðallega starfað
sem ráðgjafarverkfræðingur og
kennt við viðskiptadeild H.í. Hann var
bæjarfulltrúi fyrir Alþýðuflokkinn í
Hafnarfirði 1974—1978. Hann hefur
verið varaformaður Alþýðuflokksins
síðan 1974. Hann skipaði efsta sæti
á lista flokksins í Reykjaneskjördæmi
við kosningarnar nú og hefur ekki
setiö á þingi fyrr.
Kona hans er Irma Karlsdóttir
fædd í Svíþjóð og eiga þau eina
dóttur, Maríu.
Aðspurður um hvernig ráðherra-
vinnan legðist í hann svaraði Kjartan:
„Þetta er eins og hvert annað starf
sem maður gengur í og verður bara
að reyna að gera sitt bezta. Það sem
ég held að skipti mestu máli fyrir
þessa ríkisstjórn er þrennt; aö gott
samstarf náist við launþegasamtökin,
að takist að draga úr misrétti í
þjóðféiaginu og auka jöfnuð og þá
meina ég að uppræta ýmiss konar
fríðindi sem viðgangast, skattsvik og
fleira slíkt. í þriðja lagi held ég að sé
til lengri tíma litið verði að reyna að
breyta fjárfestingunni, þannig að hún
fari í auknum mæli í tæknilega og
rekstrarlega uppbyggingu í atvinnu-
vegunum."
Kjartan kvaðst treysta því að gott
samstarf tækist innan ríkisstjórnar-
innar og þá væri heldur ekki ástæða
til að efast um árangurinn og væri
hann því hinn bjartsýnasti. Aðspurð-
ur um þann ágreining sem væri innan
þingflokks Alþýðuflokksins varðandi
afstöðu til ríkisstjórnarinnar kvaöst
hann ekki sjá neina ástæðu til að láta
það draga úr sér kjark og tæki því
rólega, vonaði hið bezta og myndi
starfa eftir beztu getu og samvizku.
Tek viö
jj
hreinu boröi“
Steingrímur Hermannsson dóms-
og kirkjumálaráðherra og land-
búnaðarráðherra er fæddur 22. júní
1928 í Reykjavík. Hann var stúdent
frá M.R. 1948 og lauk prófi í
rafmagnsverkfræði í Bandaríkjunum
1952. Hann varð verkfræðingur hjá
Rafmagnsveitu Reykjavíkur eftir
heimkomu og síðan hjá fleiri fyrir-
tækjum. Hann varð fulltrúi í varnar-
máladeild 1954. Hann hefur verið
framkvæmdastjóri Rannsóknarráðs
ríkisins síðan 1957. Hann varð
varaþingm. Vestfjaröakjördæmis fyr-
ir Framsóknarflokkinn um tíma 1968
og aftur 1971 en var síðan kjörinn á
þing fyrir flokkinn það ár. Hann hefur
setið í ýmsum ráðum og nefndum
fyrir flokkinn m.a. verið í stjórn
Framkvæmdastofnunarinnar síðan
1972, og einnig í nefndum sem fjallað
hafa um orku, iðnað og byggðamál
ofl.
Kona Steingríms Hermannssonar
er Guðlaug Edda Guðmundsdóttir,
og eiga þau þrjú börn, Hermann, Hlíf
og Guðmund. Af fyrra hjónabandi á
Steingrímur þrjú börn, Jón, Ellen
Herdísi og Neil.
í stuttu símtali við Mbl. í gær sagði
Steingrímur: „Ég er í fyrsta lagi
ákaflega ánægöur með að þetta
hefur tekizt eftir mjög langt og
þreytandi starf; sumarið hefur alger-
lega horfið í þetta. Ég er bjartsýnn á
starf þessarar stjórnar, enda þótt
maöur verði var við einhvern fiðring
hjá Alþýðuflokksmönnum. Ég held
samt að í þessu séu drengskapur og
heilindi hjá öllum meginþorra þess-
ara manna og öllum sem í stjórnina
hafa valizt og tel ég að svona starf
byggi að verulegu leyti á því.
Aðsþurður um hvort honum þætti
miður að hafa ekki fengið ráöuneyti
orku og iðnaðar, þar sem hann væri
verkfræðingur og hefði mikið starfað
á því sviði sagði Steingrímur að hann
neitaði því ekki að sem verkfræðing-
ur hefði hann mjög gjarnan viljað fara
í orku- og iðnaðarmál en hins vegar
teldi hann aö í öllu svona starfi væri
það sem skipti meginmáli að gera sitt
bezta og beita sér eftir megni. Hann
kviði enda engu í þeim ráðuneytum
sem hann tæki nú við, því að þar
væru afbragðs starfsmenn og mikið
búið að vinna, og hann tæki í raun
viö hreinu boröi. Hann kvaðst hafa
fullan hug á að halda áfram umbóta-
starfi á þessum sviðum báðum af
fullum krafti, enda skorti ekki
verkefnin.
„Akveönar
hugmyndir um
lausn
Kröflumála“
„Ég tel mikla þörf á því að mótuð
verði heildarstefna á sviði iðnaðar-
og orkumála, en að mínu mati hefur
þess gætt of mikið hingað til að við
upphaf framkvæmda hafi menn ekki
verið búnir að ráða það við sig
hvernig ætti að nýta raforku", sagði
Hjörleifur Guttormsson iönaöar- og
orkuráðherra, þegar Morgunblaðið
spurði hann að því hver hann teldi
vera brýnustu verkefnin á nýjum
vettvangi. „Þessi viðhorf munu að
sjálfsögðu hafa áhrif á störf mín strax
í upphafi, en þetta markast auðvitað
af stjórnarsáttmálanum. Þar er
meðal annars gert ráð fyrir því aö
koma á einu orkuöflunarfyrirtæki fyrir
allt landiö, en það hefur meðal
annars í för með sér sameiningu
Landsvirkjunar og Laxárvirkjunar.
Um þetta náðist fuli samstaða í
stjórnarmyndunarviðræðum, en í
þessu er fólgin forsenda þess að
unnt sé að bjóða orku á samræmdu
verði um allt land. Krafla er líka mál,
sem brýnt er að leysa, og í því
sambandi hef ég ákveðnar hug-
myndir, sem ég tel ekki rétt að ræöa
á þessu stigi".
Orkuverö til ísals sagði Hjörleifur
að væri samningsbundiö, og ósenni-
legt væri að hægt væri að hrófla við
því, en varðandi járnblendiverksmiöj-
una sagðist hann gera ráð fyrir að
athugað yrði hvort þar yrði einfiverju
breytt. Fyrir lægi að verksmiöjan
tæki til starfa á vori komanda og færi
þá í gang annar af tveimur ráðgerð-
um bræðsluofnum, en síðari
bræðsluofninn væri mál sem þyrfti að
athuga og taka afstöðu til.
Hjörleifur Guttormsson er uppbót-
arþingmaður Alþýðubandalagsins.
Hann er líffræðingur að mennt og
hefur verið kennari á Neskaupstað
frá því að hann lauk prófi frá
háskólanum í Leipzig árið 1963.
Hjörleifur er fæddur á Hallormsstað
31. október 1935. Kona hans er
Kristín Guttormsson læknir, sem er
austur-þýzkrar ættar, og eiga þau
einn son, Einar.
„Hef mestan
áhuga á verö-
tryggðum
lífeyrissjóði“
Magnús H. Magnússon
heilbrigðis- og tryggingaráðherra og
félagsmálaráðherra er fæddur 30.
september 1922 í Vestmannaeyjum.
Hann lauk prófi hjá Loftskeyta-
skólanum 1946 og stundaði tækni-
nám hjá Pósti og síma. Hann hefur
fengizt við ýmis störf, m.a. stundað
sjómennsku og bílaakstur, en lengst
starfað hjá Pósti og síma sem
stöðvarstjóri í Vestmannaeyjum.
Magnús var kjörinn í bæjarstjórn í
Vestmannaeyjum 1962 og var forseti
hennar árin 1966—1975. Magnús H.
Magnússon skipaði efsta sætið á
framboðslista Alþýðuflokksins í
Suðurlandskjördæmi við kosningarn-
ar í sumar og er þetta fyrsta
kjörtímabil hans á þingi.
Kona Magnúsar er Marta Bjarna-
dóttir og er hún ættuð frá ísafirði og
eiga þau 4 börn: Helgu Sigríði, Pál,
Björn Inga og Bryndísi.
Er Mbl. leitaði eftir því hjá Magnúsi
Magnússyni hvernig hugur hans væri
vegna ráðherradóms sagöi Magnús:
„Mér líður öldungis ágætlega og er
bjartsýnn á þetta samstarf. Varðandi
þá málaflokka sem ég kem til með
að hafa á minni könnu hef ég mestan
áhuga á því að vinna að því að koma
á fót verðtryggðum lífeyrissjóði fyrir
alla landsmenn og vonast til að geta
unnið að því. Þetta er númer eitt. í
öðru lagi þarf að endurskoða lögin
um almannatryggingar bæði með
það fyrir augum að þau virki meira
sem launajöfnunarkerfi og auk þess
þarf að íhuga vel stöðu aldraðs fólks
og öryrkja, bæði stöðu og jöfnun
aöstöðu. Ég hef áhuga á að reyna að
beita mér fyrir þessu, en hitt verður
þó að viðurkennast að til að byrja
með verður þetta erfitt að gera mjög
mikla hluti, að minnsta kosti það sem
kostar mikið, af því að þetta er nú
fyrst og fremst aðhaldsstjórn, að
minnsta kosti verður hún að vera það
í fyrstu meðan verið er að komast
dálítið meira niður á jörðina í
efnahagsmálunum. Ég er að vona að
stjórnin muni taka það raunhæft á
hlutunum að komizt verði yfir þennan
vanda og hægt að huga að fleiri
málum."
Mbl. spurði Magnús að því hvenær
þaö heföi komið til tals aö hann tæki
við ráðherraembætti. Hann sagöi aö
hann hefði ekki heyrt á það minnzt
fyrr en í gærkvöldi, miðvikudag, þá
hefði verið stungið upp á því í
þingflokknum og það síðan sam-
þykkt þar og gerð um það tillaga til
flokksstjórnar sem féllst á það í nótt.
Benedikt Gröndal utanríkisráö-
herra er fæddur 7. júlí 1923
að Hvilft t Önundarfirði. Hann
varð stúdent frá M.R. 1943 og lauk
BA prófi frá Harvardháskóla í
Bandaríkjunum með sögu sem aðal-
grein. íþróttafréttaritari Alþýðublaðs-
ins og síðan við almenn blaða-
mennskustörf þar og síðar ritstjóri
Alþýðublaðsins í tíu ár. Hann var
landskjörinn þingm. Alþýðufl.okks
1956—1959 og síðan alþingismaður
Vesturlands frá 1959. Hann var
efstur á lista Alþýðuflokksins í
Reykjavík í þingkosningunum í vor.
Benedikt hefur verið forstöðumaður
Fræðslumyndasafns ríkisins síðan
1969. Hann var í stjórn Þingmanna-
samtaka Atlantshafsbandalagsins
1956—1959 og hefur oft sótt fundi
samtakanna síðan. Hann sat í
útvarpsráði 1956—1971 og lengst af
sem formaður. Hann hefur verið
formaður Alþýðuflokksins frá 1974.
Kona hans er Heidi Jaeger
Gröndal, fædd í Bandaríkjunum og
þau eiga þrjá syni, Jón, Tómas og
Einar.
— • —
Olafur Jóhannesson forsætisráö-
herra er fæddur 1. marz 1913
aö Stórholti í Fljótum. Hann
lauk stúdentsprófi frá M.A, 1935 og
lögfræðiprófi frá Háskóla íslands
1939. Hann gerðist síðan lögfræðing-
ur Samb. ísl. samvinnufélaga og rak
auk þess málflutningsskrifstofu í
Reykjavík til ársloka 1943. Hann var
settur prófessor við Hásk. íslands
1947 og skipaður rúmn ári síðar og
fékkst við kennslu unz hann var
kosinn á þing fyrir Framsóknarflokk-
inn sem 1. þingm. Norðurlandskjör-
dæmis vestra 1959, en hafði setið
skamma hríð á þingi áður sem
varaþingmaður. Hann varð forsætis-
ráðherra 1971 í annarri vinstri stjórn
og fór þá einnig með dóms- og
kirkjumál.
í ríkisstjórn Geirs Hallgrímssonar,
sem nú er að láta af störfum, hefur
Ólafur verið dómsmála- og viðskipta-
ráðherra. Hann hefur gegnt fjölmörg-
um trúnaðarstörfum fyrir Fram-
sóknarflokkinn og hefur verið for-
maður hans undanfarin tíu ár.
Ólafur Jóhannesson er kvæntur
Dóru Guðbjartsdóttur og voru börn
þeirra þrjú, Kristrún, Guöbjartur sem
lézt nítján ára að aldri, og Dóra.