Morgunblaðið - 02.09.1978, Blaðsíða 1

Morgunblaðið - 02.09.1978, Blaðsíða 1
40 SÍÐUR OG LESBÓK 190. tbl. 65. árg. LAUGARDAGUR 2. SEPTEMBER 1978 Prentsmiðja Morgunblaðsins. Vinstri stjórn tók við völdum í gær VINSTRI stjórn undir forsæti Ólafs Jóhannessonar formanns Framsóknarflokksins tók í gær við af ríkisstjórn Geirs Hallgrímssonar, sem veitt var lausn frá störfum. Hin nýja ríkisstjórn er samsteypustjórn Framsóknarflokks, Alþýðuflokks og Alþýðubandalags og eiga sæti í stjórninni níu ráðherrar eða einum fleiri heldur en í fráfarandi ríkisstjórn. Ríkisstjórn Geirs Hallgríms- sonar kom saman til síns síðasta ríkisstjórnaríundar í Stjórnar- ráðshúsinu kl. 10 í gærmorgun en klukkan 11 hófst ríkisráðsíundur á Bessastöðum þar sem forseti íslands veitti ráðuneyti Geirs Hallgrímssonar lausn frá störf- um. Að loknum ríkisráðsfundi buðu forsetahjónin fráfarandi ráðherrum og konum þeirra til hádegisverðar. Ráðherrarnir níu, sem skipa hina nýju ríkisstjórn, komu til Bessastaða kl. 15 í gær en þar hófst þá fyrsti ríkisráðsfundur forseta og hinnar nýju stjórnar. Á þeim fundi skipaði forseti íslands ólaf Jóhannesson til þess að vera forsætisráðherra og með honum átta aðra ráðherra. Jafn- framt var gefinn út úrskurður um skipun og skiptingu starfa ráðherranna. M staðfesti forseti fslands bráðabirgðalög um niður færslu verðlags og verðlagsvísi- tb'lu í september 1978. Að loknum ríkisráðsfundinum héldu nýju ráðherrarnir í ráðuneytin og hittu þar.fráfarandi ráðherra um kl. 16.30. Samstjórn Framsókriarflokks, Alþýðuflokks og Alþýðubanda- lags hefur einu sinni áður setið að völdum en það var ráðuneyti Hermanns Jónassonar sem sat frá í júlí 1956 og þar til í desember 1958. Sjá Einn kemur þá annar fer á bls. 16 og 17. RÍKISSTJÓRN Geirs Hallgrímssonar kom saman til síns síðasta ríkisráðsfundar með forseta íslands á BeSSastÖðum í gærmorgun. Ljósm. Gunnar 6. ViKfússon. Hardnandi and- Kri gegnstjórn- inni í Danmörku Kaupmannahöfn. 1. september. - Frá fríttaritara Mbl. Lars Ranggaard. „BRÆÐRALAG jafnaðarmanna og hins stórkapítalíska Vinstri- flokks", eins og nýja samsteypu- stjórnin í Danmörku heitir á máli ýmissa verkalýðsfélaga í landinu, á við mjög harkalega andstöðu að etja, og hafa danska alþýðusam- bandið og formaður þess, Thomas Nielsen, fengið mun eindregnari stuðning frá cinstökum félögum og vinnustöðum í baráttunni gegn henni en búizt var við í upphafi. Þannig hafa til dæmis samtök málara og ölgerðar manna, sem hvortveggja eru öflug stéttasamtök, skorað ein- dregið á alþýðusambandið að ekki verði látið sitja við orðin tóm, heldur gripið til harkalegra aðgerða og herferð skipulögð til að fella stjórnina. Mótmælaverkföll eru víða hafin og búizt er við að þau muni breiðast út nsestu daga. Samtök byggingarmanna í Kaupmanna- höfn, sem eru með um 20 þúsund manns innan sinna vébanda, efndu í dag til mótmælafundar fyrir framan Kristjánsborgarhöll. Ríkisstjórnin lagði í dag fram á þingi frumvarp um verðstöðvun og 2% hækkun á virðisaukaskatti, sem þá yrði eftirleiðis 20%. Danska krónan átti í vök að verjast á gjaldeyrismarkaði í dag, og hafa sögur um gengisfellingu fengið byr undir báða vængi. Fjármálaspekingar segja að ekki þurfi meiriháttar aðgerðir stjórn- valda til að styrkja krónuna, og hinn nýi utanríkisráðherra og leiðtogi Vinstri-flokksins, Henn- ing Christophersen, harðneitaði í dag að gengisfelling væri í aðsigi, og sagði að hér væri um að ræða fáránlega hugmynd. RÍKISSTJÓRN Ólafs Jóhannessonar á sínum fyrsta ríkisráðsfundi með forseta íslands á Bessastbðum í gær. Ánægja hjá NATO með lok stjórnarkreppu á íslandi Flosnar upp innan hálfs árs — segir Arbeiderbladet um stjórnina Briissel. Ósló, 1. september, AP og Jan Erik Lauré. fréttaritari Mbl. TALSMENN NATO í aðal- stöðvum bandalagsins í Brilssel lýstu í dag yfir ánægju sinni með lausn stjórnarkreppunnar á íslandi og þær lyktir mála að með forsæti í nýrri ríkisstjórn og- stjórn utanríkismála fari lciðtogar flokka, sem styðji aðild landsins að NATO. Haft var eftir hátt settum embættis- mönnum í bækistöðvunum að hefði kommúnistum hins vegar verið falið að gegna „viðkvæm- um ráðherracmbættum" kynni svo að hafa farið að bandalagið hefði neyðzt til að stöðva mikilvægar hernaðarlegar upp- lýsingar. sem íslenzk stjórn- völd fá í hendur sem aðili að bandalaginu undir venjulegum kringumstæðum. en slíkar ráð- stafanir voru gerðar er vinstri stjórn með aðild kommúnista var við vb'ld í Portúgal 1974-75. Arbeiderbladet, hclzta mál- gagn stjórnar norska Verka- mannaflokksins. hefur það eft- ir „árciðanlcgum hcimildar mönnunV sínum íslenzkum að hin nýja stjórn Ólafs Jóhannes- sonar flosni upp innan hálfs árs vegna ágreinings um lausn cfnahagsvandans. Arbeiderbladet var eina norska blaðið, sem í dag birti sjálfstæða grein um stjórnar- myndunina á íslandi, en aðrir fjölmiðlar í Noregi hafa stuttar frásagnir eftir íslenzkum frétta- riturum hinna stóru alþjóðlegu fréttastofnana. Viðbrögð vegna stjórnar- myndunarinnar hafa ekki borizt annars staðar frá enn sem komið er, en það var haft eftir ónafngreindum heimildarmanni í Brússel, að varðandi öryggis- mál hafi bandalagið til þessa aöeins átt samskipti við forsæt- is- og utanríkisráðuneyti, og séu málefni Atlantshafsbandalags- ins venjulega ekki rædd innan ríkisstjórnarinnar, þar sem Alþýðubandalagið, sem sé að hluta til kommúnískur flokkur, fari nú með stjórn viðskipta-, mennta- og iðnaðarmála. Hafa forsvarsmenn bandalagsins ekki viljað tjá sig um stjórnmála- þróunina á* íslandi meðan á stjórnarkreppunni stóð, auðsjáanlega til að girða fyrir að slík ummæli gætu haft áhrif á gang mála.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.