Morgunblaðið - 10.09.1978, Blaðsíða 32
32
MORGUNBLAÐIÐ, SUNNUDAGUR 10. SEPTEMBER 1978
Ovenjuleg
túlkun á
Án efa eru Þeir margir, sem
einhvern tíma í æsku, hafa lesiö
„Innrásina frá Marz“ eftir H.G.
Wells, en Þar segir frá Því er
Marzbúar ráðast á jörðina og
heppnast næstum Því að taka
völdin í sínar hendur. Nú er komin
út hljómplata Þar sem saga Wells
er flutt í tali og tónum, en tjalli að
nafni Jeff Waynes hefur samið
tónlistina á plötunni og útsett texta
Wells á henni. Plata pessi ber
einfaldlega nafnið „The War of the
Worlds“ og hefur hún hlotið góða
dóma í Bretlandi, meðal annars
verið í hópi 10 bezt seldu breiö-
skífa í Bretlandi viku eftir viku.
Plata pessi, sem er tvöföld,
skiptist í kafla og tekur hver kafli
eina plötu. Fyrri kaflinn nefnist
„The Coming of the Martians"
(Koma marzbúanna) og fjallar
hann eins og nafniö bendir til um
aödragandann aö komu marzbú-
anna og valdatöku peirra. Síðari
kaflinn ber heitið „The Earth Under
The Martians" (Jörðin undir stjórn
marzbúanna) og í honum er lýst
yfirráðum marzbúanna á jörðinni
og endalokum yfirráöa Þeirra. Hver
kafli skiptist í nokkur lög, en alls
eru á plötunni 10 lög og Þar af
hefur eitt, „Forever Autumn", náð
miklum vinsældum í Bretlandi.
Lagiö syngur Justin Hayward,
aðalsöngvarí og gítarleikari hljóm-
sveitarinnar Moody Blues.
Sögumaöur á plötunni er Rich-
ard Burton, en hans hlutverk er að
tengja saman einstök lög og
útskýra Þaö, sem tónlistin á
plötunni á aö tákna. Tónlistin sjálf
er aðallega byggð upp á nokkrum
stefum, sem ganga í gegnum alla
plötuna, án Þess þó aö hlustandi
verði nokkurn tíma leiður á Þeim.
Hér er þó ekki verið að segja aö
hægt sé að hlusta á Þessa plötu oft
á dag og hafa alltaf jafn gaman af.
Öðru nær. „Innrásin frá Marz“ er
hljómplata, sem hlustandi veröur
fljótt Þreyttur á, vegna Þess aö á
plötunni er eiginlegur sögupráður,
sem bezt nýtur sín viö fyrstu
hiustun. Af tónlistinni er sömu
sögu að segja, við fyrstu hlustun er
hún magnprungin og fellur einkar
vel að efninu, en Þegar hlustandi
fer aö Þekkja tónlistina út og inn,
fer nýjabrumiö aö fara af henni.
Segja má að heill stjörnuskari
standi að Þessari plötu og er Þá
einkanlega átt við söngvarana, en
hver söngvari fer með hlutverk
ákveðinnar persónu í sögunni.
Meðal peirra sem hér eiga hlut að
máli má nefna David Essex, en
hann fer með hlutverk stórskota-
liðsmanns, Justin Hayward fer með
hlutverk blaöamanns, Julie Cov-
ington (sú sama og söng lagið
„Don‘t Cry For Me Argentina“, úr
pop-óperunni Evita) fer með hlut-
verk einu konunnar, sem við sögu
kemur á plötunni og Phil Lynott fer
með hlutverk prestsins.
Af höfundi tónlistarinnar, Jeff
Wayne, er Það að segja að hann er
fæddur og uppalinn í New York. Á
unga aldri hóf hann píanónám og
síðar meir lagöi hann stund á jazz
við Juilliard School of Music. Á
unglingsárum sínum vann hann
margs konar vinnu og pað var á
Þessum tíma, sem hann fór að
dútla við að semja lög. Árið 1966
fluttist Jeff til Englands og hóf nám
við Trinity College of Music en
síöan Þá hefur hann leikið á
hljómborö í fjölmörgum hljóm-
sveitum, auk Þess, sem hann hefur
gert nokkrar heimildakvikmyndir.
Jeff Wayne hefur í áraraðir verið
góökunníngí David Essex og hann
útsetti meðal annars lag Essex
„Rock On“, sem varð geysivinsælt
bæði í Bretlandi og Bandaríkjunum
árið 1974, Þótt ekki kæmist Það í
efsta sæti vinsældalistanna. Fyrir
útsetníngu sína á „Rock On“ fékk
Wayne verðlaun frá New Musical
Express fyrir bezta útsetta
pop-lagið 1974. — SA
Á laugardag var haldið „djamm-session" eitt í verzluninni Tónkvísl. Tilefni pess
var pað, að eigandi verzlunarinnar Birgir Hrafnsson, var að stækka verzlunina og
vildi hann gefa áhugamönnum tækifæri til að hlýða á atvinnumenn leika á hljóöfæri
Þau, sem hann hefur á boöstólum. Þá má geta Þess að Birgir hefur nýlega tekið
í umboðssölu píanó frá fyrirtækinu WUrlitzer, en píanó Þessi eru bandarísk-Þýzk.
Þeir Sigurður Karlsson, lengst til vinstri, Pálmi Gunnarsson og Karl Sighvatsson
léku af fingrum fram fyrir viðstadda í dágóða stund og viö góöar viötökur. .
• Næstkomandi miðvikudag leika Valsmenn fyrri leik sinn viö austur-Þýzku
bikarmeistarana, Magdeburg í Evrópukeppni bikarmeistara í knattspyrnu. í tilefni
af pví að í ár eru liðin 10 ár frá hinum sögufræga leik Vals við Benfica, hyggjast
Brimkló og Halli og Laddi halda tónleika á Laugardalsvelli fyrir leik Vals og
Magdeburg. Tónleikar Þessir eiga aö hefjast klukkan 16.30 og standa til klukkan
17.30 og verður aðgangur aö Þeim ókeypis, Það er að segja aðeins Þarf að borga
inn á knattspyrnuleikinn, en aukagjald er ekkert. Þetta mun veröa í fyrsta sinn,
sem útihljómleikar eru haldnir á Laugardalsvelli og vonandi er að veðurguöirnir
verði Reykvíkingum nú hliðhollir.