Morgunblaðið - 10.09.1978, Blaðsíða 34

34
MORGUNBLAÐIÐ, SUNNUDAGUR 10. SEPTEMBER 1978
Þessa dagana stendur yfir í Luagardatshöll
sýningin „íslenzk föt 1978“ par sem 23
fataframleiöendur kynna vörur sínar. Blaöa-
menn Mbl. litu inn á sýninguna og tók Emilía
Björg myndirnar.
(Jr sýningarbás Hensons
„Höfum fengid góðar
viðtökur erlendis”
Henson sýnir íþróttafatnað á
sýningunni í Laugardalshöll og
tjáði okkur Halldór Einarsson
eigandi fyrirtaekisins að þeir
sýndu aðeins brot af framleiðslu
sinni. „Við erum einungis að
minna á okkur, minna á að það
er framleiddur íþróttafatnaður
á íslandi," sagði Halldór.
Halldór er einnig með aðra
sýningu í gangi þessa daga en
hún er í sambandi við Alþjóða
handknattleiksþingið sem nú
stendur yfir á Hótel Loftleiðum.
Þar er sýning á íþróttafatnaði
eri Henson er eina íslenzka
fyrirtækið sem tekur þátt í
þeirri sýningu.
„Við erum aðeins byrjaðir að
flytja út og ætlum okkur að
halda því áfram af því að við
teljum okkur vera með jafngóða
framleiðslu og á jafngóðu verði
og aðrir framleiðendur erlend-
is,“ sagði Halldór og hann lét vel
yfir þeim viðtökum sem þeir
hefðu fengið erlendis hingað til.
I sambandi við samkeppnina
sagði Halldór að þeir hefðu ekki
þurft að vera hræddir við hana.
„Þeir sem fylgjast vel með
nýjustu tækni og eru með það,
sem fólkið vill, eiga ekki að
þurfa að vera hræddir," sagði
Halldór.
„Staðan hefur batnað
eftir síðustu gengisfellingu.”
ELGUR h.f. sýnir herrafrakka,
kuldajakka, dömujakka og pils á
fatasýningunni.
„Aðaluppistaðan í framleiðslu
okkar eru herrafrakkarnir",
sagði Þorsteinn Þorvaldsson hjá
Elgi. Efnið í framleiðslu Elgs er
að mestu leyti erlent, og kvað
Þorsteinn ástæðuna til þess
vera þá, að þau efni, sem þeir
notuðu, terelyn og bómull væru
ekki framleidd hér á landi.
„Það hefur gengið illa að
standast erlenda samkeppni
síðustu 12 mánuðina. Mikið af
erlendum fatnaði er flutt inn frá
Englandi og Svíþjóð og greiða
t.d. Svíar niður laun starfsfólks.'
Einnig eru þessar vörur fluttar
inn á hagstæðum samningum.
Staðan hefur nú samt batnað
eftir síðustu gengisfellingu og
nú erum við færari að standast
samkeppni," sagði Þorsteinn.
Þorsteinn var mjög ánægður
með sýninguna og aðsóknina að
henni síðustu dagana. Hann
kvað samt kaupmenn hafa sótt
hana illa og þá sérstaklega
kaupmenn utan af landi.
Sýningarsvæði Elgs h.f.
„Það verður að
efla fataiðnaðinn.”
Bræðurnir Tómas Svein-
björnsson og Óli H. Svein-
björnsson eru eigendur verk-
smiðjunnar Bótar. Bót framleið-
ir einungis buxur úr innfluttum
efnum.
„Það eru vissir aðilar sem
hafa einokun á íslenzkum efnum
sem hægt er að nota í buxur,“
sagði Tómas er við inntum hann
eftir því hvers vegna innlent
efni væri ekki notað í fram-
leiðslu Bótar.
Tómas var ekki of hress yfir
stöðu íslenzks iðnaðar.
„Hingað til höfum við ekki átt
bót fyrir rassinn á okkur og
komum sennilega ekki til með
að eiga nema núverandi ríkis-
stjórn geri einhverjar ráð-
stafanir til þess að efla fata-
iðnaðinn."
Hann kvað einnig samkeppn-
ina við erlenda iðnaðinn vera
mjög erfiða vegna þess hve
erfitt væri að halda verðlaginu
niðri. „Launin og hráefnisverðið
skapa verðlagið á framleiðsl-
unni,“ sagði Tómas „en
staðreyndin er sú að innlend
vara er mörgum sinnum
vandaðri en sú erlenda."
Tómas var einn af þeim fáu
sem var ánægður með aðsóknina
að sýningunni og sagði hana
fara vaxandi.
Tómas Sveinbjörnsson og óli H. Sveinbjörnsson.
Hluti af sýningarsvaeði Hildu h.f.
„Eftirlíkingar valda
okkur miklum vandræðum”
HILDA h.f. sýnir hluta af þeirra
framleiðslu og einnig nokkrar
kápur og jakka á tískusýning-
unni að sögn Sigurðar Jóns-
sonar.
„Við erum eingöngu að sýna,
að við erum til, annars leggjum
við ekkert upp úr þessari
sýningu þar sem við sendum
eingöngu til útlanda," sagði
Sigurður.
Sigurður sagði í sambandi við
útflutninginn að þeir teldu sig
standa mjög vel að vígi hvað
gæði ftnerti en hins vegar væri
allur tilkostnaður mjög mikill.
Það sem veldur þeim mestum
vandræðum að sögn Sigurðar
eru eftirlíkingarnar.
„Við erum t.d. með jakka hér
sem er alveg eins og jakkar sem
við framleiðum nema hvað hann
er úr nýsjálenzkri ull. Þessi
jakki kostar 70 dollara í Kanada
á meðan okkar kostar 140
dollara."
Hilda selur mest til Banda-
ríkjanna og Kanada en einnig til
ýmissa Evrópuríkja.
„Mér finnst vera komin hálf-
gerð sýningaþreyta í fólk,“ sagði
Sigurður. „Eg hef aldrei séð
jafnfá fyrirtæki sýna á neinni
sýningu eins og núna en við
höfum lítið af sýningunni að
segja þar sem hún mun hvort eð
er ekki koma til með að auka
söluna hjá okkur þar sem við
fiytjum einungis út.“ sagði
Sigurður að lokum.