Morgunblaðið - 17.09.1978, Blaðsíða 15

MORGUNBLAÐIÐ, SUNNUDAGUR 17. SEPTEMBER 1978
47
Lister
Dieselvélar
5—250 hestöfl
vatnskældar eöa
loftkældar.
Rafstöðvar
2—175 KVA
Bátavélar
meö gír
Vélasalan h.f.
Garðastræti 6
S. 15401, 16341.
AUGLÝSINGATEIKNISTOFA
MYNDAMÓTA
Aðalstræti 6 sími 26810
Þroskandi og skemmtilegt
að takast á við suona starf
segir Einar Hákonarson nýr skólastjóri
Myndlista- og handíðaskóla íslands
EINAR Hákonarson listmálari
var nýlega settur skólastjóri
Myndlista- og handíðaskóla
íslands. Einar er ekki með öllu
ókunnugur þeirri stofnun, því
að hann hefur átt þar fjölmörg
spor, fyrst sem nemandi og frá
því að framhaldsnámi lauk sem
kennari. Blm. skrapp á dögun-
um upp í Skipholt til að spjalla
lítillega við Einar um ýmislegt
viðvíkjandi skólanum. Þegar
inn var komið, var allt tómt, en
við nánari eftirgrennslan kom
þó í ljós, að Einar var mættur
þar með uppbrettar ermar,
enda undirbúningur fyrir vet-
urinn í fullum gangi. Við
settumst niður og Einar var
spurður að því hvernig honum
litist nú á að taka við skóla-
stjórastöðu í þessum skóla<
„Það er á það að líta, sagði
Einar, að ég tel mig þekkja
innviði þessa skóla nokkuð vel.
Bæði er það, að ég stundaði hér
nám þegar Kurt Zier var skóla-
stjóri, en hann gerbreytti þess-
um skóla og kom honum í það
skipulag, sem nú er, og einnig
hef ég stundað kennslu hér í
nokkur ár. Það form á forskóla-
náminu, sem nú er, var mótað
undir stjórn hans og eins sumar
þeirra deilda, sem síðar komust
á laggirnar ásamt hinum ýmsu
kennurum, sem störfuðu við
skólanna. Það, sem er nýnæmi
fyrir mig, er stjórnunarþáttur-
inn og að fást við hann, og það
leggst bara vel í mig. Eg kvíði
engu um samstarfið við kennar-
ana, því að þeir eru allír góðir
kunningjar mínir í gegnum árin.
— Hvernig er að vera sífellt í
tveimur hlutverkum; annars
vegar kennari eða skólastjóri og
sinna svo listsköpun þegar heim
er komið?
Það á eftir að koma í ljós,
hvort skólastjórastarfið er að
miklu leyti frábrugðið kennsl-
unni. Ég hef verið kennari í
fullu starfi um nokkurra ára
skeið og kennsla og skólastjóra-
starf er mörgu leyti skylt. Hvort
tveggja er krefjandi. Ef maður
ætlar að verða góður kennari er
óhjákvæmilegt að gefa eitthvað
af sjálfum sér og það bitnar að
einhverju leyti á listsköpuninni.
Kennsluskylda fyrir kennara,
hér við skólann, sem margir
hverjir eru myndlistarmenn, er
of mikil og margir þeirra
kennara, sem hér hafa kennt,
hafa því valið að kenna í hálfu
starfi. En það gefur auga leið, að
sá sem er virkur í listsköpun,
ætti að geta verið frjór í
kennslu.
— Ertu ánægður með skól-
ann?
Þessi skóli hefur verið í
mótun og hann hefur stækkað
mikið. Það sýnir kannski bezt
áhugann á myndlist í landinu,
að við höfum ekki getað tekið á
móti nema 40—50% allra
þeirra, sem sækja um árlega.
Húsnæðið hér er óhentugt; þetta
er skrifstofuhúsnæði og það
þrengir.að ýmsum þáttum, sem
hér þyrftu að vera eins og t.d.
ýmsum verkstæðum, og einnig
vantar hér deildir sambærilegar
við það, sem gerist í skólum
erlendis. I nýjum lögum sem nú
liggja fyrir Alþingi um skólann
er reyndar gert ráð fyrir að
auka við ýmsar deildir og bæta
við nokkrar sem fyrir eru. Hér
er t.d. engin myndhöggvaradeild
og einnig vantar margar deildir
í listiðnaði og þær sem fyrir eru
búa við mikil þrengsli. í þessu
sambandi verður að gera sér
grein fyrir, að nauðsynlegt er að
efla íslenzkan iðnað, t.d. fata-
iðnað og húsgagnaiðnað. Það
verður þó aldrei að veruleika,
nema þessum greinum verði
búin góð skilyrði. Og raunar er
þetta samhangandi við hina
frjálsu myndlist. Það er greini-
legt, að þótt íslenzk myndlist
hafi sótt næringu sína til
útlanda, hefur hún samt sem
áður einhver séríslenzk ein-
kenni; það sér maður bezt, þegar
maður skoðar íslenzk verk á
erlendum samsýningum. Og ég
er sannfærður um, að eitthvað
svipað ætti að geta gerzt í
íslenzkum iðnaði, ef aukið svig-
rúm skapaðist og aukinn
skilningur ráðamanna bæði í
menntamálum og annarra, sem
standa í fororði fyrir íslenzkum
iðnaði á ýmsum sviðum, væri
fyrir hendi.
— Hvað viðkemur innri
stefnumótun skólans má
kannski segja, að þar séu
misjafnar skoðanir uppi um,
hvaða leiðir eigi að fara í
námsbrautum og námsefni. Ég
er þeirrar skoðunar og móta
stefnuna eftir þeirri skoðun, að
enginn læri tungumál almenni-
lega, nema einhver skilningur í
málfræði viðkomandi máls sé
fyrir hendi og sama er að segja
um myndlistarkennslu. Það
verður enginn fullfær mynd-
listarmaður strax í byrjun,
heldur verður hver og einn að
læra ýmis grundvallaratriði í
teiknun og litameðferð, áður en
að beinni listsköpun kemur.
Tónlistarmaður þarf að stunda
þrotlausar æfingar aftur og
aftur og í myndlistinni er þessu
eins farið.
Fyrsta og annað ár þessa
skóla mótast mjög af þessu. Þar
er mikil mötun á námsefni -í
nemenda. Þessi tveggja ára
skóli á að vera undirbúningur
fyrir hinar ýmsu deildir, sem
taka við af þeim og þess vegna
er mikil áherzla lögð á mikla
breidd, sem kemur að gagni sem
víðast og reynir jafnframt á
hugmyndaflug hvers nemenda í
hverju verkefni.
— Hvernig er staða þessa
skóla samanborið við sambæri-
lega skóla erlendis?
Einar: Fyrr á árum sóttu
menn mikið til Norðurlanda í
framhaldsnám og var gott sam-
band við ýmsa skóla þar. Og
hvað viðvíkur þeirra grunn-
menntun, sem hér er lögð
áherzla á, er óhætt að fullyrða,t
að hún hafi verið mjög rómuð á
Norðurlöndum. Það eru að vísu
mörg ár síðan ég fór til
Norðurlanda í framhaldsnám,
en ég bjó vel að þeirri undir-
stöðumenntun, sem ég hefði
fengið hér heima í Myndlista- og
handíðaskólanum, mismunurinn
var mestur hvað varðaði hús-
næði og tækjakost og annað þ.h.
En þegar á heildina er litið
stendur hann vel miðað við
Norðurlönd. Ég átti þess kost að
skoða listaskóla Californíu fyrir
tveimur árum. Þeir voru að
sjálfsögðu allir stærri í sniðum,
en ég held, að árangur hér
heima hafi sízt verið lakari hjá
okkur á sumum sviðum. Það er
staðreynd, að það er mjög erfitt
að komast í listaskóla víða
erlendis, og þess vegna er það
nauðsynlegt, að fólk geti fengið
fullnaðarmenntun sína hér, þótt
á hinn bóginn sé ákaflega
mikilsvert fyrir hvern og einn
sem leggur stund á myndlist að
geta farið utan og víkkað
sjóndeildarhring sinn og þar
koma námsferðir að góðu haldi.
— Attu einhver áhugamál
fyrir utan myndlistina, spyrjum
við.
Nei. Myndlistin er númer gitt
hjá mér, sagði Einar. En svo
hugsaði hann sig dálítið um og
bætti við eftir góða stund: Mér
þykir gaman að skreppa stund-
um á sjóinn. Og satt að segja
togaðist þetta tvennt lengi vel á
í mér: sjómennskan og málara-
listin. Ég veit ekki af hverju það
er, en ég held, að sá, sem fer
einu sinni á sjó, langi alltaf
aftur. Ég veit ekki hvort þarna
eru einhver dularöfl að baki eða
hvort þetta er einfaldlega í
blóðinu í íslendingum. Það er
gott að vera á sjónum og það er
inspírerandi.
— Ætlarðu að verða gamall í
þessu starfi?
Nei. í nýjum lögum fyrir
þennan skóla er gert ráð fyrir,
að skólastjóraembættið verði
ekki í höndum sama manns
nema í fjögur ár. Og ég held
raunar, að það sé bara þrosk-
andi og skemmtilegt fyrir menn
að takast á við svona starf í
nokkur ár, sagði Einar
Hákonarson að lokum.
Einar Hákonarson
Poly-ls stáltoghlerar
13 stæröir
— Toghlerar fyrir allar stæröir fiskiskipa.
J. Hinriksson, vélaverkstæöi —
Skúlatúni 6,
símar 23520 — 26590.
DÝPTARMÆLAR og FISKILEITARTÆKI
fyrir trillur og hraöbáta frá
|f, LOWRANCE ELECTRONICS, INC
eru nú fáanleg á íslandi. Kraft-
mikil sending, allt aö 100 w. Sýna
fisk, þótt siglt sé meö 60 hnúta
hraöa. Sterkbyggð og örugg
amerísk framleiösla.
Lowrange tæki seljast í sama
mæli og framleiösla þriggja
stærstu keppinauta í Bandaríkj-
unum. 6 geröir fyrirliggjandi.
BARC0.
Báta- og vélaverzlun, Lyngási 6, Garðabæ, símar 53322,
52277.
Einkaumboð fyrir LOWRENCE á Islandi.