Morgunblaðið - 24.09.1978, Blaðsíða 2

34
MORGUNBLAÐIÐ, SUNNUDAGUR 24. SEPTEMBER 1978
Flugfélagið ERNIR
á ísafirði
„Aðstœður erfiðar, en bjartsgnir
á framtíð flugsins á Vestfjörðum ”
Flunfélatíið Ernir hefur um
nokkurra ára skeið starfað á
Isafirði 0(i þjónar það Vestfirðing-
um með áætlunar- og leiguflugi og
sjúkraflugi ef svo ber undir. Nýlega
fékk félagið nýja vél af Pipe
Aztec-gerð og tekur hún 5 farþega.
Hörður Guðmundsson er aðaieig-
andi félagsins og flugmaður og hjá
félaginu starfar einnig Hálfdán
Ingólfsson flugmaður, sem einnig
er þekktur fyrir annars konar flug,
svifdrekaflug.
Mbl. ræddi við þá félaga á
dögunum, en það bar þannig til er
•blm. var á leið til Isafjarðar, að vél
Flugleiða varð að lenda á Þingeyri i
stað ísafjarðar vegna of mikils
hliðarvinds þar. Farþegum var
gefinn kostur á að halda ferðinni
áfram með bifreiðum og einnig
hafði verið haft samband við Hörð
og hann beðinn að koma yfir til
Þingeyrar og sækja nokkra far-
þega. Spjallað var við Hörð á
leiðinni til ísafjarðar og hann var
fyrst spurður hvað ylli því að hann
gæti verið á ferðinni með sína
Islander-vél meðan Fokker-vél
gæti ekki lent á Isafjarðarflugvelli.
„Ástæðan er ekki önnur en sú að
Fokker-vélarnar mega ekki lenda á
ísafjarðarflugvelli í meiri hliðar-
vindi en sem nemur 10 hnútum.
Islander-vélin er léttari og því
getum við lent í hliöarvindi allt að
30 hnútum, en það er samt sem
áður ekki þar með sagt að það sé
gert. í dag var vindurinn ekki svo
ýkja mikið yfir 10 hnútum, en samt
nóg til þess að Fokkernum var ekki
ráðiagt að lenda hér.“
Kemur oft fyrir að þið grípið
þannig inn í ef Flugleiðir geta ekki
af einhverjum ástæðum lent hér?
„Það kemur stundum fyrir og þá
er það oft þannig, að verði ekkert
af flugi hingað t.d. að morgni dags
og hópur manna er e.t.v. kominn
inn á flugvöll, þá erum við stundum
beðnir að fara eina eða tvær ferðir
suður, ef einhverjir erg hér sem
þurfa nauðsynlega að komast
strax. Munurinn er líka sá, að
stundum er auðveldara að komast
héðan en lenda hér, þannig að í
þeim tilvikum kemur f.vrir að við
þurfum að gista í Reykjavík.“
Mikið um sjúkraflug
En hver eru helztu verkefni
flugfélagsins ?
„Við sinnum leiguflugi alls kon-
ar, áætlunarflugi og sjúkraflugi.
Leiguflugið er margs konar, stund-
um er flogið eftir varahlutum, til
Reykjavíkur og með tilkomú nýju
vélarinnar er sá möguleiki fyrir
hendi að fljúga til nálægra landa
eftir varahjutum ef mikið liggur
við, en það er einkum útgerðin sem
þarf á þess konar flugi að halda.
Nú þegar komið er fram á þennan
árstíma förum við að búa okkur í
eftirleitir, en við höfum á undan-
förnum árum farið með fjallkóng-
ana í eftirleitir.
Sjúkraflugið er alltaf töluvert og
má nefna að í fyrra var farið 81
sjúkraflug og útlit er fyrir að þau
verði ekki færri í ár. Sjúkraflugið
er eiginlega af öllum Vestfjarða-
kjálkanum og er mikið öryggi í því
að hafa vélar hér vestra til að geta
sinnt þessum þætti flugsins og
stundum kemur fyrir að ófært er í
Reykjavík og er þá flogið til
Akureyrar með sjúklingana."
í þessu sambandi má skjóta því
hér inn, að Fjórðungssamband
Vestfjarða sá ástæðu til þess á
þingi sínu fyrir skömmu að þakka
flugfélaginu Örnum fyrir fórnfúst
og giftudrjúgt starf á undanförn-
um árum. En næst er Hörður
spurður um áætlunarflugið:
„Farnar eru ferðir alla virka
daga til Súgandafjarðar og þrjá
daga í viku til Flateyrar, Þingeyr-
ar, Bíldudals og Patreksfjarðar og
er það í sambandi við annað flug á
þessa staði. Þetta flug er mjög
þýðingarmikið að því leyti, að það
tengir saman þessar byggðir og
auk samgangnanna sem það býður
upp á fylgja því einnig aukin
viðskipti í ýmsum myndum. Segja
má að þessar ferðir skiptist nokkuð
jafnt milli póstflugs, vöruflutn-
inga- og farþegaflugs, en það er
fyrst og fremst póstflugið, sem ýtir
undir þessar áætlunarferðir. Póst-
flugið stendur þó engan veginn
undir öllum kostnaði við þetta, og
því bæta farþega- og vöruflutning-
ar það upp. Á sumrin er fremur
lítið um farþéga, en því meira á
vetrum þegar vegir lokast og þá fer
fólkið fremur í flugvél milli
þessara staða þótt stutt sé, enda
erfitt að ferðast á landi.“
Hörður nefndi sem dæmi að
daginn áður en við spjölluðum
saman var farin ein ferð til
Reykjavíkur auk póstflugs til
Súgandafjarðar og farin var leigu-
ferð til Stykkishólms. Auk flugsins
til Þingeyrar þennan dag sem áður
er minnst á sagði Hörður að búið
væri að panta flug frá Siglufirði til
Reykjavíkur og meðan á spjalli
okkar stóð hringdi síminn hjá
honum og beðið var um sjúkraflug
frá Þingeyri til Reykjavíkur. Því
var ekki til setunnar boðið og gert
var hlé á spjallinu til næsta dags.
Ný flugvél
Sem fyrr segir fékk félagið nýja
vél á dögunum og hefur hún sæti
fyrir 5 farþega og er af gerðinni
Piper Aztec, og er tveggja hreyfla.
Fyrri vélin var keypt fyrir einu og
hálfu ári og er af Islander-gerð og
tekur hún 9 farþega. Flughraði
Aztec-vélarinnar er um 310
km/klst. en Islander flýgur heldur
hægar eða um 210 km/klst. Sagði
Hörður að báðar væru ágætar til
sjúkraflugs, en auðveldara væri þó
bæði fyrir flugmann og farþega í
sjúkraflugi að athafna sig í Island-
er-vélinni. Áður en sú vél var keypt
átti félagið fyrir einshreyfils vel af
Helio-gerð og er nýlega búið að
ferja hana til Bandaríkjanna, þar
sem sami aðili og Aztec-vélin var
keypt hjá tók hana upp í kaupverð-
ið.
Síðari lota viðtalsins fór fram á
sunnudagsmorgni á skrifstofu flug-
fétagsins sem er í flugstöðvarbygg-
ingunni á Isafjarðarflugvelli og þá
var Hálfdán einnig með, en hann
hafði daginn áður verið að svífa á
dreka sínum suður á Barðaströnd-
inni. Talið barst m.a. að örygg-
ismálum og ástandi flugvalla
þarna vestra:
Enginn völlur
upplýstur vestra
„Aðstæðurnar sem við þurfum að
vinna við eru gífurlega erfiðar,
Hér eru þeir félagar að koma
nýju vélinni fyrir á stæðinu á
ísafjarðarflugvelli.
sögðu þeir félagar, því sums staðar
eru e.t.v. símalínur rétt við vellina,
þeir eru ógirtir sem hefur það í för
með sér að búfénaður getur valdið
töfum og jafnvel hættu og enginn
vallanna er upplýstur. Við erum
hér með tugmilljóna króna tæki og
svo er ætlast til þess að við lendum
á næstum hvers konar flugvöllum
sem hafa verið gerðir fyrir aðeins
nokkur hundruð þúsund krónur,
jafnvel er látið nægja að slétta út
einhverja mela. Þetta hefur stund-
um valdið skemmdúm á vélunum
þegar grjótið kastast í þær og
hefur oft mikinn kostnað í för með
sér.“
En þeir Hörður og Hálfdán vildu
einnig minnast hins sem vel hefði
verið gert:
„Við teljum að mjög vel hafi
verið haldið á málum hér sl. tvö ár
og má t.d. nefna að malbikaður
hefur verið annar endi flugbraut- h
arinnar á Isafjarðarflugvelli, 400 m
kafli, sett hefur verið upp sandsíló,
sem án efa verður til að fjölga :
flugdögum hér og b.vrjað er á að :
reisa geymslu er húsa 4 ójl ;
öryggistæki svo sem slökkvibíl, J
sópara og fleiri tæki. Guðbjörn
Charleson, sem starfað hefur sem
fulltrúi flugmálastjórnar hér,
hefur fengið nokkuð frjálsar hend-
ur með á hvern hátt fénu, sem
ráðstafað er hingað, hefur verið
varið og teljum við hann hafa
staðiö sig frábærlega vel í því
starfi, og af hagsýni, enda heima-
maður og öllum hnútum kunnugur.
En það sem við teljum að gera
þurfi næst er t.d. að malbika
stæðið hér framan við flugstöðvar-
bygginguna og lýsa upp völlinn, en
að því yrði mikið öryggi, ekki sízt
fyrir smærri vélar og með tilliti til
sjúkraflugs, sem oft fer fram að
næturlagi. Ljósin myndu að vísu
hafa þann ókost að snjóruðningur
verður erfiðari, þar sem ryðja
þyrfti frá hverju einstöku ljósi."
Þá nefndu þeir flugmennirnir að
til mikilla bóta væri ef settur yrði
upp fjölstefnuviti með fjarlægðar-
mæli einhvers staðar á Vestfjarða-
hálendinu, en slíkur viti myndi
gera þeim kleift að staðsetja sig
með mikilli nákvæmni og mun
nákvæmar en hægt er með hjálp
radíóvita, en þeir geta verið
ótraustir nema í lítilli fjarlægð.
Um völlinn á Patreksfirði sögðu
þeir að hann væri nokkuð góður, en
bæta þyrfti úr húsakosti og á
Bíldudal væri sá galli að völlurinn
væri nokkuð langt frá þorpinu og
þar sem símalína væri rétt við
völlinn væri gott að fá tengdan
síma í húsin, sem þar þyrfti að
vera.
„Það hefur heldur lítið verið gert
fyrir vellina í Djúpinu og ekki
handtak í sumar, en oft hafa þeir
þó verið valtaðir a.m.k. einu sinni á
ári, héldu þeir áfram. Nauðsynlegt
er að setja á þá betra bindiefni til
að forða vélunum frá frekari
skemmdum. Annars eru þessi
vandamál okkar hér ekkert ein-
stök, þau eru svipuð hvar sem er á
landinu og við erum bjartsýnir á að
flugið hér fyrir vestan eigi mikla
framtíð fyrir sér.“
Eftirlitsflug?
Hörður nefndi að Flugfélagið
Ernir gæti tekið að sér enn eitt
verkefni, sem sparað gæti ríkinu
verulegt fé:
„Við höfum mikinn áhuga á að
taka að okkur hluta af ískönnunar-
og eftirlitsflugi fyrir Landhelgis-
gæzluna. Slíkt flug er mun auð-
veldara og ódýrara að stunda frá
ísafirði en Reykjavík og má nefna
sem dæmi að við erum vart meira
en 20—30 mínútur að skreppa t.d.
út að ýmsum þeim svæðum sem oft
eru lokuð og myndi það bæði spara
fé í siglingu varðskipanna og
Fokker-véla gæzlunnar, því hver
flugtími hjá þeim er mun dýrari en
á litlum vélum."
Hvernig er háttað viðgerðar-
þjónustu á vélum ykkar?
„Öll viðgerðarþjónusta fer fram
hjá FlUgfélagi NorðUrlands, en það
hefur byggt upp eitt bezta, verk-
stæði á landinu og hefur það 2—3
flugvirkja í fullri vinnu. Við höfum
yíssulega áhuga á að fá aðstöðu
hér, en það verður að bjða um tíma
því verkefni eru enn ekki næg fyrir
mann í fullu starfi.“
Að lokum nefndu þeir Hörður
Guðmundsson og Hálfdán Ingólfs-
son eitt mál, sem þeir töldu
flugfélagið Erni standa nokkuð
höllum fæti gagnvart, en það eru
tryggingamál.
„Þau flugfélög hér á landi sem á
einhvern hátt hafa tengst Flugleið-
um hafa getað fengið mun betri
kjör á öllum tryggingum og greiða
félög sem tengjast flugleiðum
60—70% hærri iðgjöld, þó þau
starfi öll á sama grundvelli, og séu
með sams konar flugvélar.“
Hörður Guðmundsson t.v. og Hálfdán Ingólfsson