Morgunblaðið - 04.10.1978, Page 5

MORGUNBLAÐIÐ, MIÐVIKUDAGUR 4. OKTÓBER 1978
5
Búist við 15-20 þus-
und þáttakendum í
f>Tsta skólaskákmótinu
UNDANFARIÐ hefur verið í
undirbúninKÍ framkvæmd sam-
ræmdra skólaskákmóta í öllum
Krunnskólum landsins. en á
síðasta aðalfundi Skáksambands
íslands, var samþykkt tillasa um
þetta efni frá Skáksambandi
Suðurlands.
Nefnd sú sem sett var á
laggirnar til að semja reglugerð
fyrir keppnina, undir formennsku
dr. Ingimars Jónssonar, hefur nú
skilað áliti, sem hlotið hefur
staðfestingu stjórnar Skáksam-
bands íslands og verið kynnt
menntamálaráðuneytinu.
í stórum dráttum er þar gert ráð
fyrir að sérstakt skólaskákmót
verði haldið í öllum grunnskólum
landsins eða í 210 skólum. í
keppninni skal nemendum skipt í 2
flokka. í yngra flokki, 7—12 ára,
keppa nemendur í 1.—6. bekk, en í
eldra flokki 13—16 ára, nemendur
í 7.-9. bekk. Alls geta skólaskák-
mótin orðið 183 í barnaflokki og
132 í unglingaflokki. Keppnin
skiptist í: a) skólamót. þar sem
keppt er um titilinn skólaskák-
meistari viðkomandi skóla. b)
sýslumót/kaupstaðamót, sem í
keppa skákmeistarar skólanna
innan hverrar sýslu og í hvorum
flokki um titilinn sýslu- eða
kaupstaðarmeistari í skólaskák. c)
kjördæmamót, sem í keppa 2 efstu
menn hvérrar sýslu eða kaupstað-
ar í viðkomandi kjördæmi, um
titilinn kjördæmismeistari í skóla-
skák. d) Landsmót. þar sem
skólaskákmeistarar kjördæmanna
keppa og 2 frá Reykjavík, um
titilinn Skólaskákmeistari íslands
í hvorum flokki fyrir sig.
Alls geta skakmótin orðið 349
talsins, 315 skólamót, 25 sýslu- eða
kaupstaðamót, 8 kjördæmamót og
1 landsmót. Þátttakendur gætu
hæglega orðið á bilinu 15—20
þúsund. Er því hér um að ræða
stærstu skákkeppni, sem skipulögð
hefur verið hér á landi og þó víðar
væri leitað.
Skáksamband Islands hefur
yfirumsjón með keppninni, en
einstök svæðasambönd, taflfélög
eða aðrir aðilar munu annast
framkvæmd mótanna á tilteknum
svæðum. SI sér um framkvæmd
landsmótsins. Útbúin hafa verið
sérstök verðlaunaskjöl fyrir sigur-
vegarana í einstökum rúótum, sem
Erlendur Magnússon, kennari á
Hvolsvelli, hefur gert, en hann
hefur tekið að sér að vera
aðalumsjónarmaður skólaskák-
keppninnar.
>
>
< Inuunn; ihríitt <
<K<iK < n9 íruinb'ir- <
Merki mótsins.
Dr. Jakob Jónsson:
Hálf milljón til Hall-
grímskirkju í Reykjavík
Fyrir skömmu voru mjer
afhentar fimm hundruð þúsund
krónur, er jeg var beðinn að fá
gjaldkera Hallgrímskirkju í
Reykjavík, að gjöf til kirkjunnar.
Þessi beiðni rifjaði upp fyrir mjer
ótalmörg ánægjuleg atvik frá
liðnum áratugum, og jeg sá fyrir
mjer þá vinsemd, sem þjóðin hefir
borið í brjósti til þessarar kirkju.
Jeg man þá tíð, að Hallgríms-
söfnuður hafði ekki þak yfir
höfuðið, og mikið varð út undan af
því sem prestana langaði að
framkvæma. Hvergi var fastur
bústaður fyrir kirkjulegt starf í
hinu nýja prestakalli. Jeg hugsa
einnig til þeirrar starfsemi, sem
smám saman gat farið fram, eftir
að lítið brot af kirkjunni var
komið upp og orðið nothæft.
Kvenfjelagsstarf, æskulýðsstarf,
kirkjukvöld, þar sem sumir af
merkustu fvrirlesurum fluttu mál
sitt og afburða söngvarar og
leikarar tóku þátt í menningar-
starfi á vegum kirkjunnar. Enn-
fremur guðfræðileg námskeið.
Hjer var um að ræða margt fleira
en messurnar einar á helgum
dögum. Yfir mörgu er ástæða til
að gleðjast. Þó að kirkjubygging-
unni hafi þokað hægt áfram, hefir
aldrei verið gefist upp, og jafnan
horft fram á við. En því er ekki að
leyna, að stundum hefir gætt
misskilnings gagnvart Hallgríms-
kirkju. Mörgum hefir þótt hún of
stór. En sjálfur er jeg sannfærður
um, að einhvern tíma verður
kvartað yfir því, að Hallgríms-
kirkja sje ekki nógu stór. Nýlega
sá jeg grein í blaði um nýtingu
húsa, og var þar margt skynsam-
lega sagt, sem jeg fyrir mitt leyti
get vel fallist á. Með greininni var
mynd af Hallgrímskirkju. Og þá
kom mjer til hugar, hversu gaman
verði að lifa, þegar kirkjan verði
fullbyggð og nýting hennar svo
sem vinir hennar hafa jafnan þráð
og dreymt um. Jeg nefni hjer
aðeins eitt átriði, hina kirkjulegu
sönglist. Dr. Páll ísólfsson, Dr.
Róbert A. Ottósson, Ingólfur
Guðbrandsson og fleiri athafna-
menn á því sviði hafa látið í ljósi
þá von að Hallgrímskirkja' myndi
á sínum tíma verða framúrskar-
andi „sönghús", sem geti veitt
aðstöðu til flutnings hinna mestu
kirkjulegu tónsmíða, sem völ er á.
— Þetta er draumur fjölmargra
meðal tónlistarmanna okkar. Jeg
vona, að draumurinn eigi eftir að
rætast, og „nýtingin“ verði í
samræmi við það.
I upphafi þessara orða minntist
jeg á höfðinglega gjöf til
kirkjunnar, en þessi gjöf vekur
ekki aðeins minningar, heldur og
vonir — því sendi jeg þessar línur
frá mjer — bæði sem þakkarorð til
gefandans og einnig til einlægrar
og ákveðinnar hvatningar til allra,
sem vilja vinna að því, að bygging-
unni verði lokið sem fyrst, — til
kirkjulegs starfs í þrengri
merkingu og til tónlistariðkunar
um komandi aldir. Jeg beini orðum
mínum þess vegna ekki aðeins til
safnaðarins, heldur til
almennings, og ekki sízt til tón-
listarfólksins í landinu í heild.
Gaman væri, ef sá hópur vildi gera
eitthvað alveg sjerstakt til að ýta
undir verkið. I þeirri „litlu“ kirkju
og samkomusal, sem Hallgríms-
söfnuður hefir haft yfir að ráða,
hefi jeg heyrt marga snillinga
leika og syngja, og jeg vona, að sá
tími sje ekki langt undan, að unnt
verði að heyra tónsnillinga íslands
innan þeirra veggja, sem víðari
verða og undir hærra þaki. Engin
hætta á öðru en að nýtingin verði
góð. Kannski það eigi eftir að
koma upp úr dúrnum, að
Hallgrímskirkja sje of lítil.
Meö vinsemd.
Jakoh Jónsson
fyrrv. prestur við
Ilallgrímskirkju.
Sjálfstæðisflokkur:
Ráðstefna um verka-
lýðsmál á Hellu
Ákveðið hefur verið að halda
ráðstefnu á vegum Verkalýðs-
ráðs Sjálfstæðisflokksins
laugardag og sunnudag 14. og
15. október n.k. í
Verkalýðshúsinu, Hellu.
Ráðstefnan hefst á laugardag-
inn 14. október kl. 14:00 með
ávarpi fornianns Verkalýðsráðs,
Gunnars Helgasonar.
Famsögur verða m.a. um:
Sjálfstæðisflokkurinn
og launþegasamtökin.
Framsögumenn: Bjarni
Jakobsson, formaður Iðju, og
Pétur Sigurðsson, varaformaður
Verkalýðsráðs.
Atvinnumál
Framsögumenn: Kristján
Ottósson, formaður Félags
blikksmiða, og Sigurður Óskars-
son, framkvæmdastjóri verka-
lýðsfélaganna í
Rangárvallasýslu.
Kaup- og kjaramál
Framsögumenn: Hersir Odds-
son, varaformaður B.S.R.B., og
Magnús L. Sveinsson, varafor-
maður V.R.
Vinstri stjórnin og
skattamálin
Framsögumaður: Guðmundur
H. Garðarsson, formaður V.R.
Umræðuhópar munu starfa
fyrir hádegi á sunnudag, en
ráðstefnunni verður fram haldið
kl. 13.30 þar sem lagðar verða
fram ályktanir umræðuhópanna
til umræðu og afgreiðslu.
Á sunnudag mun formaður
Sjálfstæðisflokksins, Geir
Hallgrímsson, flytja ávarp.
Nauðsynlegt er vegna undir-
búnings (gisting o.fl.) að til-
kynna þátttöku í síðasta lagi 10.
október n.k. til skrifstofu Sjálf-
stæðisflokksins, sími 82398 —
82900.
(Fréttatilkynning)
sími: 27211
Allir kjólar
verzlunarinnar
á stórlækkuðu
verði í dag
og næstu
daga
★ Vinnukjólar
frá 3.900 kr.
★ Sparikjólar
frá 7.500 kr.
★ Síðir kjólar
frá 9.900 kr.