Morgunblaðið - 04.10.1978, Síða 15
MORGUNBLAÐIÐ, MIÐVIKUDAGUR 4. OKTÓBER 1978
15
Helgafell gefur
út þrettán bækur
ÞRETTÁN bækur koma út hjá
Helgafelli í haust: átta frumút-
gáfur og fimm endurútgáfur.
Auk nýrrar bókar Halldórs
Laxness, sem Mbl. hefur skýrt
frá, en hún verður 44. bók
Halldórs, verða fimm fyrri
bækur hans endurútgefnar, en
að sögn Ragnars Jónssonar
verður Helgafell stöðugt að
bæta í skörðin með endurútgáf-
um á bókum Laxness. Fyrstu
bækur Helgafells, sem koma út
síðar i mánuðinum, eru safn
þýddra smásagna, leikrit þýdd
af Árna Guðnasyni og ljóðmæli
Sigurðar Sigurðssonar frá Arn-
arholti. Síðan kemur bók Hall-
dórs Laxness og á eftir henni 3ja
bindið ^af Ættum Þingeyinga,
sagnasafn Svövu Jakobsdóttur,
unglingabók eftir Pál Jónsson
og myndskreytt útgáfa af Þorp-
inu eftir Jón úr Vör og er það
Kjartan Guðjónsson sem gerir
teikningar í bókina.
Ur fórum fyrri alda nefnist
safn þýddra sagna sem Kristján
Albertsson hefur valið úr blöð-
um og tímaritum á öldinni sem
leið. I bókinni eru 15 sögur
þýddar af Benedikt Gröndal,
Bertel E.Ó. Þorleifssyni, Birni
Jónssyni, Brynjúlfi Kúld, Hann-
esi Hafstein, Jóni Ólafsyni,
Matthíasi Jochumssyni, Stein-
grími Thorsteinssyni, Þorgils
Gjallanda og Þorsteini Erlings-
syni.
„Eg hef orð Halldórs Laxness
og Þorsteins Ö. Stephensen fyrir
því að Árni Guðnason hafi verið
okkar bezti leikritaþýðandi,"
sagði Ragnar Jónsson í samtali
við Mbl. í gær. „Mér þykir því
nokkur heiður að því að mega
koma þýðingum hans á fram-
færi, en ætlunin er að gefa út öll
þau um 40 leikrit, sem Árni
þýddi.“ I þessari fyrstu bók eru
Andrókles og ljónið og Óska-
barn örlaganna eftir Bernard
Shaw. Þorsteinn Ö. Stephensen
annast útgáfuna.
Ljóðmæli Sigurðar Sigurðs-
sonar frá Arnarholti eru fyrsta
heildarútgáfan á ljóðum hans,
en auk ljóðabóka lét Sigurður
eftir sig ljóð og brot í blöðum og
handriti og kvaðst Ragnar ætla
að um þriðjungur efnisins í
bókinni hefði ekki birzt áður.
Jóhann Gunnar Ólafsson fyrr-
verandi bæjarfógeti hefur séð
um útgáfuna og ritar að henni
formála.
Þriðja bindið af Ættum Þing-
eyinga er mikið rit sem hin fyrri
og sagði Ragnar það m.a.
innihalda um 1200 myndir.
Höfundur er Indriði Indriðason
og sagði Ragnar ákveðið að
halda þessari útgáfu áfram.
Sagnasafn Svövu Jakobsdótt-
ur hefur að geyma sögur henn-
ar: smásögur og skáldsögur, sem
Helgafell hefur áður gefið út.
Unglingabók Helgafells verð-
ur Berjabrjótur eftir Pál Jóns-
son fyrrúm skólastjóra á Húsa-
vík.
Brynhildur And-
ersen endurkjör-
in formaður
— félags sjálfstœðismanna í
vestur- og miðbœjarhverfi
BRYNHILDUR Andersen var
endurkjörinn formaður Félags
sjálfstæðismanna í vestur- og
miðbæjarhverfi á aðalfundi
félagsins á sunnudag. Illaut
Brynhildur 20 atkvæði en
Guðmundur Ingi Gunnlaugs-
son. fyrrvcrandi varaformaður
félagsins, sem bauð sig fram til
formennsku á móti Brynhildi
fékk 13 atkvæði.
í stjórn félagsins voru endur-
kjörin: Áslaug Cassata, Jón
Ólafsson og Ásgeir Bjarnason.
Pétur Snæland og Pétur
Sigurðsson gáfu ekki kost á sér
til endurkjörs en nýir í stjórn
voru kjörnir: Þorkell Sigur-
laugsson, Jón B. Stefánssqn og
Svanur Þór Vilhjálmsson.
„Ég er hlynnt því að fólk láti
reyna á stöðu sína í kosningum
og því hef ég ekkert nema gott
eitt um það að segja að varafor-
maður minn skyldi bjóða sig
fram á móti mér í formann-
starfið að þessu sinni,“ sagði
Brynhildur Andersen í samtali
við Mbl. í gær. „Ég tel að
mótframboð hans sé fyrst og
fremst til komið vegna ein-
hverra átaka hjá ungu mönnun-
um, sem vilja yngja upp og
breyta til í forystusveitum
flokksins. Við það sjónarmið í
sjálfu sér hef ég ekkert að
athuga. Kosningabaráttan var
hins vegar ekki löng, því mér
var ekki endanlega skýrt frá
mótframboðinu fyrr en á föstu-
dagskvöld.
Ég leiði engum frekari getum
að þessu mótframboði, hvorki
persónulegum né pólitískum. En
það náði alla vega ekki fram að
ganga á þessum fundi."
Mbl. hafði einnig samband við
Guðmund Inga Gunnlaugsson
og spurði hann um mótframboð
hans, en hann kvaðst ekkert
vilja láta hafa eftir sér um
málið.
Teflir í Danmörku
DAGANA 14. okt. til 22.
okt. nk. verður haldið í
Hvidovre, Danmörku, skák-
mót fyrir keppendur á
aldrinum 20—25 ára.
Danska skáksambandið
og Hvidovre-skákklúbbur-
inn standa fyrir mótinu og
hafa boðið til mótsins
efnilegum skákmönnum á
þessum aldri frá Norður-
löndunum, Hollandi og
Sviss.
Af hálfu Skáksambands
íslands hefur Haraldur
Haraldsson, skákmeistari
úr Mjölni, verið valinn til
þátttöku, en hann sigraði í
áskorendaflokki í Skák-
þingi íslands sl. vetur.
Alls verða þátttakendur
20 talsins og í mótinu verða
tefldar 9 umferðir eftir
svissneska kerfinu.
Yfirmenn hers
Egypta settir af
Kaíró, 3. október. Reuter.
ANWAR Sadat forseti, sem tilncfndi Mustapha Khalil forsætisráðherra í gær, veitti í dag tveimur æðstu
mönnum hermála Egypta lausn frá störfum í dag, aðeins níu dögum áður en viðræður hefjast við
ísraelsmenn um friðarsamning.
Mohammed Abdel-Ghani
Gamassi hermálaráðherra, sem er
jafnframt yfirhershöfðingi herafl-
ans, og Mohammed Ali Fahmi
hershöfðingi, forseti herráðsins,
verða hernaðarráðunautar forset-
ans að því er Kaíró-útvarpið
tilkynnti.
Hingað til hefur embætti for-
setaráðgjafa verið virðingarstaða
og ekki er ljóst hvort breyting
verður þar á.
Vestrænir diplómatar vara við
því að of mikið sé lagt upp úr
þessum breytingum. Þeir segja að
vitað hafi verið að Sadat vildi
breytingar í æðstu forystunni og
nýja menn og hann hafi greinilega
notað byrjun friðarviðræðnanna í
Washington til þess þar sem hann
hafi talið tímann hentugan.
Samkvæmt áreiðanlegum
heimildum hefur Khalil, hinn
nýtilnefndi forsætisráðherra, valið
Kamal Eddin Hassan Ali hermála-
ráðherra. Hann var yfirmaður
brynvædds herfylkis í Sinai-auðn-
inni í stríðinu 1973.
Kairó-útvarpið sagði að eftir-
maður Fahmi hershöfðingja yrði
Ahmed Badawi hershöfðingi sem
stjórnaði sókn Þriðja egypzka
hersins yfir Súez-skurð í stríðinu
1973.
Vestrænir diplómatar segja að
Sadat telji að algerlega nýir menn
eigi að veita fyrstu raunverulegu
friðarstjórn- Egypta í 30 ár for-
Norsk lest fór
út af sporinu
Frá íréttaritara Mbl.í Ósló í «ær.
TUTTUGU og sjö voru fluttir á
sjúkrahús. lítillega meiddir eða
vegna taugaáfalls, þegar tveir
vagnar hraðlestarinnar
„Skandiapilen“ frá Kaupmanna-
höfn til Ósló höfðu farið út af
sporinu hjá Moss sunnan við Ósló
í gærkvöldi.
Óttazt var í fyrstu að stórslys
hefði orðið og margir hefðu farizt
og slasazt alvarlega og 15 sjúkra-
bílar, mörg hundruð björgunar-
menn og ein þyrla voru strax send
á vettvang.
En fljótt kom í ljós að slysið var
ekki eins alvarlegt og óttazt hafði
verið. Aðeins þrír þeirra 27 sem
meiddust voru enn í sjúkrahúsi
síðdegis í dag.
Það voru tveir öftustu vagnarnir
sem fóru út af sporinu. Lestin ók á
lítilli ferð þar sem menn voru að
vinna við járnbrautarlínuna og því
varð slysið ekki eins alvarlegt og
það gat orðið. En vinnan við
línuna orsakaði kannski slysið þar
sem of mikil feiti var á teinunum
og línan var óstöðug.
Nokkrir útlendingar voru í
öftustu vögnunum, þar á meðal
Bandaríkjamenn, Svíar og Danir
en enginn íslendingur að því er
Morgunblaðinu var tjáð.
ystu. í ræðum að undanförnu
hefur Sadat sagt að hann vilji að
„kynslóðin 1973“ stjórni landinu.
Samkvæmt áreiðanlegum heimild-
um eru breytingarnar í samræmi
við þessa stefnu.
Arabafundur
Jórdanía, Saudi-Arabía, Kuwait,
Bahrain, Arabíska furstasam-
bandið Qatar og Oman hafa lýst
yfir stuðningi við tillögu Iraks um
fund æðstu manna Araba um
samkomulagið í Camp David.
Tilgangur fundarins verður sam-
kvæmt áreiðanlegum heimildum
að fá Egypta ofan af því að semja
sérfrið við Israel. írak leggur til að
komið verði á fót níu milljarða
dollara sjóði til stuðnings Egypt-
um til að fá þá ofan af stuðningi
við samkomulagið í Camp David.
Samkvæmt heimildum í
Bahrain hefur Hafez Al-Assad
forseti Sýrlands tekið vel í hug-
myndina. Varaforseti íraks,
Saddam Hussein, ræddi í dag við
emírinn í Kuwait og forsætisráð-
herra landsins um fyrirhugaðan
fund. Hann kom frá Jeddah þar
sem hann skaut óvænt upp kollin-
um í gær og ræddi við Fahd
krónprins.
I Cleveland, Ohio, Bandaríkjun-
um, gekk Khalid konungur Saudi-
Arabíu undir hjartauppskurð í
dag.
■ ■■
ERLENT
Verndarsvæðin við Svalbarða:
Vondauft um árang-
ur vegna heilsuleysis
Alexanders íshkoffs
Ósló. 3. október.
Frá Jan Erik Lauré fréttaritara Mbl.
ÝMISLEGT bendir til þess að
Alexander Ishkoff, sjávarútvegs-
ráðherra Sovétríkjanna, komist af
heilsufarsástæðum ekki til við-
ræðna við Jens Evensen í Ósló um
miðjan mánuðinn, eins og ráðgert
hefur verið. Erindi Ishkoffs var að
halda áfram viðræðum um vernd-
arsvæðin við Svalbarða, en Norð-
menn hafa bundið vonir við að á
fundinum næðist einhver árangur.
Það er einkum skýrsluskylda um
aflamagn á vernduðu svæðunum,
sem Sovétmenn hafa ekki viljað
fallast á, en auk þess hafa
Sovétmenn haldið því fram í
viðræðum um fiskverndarmál á
þessum slóðum að Norðmenn hafi
ekki heimild til að setja neinar
reglur þar um.
Þetta gerðist 4. október
1973 — Friðarviðræður hafnar
á Norður-írlandi.
1972 — Umhverfismálastofnun
sett á fótí Vín.
1971 — Brezki Verkamanna-
flokkurinn leggst gegn EBE-
aðild.
1968 — Tékkar ganga að kröf-
um Rússa og leyfa dvöl erlends
herliðs.
1965 - Páll páfi VI flytur
friðarboðskap á Allsherjarþing-
inu.
1963 — Beran erkibiskupi
sleppt úr haldi í Prag.
1962 — Franska þingið fellir
stjórn Pompidous.
1957 — Geimöld hefst með
sendingu fyrsta geimfars Rússa
á braut.
1945 — Laval fyrir rétt í París,
ákærður fyrir landráð.
1940 — Fundur Hitlers og
Mussolinis í Brenner-skarði.
1938 — Alþýðufylkingin í
Frakklandi líður undir lok.
1930 — Bylting í Brazilíu:
Vargas forseti.
1910 — Manuel II flýr land eftir
byltingu í Portúgal.
1865 — Biarritz-fundur
Bismarcks og Napoleons III,
sem fellst á að gæta hlutleysis í
stríði Prússa og Austurríkis-
manna.
1853 — Tyrkir segja Rússum
stríð á hendur.
1824 — Lýðveidi stofnað í
Mexíkó.
1777 — Bretar sigra Banda-
ríkjamenn við Germantown.
1562 — Englendingar taka Le
Havre.
Afmæli dagsinsi Roger Keyes,
brezkur sjóliðsforingi
(1872-1945). - Francois
Guizot, franskur stjórnmála-
maður, sagnfræðingur
(1787-1874). - Charlton
Heston, bandarískur leikari
(1924----).
Innlenti Eldgos hefjast í Vatna-
jökli 1922. — Bein Jónasar
Hallgrímssonar heim 1946. —
Þórhallur Bjarnason vígður
biskup 1908. — F. Vilhjálmur S.
Vilhjálmsson 1903. —
Guðmundur Danielsson 1910. —
Sæmundur Auðunsson 1917.
Orð dagsinsi Sá sem vill ekki
beita nýjum læknisráðum verð-
ur að búast við nýjum mein-
semdum — Roger Bacon, enskur
heimspekingur (um 1214—1284).