Morgunblaðið - 04.10.1978, Qupperneq 16

Morgunblaðið - 04.10.1978, Qupperneq 16
16 MORGUNBLAÐIÐ, MIÐVIKUDAGUR 4. OKTÓBER 1978 MORGUNBLAÐIÐ, MIÐVIKUDAGUR 4. OKTÓBER 1978 17 Útgefandi Blifftfeife hf. Árvakur, Reykjavík. Framkvæmdastjóri Haraldur Sveinsson. Ritstjórar Matthías Johannessen, Styrmir Gunnarsson. Ritstjórnarfulltrúi Þorbjörn Guömundsson. Fréttastjóri Björn Jóhannsson. Auglýsingastjóri Baldvin Jónsson Ritstjórn og afgreiðsla Aðalstræti 6, sími 10100. Auglýsingar Aöalstræti 6, sími 22480. Askriftargjald 2200.00 kr. á mánuói innanlands. 1 lausasölu 110 kr. eintakiö. Skipulagsmál S j álfs tæðisflokks Umræöur á þingi Sambands ungra sjálfstæðismanna um síðustu helgi beindust mjög að skipulagsmálum Sjálfstæðis- flokksins, eins og fram hefur komið í fréttum Morgunblaðsins. Tiliögur, sem fram komu á aukaþinginu og fólu í sér vantraust á núverandi forystu Sjálfstæðisflokksins voru felldar. Um það segir Kjartan Gunnarsspn, formaður Heimdallar, í viðtali við Morgunblaðið í gær: „Ég tel að þessi afgreiðsla á þessum tillögum sýni svo ekki verði um villzt, að ungir sjálfstæðismenn telja önnur verkefni meira aðkallandi í Sjálfstæðisflokknum og í sínum samtökum heldur en að deila um forystu flokksins." I þessu sambandi er ástæða til að vekja athygli á þeirri yfirlýsingu Geirs Hallgrímssonar, að hann sé staðráðinn í að gefa kost á sér til endurkjörs sem formaður Sjálfstæðisflokksins á næsta landsfundi flokksins. Geir Hallgrímsson sagði: „Ég hlýt sem formaður flokksins að bera ábyrgð á málum flokksins, hvort sem á móti blæs eða við erum í sókn. Ég hef sem formaður flokksins bæði hlotið meðbyr og mótbyr alveg eins og flokksmenn verða að búast við. Þess vegna er ég staðráðinn í að gefa kost á mér til endurkjörs til formannsembættis Sjálfstæðisflokksins á næsta landsfundi hans. Landsfundur verður að ákveða, hvort mér verður falin forysta flokksins áfram eða ekki. Eitt vil ég biðja unga sjálfstæðismenn að vera mér sammála um: að formaður flokksins hver sem hann er, eigi að njóta fylgis flokksfélaganna út á við. Það er nauðsynlegt ef hann á að afla flokknum fylgis og ef hann á að koma fram sannfærandi gagnvart þjóðinni." Á þinginu komu fram ákveðnar hugmyndir um skipulagsmál Sjálfstæðisflokksins, þ. á m. um fyrirkomulag forystu flokksins og eru hugmyndir ungra sjálfstæðismanna þær, að auk formanns og varaformanns flokks og þingflokks, verði kjörnir á landsfundi formaður og varaformaður miðstjórnar. Vitað er, að sérstök nefnd, sem starfað hefur undir forystu Birgis Isl. Gunnarssonar í sumar til þess að gera úttekt á stöðu Sjálfstæðisflokksins í kjölfar kosningarúrslitanna, mun gera það að tillögu sinni, að kjörinn verði sérstakur ritari Sjálfstæðisflokksins, sem verði einnig formaður framkvæmdaráðs flokksins og beri þar með sérstaka ábyrgð á flokksstarfinu. Þessar hugmyndir um breytt fyrirkomulag á forystu Sjálfstæðisflokksins sýna, að trúnaðarmenn hans telja sérstaka nauðsyn á að flokksstarfinu og skipulagsmálum flokksins verði sinnt í ríkara mæli eftirleiðis. Geir Hallgrímsson, formaður Sjálfstæðisflokksins, ræddi þetta atriði í ræðu á aukaþingi SUS og sagði: „Það má vera alveg ljóst, að formaður og varaformaður flokksins geta ekki gegnt skyldum sínum gagnvart flokknum og flokksstarfinu, þegar þeir eru báðir ráðherrar í ríkisstjórn. Það er hins vegar mikilvægt, að flokksstarfinu sé sinnt eins vel og frekast er kostur en það verður því að finna þarna einhverja lausn þannig, að forystumenn flokksins geti einnig óskiptir helgað sig sérstaklega stefnumörkun í stjórnmálunum. Hvaða leið, sem við veljum í skipulagsmálum, verður að vera skýrt hver ber ábyrgðina í hverju tilviki." Það kom einnig fram i ræðu Geirs Hallgrímssonar að hann er opinn fyrir ýmsum hugmyndum um breytingar á fyrirkomulagi forystu flokksins að þessu leyti. Ætla má, að víðtæk samstaða sé innan Sjálfstæðisflokksins um skipulagsbreytingar af því tagi, sem stuðla að eflingu flokksstarfsins inn á við og út á við og í samtali við Morgunblaðið í gær, lagði Jón Magnússon, formaður SUS, sérstaka áherzlu á samþykktir þingsins um þetta efni. Væntanlega verða þessi skipulagsmál rædd frekar á flokksráðsfundi og formannaráð- stefnu Sjálfstæðisflokksins, sem verður innan tíðar og koma síðan til ákvörðunar landsfundar næsta vor. Þótt athygli sjálfstæðismanna beinist nú að skipulagsmálum sérstaklega mega flokksmenn þó ekki gleyma því, sem að var vikið í forystugrein Morgunblaðsins sl. sunnudag, að á engu er meiri þörf fyrir Sjálfstæðisflokkinn nú en nýjuin hugmyndum. í ví sambandi er eftirtektarverð sú skoðun, sem fram kom í ræðu eirs Hallgrímssonar á aukaþingi SUS, að næsti landsfundur tti að fjalla sérstaklega um stefnu Sjálfstæðisflokksins og ðhorf á níunda áratugnum. Með því er horft fram á veg. Geir Hallgrímsson svarar fyrirspurnum á aukaþingi SUS: Hlutur Sj álfstæðisflokksins betri nú þrátt fyrir fylgistap en sigurveg- ara, sem gleypt hafa stóru orðin AÐ LOKINNI ræðu sinni á auka- þingi Sambands ungra sjálfstæðis- manna um síðustu helgi, svaraði- Geir Hallgrímsson, formaður Sjálfstæðisflokksins, fyrirspurn- um þingfulltrúa og verður hér á eftir gerð grein fyrir fyrirspurn- unum og svörum þeirra. Bragi Mikaelsson, Kópavogi, spurði hvert væri álit formanns Sjálfstæðisflokksins á þeirri tillögu þingsins að myndað yrði skuggaráðuneyti, þegar flokkurinn væri í stjórnarandstöðu. Nauðsyn- legt væri að flokkurinn ætti einn ákveðinn talsmann í öllum mála- flokkum, hvort sem hann væri í stjórn eða stjórnarandstöðu. Geir sagði, að viss vandkvæði væru á því að skipa skuggaráðu- neyti, þegar ekki væri ljóst hvaða ráðuneyti flokkurinn kæmi til með að fara með í ríkisstjórn en þar sem slíkt tíðkaðist eins og i Bretlandi væri um val milli stjórna tveggja flokka að ræða en ekki samsteypustjórn. Nú væri staðan að því leyti til sérstök að Sjálfstæðisflokkurinn væri eini stjórnarandstöðuflokkurinn og með tilvísun til þess gæti þetta vel komið til greina með þeim hætti að t.d. tveim þingmönnum Sjálf- stæðisflokksins væri falin forsjá hvers málaflokks og færi það eftir skipun manna í þingnefndir. Tímaspursmál hvenær til landsfundar verður boðaö Örn Kærnested, Mosfellssveit, spurði hvort ekki hefði komið til tals innan stjórnar flokksins að efna til landsfundar í framhaldi af kosningaósigrum flokksins og þá fyrr heldur en í vor, þegar landsfundur ætti að vera sam- kværrit lögum flokksins. Geir sagði að miðstjórn og þingflokkur hefðu verið sammála um að mikilvægt væri að lands- fundur væri vandlega undirbúinn og að þeim undirbúningi væri nú unnið. Tímasþursmál væri hvenær til landsfundar yrði boðað. „Ég tel litlar líkur á að það verði hægt fyrir áramót en um næstu mánaðamót verður haldinn for- manna- og flokksráðsfundur Sjálf- stæðisflokksins. Til landsfundar verður boðað þegar undirbúningi lýkur en ég hef áður lýst því yfir að ég tel að fundurinn eigi að marka stefnu flokksins til lengri tíma. Ég held að það beri of mikið á sjálfsmeðaumkun meðal sjálf- stæðismanna í stað þess að við herðum baráttu flokksins gagn- vart andstæðingum. Ef við eigum að vinna það traust sem við misstum i síðustu kosningum verðum við að sýna að við séum traustsins verðir og það gerum við ekki með því að vera sífellt að vorkenna okkur sjálfum, horfa bara í eigin barm og bera okkur illa og veikja þannig flokk okkar," sagði Geir. Veljum okkar trúnaðarmenn á landsfundi Óðinn Sigþórsson, Einarsnesi, sagði að veikasti hlekkurinn í Sjálfstæðisflokknum væri þetta sundurlyndi innan flokksins og það hefði orðið flokknum til tjóns. Óðinn spurði hvort landsfundur í haust hefði ekki eytt þessum röddum? Geir sagði að hann teldi að landsfundur flokksins gerði lítið gagn nema þar yrði mörkuð stefna flokksins og það til lengri tíma. „Ég sé ekki að það sé ástæða til að halda landsfund til að eyða þessum röddum. Þær hafa verið magnaðar af andstæðingum okkar en við þeim eigum við það svar eitt að ,á landsfundi veljum viö okkar trúnaðarmenn og á meðan þeir eru kjörnir og hafa sitt umboð megum við ekki gera of mikið úr þessu heldur verðum við að eyða slíkum úttölu- og ólundarröddum innan frá í flokknum. Landsfund þarf að halda sem fyrst en þó ekki fyrr en hann hefur verið nægjanlega undirbúinn," sagði Geir. Viljum hafa land- búnað hér - og taka á okkur sveiflur vegna mismunandi árferðis Guðmundur P. Jónsson, Þor- lákshöfn, spurði hver væri afstaða Sjálfstæðisflokksins til niður- greiðslna á landbúnaðarvörum? „Þarna er drepið á mál, sem Sjálfstæðisflokkurinn hefur ekki nægjanlega skýrt mótaða stefnu í, en þar á ég við landbúnaðarmál- in,“ sagði Geir. Sagði Geir að hann teldi eðlilegt að greiða niður landbúnaðarvörur að vissu marki, því með þeim hætti kæmu þær bæði til góða fyrir neytendur og landbúnaðinn. Niðurgreiðslur mættu þó áldrei ganga í berhögg við markaðslögmálið og í því efni mætti ekki mismuna framleiðslu einstakra búgreina. „Ég tel að við viljum hafa landbúnað hér í landinu og við séum tilbúin til að taka á okkur sveiflur, sem fylgja mismunandi árferði. En útflutn- ingsbæturnar mega ekki fara fram úr 10% reglunni svokölluðu og ég tel að henni eigi að breyta á þann veg að útflutningsbæturnar verði 10% af verðmæti framleiðslu hverrar búgreinar en ekki heildar- búvöruframleiðslunnar eins og nú er,“ sagði Geir og bætti við að niðurgreiðslur mættu ekki fara fram úr því sem næmi vinnslu- og dreifingarkostnaði, en þær væru nú orðnar hærri og slíkt gæti ekki gengið til lengdar. Enginn stjórnmála- flokkur tekur meira tillit til skoðana ungs fólks en Sjálfstæðisflokkurinn Sigurgeir Þorgrímsson, Reykjavík, sagði að margir úr röðum ungra sjálfstæðismanna væru orðnir þreyttir á að leggja á sig mikla vinnu við samninga og gerð tillagna, sem forysta flokks- ins tæki svo ekkert mark á. Margir ungir sérfræðingar hefðu á undan- förnum árum lagt flokknum lið með þessum hætti en þeir h°fðu hætt að starfa innan flokksins, þar sem þeir hefðu ekki séð tilgang í því starfi. Spurði Sigurgeir, hvort það væri ætlun forystunnar að taka mark á samþykktum þessa þings eða samþykktum fyrri þinga SUS? Geir sagðist að vísu ekki hafa séð önnur drög af ályktunum frá þessu þingi en um verðbólguna og hún félli vissulega að stefnu flokksins. „Ég man að ég var á sömu skoðun og Sigurgeir þegar ég starfaði innan SUS, sem var í nær 20 ár. Ég veit að þessi tilfinning er á meðal ungra manna á hverjum tíma að ekki sé tekið mark á tillögum þeirra. Ég held þó að enginn stjórnmálaflokkur hér á landi taki meira tillit til skoöana ungs fólks heldur en Sjálfstæðis- flokkurinn. Það sést best á því að oftar en einu sinni hefur ungt fólk hlotið hæstu atkvæðatölu við kjör í miðstjórn flokksins á landsfundi og fulltrúar ungs fólks hafa jafnan verið í þeim nefndum, sem undir- búið hafa ályktanir landsfunda og flokksráðsfunda flokksins. Og ég held að því verði ekki móti mælt að viðhorf ungs fólks hafa mjög oft mótað ályktanir funda flokks- Tillaga um að kjósa sérstakan ___________ritara____________ Sigurður Sigurðs.son, Reykja- vík, vitnaði til ályktunar þingsins um skipulag og starfsemi Sjálf- stæðisflokksins, þar sem sagði flokksins á landsfundi og væri hann jafnframt formaður fram- kvæmdastjórnar flokksins, sem skipuð væri færri mönnum en miðstjórn og kæmi saman einu sinni til tvisvar í viku. Þessi framkvæmdastjórn ætti að hafa með höndum stjórn flokksstarfs- ins. Þá sagði Geir að einnig kæmi til greina að nýta þá tillögu, sem þingið gerði varðandi kjör for- manns og varaformanns SUS um að þeir yrðu kjörnir sameiginlega, við kjör á formanni og varafor- manni flokksins á landsfundi. Þurfti að vera ákveðin ástæða til aö rjúfa ping Þorvaldur Mawby, Reykjavík spurði hvers vegna alþingiskosn- ingarnar hefðu ekki verið látnar fara fram á undan sveitarstjórna- kosningunum, hvers vegna Geir hefði lagst gegn því að rjúfa þing og boða til kosninga fyrir sveitar- stjórnakosningarnar og hvort samkomulag hefði verið við Fram- sóknarflokkinn um að ríkisstjórn- in sæti til loka kjörtímabilsins? Kvaðst Þorvaldur hafa orðið fyrir vonbrigðum með að Geir hefði ekki lyft sér upp yfir ágreining annarra forystumanna flokksins. Þorvaldur fullyrti í sinni spurn- ingu, þar sem ákveðin tillaga um slíkt kom aldrei fram. Eftir á geta menn fullyrt að þetta hafi verið mistök, að láta sveitarstjórna- kosningarnar vera á undan en um það getur vitanlega enginn dæmt,“ sagði Geir. Um það samkomulag, sem Þor- valdur vitnaði í við Framsóknar- flokkinn, sagði Geir að það hefði aðeins verið um það að þingrofi yrði ekki beitt nema með sam- þykki beggja stjórnarflokkanna. Geir sagði að mönnum væri tamt að tala um ágreining sjálf- stæðismanna og menn væru þar dregnir í dilka fremur eftir mönnum en málefnum. „Ég hef ekki gert ágreining við einn eða neinn sjálfstæðismann. Ég hef ekki unnið á móti neinum eða fyrir neinn eða fyrir sjálfan mig í prófkjöri," sagði Geir. Treysti mér til að vinna flokknum aftur fyrra fylgi sitt llaukur Ilauksson spurði hvort Geir teldi sig geta leitt flokkinn til að endurheimta það fylgi, sem hann tapaði í kosningunum i vor? „Ég vil minna á að flokkurinn Á aukaþingi Sambands ungra sjálfstæðismanna um síðustu helgi flutti Geir Hallgrímsson, formaður Sjálfstæðisflokksins, ráeðu og svaraði fyrirspurnum þingfulltrúa. m.a. að „við rikjandi aðstæður er fámennisstjórn í flokknum. Nauðsynlegt er að fá fram breyt- ingu á því, en til þess að það geti orðið, þarf algjör uppstokkun á forystumynstrinu að koma til.“ Benti Sigurður á tillögur þingsins um hina svokölluðu þrískiptingu forystunnar og spurði Geir hver væri skoðun hans á þessum tillögum? Geir sagðist í ræðu sinni hafa vikið að þessum tillögum og hann gæti endurtekið það, sem þar hefði verið sagt. Auk þessarar tillögu SUS-þingsins hefði verið varpað fram tillögu um hvort ekki væri rétt að kjósa sérstakan ritara Geir sagði að þessa spurningu um að láta alþingiskosningarnar fara fram á undan sveitarstjórna- kosningunum, hefði vissulega bor- ið á góma í miðstjórn og þing- flokki. „Ég taldi alltaf að það þyrfti að vera einhver ákveðin sannfærandi ástæða fyrir því að við ryfum þing og boðuðum til kosninga. Að öðrum kosti gæti þetta snúist í höndunum á okkur. Um þetta mál tel ég að fullt samráð hafi verið haft við fyrrver- andi borgarstjóra, Birgi ísleif Gunnarsson og borgarstjórnar- flokkinn. Hins vegar hafði ég aldrei tækifæri til að neita að gera tillögu um að rjúfa þing eins og Ljósm. Mbl. RAX. vann sinn stærsta sigur undir minni forystu 1974 og ég er líka í forystu þegar hann tapar nú. Ég treysti mér til að takast á við það verkefni að vinna flokknum aftur það fylgi, sem hann tapaði, en það er undir ykkur komið hver valinn verður til forystu í Sjálfstæðis- flokknum á landsfundi hans,“ sagði Geir. Kjartan Jónsson, Reykjavík, spurði hvað liði tillögum nefndar þeirrar er kjörin var til að gera tillögur um breytingar á skipulagi flokksins og Birgir Isleifur Gunn- arsson veitir forstöðu. Geir sagði að á þeim stutta tíma, sem liðinn væri frá því að hann kom að utan, hefði hann ekki getað kynnt sér hverjar væru tillögur nefndarinnar, en hins vegar væri ætlunin að nefndin legði fram til'lögur sínar fyrir formanna- og flokksráðsfund flokksins, sem yrði um næstu mánaðamót. Meðan tillögur nefnd- arinnar lægju heldur ekki fyrir í endanlegri gerð sinni væri erfitt að fjalla mikið um þær. Munu flytja tillögu um bann við afturvirkni skattalaga Jónína Mikaelsdóttir, Reykja- vík, sagði að Ólafur Jóhannesson, formaður Framsóknarflokksins, hefði sagt á fundi í Framsóknarfé- lagi Reykjavíkur þá í vikunni að hefði hann mátt ráða hefði hann stöðvað febrúarlögin á Alþingi. Spurði Jónína hvort þetta væri rétt? „Ég kannast ekki við að Ólafur Jóhannesson hafi nefnt það einu orði, hvorki á þingi né í ríkis- stjórn,“ sagði Geir. Kjartan Gunnarsson, Reykja- vík, spurði hvernig þingflokk- ur Sjálfstæðisflokksins ætlaði að starfa í stjórnarandstöðu og hvort þingmenn Sjálfstæðisflokks- ins ætluðu að flytja frumvarp um bann við afturvirkni skatta, hvort flokkurinn ætlaði að beita sér fyrir stofnun varnarsamtaka skattgreiðenda og einnig tillögur til ítrekunar á þeirri stefnu flokksins að helmingur aflatekna fólks verði skattfrjáls. Sagði Kjartan að mikilvægt væri að stjórnarandstaða Sjálfstæðis- flokksins yrði strax í upphafi markviss og ákveðin. Geir sagði að þegar hefðu verið gerðar ráðstafanir til að undirbúa flutning frumvarps um bann við afturvirkni skattaálagningar og yrði það eitt fyrsta verk þing- manna Sjálfstæðisflokksins að flytja tillögur þar um á Alþingi, þegar það kæmi saman. Um annan undirbúning fyrir baráttu flokks- ins í stjórnarandstöðu sagði Geir að hann hefði haldið fundi með formönnum málefnanefnda flokksins og væri nú unnið að athugun á fjölmörgum málaflokk- um bæði vegna þingstarfanna og undirbúnings flokksráðs- og lands- fundar. „Ég tel og hef oft sagt það áður að ég teldi óframkvæmanlegt að hafa jarðarskatta hærri en 50%,“ sagði Geir, „við sjálfstæðismenn teljum að ekki sé hægt að ætlast til að fólk leggi á sig mikla vinnu, ef það getur ekki treyst því að fá 50% af aflatekjum sínum ti! eigin þarfa. Ég tel að gerræðisleg skattheimta núverandi ríkis- stjórnar verði til þess að draga úr vinnuframlagi þjóðarinnar og auka neðanjarðarhagkerfi það, sem Alþýðuflokksmenn hafa oft talað um.“ Ræð ekki hvernig menn kjósa í próf- kjörum eða á landsfundum Bragi Mikaelsson. Kópavogi, sagði að það virtist vera orðið eins og lokapróf hjá lögfræðingum að ■komast til áhrifa í Sjálfstáeðis- flokknum og spurði hann Geir, hvort hann ætlaði að beita sér fyrir því að í næstu miðstjórn yrðu fulltrúar fleiri hópa í þjóðfélag- inu? „Ég tel æskilegt að hin ýmsu sjónarmið komi fram hvar sem er innan Sjálfstæðisflokksins en það verður að ætlast til þess af hverjum sjálfstæðismanni að hann sé það víðsýnn að hann geti litið á málin í víðara samhengi, en ekki eingöngu sem fulltrúi ein- hvers hagsmunahóps. Við sjálf- stæðismenn veljum okkur trúnað- armenn til starfa fyrir okkur í almennum kosningum innan flokksins og í prófkjörum. Og ég tel t.d. ákaflega mikilvægt að í þingflokki flokksins séu menn, sem starfa innan verkalýðshreyf- ingarinnar og í miðstjórn sé fólk úr ólíkum hópum. En ég ræð ekki hvernig menn kjósa í prófkjörum eða á landsfundum og það er líka erfitt fyrir formann flokksins aö beita sér fyrir kjöri eins frekar en annars. Um prófkjörin er það hins vegar að segja að ég tel að það sé mjög hættulegt þegar menn fara að vinna sérstaklega fyrir ein- hvern einn aðila en hugsa ekkert um hvernig listi flokksins verður að öðru leyti. Menn verða að hafa heildarmyndina í huga og það er einmitt það sem Bragi var að tala um,“ sagði Geir. Guðmundur Sigurðsson. Selfossi spurði hvert væri álit Geirs á því að láta kjósa formann og varaformann flokksins á lands- fundi sameiginlega en ekki hvorn í sínu lagi eins og nú. í svari sínu sagði Geir að sér fyndist þetta fyrirkomulag koma vel til greina. Hefði farið vel, ef við hefðum fengiö hófsama kjarasamninga Óðinn Sigþórsson, Einarsnesi, vitnaði til þeirra orða Geirs fyrr á fundinum að kosningarnar í vor hefðu sýnt hægri sveiflu og sagði að varla væri hægt að finna harðari áfellisdóm yfir síðustu ríkisstjórn. Spurði Öðinn hvers vegna þær tillögur sem Geir og Gunnar Thoroddsen hefðu lagt fram í stjórnarmyndunarviðræð- unum nú i sumar hefðu ekki verið framkvæmdar af fyrrverandi rík- isstjórn undir forsæti Geirs sjálfs. Ef Framsóknarflokkurinn hefði staðið á móti framgangi þessara tillagna, hvers vegna hefði ekki verið rofið þing og boðað til kosninga? Geir sagði að allt fram að kjarasamningunum 1977 hefðu efnahagsmál þjóðarinnar verið á réttri leið og um mitt ár 1977 hefði verðbólgan verið komin niður í 26%. „Hefðum við ferigið hófsam- lega kjarasamninga, þá hefði allt farið vel. Verkalýðsleiðtogarnir vildu ekki fallast á það og það er alveg ljóst að þarna var um að ræða pólitískt spil einstakra áhrifamikiila manna en það var ekki hugsað um hvað væri umbjóð- endum þeirra og þjóðinni í heild fyrir bestu. í svari sínu sagði Geir að vitanlega'væri það alltaf matsatr- iði hvenær hægri menn teldu að grípa ætti til aðgerða, en í þessu tilviki hefðu menn talið að afleið- ingar kjarasamninganna þyrftu að koma fram til þess að fólk gerði sér grein fyrir því hvaða afleiðing- ar þeir hefðu fyrir þjóðarbúið. „Leiðirnar voru vitanlega þingrof og kosningar eða grípa til aðgerða. Við völdum að grípa til viðnáms- aðgerða en febrúarlögin voru ekki settfyrr en ljóst var hvert stefndi. Það er vitanlega alltaf spurningin hvenær eigi að láta skerast í odda en við gripum ekki inn í gerða kjarasamninga fyrr en brýn nauð- syn krafði og réttum ávallt fram sáttarhönd. Verkalýðsforingjar kommúnista og krata hafa nú gleypt í sig stóru orðin og afhjúpað flokkspólitíska hentistefnu sína,“ sagði Geir. „Ég tel að Alþýðuflokkur og Alþýðubandalag hafi blekkt kjós- endur sína í áróðri við síðustu kosningar,“ sagði Geir, „þessir flokkar slógu um sig og lofuðu kjósendum en hverjar hafa efndir loforðanna orðið. Hvað varð um kröfuna „samningana í gildi"? Og þó að við sjalfstæðismenn höfum beðið hnekki í kosningunum er ég miklu ánægðari nú 1. október með hlutskipti Sjalfstæðisflokksins heldur en hlutskipti þeirra flokka, sem haldið hafa uppi slíkum blekkingum og þurft að gleypa stóru orðin eins og nú er t.d. ástatt með Alþýðuflokkinn og rauriar einnig um Alþýðubandalag og Framsóknarflokk, sem leggst svo lágt að veita hinum tveimur fyrrnefndu skálkaskjól. Við sjálfstæðismenn þurfum ekki að biðjast afsökunar á orðum okkar og verkum. Andstæðingar okkar í núverandi stjórn hafa með gerðum sínum staðfest réttmæti þeirra." Endurnýjun forystuliðsins barf að eiga sér stað jafnt og Þétt Guðmundur Borgþórsson, Reykjavík spurði hvort hugsanleg orsök fyrir fylgistapi flokksins hafi verið ónóg endurnýjun í forystuliði flokksins. „Ég er perósnulega þeirrar skoðunar að nauðsynlegt sé að endurnýjun í forystuliði og á öðrum kjörnum fulltrúum flokks- ins í sveitarstjórnum og á Alþingi þurfi að eiga sér stað jafnt og þétt,“ sagði Geir, „menn bundu vonir við að prófkjörin yrðu þarna áfangi til lausnar en svo virðist sem þeir, sem áður hafi setið, hvort sem er i sveitarstjórnum eða á Alþingi, hafi forskot, en einstaka undantekningar eru frá því eins og t.d. úrslit prófkjörsins í Reykjavík fyrir síðustu alþingiskosningar." Málefnanefndir flokksins opnaðar Sigurgeir Þorgrímsson spurði hvort formaður Sjálfstæðisflokks- ins væri því hlynntur að málefna- nefndir flokksins yrðu gerðar opnari og þá opnaðar fyrir ungu fólki án þess að það væri skipað í þær af flokksforystunni. Geir sagði að ætlunin væri að gera breytingu á skipulagi mál- efnanefndanna og væri það reyndar að hluta komið til fram- kvæmda. Þetta nýja skipulag byggði á því að i hverri nefnd væri fámennur kjarni en nefndin héldi einnig opna fundi og með því yrðu nefndarstörfin opnuð og þá gæti ungt fólk sem eldra í flokknum tekið þátt í störfum þeirra. Haukur Ilauksson vitnaði til skattalaga, sem sett hefðu verið í tíð síðustu rikisstjórnar, þar sem kveðið er á um að aðilum með sjálfstæðan atvinnurekstur skuli áætlaðar tekjur til skatts án tillits til afkomu atvinnurekstursins. Spurði Haukur hvort slík kommúnistaákvæði væru stefna Sjálfstæðisflokksins? Geir sagði að þetta ákvæði væri umdeilt, en hann væri stuðnings- maður þess. Atvinnurekandinn nyti sömu þjónustu af hálfu hins opinbera eins og aðrir skatt- greiðendur og því væri sanngjarnt að þeir legðu eðlilegan hluta til samfélagsins. Þetta ákvæði sagði Geir ekki eiga að koma við atvinnurekendur nema í þeim tilvikum þegar um væri að ræða hallarekstur ár eftir ár. „Ég tel að við sjálfstæðismenn verðum við mótun stefnu okkar að ætla atvinnurekstrinum og þeim, sem við hann fást eðlilega þátttöku í kostnaði sanifélagsins, en hvorki að leggja á hann einhverjar umframálögur né skapa honum hagstæðari stöðu en öðrum í þjóðfélaginu,“ sagði Geir. Jón Magnússon formaður SUS þakkaði Geir Hallgrímssyni, for- manni Sjálfstæðisflokksins, svör hans við fyrirspurnum þingfull- trúa, enda höfðu ekki komið fram fleiri fyrirspurnir og fundartíminn á enda.

x

Morgunblaðið

Direct Links

Hvis du vil linke til denne avis/magasin, skal du bruge disse links:

Link til denne avis/magasin: Morgunblaðið
https://timarit.is/publication/58

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.