Morgunblaðið - 07.10.1978, Blaðsíða 14
14
MORGUNBLAÐIÐ, LAUGARDAGUR 7. OKTÓBER 1978
Hann skreytir hús Stöðfirðinga:
„Geri mest
af raunsæis-
myndum“
— segir Geir E. Pálsson
ÞEIR sem leggja leið sína um Stöðvarfjörð taka
strax eftir miklum skreytingum á húsveggjum,
skreytingum, sem óvíða sjást annars staðar á húsum
í landinu. Húsin eru mismunandi skreytt að utan, á
einu eru myndir úr sjávarlífinu, gafl eins hússins er
skreyttur með taflmönnum og annar með rómönsk-
um bogamyndum og súlum og þannig mætti lengi
telja. Sá sem skreytir húsin er Stöðfirðingur, Geir E.
Pálsson vörubílstjóri.
„Ég hef aldrei lært aö
teikna né mála, en ég hef haft
ííaman að þessu frá því að ég var
smástrákur. Upphafið að því að
ég fór að skreyta hús var, að
kunningi minn var að byggja og
við komum okkur saman um að
ég skreytti einn vegg á húsinu
hans. Eftir það fór fólk að biðja
mig um að skreyta veggi húsa
sinna.
Það er ansi mikið verk að
skreyt»vegg á einu húsi. Ég hef
þann háttinn á nú, að ég fæ
útlitsteikningar af húsinu og
síðan geri ég tillögur eða tillögu
um skreytingu, allt eftir mínum
hugmyndum."
— Hver er stærsta skreyting-
in, sem þú hefur ráðist í?
„Það er skreytingin á suður-
gafli frystihússins nýja og það
er líka stærsta verkefni sem ég
hef tekið að mér um dagana.
Auk þess sem ég hef dundað við
að skreyta hús, hef ég dundað
við að gera blýantsteikningar og
olíumálverk um dagana. Það er
þó nokkuð um að fólk panti
ákveðnar myndir hjá mér, sér-
staklega í kringum afmæli og
því um líkt. Ég er ekki alltaf of
duglegur við að halda mér við
málverkið, en þegar maður
hefur einu sinni lofað að taka
eitthvað að sér, þá ber manni að
standa við það, — en ég hef
aldrei málað myndir fyrir sjálf-
an mig,“ segir Geir.
— Nú hefur þú aldrei gengið
á neinn listaskóla, hvernig
hefurðu aflað þér þekkingar á
málarasviðinu?
„Það er nú svo, að mikið er
gefið út af alls kyns listaverka-
bókum og ég reyni að lesa mér
til eftir beztu getu og almennt
reyni ég að fylgjast með öllu,
sem er að gerast í málara-
heiminum, ekki sízt fyrir for-
vitnisakir.
Ég veit ekki hvaðan ég hef
fengið áhugann fyrir málara-
listinni, maður hlýtur að hafa
þetta í sér. Ég var lengi á sjó,
eða allt fram til ársins 1960 og
fram að þeim tíma hafði ég ekki
mikinn tíma aflögu til að mála
eða teikna. Eftir að ég kom í
land fór ég að vinna í síld, og um
tíma spilaði ég í hljómsveit. Það
var á þessum árum, sem ég fór
að gefa mig meira að því að
mála og teikna, eftir því sem
timinn leyfði. Eftir að ég keypti
vörubílinn hef ég haft meiri
tíma til að sinna þessu hugðar-
efni mínu en áður.“
— Tekur ekki langan tíma að
skreyta hvern húsvegg, með
stórum myndum?
„Oftast er ég með kunningja
minn með mér í þessu og
yfirleitt tekur verkið ekki nema
1—2 daga, en þess ber að geta,
að áður er ég búinn að gera
skapalón að öllum myndunum
og í því liggur aðalvinnan.
Nú, auk þess sem ég hef
skreytt hús og byggingar hér á
Stöðvarfirði, hef ég unnið að
skreytingum á Eskifirði og
Fáskrúðsfirði. Annars veit ég
ekki, hversu lengi ég endist í
þetta skreytingadútl. Þetta var
leikaraskapur í upphafi og er
raunar enn. í bili er ég ekki með
mikið af verkefnum af þessu
tagi, en þó liggja alltaf einhverj-
ar beiðnir fyrir. Ég er þannig
gerður að ég hef gaman af að
grípa í þetta, og það sem ég geri
eru mest raunsæismyndir."
- Þ.Ó.
Geir E. Pálsson við hlið vöru-
bifreiðarinnar. Eins og sjá má
af þessum myndum skreytir
Geir húsin á margvislegan
hátt. Ljóxm. Mbl.i Þórleifur Ólafsson.