Morgunblaðið - 18.10.1978, Blaðsíða 3
MORGUNBLAÐIÐ, MIÐVIKUDAGUR 18. OKTÓBER 1978.
3
Fannst látinn á
Holtavörðuheiði
61 ÁRS gamall maöur. Bjarni
Andrésson, Hraunbæ 154 í Reykja-
vík, (annst látinn á Holtavöröuheiði
í gærmorgun. Ilann haföi farið til
rjúpnaveiða í fyrradag en kom ekki
fram á réttum tíma. Er talið að
hann hafi fengið aðsvif. Bjarni
lætur eftir sig eiginkonu og upp-
komin börn.
Bjarna var saknað seinnipartinn á
mánudag. Hann hafði farið til
rjúpnaveiða ásamt syni sínum og
ætluðu þeir feðgar að hittast á
ákveðnum stað seinnipart mánu-
dagsins. Þegar Bjarni kom ekki fram
á réttum tíma var farið að svipast
um eftir honum. Komu m.a. til leitar
björgunarsveitarmenn úr Borgar-
firði. Veður var þá gott en um
nóttina var komiö leiðindaveður,
slydda og þoka. Fleiri björgunar-
sveitir mættu til leitar í gærmorgun
og um klukkan 10.30 fannst lík
Bjarna milli Konungsvörðu og
Tröllakirkju, norðvestur af Holta-
vörðuheiði.
Félagar úr Vélflugufélagi íslands brugðu sér á laugardaginn í árlega
kynnisfcrð á Keflavíkurflugvöll. Flugkostur Bandaríkjamanna var
þar til sýnis fyrir hópinn og er meðfylgjandi mynd tekin í einu
flugskýlanna. (Ljósm. RAX).
Vinnustundum fækk-
ar með aukinni tækni
við Reykjavíkurhöfn
VINNA VIÐ Reykjavíkurhöfn hef-
ur í haust verið nokkru minni en
áður og almennt ekkki ncma átta
stundir á dag. Er þetta minna en
áður og gætir óánægju hjá mörg-
um með þessa þróun. Morgunblað-
ið leitaði í gær til Guðmundar J.
Guðmundssonar varaformanns
Dagsbrúnar, og innti hann eftir
þessu máli.
Guðmundur kvað það rétt að
vinna hefði verið talsvert minni við
Reykjavíkurhöfn en áður og væru
ástæðurnr fyrir því margivíslegar.
Þyngst á metunum væri það, að
afgreiðslutími skipa væri nú mun
styttri en áður, skip sem áður l*efðu
verið afgreidd á 4—5 dögum væru
nú afgreidd á einum degi. —
Tæknivæðingin og ýmsir aðrir
þættir gera það að verkum að
atvinna hefur minnkað hjá hafnar-
verkamönnum. Þá hefur nokkuð
verið um að togarar og bátar sigli
með afla sinn og skipin hafa í
flestum tilfellum haldið áætlun
sinni þannig að ekki hefur þurft að
afgreiða mörg skip í einu. Það eru
fáar hafnir, sem bjóða upp á eins
stuttan afgreiðslufrest og Reykja-
víkurhöfn og aukinn hraði og tækni
minnka atvinnuna við höfnina,
sagði Guðmundur J. Guðmundsson
að lokum.
Alþýðubandalagsmenn:
Höfnuðu Ölafi Ragnari
í utanríkismálanefnd
ÓLAFUR Ragnar Grímsson
sóttist mjög eftir að fá sæti í
utanríkismálanefnd. eftir því
sem Morgunblaðið hefur fregn-
að.
Nokkur togstreita mun hafa
orðið um sæti í nefndinni innan
Alþýðubandalagsins vegna
þessa áhuga Olafs Ragnars, en
hann varð að láta í minni
pokann bæöi í baráttu um
aöalsæti og sæti varamanns. í
nefndina voru kjörnir af hálfu
Alþýðubandalagsins þeir Gils
Guðmundsson og Jónas Árnason
en til vara Svava Jakobsdóttir
og Kjartan Ólafsson.
Ólafur Jónsson stór-
kaupmaður látinn
í FYRRAKVÖLD lézt í Land-
spítalanum Ólafur Jónsson stór-
kaupmaður, oft kendur við fyrir-
tækið Electric, Melhaga 1 hér í
bænum. Hann varð sjötugur í
marzmánuði síðastl. Haíði Olafur
átt við vanhcil.su að stríða um
nokkurt skeið.
Ólafur var fæddur á Kambi í
Reykhólasyeit. Voru foreldrar
hans Jón Hjaltalín Brandsson
bóndi og kona hans Sesselja
Stefánsdóttir. Ólafur var Sam-
vinnuskólagenginn, en fór til
framhaldsnáms í Danmörku.
Að námi loknu ytra gerðist hann
starfsmaður svonefndrar Raf-
tækjaeinkasölu. Var hún lögð
niður í byrjun heimsstyrjaldarinn-
ar síðari. Varð Ólafur þá einn af
aðalhvatamönnum að stofnun
fyrirtækisins Electric h.f., sem
hann rak í félagi við Hans
Þórðarson, sem látinn er fyrir
nokkrum árum. Rak Ólafur fyrir-
tækið allt fram á síðasta ár, er
heilsa hans tók að þverra. Seldi
hann þá fyrirtækið.
Ólafur Jónsson var kvæntur
Arnþrúði Jónsdóttur; lifir hún
mann sinn ásamt þrem börnum
þeirra.