Morgunblaðið - 20.10.1978, Qupperneq 1

32 SIÐUR
239. tbl. 65. árg.
FÖSTUDAGUR 20. OKTÓBER 1978
Prentsmiðja Morgunblaðsins.
Moshe Dayan utanríkisráðherra og Walter Mondale varaforseti í veizlu í
bandaríska utanríkisráðuneytinu í gærkvöldi.
James Callaghan
Helmut Schmidt
Bonn, BrUssel, 19. október. AP — Reuter.
TALSVERT hfur áunnizt í viðræðum James Callaghan forsætisráð-
herra Breta og Helmut Schmidts kanzlara Vestur-Þýzkalands um
fiskveiðimál Efnahagsbandalagsins, en hins vcgar hefur þeim orðið
lítið ágcngt í viðræðunum um Evrópugjaldmiðil.
Leiðtogarnir komu sér saman
um á fyrsta degi viðræðnanna að
beita sér fyrir því af öllum mætti
að fundin yrði lausn á ágreiningi
Breta og annarra landa Efnahags-
bandalagsins um fiskveiðimál á
fundi bandalagsins í desember.
Hafa Callaghan og Schmidt nú
kunngert landbúnaðarráðherrum
sínum þessa afstöðu sína og falið
þeim að vinna að lausn málsins.
Samkvæmt fregnum frá Brussel
eiga Bretar á hættu að þeim verði
stefnt fyrir Evrópudómstólinn
endurskoði þeir ekki afstöðu sína
til ýmissa einhliða aðgerða sem
þeir hafa gripið til í fiskveiðimál-
um í trássi við vilja og stefnu EBE.
Hefur ráðherranefnd bandalags-
ins skýrt brezku stjórninni frá
þessu og innan skamms mun
Bretum veittur frestur til aðgerða
áður en það verður um seinan.
Það sem fyrst og fremst greinir
á með Bretum og öðrum þjóðum
Efnahagsbandalagsins er lokun
Breta á síldveiðisvæðum við Norð-
austur Irland og við eyjuna Mön,
ákvörðun um lágmarks möskva-
stærð á humarnótum og stækkun
á bannsvæðum undan Skotlands-
ströndum.
Fischer
til leiks?
Bclgrað, 19. október. AP.
MIKLAR líkur eru á því að
Bobby Fischer fyrrverandi
heimsmeistari í skák hefji
keppni innan skamms. að því er
talsmaður júgóslavneska skák-
sambandsins skýrði frá í kvöld.
Sagði talsmaðurinn að Fischer
væri nú í Júgóslavíu til viðræðna
um að hefja taflmennsku á ný.
Fischer var í dag sýnd ráð-
stefnuhöllin þar sem vonir
standa til að hann hefji skák-
keppni á ný eftir sex ára hlé. Þess
er vænzt að viðræðum Fischers
og júgóslavneskra skákyfirvalda
ljúki um helgina og að hægt verði
að skýra frá niðurstöðum á
mánudag.
Lausn á fiskveiði-
deilu EBE í nánd?
Hundruð létu Mð í
Z ambíu-ár ásinni
Washington, Lusaka, Salisbury, 19. október. AP/Reuter.
IAN Smith forsætisráðherra Rhódesíu og Abel Muzorewa biskup, einn
leiðtogi blökkumanna í bráðabirgðastjórn Rhódesíu, sögðu í dag að
árásir öryggissveita Rhódesíu á stöðvar skæruliða í Zambíu og
Mósambique í dag og nótt hefðu verið nauðsynlegar öryggi landsins.
Bandarískir embættismenn fordæmdu hins vegar árásirnar og sögðu
þær sýna nauðsyn skjóts samkomulags allra aðila um vandamál
Rhódesíu.
Smith og Muzorewa sögðust ekki
hafa vitað fyrirfram um aðgerðir
öryggissveitanna, en yfirmönnum
þeirra hefði verið treyst fyrir
forsjá sveitanna meðan leiðtogar
landsins dveldust í Bandaríkjun-
um þar sem þeir leita eftir
stuðningi við tillögur sínar um
framtíð Rhódesíu.
Það var árla í morgun að
orrustuþotur Rhódesíuhers hófu
skothríð á aðalstöðvar skæruliða-
fylkingar Joshua Nkomos sem eru
20 km fyrir norðan Lusaka höfuð-
borg Zambíu og um 150 km frá
landamærum Rhódesíu og Zambíu.
Samkvæmt fregnum er óljóst hvað
mikið mannfall varð í árásinni. Þó
er talið líklegt að hundruð manna
hafi fallið og margir særst.
Sjónarvottar skýrðu frá því að
skæruliðastöðvarnar væru ein
brunarúst. Þeir sögðu að eftir
árásina, sem stóð í 45 mínútur,
hefði óslitin lest bifreiða flutt
særða og fallna til sjúkrahúsa í
Lusaka og bæjarins Ngwerere í
nánd bækistöðvarinnar.
Nkomo sagði í dag að orrustu-
flugvélar Rhódesíu hefðu varpað
napalm-sprengjum á skæruliða-
stöðvarnar. Hann sagði að þetta
hefðu ekki verið höfuðstöðvar
fylkingar sinnar, eins og
Rhódesíumenn héldu fram, heldur
bækistöðvar fyrir unglinga, sjúka
og jafnvel blinda liðsmenn fylk-
ingarinnar.
Skýrt var frá því í Salisbury í
dag að frá og með 1. janúar yrðu
allir svartir Rhódesíumenn á
aldrinum 18—25 ára að gegna
herþjónustu.
Korchnoi var
ekki við krýn-
ingu Karpovs
Manila, Baguio, 19. október, AP, Reuter.
VIKTOR Korchnoi mætti ekki til leiks þegar
Anatoly Karpov var krýndur heimsmeistari í
skák í dag og hélt áskorandinn á brott frá Baguio
árla dags. Korchnoi heimilaði þó áður aðstoðar-
manni sínum. brezka stórmcistaranum Raymond
Keene. að taka á móti þeim hluta verðlaunanna
sem honum bæri.
Það óhapp vildi til þegar Korchnoi bjóst til
brottfarar frá Baguio að Petra Leeuwerik fram-
kvæmdastjóri hans féll í stiga. Meiddist hún á baki
og tafði slysið brottför þeirra til Manila um eina
klukkustund
Skömmu fyrir brottförina ræddi Korchnoi við
fréttamenn. Hann kvaðst dást að landi og þjóð og
sagðist ennfremur hafa eignazt marga vini á
Filipseyjum. „En meðal ykkar er einn maður sem er
öðru vísi en allir aðrir. Og það er vegna hans sem ég
mun aldrei aftur tefla skák á Filipseyjum."
Korchnoi átti við Florencio Campomanes, skipu-
leggjanda einvígisins, en Korchnoi hefur sagt að
Campomanes hafi gert allt sem hann gat til þess að
koma sér í klípu við taflborðið. Campomanes er
varaforseti Alþjóðaskáksambandsins, en í dag sendi
forseti þess, dr. Max Euwe, Korchnoi skeyti þar sem
hann harmaði þær aðstæður sem 32. skákin var tefld
við.
Anatoly Karpov heimsmeistari í skák skálar í
kampavíni í veizlu sem haldin var honum til heiðurs í
Baguio í gær.
Ennfremur skrifaði Korchnoi Miroslav Filip
aðaldómara bréf í dag þar sem áskorandinn sagðist
álíta 32. skákina ógilda. í bréfinu kom einnig fram að
Korchnoi hefur falið svissneska skáksambandinu að
leggja fram opinber mótmæli við framkomu
skipuleggjenda heimsmeistaraeinvígisins í sinn
garð.
Campomanes varð hinn versti við þegar hann
frétti af ásökunum Korchnois og lét framkvæmda-
stjórinn hörð orð falla í garð áskorandans. Sagði
Campomanes t.d. að Korchnoi væri vitskertur. Hann
sagðist einnig fagna því að framkvæmdaaðilar
einvígisins yrðu kærðir, „því þannig kemur í ljós um
síðir hver hefur haft á réttu að standa".
Sjá nánar á bls. 18.
Erfiðleikar á
Mðarfimdinum
Washington 19. október. AP. Reuter.
JIMMY Carter Bandaríkjaforseti tók á ný þátt í friðarviðræðum
ísraelsmanna og Egypta í dag og hélt því fram síðar að viðræðurnar
væru ekki í sjálfheldu. Fyrr um daginn sagði Moshe Dayan
utanríkisráðherra ísraels að vafamál væri hvort samningamönnum
miðaði áfram héðan í frá.
Við upphaf fundar Carters og
viðræðunefndanna sagði Dayan
við forsetann að vafasamt væri
hvort breyta mætti gangi viðræðn-
anna þar sem þjóðarleiðtogar
Israels og Egyptalands væru ekki
viðstaddir. Var litið á þessi
ummæli Dayans sem svo að komið
hefði upp ágreiningur sem ekki
yrði leystur án þátttöku Anwar
Sadats forseta og Menachem
Begins forsætisráðherra í við-
ræðunum.
Að loknum fundinum skýrði
Carter fréttamönnum frá því að
ekkert stæði í vegi fyrir frekari
viðræðum og ekki væri við sérstök
vandkvæði að etja í þeim. Þá var
haft eftir blaðafulltrúa forsetans í
dag að ekki væri að sjá að Carter
teldi ágreiningsmál hafa komið
upp í viðræðum Israelsmanna og
Egypta.
Areiðanlegar heimildir hermdu
þó í dag að ísraelsmenn hefðu
farið fram á meiri háttar aðstoð
Bandaríkjamanna við brott-
flutning ísraelskra hersveita frá
Sinai-skaga. Talið er að kostnaður
við brottflutninginn nemi
milljörðum dala og hefur Banda-
ríkjastjórn ekki viljað binda sig í
þessum efnum, að því er heimild-
armennirnir hermdu.
Ofsaveður
á Mallorca
Palma, Mallorca 19. október Keutcr
EINN fórst og einn slasaðist
alvarlega í miklum veðurofsa á
Mallorca í dag. Ofsaveður var á
eynni og olli miklum skemmdum
á mannvirkjum og ávaxtaekrur
skemmdust illa.