Morgunblaðið - 20.10.1978, Blaðsíða 11
MORGUNBLAÐIÐ, FÖSTUDAGUR 20. OKTÓBER 1978
11
Stjórn og varastjórn Bandalags kvenna í Reykjavík. Sitjandi frá
vinstrii Halldóra Eggertsdóttir. Unnur Ágústsdóttir. formaður, og
Margrét Þórðardóttir. Standandi erui Sigþrúður Guðjónsdóttir,
Sigríður Ingimundardóttir og Guðrún S. Jónsdóttir.
Bandalag kvenna
þingar um bamaárið
Bandalag kvenna í Reykjavík
efndi sl. sunnudag til fundar á
Hótel Sögu og var fundarefni „Ár
barnsins 1979“. Fundurinn var
mjög vel sóttur, að sögn for-
manns Bandalagsins. Unnar
Ágústsdóttur sem flutti ávarp í
upphafi fundar. Voru ma'ttir 280
fulltrúar frá öllum aðildarfélög-
um, auk áhugamanna.
Gestir fundarins voru stjórn
Kvenfélagasambands íslands,
Jón Björnsson, sálfræðingur frá
Akureyri, Svandís Skúladóttir,
formaður barnaársnefndar, og
framkvæmdastjóri félags Samein-
uðu þjóðanna hér, Bogi Ágústs-
son.
Jón Björnsson sálfræðingur
flutti erindi, er hann nefndi
„Barnið og foreldrarnir. Foreldra-
fræðsla í uppeldisfræði". Vakti
erindið óskipta athygli fundar-
manna, að sögn Unnar Ágústs-
dóttur. En Jón hefur gengist fyrir
námskeiðum í foreldrafræðslu á
Akureyri í samráði við félags-
málastofnunina þar.
Þá sagði Sigríður Thorlacius,
formaður Kvenfélagasambands ís-
lands, sem einnig er formaður
n<irræna Húsmæðrasambandsins,
frá stjórnarfundi og þingi sam-
bandsins, sem haldið var í Sande-
fjord í Noregi í sept. sl. En efni
þingsins var „Staða barnsins í
samfélagi nútímans“. Þar voru
flutt mörg fróðleg erindi er öll
snertu börn, bæði í heimalöndun-
um og þróunarlöndunum.
Eftir erindin var boðið til
umræðna og fyrirspurna. Urðu
umræður fjörugar og kom þar
margt fram, sem fyrirhugað er að
gera til að ár barnsins verði öllum
til sóma og börnum veraldar til
blessunar í nútíð og framtíð, að því
er Unnur Ágústsdóttir sagði.
Sagði hún að innan Bandalags
kvenna í Reykjavík störfpðu upp-
eldis- og skólamálanefnd, svo og
barnagæslunefnd, og mundu þær
ásamt stjórninni, hafa forgöngu
um tilhögun í samráði við Kvenfé-
lagasamband Islands. En formað-
ur K.í. er jafnframt í starfsnefnd
barnaársins.
— Það er von okkar allra, að
starf okkar megi bera ríkulegan
ávöxt, því á ári barnsins eru öll
börn okkar börn, sagði Unnur
Ágústsdóttir.
Fundurin stóð lengi dags. Fund-
arstjóri var Halldóra Eggertsdótt-
ir og fundarritari Sjöfn Sigur-
björnsdóttir.
Harpa hf. kaup-
ír Atlantis hf.
MÁLNINGARVERKSMIÐJAN Harpa hf. hefur keypt öll
hlutabréf málningarverksmiðjunnar Atlantis hf. og hefur
verið gengið frá samningum um kaupin að undanteknum
nokkrum formsatriðum.
Magnús Helgason fram-
kvæmdastjóri Hörpu hf.
sagði í samtali við Mbl. að
eigendur Hörpu hefðu keypt
hlutabréf Atlantis þegar
verksmiðjan hefði verið boð-
in til kaups eftir að Kolbeinn
Pétursson, einn eigenda
hennar, hefði fallið frá.
Magnús sagði að Atlantis
yrði starfrækt áfram í því
húsnæði sem hún hefur til
umráða, fyrst um sinn a.m.k.,
og vörur verksmiðjunnar
yrðu áfram á markaði. Síðar
sagði Magnús að væri gert
ráð fyrir að Atlantis flyttist
til Hörpu og yrðu verksmiðj-
urnar sameinaðar, en það
yrði vart fyrr en um áramót.
Hundruð fiskibáta
lagt í Danmörku
Kaupmannahofn 18. okt. Iteutor
EIGENDUR fimm hundruð af 4
þúsund fiskibátum Danmerkur hafa
sótt um styrk til stjórnarinnar vegna
þess að þeir verða að leggja bátum
sínum í nóvember og desember
vegna nýjustu framlengingar Breta
á fiskveiðibanni sínu. Talsmaður
sjávarútvegsráðuneytisins sagði að
farið væri fram á aðstoð til að greiða
afborganir og annan kostnað.
Danir hafa lokið við að veiða upp í
kvóta sinn á þessu ári á miðunum
norðaustur af Skotlandi þar sem
Danir hafa um árabil stundað
miklar veiðar.
Danska stjórnin ætlar að veita um
25 milljónum danskra króna til að
aðstoða útgerðarmenn en ekki er
ljóst hversu mikið hver fær í sinn
hlut. Danir hafa óskað eftir því við
EBE-nefndina í Briissel að Bretlandi
verði stefnt vegna einhliða takmark-
ana á veiðum sem þeir hafa sett og
bitnar síðan allharkalega m.a. á
Dönum.
Hægara pælt
en kýlt
eftir
Magneu Matthíasdóttur
Hægara pælt en kýlt gerist annars vegar í
heimi ævintýranna, hins vegar í heimi
eiturlyfjanna. í ævintýraheiminum er háö
barátta upp á líf og dauöa, í heimi
eiturlyfjanna viröist ríkja ró sálarlífsins, en
varla nema á yfirborðinu — því að óttinn
er einnig áhrifamikill þar. Þessir tveir
heimar snertást alla söguna í gegn, renna
jafnvel að einhverju leyti saman.
Hvar fáum viö — venjulegir lesendur —
fest hendur? Alls staöar, því aö viö
komumst aö því aö hér er engu öðru lýst
en veruteikanum sjálfum.
Sagan er fyrsta skáldsaga kornungs
böfundar og þó ber hún öll merki þjálfunar
og reynslu bæöi aö því er snertir efnistök,
persónulýsingar og meöferö málsins. Er
ekki vafi á því aö hér eftir veröur beöiö
meö óþreyju eftir hverri nýrri bók frá
Magneu Matthíasdóttur.
Magnea sendi frá sér Ijóðabókina Kopar
árið 1976 og hefur ritaö barnasögur fyrir
útvarpiö.
Almenna bókafélagið
Austurstræti 16 — Símí 19707
Skemmuvegi 36, Kópavogi — Sími 73055.
f
Aðalstræti 4
Bankastræti 7